រដ្ឋអនុញ្ញាតឱ្យសង់រោងចក្រថ្មី៧ តម្លៃជិត៤១លានដុល្លារ នៅខេត្តកណ្តាល កំពង់ស្ពឺ និងភ្នំពេញ
គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា (CDC) សម្រេច ចុះបញ្ជីជូនដល់ក្រុមហ៊ុនចំនួ៧ ដើម្បីបង្កើតរោងចក្រថ្មីចំនួន៧ ក្រោមទុនវិនិយោគ ៤០,៨លានដុល្លារ ដែលនឹងបង្កើតការងារសរុបបាន ១១.១០៧កន្លែង សម្រាប់ពលរដ្ឋរស់នៅក្នុងខេត្តកណ្តាល កំពង់ស្ពឺ និងភ្នំពេញ។ នេះបើយោងតាមការចុះផ្សាយរបស់ CDC នៅថ្ងៃទី១១ តុលា ២០២៣។ ក្រុមហ៊ុនទាំង៧នោះរួមមានដូចខាងក្រោម៖ ១-“DISHANG RUIHUASHENG (CAMBODIA) GARMENTS CO., LTD.” គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិតាឡឹក ឃុំត្រពាំងវែង ស្រុកកណ្តាលស្ទឹង ខេត្តកណ្តាល ក្នុងទុនវិនិយោគប្រមាណ ៧,៥លានដុល្លារអាម៉េរិក និងអាចបង្កើតការងារបានចំនួន ១.៣៥៨កន្លែង។ ២-“EVERGREEN SPORTING GOODS (CAMBODIA) CO., LTD.” គម្រោងបង្កើតរោងចក្រផលិតកាបូបគ្រប់ប្រភេទ ដែលមានទីតាំងវិនិយោគស្ថិតនៅផ្លូវជាតិលេខ៤ ភូមិពងទឹក ឃុំដំណាក់អំពិល ស្រុកអង្គស្នួល ខេត្តកណ្តាល ក្នុងទុនវិនិយោគប្រមាណ ៧លានដុល្លារអាម៉េរិក និងអាចបង្កើតការងារបានចំនួន ២.១៦០កន្លែង។ ៣-“KJ APPAREL (CAMBODIA) CO., LTD.” គម្រោងបង្កើតរោងចក្រកាត់ដេរសម្លៀកបំពាក់ […]
អានបន្ថែម
៩ខែ កម្ពុជាទាក់ទាញវិនិយោគបានជិត ២០០គម្រោង តម្លៃជាង ៣,៧ពាន់លានដុល្លារ
ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងស្នើសុំពង្រីកផលិតកម្ម និងគម្រោងវិនិយោគថ្មីចំនួន ១៩១ គម្រោង ក្នុងរយៈពេល៩ខែឆ្នាំ២០២៣ កើនឡើងពី១៥០គម្រោង ដែលបានចុះបញ្ជីក្នុងរយៈពេលដូចគ្នាកាលពីឆ្នាំមុន។ គម្រោងស្នើសុំពង្រីកផលិតកម្ម និងគម្រោងវិនិយោគថ្មី មានទុនវិនិយោគសរុបប្រមាណ ៣ ៧៦៥ លានដុល្លារ កើនឡើងពី ៣.៤៥៩ លានដុល្លារ ក្នុងរយៈពេលដូចគ្នាកាលពីឆ្នាំមុន។ របាយការណ៍នេះបានបង្ហាញថា គម្រោងវិនិយោគស្ថិតនៅក្នុងតំបន់សេដ្ឋកិច្ចពិសេស មានចំនួន ៥០គម្រោង មានទុនវិនិយោគសរុប ៦៣៩លានដុល្លារ និងគម្រោងវិនិយោគស្ថិតនៅក្រៅតំបន់សេដ្ឋកិច្ចពិសេសចំនួន ១៤១គម្រោង មានទុនវិនិយោគសរុប ៣.