រដ្ឋសម្រេចបង្កើតភូមិថ្មីចំនួន ១៥ទៀត នៅក្នុងខេត្តពោធិ៍សាត់

• 5 ខែ​មករា 2023
• Uncategorized @km
• 8 មើល

ក្រសួងមហាផ្ទៃ បានសម្រេចបង្កើតភូមិថ្មីចំនួន ១៥ ស្ថិតក្នុងក្រុង ស្រុកមួយចំនួនទៀតនៅខេត្តពោធិ៍សាត់។ នេះបើតាមប្រកាសលេខ ៧៤០៦ ប្រក ចុះថ្ងៃទី២៩ ខែធ្នូ ឆ្នាំ២០២២។

ភូមិទាំង ១៥នេះ រួមមាន៖

• ភូមិបរវង្ស ស្ថិតក្នុងសង្កាត់ចំរើនផល, ភូមិផ្ទះព្រៃ ភូមិសំពៅមាស ភូមិចំការចេក ស្ថិតក្នុងសង្កាត់ផ្ទះព្រៃ, ភូមិថ្មីបីដុំ ភូមិអូរត្រាវ ភូមិឈើទាលរូង ស្ថិតក្នុងសង្កាត់រលាប។ ភូមិទាំងនេះ ស្ថិតក្នុងក្រុងពោធិ៍សាត់
• ភូមិតាម៉ៅ និងភូមិប្រឡាយធំ ស្ថិតក្នុងឃុំកញ្ជរ, ភូមិព្រាល ស្ថិតក្នុងឃុំស្វាយដូនកែវ នៃស្រុកកណ្តៀង
• ភូមិស្រគំ ស្ថិតក្នុងឃុំក្បាលត្រាច, ភូមិក្រាំងខឿន ស្ថិតក្នុងឃុំឈើតុំ នៃស្រុកក្រគរ
• ភូមិរគោ ស្ថិតក្នុងឃុំសំរោង, ភូមិអូរ និងភូមិព្រៃអណ្តូង ស្ថិតក្នុងឃុំព្រងិល នៃស្រុកភ្នំក្រវ៉ាញ។

គួររម្លឹកផងដែរថា ថ្មីៗនេះ រាជរដ្ឋាភិបាលកម្ពុជា ក៏បានសម្រេចបង្កើតក្រុង និងស្រុកចំនួន ០៥ ក្នុងខេត្តកណ្តាល ខេត្តកំពង់ស្ពឺ និងខេត្តក្រចេះ ផងដែរ។ (អានបន្ថែម)

• Laws and Regulation