អចលនទ្រព្យជួយជំរុញកំណើនសេដ្ឋកិច្ចរបស់មីយ៉ាន់ម៉ា

• Proeksa Meas
• 27 ខែ​សីហា 2016
• ព័ត៌មានអចលនទ្រព្យ
• 86 មើល

វិស័យ​អចលនទ្រព្យ​របស់​ប្រទេស​មី​យ៉ាន់​ម៉ា គឺជា​បេះដូង​នៃ​កំណើន​សេដ្ឋកិច្ច​ឆ្នាំ ២០១៦ និង​ត្រូវបាន​ព្យាករណ៍​ថា​មាន​ល្បឿន​លឿន​បំផុត​នៅក្នុង​តំបន់​អាស៊ី​ប៉ាស៊ីហ្វិក​។​

​ធនាគារ​អភិវឌ្ឍន៍អាស៊ី រំពឹងថា សេដ្ឋកិច្ច​របស់​ប្រទេស​មី​យ៉ាន់​ម៉ា​នឹង​កើនឡើង ៨.៤ ភាគរយ​នៅ​ឆ្នាំ ២០១៦ ដោយសារ​តែ​ការរួមបញ្ចូល​គ្នា​នៃ​កំណែទម្រង់​នយោបាយ និង​ការបន្ធូរបន្ថយ​នៃ​ការដាក់ទណ្ឌកម្ម​ពី​អន្ដរជាតិ ដែល​បាន​មើល​ឃើញ​តាមរយៈ​ការហូរចូល​នៃ​ផលប្រយោជន៍ និង​ការវិនិយោគ​បរទេស​មក​ក្នុង​ប្រទេស​នេះ​។​

​នាយក​ផ្នែក​វិនិយោគ និង​រដ្ឋបាល​ក្រុមហ៊ុន បានបង្ហាញ​ថា វិនិយោគ​ផ្ទាល់​ពី​បរទេស​បាន​កើនឡើង​ដល់ ៩.៤ ពាន់​លាន​អាមេរិក កាលពី​ឆ្នាំមុន នេះ​បើ​យោងតាម The Nation ដែល​ក្នុងនោះ​ទឹកប្រាក់​ជាង ៣ ពាន់​លាន​ដុល្លារ​អាមេរិក​ហូរ​ចូលទៅ​ក្នុង​វិស័យ​អចលនទ្រព្យ​។​ ​ទោះជា​យ៉ាងណា ធនាគារ​អភិវឌ្ឍន៍អាស៊ី​បាន​ទទួលស្គាល់ថា សេដ្ឋកិច្ច​របស់​ប្រទេស​នេះ “​មាន​មូលដ្ឋាន​ចង្អៀត​” ដោយ​កំណើន​នៅ​ពឹងផ្អែក​លើ​ការនាំចេញ​ធនធានធម្មជាតិ សំណង់ និង​ទេសចរណ៍។