១២៥ លានដុល្លារ។ ក្នុងខែកញ្ញា ឆ្នាំ២០២៣ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគថ្មី និងគម្រោងពង្រីកផលិតកម្មចំនួន ២៧គម្រោង ដែលមានទុនវិនិយោគសរុប ប្រមាណ ១,៦ពាន់លានដុល្លារ និងអាចបង្កើតការងារបានប្រមាណជាង ៣២ពាន់កន្លែង។ វិនិយោគប្រទេសចិន បានជាប់ចំណាត់ថ្នាក់លេខ១ ជាអ្នកវិនិយោគពីបរទេសធំជាងគេនៅកម្ពុជា ដែលរួមចំណែប្រមាណ ៧៦ភាគរយ នៃទុនវិនិយោគសរុប ក្នុងរយៈពេល៩ខែ។ វិនិយោគផ្សេងទៀត មានវិនិយោគក្នុងស្រុក ពីប្រទេសម៉ាឡេស៊ី សឹង្ហបុរី វៀតណាម កូរ៉េ ថៃ សហរដ្ឋអាមេរិក […]
អានបន្ថែម
សមាគមសាសនាគ្រឹស្ទនឹងជួយកម្ពុជាសង់អគារវះកាត់ព្យាបាលបេះដូង (PCI ) នៅសៀមរាប
សមាគមសាសនាចក្រនៃព្រះយេស៊ូគ្រឹស្ទ នៃពួកបរិសុទ្ធថ្ងៃចុងក្រោយ គ្រោងនឹងសាងសង់អគារវះកាត់ព្យាបាលបេះដូង (PCI ) នៅមន្ទីរពេទ្យបង្អែកខេត្តសៀមរាប។ នេះបើតាមជំនួបរវាងលោកស្រី យូ សុភា អភិបាលរងខេត្តសៀមរាប និងសមាគមនេះ កាលពីថ្ងៃទី១០ ខែតុលា ឆ្នាំ២០២៣។ សមាគមនេះ បានបង្ហាញអំពីគម្រោងសាងសង់អគារវះកាត់ព្យាបាលបេះដូង (PCI ) នៅមន្ទីរពេទ្យបង្អែកខេត្តសៀមរាប៖ សាងសង់អគារ ២ជាន់ បន្ថែមពីលើអគារមជ្ឈមណ្ឌលផ្តល់ឈាម ដែលមានគ្រឹះសម្រាប់សាងសង់ ៣ជាន់ ដោយមានបំពាក់បរិក្ខារទំនើបៗ សម្រាប់ការពិនិត្យសរសៃឈាមបេះដូង និងព្យាបាលសង្គ្រោះបន្ទាន់។ គម្រោងនេះ សមាគម កំពុងដាក់ស្នើសុំការអនុម័តពីប្រធានសមាគម ដែលបច្ចុប្បន្នគម្រោងបានទទួលការអនុម័តពីប្រធានតំបន់អាស៊ីរួចហើយ។ ក្រៅពីនេះ សមាគមសាសនាគ្រឹស្ទនេះ ក៏បានចូលរួមចំណែកក្នុងការសាងសង់អភិវឌ្ឍន៍ខេត្តសៀមរាបផងដែរ រួមមាន៖ ១. ការជួយជួសជុលដំបូល និងសាងសង់អគារសិក្សាសរុបចំនួន ១២គម្រោង ក្នុងនោះគម្រោងកំពុងដំណើរការចំនួន ៣គម្រោង រួមទាំងការជួសជុលបន្ទប់ទឹក លាបថ្នាំអគារសិក្សា ឡដុតសំរាម ផ្លូវដើរ ប៉មចម្រោះទឹកស្អាត និងការផ្គត់អាហាររូបត្ថម្ភដល់គ្រួសារក្រីក្រចំនួន ៥០០គ្រួសារ ក្នុងមួយខែ។ ២. អគារមន្ទីរពេទ្យសូទ្រនិគម៖ ជួយដោះស្រាយប្រព័ន្ធបង្ហូរទឹកចេញពីបរិវេណអគារមន្ទីរពេទ្យ និងការដោះស្រាយប្រឡាយបង្ហូរទឹកចេញពីសហគមន៍។ មិនតែប៉ុណ្ណោះ សមាគមក៏បានជួសជុលអគារមន្ទីរពេទ្យចាស់ៗសាងសង់អគារសង្គ្រោះបន្ទាន់ […]
