ស្វែងរកម្ចាស់ពានរង្វាន់​ក្នុងកម្មវិធី PropertyGuru Cambodia Property Awards លើកទី៧-ឆ្នាំ២០២២

• Sommana Yan
• 18 ខែ​មិថុនា 2022
• ព័ត៌មានអចលនទ្រព្យ
• 59 មើល

ព្រឹត្តិការណ៍​ដ៏អស្ចារ្យមួយនេះ នឹង​ត្រូវ​ប្រារព្ធ​ធ្វើ​នៅ​សណ្ឋាគារ​សូ​ហ្វី​តែ​ល​ភ្នំពេញ​ភោគិ​ត្រា​។

• អ្នក​ជំនាញ​បាននិយាយ​ថា តម្រូវការក្នុងស្រុកគឺជាទំនាញមួយជួយ​ជំរុញ​ទីផ្សារ​អចលន​ទ្រព្យ​កម្ពុជាអោយស្រុះឡើងបានយ៉ាងឆាប់រហ័ស!
• ពិធីជប់លៀងនឹងប្រារព្ធឡើងនៅថ្ងៃទី 26 ខែសីហា ឆ្នាំ 2022 នៅសណ្ឋាគារសូហ្វីតែលភ្នំពេញ នឹងផ្សាយផ្ទាល់តាមរយៈ AsiaPropertyAwards.com និងបណ្តាញដៃគូ។
• សាធារណជនទូទៅអាចចាប់ផ្តើមធ្វើការចុះឈ្មោះចាប់ពីឥឡូវ រហូតដល់ថ្ងៃទី 8 ខែកក្កដា ឆ្នាំ 2022។

PropertyGuru Group (NYSE: PGRU) គឺជាក្រុមហ៊ុនបច្ចេកវិទ្យាអចលនទ្រព្យឈានមុខគេនៅអាស៊ីអាគ្នេយ៍ បានប្រកាសចូលរួមក្នុងកម្មវិធីពានរង្វាន់លើកទី៧នៅក្នុងប្រទេសកម្ពុជានេះផងដែរ។

អ្នករៀបចំកម្មវិធីពានរង្វាន់ PropertyGuru Cambodia Property Awards ប្រចាំឆ្នាំ២០២២ លើកទី 7 នៅតែមានសុទិដ្ឋិនិយមអំពីទស្សនវិស័យនៃការងើបឡើងវិញរបស់សេដ្ឋកិច្ច ខណៈដែលពួកគេកំពុងស្វែងរក អ្នកអភិវឌ្ឍន៍អចលនទ្រព្យដែលមានសមត្ថភាពខ្ពស់ និងមានផែនការគម្រោងដ៏ល្អអស្ចារ្យតំណាងប្រទេសជាតិ និងតំបន់។

កាលបរិច្ឆេទសំខាន់ៗសម្រាប់កម្មវិធីឆ្នាំ ២០២២ គឺ៖

ថ្ងៃទី ៨ ខែកក្កដា ឆ្នាំ ២០២២ – បិទការចុះឈ្មោះ

ថ្ងៃទី ២៥ ខែកក្កដា ដល់ថ្ងៃទី ៤ ខែសីហា ឆ្នាំ ២០២២ – ការត្រួតពិនិត្យទីតាំង

ថ្ងៃទី ៥ ខែសីហា ឆ្នាំ ២០២២ – ការវិនិច្ឆ័យចុងក្រោយ

ថ្ងៃទី ២៦ ខែសីហា ឆ្នាំ ២០២២ – ពិធីប្រគល់រង្វាន់ និងពិធីជប់លៀង Gala Dinner នៅរាជធានីភ្នំពេញ

ថ្ងៃទី ២ ខែធ្នូ ឆ្នាំ ២០២២ – ព្រឹត្តិការណ៍ Gala Final ប្រចាំតំបន់នៅទីក្រុងបាងកក ប្រទេសថៃ

