មន្ទីរពិសោធន៍ក្រសួងសាធារណការ នឹងបញ្ចប់ការសាងសង់ខែមីនា ឆ្នាំ២០២២

• 29 ខែ​ធ្នូ 2021
• Uncategorized
• 5 មើល

អគារមន្ទីរពិសោធន៍ នៃវិទ្យាស្ថានតេជោសែន សាធារណការ និងដឹកជញ្ជូន ក្រោមជំនួយរបស់កូរ៉េខាងត្បូង គ្រោងនឹងបញ្ចប់ការសាងសង់នៅចុងខែមីនា ឆ្នាំ២០២២ ខាងមុខនេះហើយ។

នេះបើយោងតាមជំនួបរវាងនាយកវិទ្យាស្ថាន ឯកឧត្តម ហឿន សំនៀង និងតំណាងម្ចាស់ជំនួយក្រុមហ៊ុន KICT របស់កូរ៉េលោក Song Jae Heon កាលថ្ងៃទី២៨ ខែធ្នូ ឆ្នាំ២០២១។

ក្នុងជំនួប ភាគីទាំង២ បានពិនិត្យរបាយការណ៍ដំណើរការសាងសង់ ផែនការប្រើប្រាស់អគារ ការប្រើប្រាស់ទីធ្លានៃអគារ កាលបរិច្ឆេទបិទការដ្ឋាន និងផែនការតម្តើងសម្ភារបច្ចេកទេសជាដើម។

ភាគីកូរ៉េ ក៏គ្រោងចុះមកពិនិត្យមន្ទីពិសោធន៍នេះ ចំនួន ២ដង ទៀត ពោលគឺ ទី១ នៅពេលតម្តើងសម្ភារបច្ចេកទេសដែលគ្រោងធ្វើឡើងក្រោយខែមេសា ឆ្នាំ២០២២ និងទី២ នៅពេលដាក់ឱ្យដំណើរការសាកល្បងគ្រប់សម្ភារ:ពិសោធន៍។

គួរបញ្ជាក់ថា មន្ទីរពិសោធន៍នេះ ជាផ្នែកមួយរបស់ជំនួយកូរ៉េខាងត្បូង លើគម្រោងនវានុវត្តន៍ប្រព័ន្ធសាងសង់ និងគ្រប់គ្រងផ្លូវថ្នល់ក្នុងប្រទេសកម្ពុជា ដែលមានទឹកប្រាក់សរុប ជាង ៣លានដុល្លារអាមេរិក និងរយៈពេលអនុវត្ត ៣ ឆ្នាំ។

អគារមន្ទីរពិសោធន៍នេះ មានប្រវែងសរុប ១៨×២៥ម៉ែត្រ កម្ពស់ ២ជាន់ ក្នុងនោះ រួមមានបន្ទប់ Asphalt Test Lab, បន្ទប់ Concrete Test Lab, បន្ទប់ Curing Room និង Storage Room ព្រមទាំងបន្ទប់ការិយាល័យ។ (អានបន្ថែម)

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