អានបន្ថែម
ក្រសួង២រួមគ្នាបង្កើតមណ្ឌលបច្ចេកវិទ្យាតាមវិទ្យាល័យសាធារណៈ ដើម្បីជំរុញវិស័យឌីជីថលនៅកម្ពុជាឱ្យខ្លាំង
ក្រសួងប្រៃសណីយ៍ និងទូរគមនាគមន៍ និងក្រសួងអប់រំ យុវជន និងកីឡា បានចុះហត្ថលេខាលើអនុស្សរណៈនៃការយោគយល់គ្នា ស្តីពីការកសាងមជ្ឈមណ្ឌលបច្ចេកវិទ្យាសហគមន៍នៅតាមវិទ្យាល័យសាធារណៈ ដើម្បីអភិវឌ្ឍធនធានមនុស្សបច្ចេកវិទ្យាឌីជីថល។ ពិធីចុះហត្ថលេខានេះ ត្រូវបានធ្វើឡើងនៅថ្ងៃទី៩ ខែតុលា ឆ្នាំ២០២៣ នៅទីស្តីការក្រសួងប្រៃសណីយ៍និងទូរគមនាគមន៍ (ក.ប.ទ.)។ អនុស្សារណនេះ មានវត្ថុបំណងសំខាន់ៗចំនួន ០៣ដូចជា៖ (១) ការចូលរួមអនុវត្តយុទ្ធសាស្រ្តបញ្ចកោណ-ដំណាក់កាលទី១ របស់រាជរដ្ឋាភិបាល នីតិកាលទី៧ នៃរដ្ឋសភា ក្របខណ្ឌគោលនយោបាយសេដ្ឋកិច្ចនិងសង្គមឌីជីថលកម្ពុជា ២០២១-២០៣៥ និងគោលនយោបាយរដ្ឋាភិបាលឌីជីថលកម្ពុជា ២០២២-២០៣៥ (២) ការលើកកម្ពស់បរិវត្តកម្មវិស័យអប់រំ និងអក្ខរកម្មឌីជីថល និង (៣) ការគាំទ្រដល់ដំណើរការអភិវឌ្ឍមូលធនមនុស្សឌីជីថល។ ឯកឧត្តមរដ្ឋមន្រ្តី ជា វ៉ាន់ដេត រដ្ឋមន្ត្រី ក.ប.ទ បានមានប្រសាសន៍ថា ការរៀបចំប្រព័ន្ធបច្ចេកវិទ្យាឌីជីថល ការតភ្ជាប់អ៊ីនធើណែត និងការបង្កើត “មជ្ឈមណ្ឌលបច្ចេកវិទ្យាសហគមន៍” នៅតាមវិទ្យាល័យសាធារណៈ គឺជាកាតាលីករថ្មីដ៏មានសារៈសំខាន់ ប្រកបដោយសក្ដានុពល និងកាលានុវត្តភាព ក្នុងការជំរុញការអភិវឌ្ឍប្រព័ន្ធអេកូឡូស៊ីនៃការអប់រំបែបឌីជីថលឱ្យរឹងមាំ និងអំណោយផលដល់ការធ្វើបរិវត្តកម្មឌីជីថលលើគ្រប់វិស័យ។ ឯកឧត្តមរដ្ឋមន្ត្រី បានបញ្ជាក់បន្ថែមថា ពិធីចុះហត្ថលេខានេះ គឺពិតជាឆ្លុះបញ្ចាំងអំពីវឌ្ឍនភាពបន្ថែមថ្មីមួយទៀតរវាងក្រសួងទាំងពីរ ក្នុងការធ្វើបរិវត្តកម្មឌីជីថលបម្រើដល់ការអប់រំ ដើម្បីបន្តអភិវឌ្ឍធនធានមនុស្សបច្ចេកវិទ្យាឌីជីថល ក្នុងការកសាងសេដ្ឋកិច្ច […]
អានបន្ថែម
