Bentley បង្ហាញពីសក្ដានុពលនៃបច្ចេកវិទ្យា Geospatial ដោយបង្កើតដំណើរកម្សាន្តនិម្មិត

12 ខែធ្នូ 2025
ព័ត៌មានអន្តរជាតិ
2 មើល

ក្រុមហ៊ុន Bentley Systems បង្ហាញពីសក្ដានុពលនៃបច្ចេកវិទ្យាភូមិសាស្ដ្រលំហ ឬ 3D Geospatial របស់ខ្លួន តាមរយៈការបង្កើតកម្មវិធីដំណើរកម្សាន្តបែបនិម្មិតមួយនៅទីក្រុងប៊ែរឡាំង ដែលអនុញ្ញាតិឱ្យអ្នកចូលប្រើប្រាស់កម្មវិធីនៅជុំវិញពិភពលោកអាចមានអារម្មណ៍ថាតាមទៅធ្វើដំណើរកម្សាន្តទីក្រុងប៊ែរឡាំងពិតៗដូច្នោះដែរ។

កម្មវិធីដំណើរកម្សាន្តបែបនិម្មិតនេះធ្វើឡើងដើម្បីអបអរព្រឹត្តិការណ៍កិច្ចប្រជុំកំពូល Bentley Tech Summit 2025 ដែលគ្រោងធ្វើឡើងនៅរដ្ឋធានីអាល្លឺម៉ង់ពីថ្ងៃទី 9 ដល់ថ្ងៃទី 11 ខែធ្នូ នេះ។

ដោយប្រើទិន្ន័យភូមិសាស្រ្តបែប 3D ក្រុមហ៊ុន Bentley Systems អាចបង្កើតរូបភាពបែបរស់រវើកនៃតំបន់ទេសចរណ៍នានា ដោយអ្នកទស្សនាអាចទទួលបានបានដូចទៅលេងទីតាំងជាក់ស្ដែងដូច្នោះដែរ។

ដំណើរកម្សាន្តនេះរួមមានទីតាំងសំខាន់ៗដ៏ល្បីរបស់ទីក្រុងប៊ែរឡាំងជាច្រើន ពិសេសតំបន់ដែលមានគម្រោងហេដ្ឋារចនាសម័ព្ធលេចធ្លោ។ ទីតាំងសំខាន់ៗនៃដំណើរកម្សាន្តនេះ មានដូចជា Siemensstadt Square, Brandenburg Gate, ប៉ម TV Tower នៃសម័យអាល្លឺម៉ង់ខាងកើត, Potsdamer Platz ដែលត្រូវបានកែច្នៃឡើងវិញ, និង Hauptbahnhof (ស្ថានីយ៍កណ្តាលប៊ែរឡាំង) ដែលមានដំបូលកញ្ចក់ជាដើម។

លើសពីនេះ តាមរយៈកម្មវិធីនេះ ក្រុមហ៊ុន Bentley បានគូសបញ្ជាក់ពីឥទ្ធិពលនៃបច្ចេកវិទ្យាទីក្រុងភ្លោះឌីជីថល ដែលកំពុងជួយរដ្ឋបាលទីក្រុងជាច្រើននៅលើពិភពលោក រៀបប្រព័ន្ធគ្រប់គ្រងទីក្រុង និងបណ្តាញដឹកជញ្ជូនបានយ៉ាងមានប្រសិទ្ធភាព។

ដំណើរកម្សាន្ត 3D នេះមានសម្រាប់សាធារណជន ហើយអាចចូលមើលបានតាមរយៈតំណភ្ជាប់នេះ។

https://ion.cesium.com/stories/viewer/?id=34888ec5-d6c2-429c-8cf5-e896773e8ee2#slide-id-367934

ទិដ្ឋភាពពីលើអាកាសនៃអគារ Reichstag ក្នុងទីក្រុងប៊ែរឡាំង ប្រទេសអាល្លឺម៉ង់។

*ទិដ្ឋភាពពីលើអាកាសនៃ Siegessäule (ជួរឈរជ័យជំនះ) នៃទីក្រុងប៊ែរឡាំង។*

ទិដ្ឋភាពលើលំហអាកាសនៃ Schloss Sanssouci និងសួនច្បារជុំវិញក្នុងទីក្រុង Potsdam ប្រទេសអាល្លឺម៉ង់ ដែលមានទីធ្លាឧទ្យាន ផ្លូវដើរ និងអគារជាប់គ្នាអាចមើលឃើញ ភ្ជាប់ជាមួយអត្ថបទព័ត៌មានបង្ហាញនៅខាងឆ្វេង។

គួរបញ្ជាក់ផងដែរថា កិច្ចប្រជុំកំពូលបច្ចេកវិទ្យា Bentley ឆ្នាំ 2025 ឬ Bentley Tech Submit 2025 រៀបចំឡើងដើម្បីចែករំលែងគន្លឹះ ចំណេះដឹង និងវិធីសាស្ដ្រអនុវត្តបច្ចេកវិទ្យាទំនើបនានាក្នុងជីវិតពិតឱ្យមានប្រសិទ្ធភាព។ បេះដូងសំខាន់នៃកម្មវិធីប្រជុំឆ្នាំនេះ គឺការបង្រៀនវិស្វករឱ្យចេះប្រើកម្មវិធីគ្រប់គ្រងសំណង់នានា នៅក្នុងជីវិតធ្វើការងារពិតៗ ដោយមានការលើកយកជាឧទាហរណ៍នៃគម្រោងដែលទទួលបានភាពជោគជ័យនានានៅជុំវិញពិភពលោកមកធ្វើជាករណីសិក្សា។ (អានបន្ថែម)

- Video Advertisement -