គម្រោងពង្រីកផ្លូវជាតិលេខ៥ ទាំងបីដំណាត់សម្រេចបានប្រមាណ ៩០%, ២៣% និង ៣៦% ហើយ

• 16 ខែ​កុម្ភៈ 2021
• Uncategorized @km
• 3 មើល

ទោះបីជាមានការរីករាលត្បាតជំងឺកូវីដី១៩ក្តី គម្រោងស្ដារ និងស្ថាបនាផ្លូវជាតិលេខ៥ នៅតែបន្តដំណើរការដោយរលូនដូចការគ្រោងទុក ដោយជារួម សម្រេចបានប្រមាណ ៥០% ហើយ។

បើយោងតាមរបាយការណ៍របស់ក្រសួងសាធារណការ និងដឹកជញ្ជូន នៅថ្ងៃទី១៦ ខែកុម្ភៈ ឆ្នាំ២០២១ នេះ គម្រោងពង្រីកផ្លូវជាតិលេខ៥ សម្រេចបានដូចតទៅ៖

១/ ផ្នែកខាងជើង (បាត់ដំបង-សិរីសោភ័ណ) មានប្រវែងសរុបប្រមាណ ៨៤គ.ម សម្រេចបាន ៨៩,៧៥% ហើយគ្រោងបញ្ចប់ ខែកក្កដា ២០២១

២/ ផ្នែកកណ្តាល (ធ្លាម្អម-បាត់ដំបង) មានប្រវែងសរុបប្រមាណ ១៣៤គ.ម សម្រេចបាន ២៣,០២% ហើយគ្រោងបញ្ចប់ ខែមេសា ឆ្នាំ២០២២

៣/ ផ្នែកខាងត្បូង (ព្រែកក្តាម-ធ្លាម្អម) មានប្រវែងសរុបប្រមាណ ១៣៥គ.ម សម្រេចបាន៣៥,៦២% ហើយ ដោយគម្រោងបញ្ចប់នៅ ខែសីហា ឆ្នាំ២០២២

លើសពីនេះ ក្រសួងក៏កំពុងជ្រើសរើសក្រុមហ៊ុនម៉ៅការសាងសង់ សម្រាប់កំណាត់ពីសិរីសោភ័ណ ទៅ ប៉ោយប៉ែត ដែលប្រវែងប្រមាណ ៣៤គ.ម ផងដែរ។

គួរបញ្ជាក់ផងដែរថា គម្រោងខាងលើនេះជា ការពង្រីកកំណាត់ផ្លូវជាតិមានស្រាប់នេះ ចាប់ពី ២ គន្លងទៅ ៤ គន្លង មានទទឹង ២៣ ម៉ែត្រ ជាប្រភេទផ្លូវបេតុងកៅស៊ូអាស្វាល់ (AC) និងមានសួនច្បារចំកណ្តាលដែលត្រូវចំណាយទឹកប្រាក់ប្រមាណ ៥00 លានដុល្លារអាមេរិក ក្រោមកម្ចីឥណទានពីរដ្ឋាភិបាលជប៉ុន។ (អានបន្ថែម)

• គម្រោងអភិវឌ្ឍន៍
• ផ្លូវ និងហេដ្ឋារចនាសម្ព័ន្ធ
• Road and Infrastructure
• Projects Development
• គម្រោងអភិវឌ្ឍន៍