កម្ពុជានាំចូលដែកនិងដែកថែបមានតម្លៃសរុបជាង ២៨០លានដុល្លារ ក្នុងរយៈពេល៩ខែ
កម្ពុជាបាននាំចូលដែកសំណង់មានតម្លៃប្រមាណ២៨០លានដុល្លារ ក្នុងរយៈពេល៩ខែ ឆ្នាំ២០២៣ កើនឡើង ៣.២ភាគរយ ពីទឹកប្រាក់នាំចូលប្រមាណ២៧១លានដុល្លារ ក្នុងរយៈពេល៩ខែកាលពីឆ្នាំមុន។ របាយការណ៍អគ្គនាយកដ្ឋានគយ និងរដ្ឋាករចេញផ្សាយនៅថ្ងៃទី១០ ខែតុលា បង្ហាញថា ការនាំចូលដែក និងដែកថែប រួមចំណែកប្រមាណ១.៥ភាគរយនៃការនាំចូលសរុប ប្រមាណ ១៨.២១ ពាន់លានដុល្លារ ក្នុងរយៈពេលបីត្រីមាសនេះ។ សម្រាប់ខែកញ្ញា ទំហំទឹកប្រាក់នៃការនាំចូលដែក និងដែកថែប ធ្លាក់ចុះ ៣.២ភាគរយ ស្មើនឹងប្រមាណ២៧លានដុល្លារ។ ទន្ទឹមនិងនេះផងដែរ ធនាគារពិភពលោកកាលពីថ្មីៗនេះ បានព្យាករណ៍ពីកំណើនសេដ្ឋកិច្ចកម្ពុជារង្វង់ ៥.៥ ភាគរយនៅឆ្នាំ ២០២៣ និងកើនឡើង៦.១ភាគរយ នៅឆ្នាំក្រោយ។ (អានបន្ថែម) រីឯធនាគារអភិវឌ្ឍន៍អាស៊ី (ADB)វិញ កាលពីថ្ងៃទី២០ ខែកញ្ញា ឆ្នាំ២០២៣ បានទម្លាក់ការព្យាករណ៍របស់ខ្លួនអំពីកំណើនសេដ្ឋកិច្ចកម្ពុជាក្នុងឆ្នាំ២០២៣នេះ មានអត្រាទាបជាងកាលពីដើមឆ្នាំបន្តិច ដោយទម្លាក់ពី៥,៥% មកត្រឹម ៥.៣% ទៅវិញ។ (អានបន្ថែម) កំណើនសេដ្ឋកិច្ចរបស់កម្ពុជាត្រូវបានជំរុញដោយការនាំចេញសម្លៀកបំពាក់ ទេសចរណ៍ កសិកម្ម និងសំណង់ និងអចលនទ្រព្យ។
អានបន្ថែម
ខេត្តចំនួន ៣ ទទួលកាដូរោងចក្រធំៗ៣ ក្នុងឱកាសបុណ្យភ្ជុំបិណ្ឌឆ្នាំនេះ
គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា (CDC) សម្រេច ចុះបញ្ជីជូនដល់ក្រុមហ៊ុនចំនួ៣ ដើម្បីបង្កើតរោងចក្រធំៗចំនួន៣ ក្រោមទុនវិនិយោគ ១២,៨លានដុល្លារ ដែលនឹងបង្កើតការងារសរុបបាន ២.២៨៣កន្លែង សម្រាប់ពលរដ្ឋរស់នៅក្នុងខេត្តស្វាយរៀង បន្ទាយមានជ័យ និងព្រះសីហនុ។ នេះបើយោងតាមការចុះផ្សាយរបស់ CDC នៅថ្ងៃទី០៩ តុលា ២០២៣។ ក្រុមហ៊ុនទាំង៣នោះរួមមានដូចខាងក្រោម៖ ១- “JUHAI BAOSHUN (CAMBODIA) CO., LTD.” គម្រោងបង្កើតរោងចក្រផលិតស្រោមជើង ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ ខេត្តព្រះសីហនុ ក្នុងទុនវិនិយោគប្រមាណ ៥,២លានដុល្លារអាម៉េរិក