Digital Twins និង IoT ជួយដោះស្រាយបញ្ហាក្នុងវិស័យរ៉ែ និងថាមពលបានយ៉ាងដូចម្ដេច?

• 8 ខែ​កុម្ភៈ 2026
• ព័ត៌មានសំណង់
• 11 មើល

យោងតាមរបាយការណ៍ឧស្សាហកម្មថ្មីមួយពី Bentley Systems បានឱ្យដឹងថា ៨៨% នៃស្ថាប័នរ៉ែនាពេលបច្ចុប្បន្ន បានទទួលស្គាល់ថាបច្ចេកវិទ្យា Digital Twins គឺជាបច្ចេកវិទ្យាដែលមានឥទ្ធិពលខ្លាំង ដោយក្នុងនោះជិត ៩០% កំពុងអនុវត្ត ឬកំពុងរៀបចំផែនការគម្រោងនេះរួចជាស្រេច។

អស់រយៈពេលជាច្រើនទសវត្សរ៍មកហើយ ទិន្នន័យរ៉ែត្រូវបានរក្សាទុកដាច់ដោយឡែកពីគ្នា ពោលគឺឯកសារនានា និងវិវឌ្ឍនាភាពការការដ្ឋា មិនត្រូវបានតភ្ជាប់គ្នាដោយរលូន។ បច្ចុប្បន្ននេះ ឧស្សាហកម្មនេះកំពុងងាកទៅរក “Evergreen Digital Twins” ដែលជាគំរូនិម្មិតនៃទីតាំងអណ្តូងរ៉ែ ដែលរួមបញ្ចូលទិន្នន័យ IoT តាមពេលវេលាជាក់ស្តែង (Real-time)។

ការផ្លាស់ប្តូរនេះគឺផ្ដោតលើប្រព័ន្ធត្រួតពិនិត្យស្វ័យប្រវត្តិ។ បច្ចុប្បន្ន ៧២% នៃទិន្នន័យត្រួតពិនិត្យស្ថានភាពត្រូវបានប្រមូលដោយស្វ័យប្រវត្តិ ហើយតួលេខនេះត្រូវបានរំពឹងថានឹងកើនឡើងដល់ ៨០% ក្នុងរយៈពេលពីរឆ្នាំខាងមុខ។ ក្រៅពីនេះ ៨២% នៃម្ចាស់អណ្តូងរ៉ែបានរាយការណ៍ថា ស្វ័យប្រវត្តិកម្មនេះបានកាត់បន្ថយចំណាយលើគម្រោងយ៉ាងច្រើនសន្ធឹកសន្ធាប់

ខណៈពេលដែលតម្រូវការសកលសម្រាប់រ៉ែសំខាន់ៗដូចជា លីចូម (Lithium) និងទង់ដែង កំពុងកើនឡើងយ៉ាងខ្លាំង ក្រុមហ៊ុនរ៉ែកំពុងប្រឈមមុខនឹងសម្ពាធក្នុងការបង្កើនសុវត្ថិភាព និងសម្រេចឱ្យបាននូវគោលដៅកាត់បន្ថយការភាយឧស្ម័នកាបូន។

Digital Twins បានជួយឱ្យវិស្វករផ្លាស់ប្តូរពីការថែទាំបែបអកម្ម (គឺជាវិធីសាស្ដ្រដែលចាំពេលមានបញ្ហាទើបដោះស្រាយជាក់ស្ដែង) ទៅជាការថែទាំបែបព្យាករណ៍ទុកជាមុន។ ការកម្មវិធី Digital Twin ក៏អាចជួយឱ្យវិស្វករមើលឃើញពីស្ថិរភាពជម្រាលសម្ពាធទឹកក្នុងដី និងការប្រែប្រួលបរិស្ថានភ្លាមៗនៅពេលវាប៉ះពាល់ដល់គម្រោងផងដែរ ដើម្បីជាការបង្ការបញ្ហា។

លើសពីគំរូធម្មតា Digital Twin ដើរតួជាមជ្ឈមណ្ឌលប្រតិបត្តិការ ដោយមានប្រព័ន្ធទិន្នន័យសេនស័រផ្ទាល់ ដែលជួយឱ្យមានការជូនដំណឹងដោយស្វ័យប្រវត្តិ នៅពេលណាដែលកម្រិតសុវត្ថិភាពទាប។

ឧទារហណ៍ កម្មវិធីនេះនេះត្រូវបានប្រើនៅអណ្តូងរ៉ែ Waihi ក្នុងប្រទេសនូវែលសេឡង់។ ម្ចាស់គម្រោ ធ្លាប់មានការលំបាកជាមួយទិន្នន័យដែលនៅរាយប៉ាយ។ តាមរយៈការប្រើប្រាស់បច្ចេកវិទ្យា 3D Digital Twin ផ្អែកលើប្រព័ន្ធ Cloud ដោយប្រើកម្មវិធី Bentley និង Seequent ម្ចាស់គម្រោងបានបង្រួបបង្រួមទិន្នន័យសេនស័ររបស់ខ្លួនជាមួយគំរូជាក់លាក់មួយ។

លទ្ធផលដែលទទួលបាន គឺការឆ្លើយតបទាន់នឹងបញ្ហាទាន់ពេលវេលា ការរៀបចំរបាយការណ៍ដែលមានតម្លាភាព និងការត្រួតពិនិត្យកាន់តែរហ័ស។