អគារ​ខ្ពស់​ជាង​គេ​របស់​ទីក្រុង​បាងកក​ត្រូវបាន​សាងសង់​រួចរាល់​

• Proeksa Meas
• 30 ខែ​កញ្ញា 2016
• ព័ត៌មានអចលនទ្រព្យ
• 244 មើល

​អ្នក​ស្នាក់នៅ​នឹង​ចាប់ផ្តើម​ប្តូរ​ទៅ​រស់នៅ​ក្នុង​អគារ Mahanakhon Tower ដែល​មាន​កំពស់ ៧៧​ជាន់ ដែល​បញ្ចប់​ការសាងសង់​រួចរាល់ និង​ដែល​ជា​អគារ​ខ្ពស់​ជាងគេ​នៅ​ទីក្រុង​បាងកក​ក្នុងពេល​ឆាប់ៗ​នេះ​។

​ការអភិវឌ្ឍ​អចលនទ្រព្យ​នេះ​នឹង​រួម​មាន​បន្ទប់​ស្នាក់នៅ Ritz Carlton ចំនួន ២០៩ បន្ទប់ សណ្ឋាគារ​លំដាប់​ផ្កាយ​ប្រាំ Edition Hotel របស់​ក្រុមហ៊ុន Marriott International ហាង​លក់ទំនិញ និង​ភោជនីយដ្ឋាន​ជាច្រើន​។

អគារ Mahanakhon Tower របស់​ក្រុមហ៊ុន Pace Development បាន​កំណត់​នូវ​ស្តង់ដារ​ថ្មី​ក្នុង​កម្រិត​ប្រណិត​បំផុត​នៅ​ទីក្រុង​បាងកក និង​ត្រូវ​បាន​រចនា​ឡើង​ដើម្បី​ទាក់ទាញ​ជនបរទេស​ដែល​ស្ថិត​ក្នុង​កម្រិត​អ្នក​មាន​ខ្លាំង និង​ត្រូវការ​អ្វី​ដែល​មាន​ភាព​ប្រណិត និង​ឆើតឆាយ​បំផុត​។

នាយក​ប្រតិបត្តិ​ក្រុមហ៊ុន Pace Development លោក Sorapoj Techakraisri បាន​ប្រាប់​ទៅកាន់ Forbes Asia “វា​ស្ទើរតែ​ដូចជា​ទីផ្សារ​ថ្មី​មួយ​ដែល​ទើប​មាន​វត្តមាន​” ហើយ​បន្ត​ថា “ក្រុម​អ្នក​មាន​មាន​លុយ​ច្រើន​ដើម្បី​ចំណាយ ហើយ​ពួកគេ​ហ៊ាន​នឹង​ចំណាយ ដែល​នោះ​ជា​អ្វី​យើង​មើលឃើញ​។​”