និងអាចបង្កើតការងារបានចំនួន ៨០៤កន្លែង។ ២- “HOME TERRACE CO., LTD.” គម្រោងគបង្កើតរោងចក្រផលិតគ្រឿងសង្ហារិមក្រៅផ្ទះ (មានដូចជា តុ, កៅអី, តង់, អង្រឹង, រនាំងបាំង, រទះដាក់សម្ភារៈ, កៅអីបង់, ឆ័ត្រ…) ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ស្វាយរៀង ហ្គីហ្គា រីសស៍ ខេត្តស្វាយរៀង ក្នុងទុនវិនិយោគ ៥លានដុល្លារអាម៉េរិក និងអាចបង្កើតការងារបានចំនួន ៦៨៦ […]
អានបន្ថែម
Worldbank រក្សាការព្យាករណ៍សេដ្ឋកិច្ចកម្ពុជាឆ្នាំនេះនៅ៥.៥%ដដែល ប៉ុន្តែADB បែរជា…
ធនាគារពិភពលោកកាលពីថ្ងៃទី០២ តុលា ២០២៣ បានបង្ហាញការព្យាករណ៍របស់ខ្លួនអំពីកំណើនសេដ្ឋកិច្ចកម្ពុជាស្ថិតក្នុងរង្វង់ ៥.៥ភាគរយ នៅឆ្នាំ២០២៣នេះ និងកើនឡើង៦.១ភាគរយនៅឆ្នាំក្រោយ។ នេះបើយោងតាមរបាយការណ៍ East Asia and Pacific Economic Update ចេញផ្សាយនៅថ្ងៃទី០២ តុលា ២០២៣។ កំណើនសេដ្ឋកិច្ចរបស់កម្ពុជាត្រូវបានជំរុញដោយការនាំចេញសម្លៀកបំពាក់ ទេសចរណ៍ កសិកម្ម និងសំណង់ និងអចលនទ្រព្យ។ របាយការណ៍ដដែល លើកឡើងថា ឧស្សាហកម្មទេសចរណ៍ និងបដិសណ្ឋារកិច្ចទំនងជានឹងកើនឡើងបន្ថែមទៀត ជាមួយនឹងការកើនឡើងនៃការមកដល់របស់ភ្ញៀវអន្តរជាតិ ខណៈដែលការនាំចេញ និងលំហូរវិនិយោគផ្ទាល់ពីបរទេសត្រូវបានរំពឹងថានឹងត្រូវបានពង្រឹងដោយកិច្ចព្រមព្រៀងពាណិជ្ជកម្មសេរីថ្មី ។ ក្នុងឆ្នាំ២០២៤ សេដ្ឋកិច្ចកម្ពុជាត្រូវបានគេរំពឹងថានឹងមានភាពប្រសើរឡើងបន្ថែមទៀតដោយកើនឡើងក្នុងអត្រា ៦.១ ភាគរយ ខណៈដែលការនាំចេញទំនិញត្រូវបានគេព្យាករណ៍ថានឹងមានភាពប្រសើរឡើងនិងធ្វើពិពិធកម្មនៃការនាំចេញ ខណៈដែលលំហូរ FDI ទំនងជានឹងត្រូវបានជំរុញដោយច្បាប់ថ្មីស្តីពីការវិនិយោគ។ ធនាគារពិភពលោក លើកឡើងថា ក្នុងរយៈពេលមធ្យម សេដ្ឋកិច្ចកម្ពុជា ត្រូវបានរំពឹងថា នឹងមាននិន្នាការត្រឡប់ទៅសក្តានុពលវិញ ដោយកើនឡើង រង្វង់ ៧ភាគរយ ។ ដោយឡែក ធនាគារអភិវឌ្ឍន៍អាស៊ី (ADB)វិញ កាលពីថ្ងៃទី២០ ខែកញ្ញា ឆ្នាំ២០២៣ បែរជាទម្លាក់ការព្យាករណ៍របស់ខ្លួនអំពីកំណើនសេដ្ឋកិច្ចកម្ពុជាក្នុងឆ្នាំ២០២៣ […]
អានបន្ថែម