ចូលបំពេញព័ត៍មាននៅទីនេះ៖ AsiaPropertyAwards.com/nominations

អ្នកប្រើប្រាស់ក្នុងស្រុកភាគច្រើនកំពុងតែជំរុញសកម្មភាពទីផ្សារអចលនទ្រព្យ ខណៈដែលអត្រានៃការចាក់វ៉ាក់សាំងមានការកើនឡើងនៅទូទាំងប្រទេស នេះបើយោងតាមអ្នកវិភាគឈានមុខគេនៅកម្ពុជា។

លោក សន សៀប អនុប្រធានប្រតិបត្តិនៃសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) និងជាប្រធានគណៈកម្មការវិនិច្ឆ័យឯករាជ្យនៃកម្មវិធី PropertyGuru Cambodia Property Awards មានប្រសាសន៍ថា៖ «ចាប់តាំងពីប្រទេសកម្ពុជាបានបើកដំណើរការឡើងវិញក្នុងខែវិច្ឆិកាឆ្នាំមុនមក សេដ្ឋកិច្ចរបស់ប្រទេសបាននិងកំពុងដំណើរការបន្តិចម្តងៗ។

ការប្រសើរឡើងវិញនេះ គឺដោយសារគោលនយោបាយរបស់រដ្ឋាភិបាលមានប្រសិទ្ធភាពលើការគ្រប់គ្រង Covid-19។ ដូចគ្នានេះដែរ វិស័យអចលនទ្រព្យក៏មានការរីកចម្រើនជាបណ្តើរៗ បើទោះបីជាវាមិនទាន់ឈានដល់កម្រិតស្តង់ដារមុន Covid ក៏ដោយ។

យោងតាមលោក ស៊ន បានឱ្យដឹងថា ផ្ទះជាច្រើនប្រភេទនៅលើទីផ្សារ បុរីឃើញមានការកើនឡើងលឿនបំផុតនៃតម្រូវការអ្នកស្រុក។ បុរីគឺជាទ្រព្យសកម្ម ហើយពេញនិយមសម្រាប់ប្រជាជនខ្មែរដែលចង់រស់នៅ មិនត្រឹមតែប៉ុណ្ណោះ ថែមទាំងអាចឱ្យពួកគេលក់ និងជួលដើម្បីរកប្រាក់ចំណេញថែមទៀតផង។

លោក សន​ សៀប បានបន្តថា៖ «ថ្មីៗនេះ អ្នកអភិវឌ្ឍន៍ភាគច្រើនបានផ្លាស់ប្តូរការវិនិយោគរបស់ពួកគេពីការអភិវឌ្ឍន៍ខុនដូទៅជាបុរីវិញ។ ហេតុផលគឺការផ្លាស់ប្តូរតម្រូវការពីអ្នកទិញបរទេសមកអ្នកទិញក្នុងស្រុកដែលឥឡូវនេះមានអំណាចទិញកាន់តែច្រើន។ ទីផ្សារឥឡូវនេះពឹងផ្អែកយ៉ាងខ្លាំងលើតម្រូវការក្នុងស្រុក។ ការ​ផ្លាស់ប្តូរ​គម្រោង​អភិវឌ្ឍន៍​ថ្មី​ដើម្បី​បំពេញ​តាម​ចំណង់​ចំណូល​ចិត្ត​របស់​អ្នក​ទិញ​ក្នុង​ស្រុក ដូច្នេះ​ជា​ការ​សម្រេច​ចិត្ត​ដ៏​ឈ្លាស​វៃ»។

ម៉្យាងវិញទៀត ខុនដូ សាកសមនឹងយុវជន វណ្ណៈការងារ ដែលចង់បញ្ចៀសការកកស្ទះចរាចរណ៍ នៃការធ្វើដំណើរជុំវិញទីក្រុងភ្នំពេញ។ លោក សន សៀប បានមានប្រសាសន៍ថា “ដើម្បីកំណត់គោលដៅប្រជាសាស្រ្តនេះ អ្នកអភិវឌ្ឍន៍មួយចំនួនកំពុងប្រើប្រាស់ការកាត់បន្ថយតម្លៃ និងលក្ខខណ្ឌទូទាត់ដែលអាចបត់បែនបាន ដើម្បីធ្វើឱ្យគម្រោងរបស់ពួកគេមានតម្លៃសមរម្យ និងចង់បាន”។

