ឥណទានលើវិស័យអចលនទ្រព្យមានចំនួនអ្នកខ្ចីច្រើនជាងគេ

• Proeksa Meas
• 3 ខែ​មីនា 2018
• ព័ត៌មានអចលនទ្រព្យ
• 233 មើល

ធនាគារជាតិនៃកម្ពុជា (NBC) បានរាយការណ៍កាលពីខែកុម្ភៈថា ក្នុងឆ្នាំ២០១៧ វិស័យសំណង់និងអចលនទ្រព្យរបស់កម្ពុជាបានស្រូបយកប្រាក់កម្ចីធនាគារចំនួន ៣.៩១ប៊ីលានដុល្លារ។

វិស័យទាំងពីរនេះតំណាងឲ្យ ២៤.២៨%នៃផលបត្រកម្ចីធនាគារសរុបកាលពីឆ្នាំមុន ដែលមានចំនួន ១៦.១០ប៊ីលានដុល្លារ កើនឡើង ១៦.៨%ពីឆ្នាំ២០១៦។

ប្រាក់កម្ចីដល់អ្នកអភិវឌ្ឍន៍មានចំនួនសរុប ១.៥២ប៊ីលានដុល្លារ ចំណែកកម្ចីផ្ទាល់ខ្លួនសម្រាប់អ្នកទិញផ្ទះមានចំនួន១.៤៨ប៊ីលានដុល្លារ។ ប្រាក់កម្ចីសម្រាប់អ្នកជួញដូរអចលនទ្រព្យមានចំនួនសរុប ៩១៧លានដុល្លារ។ វិស័យសំណង់មានកំណើនឥណទានខ្លាំងក្នុងកម្រិត៣៥% នៅឆ្នាំ២០១៧។

ទីភ្នាក់ងារសារព័ត៌មានរដ្ឋ AKP បានរាយការណ៍ថា យោងតាមសារព័ត៌មាន NBC ក្នុងវិស័យសំណង់ លំហូរវិនិយោគ កំណើនតម្រូវការ និងជាពិសេសកំណើនប្រជាជនដែលមានប្រាក់ចំណូលកម្រិតមធ្យម បានរួមចំណែកដល់ការរីកចម្រើននៃវិស័យនេះ ហើយវិស័យនេះនឹងបន្តរីកចម្រើននៅឆ្នាំ២០១៨ ប៉ុន្តែក្នុងល្បឿនយឺតជាងមុន។