អ្នកគ្រប់គ្រងការងារសំណង់បានប្រកាសពីគម្រោងសាងសង់អាគារភ្លោះ

• Me Wathana
• 10 ខែ​កក្កដា 2016
• ព័ត៌មានសំណង់
• 288 មើល

ក្រុមហ៊ុន Hsin Chong Construction Group Ltd. ដែលមានមូលដ្ឋាននៅទីក្រុងហុងកុង ត្រូវបានជ្រើសរើសឲ្យធ្វើជាអ្នកគ្រប់គ្រងការងារសាងសង់សម្រាប់គម្រោងអាគារភ្លោះមជ្ឈមណ្ឌលពាណិជ្ជកម្មពិភពលោក ថៃ ប៊ុនរុង។

យោងតាមគេហទំព័ររបស់ក្រុមហ៊ុននេះ ក្រុមហ៊ុននឹងទទួលខុសត្រូវក្នុងការងារសម្របសម្រួល ដឹកនាំការងារសាងសង់ គ្រប់គ្រងកម្មវិធីសាងសង់ ផ្តល់ដំបូន្មានខាងពាណិជ្ជកម្ម តាមដានត្រួតពិនិត្យ និងគ្រប់គ្រងបញ្ហាសុវត្ថិភាព និងគុណភាព គ្រប់គ្រងការដ្ឋាន និងសម្ភារសាងសង់ ព្រមទាំងសម្របសម្រួលការងារជាមួយអ្នកពិគ្រោះយោបល់ និងអាជ្ញាធរមូលដ្ឋាន។

ទោះយ៉ាងណានៅមិនទាន់មានការចុះអនុស្សរណៈយោគយល់ ឬការប្រកាសជាផ្លូវការនៅឡើយទេ នៅក្នុងផ្សារភាគហ៊ុនហុងកុង ដែលត្រូវបានគេមើលឃើញថាមានការធ្លាក់ចុះតម្លៃភាគហ៊ុនគួរឲ្យកត់សម្គាល់ក្នុងពេលថ្មីៗនេះ។ គម្រោងការសាងសង់អាគារយ៉ាងធំដែលមាន ១៣៣ជាន់ និងត្រូវចំណាយទឹកប្រាក់ ៣ ពាន់លានដុល្លារនេះ ត្រូវបានរំពឹងថានឹងចាប់ផ្តើមនៅឆ្នាំនេះ ហើយបញ្ចប់នៅឆ្នាំ ២០១៩។