គម្រោងសង់មន្ទីពេទ្យអន្តរជាតិធំៗ២ តម្លៃ ៤១លានដុល្លារ ទទួលបានភ្លើងខៀវពីរដ្ឋហើយ

• 4 ខែ​តុលា 2022
• Uncategorized
• 10 មើល

ថ្មីៗនេះក្រុមប្រឹក្សាអភិវឌ្ឍន៍កម្ពុជា(CDC)បានសម្រេចអនុម័តឱ្យក្រុមហ៊ុនឯកជនសង់មន្ទីពេទ្យធំៗពីរ តម្លៃ ៤១លានដុល្លារ ក្នុងរាជធានីភ្នំពេញ។ នេះបើយោងតាមការចុះផ្សាយរបស់ CDC កាលពីថ្ងៃទី៣០ កញ្ញា កន្លងទៅនេះ។

ទីមួយគឺជាគម្រោងសាងសង់មន្ទីរពេទ្យអន្តរជាតិមានចំនួន ១១៧គ្រែ ដែលគ្រោងនឹងបោះទុនវិនិយោគចំនួន ២១លានដុល្លារអាមេរិក។ មន្ទីពេទ្យមួយនេះ មានទីតាំងស្ថិតនៅផ្លូវដួងងៀប២ ភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ

និង វិនិយោគដោយក្រុមហ៊ុន ORIENDA INTERNATIONAL HOSPITAL CO., LTD។

ទីពីរគឺជាគម្រោងសាងសង់មន្ទីរពេទ្យបេះដូងនិងសរសៃឈាម ចំនួន ៣០០គ្រែ ដែលគ្រោងនឹងបោះទុនវិនិយោគចំនួន ២០លានដុល្លារអាមេរិក។ មានទីតាំងវិនិយោគស្ថិតនៅផ្លូវលេខ ១៩៣៤ ភូមិឧកញ៉ាវាំង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ និងវិនិយោគដោយក្រុមហ៊ុន NEW WORLD HEART & VASCULAR HOSPITAL CO., LTD។

គួររម្លឹកដែរថា គម្រោងធំៗទាំងពីរខាងលើនឹងអាចបង្កើតការងារបានរហូតដល់ ៥២៦កន្លែងជូនពលរដ្ឋ។

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