តើអារ៉ាប៊ីសាអូឌីតប្រើបច្ចេកវិទ្យាអ្វីខ្លះដើម្បីបង្កើតទីក្រុងឆ្លាតវៃ?

webmaster@construction-property.com
2 ខែមករា 2026
ព័ត៌មានអន្តរជាតិ
918 មើល

អាជ្ញាធរអភិវឌ្ឍន៍តំបន់ Al Madinah (MDA) បានដាក់ឱ្យដំណើរការដោយជោគជ័យនូវ វេទិកាទិន្នន័យទីក្រុង Manarah (MUDP) ដែលជាគំនិតផ្តួចផ្តើម “ឌីជីថលភ្លោះ” (Digital Twin) ដ៏ទំនើបបំផុត និងមានប្រសិទ្ធភាពបំផុត ក្នុងការគ្រប់គ្រងកំណើននៃពង្រីកទីក្រុងយ៉ាងរហ័ស និងការអភិរក្សបេតិកភណ្ឌអ៊ីស្លាមបុរាណ។

តាមរយៈការប្រើប្រាស់កញ្ចប់កម្មវិធីឯកទេសរបស់ Bentley Systems អាជ្ញាធរ MDA បានរៀបចំផែនទីលំហទីក្រុងទំហំ ៥៥ គីឡូម៉ែត្រការ៉េ និងបានបង្កើតមូលដ្ឋានគ្រឹះដ៏រឹងមាំសម្រាប់អនាគតនៃទីក្រុងនេះ បានយ៉ាងមានប្រសិទ្ធភាព។

ការធ្វើទំនើបកម្មទីក្រុង បានជួបប្រទះនូវឧបសគ្គផ្នែកដឹកជញ្ជូន និងបច្ចេកទេសយ៉ាងធ្ងន់ធ្ងរ។ ការស្ទង់មតិបែប ឬចុះទៅពិនិត្យការដ្ឋានបែបធម្មតា គឺយឺតយ៉ាវខ្លាំង និងមិនអាចឆ្លើយតបនឹងគោលដៅក្នុងការទទួលស្វាគមន៍អ្នកធ្វើធម្មយាត្រាចំនួន ៣០ លាននាក់ក្នុងមួយឆ្នាំនោះទេ។

ដើម្បីដោះស្រាយបញ្ហានេះ MDA បានបញ្ចូលឧបករណ៍គំរូជាក់ស្តែង (Reality Modeling) និងឧបករណ៍ភូមិសាស្ត្ររបស់ Bentley ទៅក្នុងលំហូរការងាររបស់ពួកគេ៖

ការប្រមូលទិន្នន័យរហ័ស (Rapid Data Capture)៖ ដោយប្រើប្រាស់ iTwin Capture ក្រុមការងារបានរៀបចំផែនទីលើផ្ទៃដី ៦.៦ គីឡូម៉ែត្រការ៉េ ក្នុងរយៈពេលត្រឹមតែ ១៦ ថ្ងៃប៉ុណ្ណោះ ដែលលឿនងជាងវិធីសាស្ត្រស្ទង់មតិបែបធម្មតាដល់ទៅ ៤៣%។
ការដំណើរការទិន្នន័យខ្នាតយក្ស (Massive Scale Processing): វេទិកានេះបានដំណើរការរូបភាពបែបប៉ាណូរ៉ាម៉ាជាង ១.០៤ លានសន្លឹក និងការស្កែនផ្លូវប្រវែង ៧,០០០ គីឡូម៉ែត្រ ដោយបានកត់ត្រាទុកនូវទិន្នន័យអគារចំនួន ៣០០,០០០ និងអាជីវកម្មចំនួន ១៨,៥០០។ នេះជួយឱ្យការងារគ្រប់យ៉ាងគ្រប់គ្រងបានដោយងាយ។
ការបង្ហាញរូបភាពបែបពិតឥតខ្ចោះ (Seamless Visualization): តាមរយៈការប្រើប្រាស់ Orbit 3DM និង Cesium អាជ្ញាធរ MDA បានបង្ហាញបណ្តុំទិន្នន័យទៅជាប្រព័ន្ធបណ្តាញ 3D ដែលរស់រវើកដូចពិត ដែលអនុញ្ញាតឱ្យមន្ទីររដ្ឋាភិបាលជាង ២០ អាចចូលប្រើប្រាស់ព័ត៌មានបានក្នុងតែមួយ។ តាមរយៈការបង្ហាញបែបដូចពិតនេះ គ្រប់ផ្នែកដែលពាក់ព័ន្ធគឺងាយយល់ មិនមែនតែវិស្វករនោះទេ។

វេទិកាដែលដំណើរការដោយ Bentley នេះ ធ្វើបានលើសពីការរក្សាទុកទិន្នន័យទៅទៀត ពោលគឺវាបម្រើជាឧបករណ៍ព្យាករណ៍សម្រាប់មន្ត្រីក្រុងផងដែរ។ គំរូឌីជីថលទាំងនេះអនុញ្ញាតឱ្យមានការធ្វើត្រាប់ ឬបង្កើតសេណារីយ៉ូឧទាហរណ៍នៃគ្រោះទឹកជំនន់ (ការបង្កើតគំរូសម្រាប់កម្រិតទឹកភ្លៀងដល់ទៅ ១១២ មីលីម៉ែត្រក្នុងមួយថ្ងៃ) និងបានដើរតួយ៉ាងសំខាន់ក្នុងការរៀបចំផែនការធ្វើចត្តាឡីស័កតាមតំបន់ក្នុងអំឡុងពេលមានជំងឺរាតត្បាត។

លើសពីនេះទៅទៀត វេទិកានេះបានអនុញ្ញាតឱ្យមាន “ការធ្វើទំនើបកម្មដោយមិនមានការរុះរើទីតាំងបុរាណ”។ តាមរយៈការសិក្សាតំបន់ប្រវត្តិសាស្ត្រចំនួន ១៤ ក្នុងទម្រង់ 3D កម្រិតច្បាស់ខ្ពស់ អ្នករៀបចំផែនការអាចធ្វើឱ្យហេដ្ឋារចនាសម្ព័ន្ធកាន់តែប្រសើរឡើង ខណៈពេលដែលកំពុងការពារអត្តសញ្ញាណវប្បធម៌នៃតំបន់ Aliyyah Farms និងទីតាំងសក្ការៈដទៃទៀត។

តាមរយៈការផ្លាស់ប្តូរឌីជីថលនេះ ទីក្រុង Al Madinah ឥឡូវនេះបានក្លាយជាគំរូសកលមួយដែលបង្ហាញពីរបៀបដែលបច្ចេកវិទ្យាអាចផ្តល់កិត្តិយសដល់អតីតកាល ខណៈពេលដែលកំពុងកសាងអនាគតទីក្រុងឆ្លាតវៃដែលមាននិរន្តរភាព។