អ្នកអភិវឌ្ឍន៍ដែលមានសិទ្ធិអាចប្រកួតប្រជែង មានដូចជាប្រភេទអ្នកអភិវឌ្ឍន៍លំនៅដ្ឋានតាមតំបន់ឆ្នេរ ដោយត្រូវរាយបញ្ជីឈ្មោះខុនដូ អាផាតមិន ផ្ទះ និងវីឡាដែលថ្មីនិងល្អបំផុតនៅក្នុង ក្រុងព្រះសីហនុ និងកំពត។

កម្មវិធីប្រគល់ពានរង្វាន់ PropertyGuru Cambodia Property Awards លើកទី 7 នឹងប្រព្រឹត្តទៅដោយអនុលោមតាមវិធានការសុខាភិបាល និងសុវត្ថិភាព រួមមានការត្រួតពិនិត្យកាតវ៉ាក់សាំង ការស្កែន QR អេក្រង់សីតុណ្ហភាព ការចូលរួមរក្សារអនាម័យ ការរក្សាគម្លាតសុវត្ថិភាព និងការសម្លាប់មេរោគជាប្រចាំ។ ព្រឹត្តិការណ៍នេះនឹងត្រូវបានផ្សាយបន្តផ្ទាល់ក្នុងពេលដំណាលគ្នានៅលើ AsiaPropertyAwards.com/tv-podcast និងបណ្តាញផ្លូវការនៅលើ Facebook, LinkedIn និង YouTube ។

អ្នកទទួលពានរង្វាន់ PropertyGuru Cambodia Property Awards លើកទី ៧ នឹងមានសិទ្ធិប្រកួតប្រជែងដណ្តើមពានរង្វាន់ “ល្អបំផុតនៅអាស៊ី” ក្នុងកម្មវិធី PropertyGuru Asia Property Awards Grand Final លើកទី ១៧ដែលនឹងរៀបចំនៅទីក្រុងបាងកក ប្រទេសថៃ នៅថ្ងៃទី ៩ ខែធ្នូ។

ជ័យលាភីបន្ទាប់នឹងដើរតាមគន្លងជោគជ័យរបស់ Urbanland ដែលធ្លាប់បានឈ្នះពានរង្វាន់អ្នកអភិវឌ្ឍន៍ល្អបំផុតកាលពីឆ្នាំមុននៅឯកម្មវិធី PropertyGuru Cambodia Property Awards លើកទី ៦ ។ ក្រុមហ៊ុនបានបន្តធ្វើជាតំណាងប្រទេសកម្ពុជាជាបួនប្រភេទនៅក្នុងកម្មវិធី PropertyGuru Asia Property Awards Grand Final លើកទី ១៦ ។

លោក Sithen Kem នាយកផ្នែកលក់នៃ Urbanland មានប្រសាសន៍ថា “យើងមានកិត្តិយសណាស់ដែលបានឈ្នះពានរង្វាន់ចំនួន ៧ សម្រាប់ការអភិវឌ្ឍន៍ផ្ទះដំបូងគេរបស់យើងគឺ Chankiri Palm Creek រួមទាំងអ្នកអភិវឌ្ឍន៍ល្អបំផុតពី PropertyGuru Asia Property Awards ។ ចក្ខុវិស័យរបស់យើងគឺផ្លាស់ប្តូររបៀបរស់នៅរបស់មនុស្ស នៅក្នុងប្រទេសកម្ពុជា កន្លែងមួយ សហគមន៍មួយក្នុងពេលតែមួយ ហើយយើងមានការប្តេជ្ញាចិត្ត និងលើកទឹកចិត្តក្នុងការបន្តលើកកម្ពស់នូវគុណភាព ពិសេសភាពធន់ និងសកម្មនៅក្នុងការអភិវឌ្ឍន៍របស់យើង។

• កិច្ចទំនាក់ទំនង និង ព្រឹត្តិការណ៍