សម្ដេច ហ៊ុន សែន ពន្យារពេលពិធីបើកការដ្ឋានសាងសង់ផ្លូវ៣៨ខ្សែនៅសៀមរាប

• 5 ខែ​វិច្ឆិកា 2020
• Uncategorized
• 9 មើល

ការសាងសង់ផ្លូវ៣៨ខ្សែ នៅក្រុងសៀមរាប ដែលគ្រោងបើកការដ្ឋាននៅពាក់កណ្តាលខែវិច្ឆិកានេះ នឹងត្រូវលើកពេលទៅបើកការដ្ឋាននៅពេលក្រោយ ដែលរដ្ឋនឹងប្រកាសជាផ្លូវការម្ដងទៀតនូវកាលបរិច្ឆេទច្បាស់លាស់

ការពន្យារនេះ គឺដោយសារតែសម្តេច ហ៊ុន សែន នាយករដ្ឋមន្រ្តីនៃកម្ពុជា ធ្វើចត្តាលីស័ក រយៈពេល១៤ថ្ងៃ ក្រោយសម្តេច និងមន្ត្រីជាន់ខ្ពស់ជាច្រើនរួមទៀតបានជួបជាមួយនឹងរដ្ឋមន្រ្តីការបរទេសរបស់ប្រទេសហុងគ្រី ហើយរដ្ឋមន្រ្តីការបរទេសរូបនោះមានជំងឺកូវីដ។

ទោះសម្តេច ធ្វើតេស្តអវិជ្ជមានកាលពីម្សិលមិញក៏ដោយ តែការពន្យារពេលបើកដ្ឋានសាងសង់គឺដើម្បីសុវត្ថិភាពសាធារណៈ។

សម្តេចតេជោ ហ៊ុន សែន សរសេរនៅលើហ្វេសប៊ុកផេក ថា៖ “សូមលើកពេលថ្ងៃបើកការដ្ឋានសាងសង់ផ្លូវ៣៨ខ្សែនៅខេត្តសៀមរាប ដែលគ្រោងធ្វើនៅថ្ងៃ ១៦វិច្ឆិកា២០២០ ទៅពេលក្រោយវិញ”។

នៅមុនការប្រកាសពន្យារ ការបើកការដ្ឋានគម្រោងសាងសង់ផ្លូវ ៣៨ខ្សែនៅក្រុងសៀមរាប គ្រោងធ្វើឡើងនៅថ្ងៃទី ១៦ វិច្ឆិកា ខាងមុខនេះ នៅក្រោមអធិបតីភាពសម្តេចនាយករដ្ឋមន្រ្តី ហ៊ុន សែន បន្ទាប់ពីអន្តរក្រសួងបានសិក្សា ពិនិត្យ និងកំណត់ទីតាំងសម្រាប់ការសាងសង់ចប់រួចរាល់ហើយ។ (អានបន្ថែម)

គួរបញ្ជាក់ផងដែរថា ផ្លូវក្រុងទាំង ៣៨ខ្សែនេះ មានប្រវែងសរុបប្រមាណជាង ៩៨គម ហើយនឹងត្រូវចំណាយថវិកាប្រមាណ ១៥០លានដុល្លារអាមេរិក ដែលសម្ដេចនាយករដ្ឋមន្ត្រី ហ៊ុន សែន ទើបតែអនុម័តកញ្ចប់ថវិកាកាលពីថ្ងៃទី ៤ កញ្ញា។ (អានបន្ថែម)

• គម្រោងអភិវឌ្ឍន៍
• ផ្លូវ និងហេដ្ឋារចនាសម្ព័ន្ធ
• Road and Infrastructure
• Projects Development
• គម្រោងអភិវឌ្ឍន៍