ស្ថានីយឧតុនិយមតម្លៃ ៧លានដុល្លារ គ្រោងសាងសង់នៅខេត្តកំពង់ធំ នៅឆ្នាំក្រោយ

• 24 ខែ​មីនា 2020
• Uncategorized @km
• 7 មើល

ស្ថានីយឧតុនិយមទីពីរ គ្រោងសាង់សង់នៅឆ្នាំ ២០២១ នៅខេត្តកំពង់ធំ ដើម្បីបង្កើនបច្ចេកវិទ្យា និងសមត្ថភាពបំពេញការងារព្យាករការប្រែប្រួលអាកាសធាតុ និងកម្រិតទឹកភ្លៀង ក្នុងប្រទេសកម្ពុជា នេះបើយោងតាមការប្រកាសថ្មីៗនេះ របស់ក្រសួងធនធានទឹក និងឧតុនិយម។

លោក ចាន់ យុត្ថា អ្នកនាំពាក្យក្រសួងធនធានទឹក និងឧតុនិយម ថ្លែងនៅក្នុងសន្និសីទព័ត៌មាន នៅអង្គភាពអ្នកនាំពាក្យរដ្ឋាភិបាល នៅថ្ងៃច័ន្ទនេះថា ស្ថានីយឧតុនិយម ឬហៅថាស្ថានីយរាដា នឹងត្រូវសាងសង ក្រោមកិច្ចសហប្រតិបត្តិការ រវាងរដ្ឋាភិបាលកម្ពុជា និងធនាគារអភិវឌ្ឍន៍អាស៊ី ADB ដែលមានតម្លៃប្រមាណ ៧លានដុល្លារ។

លោក ចាន់ យុត្ថា មិនបានបញ្ជាក់ ពីទីតាំង នៃការសាងសង់ស្ថានីយឧតុនិយម ក្នុងខេត្តកំពង់ធំនៅឡើយទេ។ ទោះយ៉ាងណាក្តី លោកបានបង្ហើបឱ្យដឹងថា គម្រោងសាងសង់ស្ថានីយឧតុនិយមទីពីរនេះ នឹងត្រូវចាប់ផ្តើមនៅឆ្នាំក្រោយ ដែលក្នុងគម្រោងនេះ រួមបញ្ជូលទាំងការបណ្តុះបណ្តាលមន្រ្តីជំនាញផ្នែកឧតុនិយម ជាមួយនឹងការបំពាក់ឧបករណ៍ទំនើបៗថែមទៀតផង។

បច្ចុប្បន្ន កម្ពុជា មានស្ថានីយឧតុនិយម ទីមួយ ឈ្មោះ ស្ថានីយឧតុនិយម “តេជោសែន” មានទីតាំងនៅជិតច្រមុះជ្រូកក្បាលថ្នល់ ក្នុងបរិវេណក្រសួងធនធានទឹក និងឧតុនិយម។ ស្ថានីយឧត្តុនិយមនេះ មានកំពស់ ៦០ម៉ែត្រ ដែលចំណាយអស់ថវិកាប្រមាណ ៧លានដុល្លារ ត្រូវបានសម្ភោធដាក់ឲ្យដំណើការ ក្នុងឆ្នាំ២០១២៕

• ថាមពល និងបរិស្ថាន
• គម្រោងអភិវឌ្ឍន៍
• Energy and Environment
• Projects Development
• គម្រោងអភិវឌ្ឍន៍
• ថាមពល និងបរិស្ថាន