រដ្ឋចេញគោលនយោបាយ ១៥ចំណុច ដើម្បីរៀបចំដែនដី ទីក្រុង និងសំណង់នៅកម្ពុជាឱ្យកាន់តែប្រសើរអាណត្តិទី៧ថ្មីនេះ
ក្រសួងរៀបចំដែនដី នគរូបនីយកម្ម និងសំណង់ បានដាក់ចេញនូវគោលនយោបាយអាទិភាពសំខាន់ៗចំនួន ១៥ចំណុច ដើម្បីធ្វើឱ្យការរៀបចំដែនដី ទីក្រុង និងសំណង់ កាន់តែប្រសើរឡើង នៅក្នុងអាណត្តិទី៧ថ្មីនេះ។ ឯកឧត្តម សាយ សំអាល់ ឧបនាយករដ្ឋមន្រ្តី និងជារដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានដាក់ចេញគោលនយោបាយទាំងនេះ ក្នុងពិធីសំណេះសំណាលជាមួយថ្នាក់ដឹកនាំមន្រ្តីរាជការ នៃក្រសួងរៀបចំដែនដី នគរូបនីយកម្ម និងសំណង់ ដើម្បីបង្ហាញអំពីទិសដៅការងារជាអាទិភាពរបស់ក្រសួងរៀបចំដែនដី នគរូបនីយកម្ម និងសំណង់ កាលពីថ្ងៃទី២៩ ខែកញ្ញា ឆ្នាំ២០២៣។ គោលនយោបាយសំខាន់ៗទាំងនេះ រួមមាន៖ 1- ការងាររៀបចំគោលនយោបាយ ឱ្យកាន់តែមានភាពជាក់ស្តែង។ 2- ការងាររៀបចំក្របខ័ណ្ឌគតិយុត្ត ដោយពិនិត្យកែលម្អ បំពេញបន្ថែម និងធ្វើបច្ចុប្បន្នភាពឱ្យបានកាន់តែពេញលេញស្របតាមបរិបទថ្មី។ 3- ការកសាងស្ថាប័ន និងរដ្ឋបាលសាធារណៈទំនើប ដែលអនុញ្ញាតឱ្យប្រព័ន្ធការងារប្រចាំថ្ងៃមានដំណើរការដោយស្វ័យប្រវត្តិ និងប្រសិទ្ធភាព។ 4- ការលើកកម្ពស់សេវាសាធារណៈទំនើប និងការគ្រប់គ្រងទិន្នន័យ ដើម្បីផ្តល់សេវាលឿន រហ័ស តម្លាភាព ប្រសិទ្ធភាព ងាយស្រួល និងជឿទុកចិត្ត។ 5- ការងារចុះបញ្ជីដីធ្លី ដើម្បីបន្តផ្តល់ប័ណ្ណកម្មសិទ្ធិដល់ប្រជាជនឱ្យបានលឿន […]
អានបន្ថែម
រយៈពេល ៨ខែ ឆ្នាំ២០២៣ កំពង់ផែស្វយ័តភ្នំពេញរកចំណូលបានជាង ២៣លានដុល្លារ ថយចុះ៩%
រយៈពេល ៨ខែ ឆ្នាំ២០២៣ កំពង់ផែស្វយ័តភ្នំពេញរកចំណូលសរុបបាន ២៣.៤៣១.២១០ដុល្លារ មានការធ្លាក់ចុះ ៩ភាគរយ បើធៀបនឹងរយៈពេលដូចគ្នានឹងឆ្នាំមុន។ ។ បើតាមសេចក្តីប្រកាសព័ត៌មានរបស់កំពង់ផែស្វយ័តភ្នំពេញ ដែលបានចុះផ្យាយនៅថ្ងៃទី១៣ ខែកញ្ញា ឆ្នាំ២០២៣។ តាមរបាយការណ៍បានបង្ហាញថា ចំណូលសរុបរបស់កំពង់ផែស្វយ័តភ្នំពេញបានមកពីការបូកបញ្ចូលនូវចំណូលសំខាន់ៗបីរួមមាន៖ ចំណូលពីប្រតិបត្តិការផែ (Port Operation) មានចំនួន ១៩.៧៧៩.៣០៧ដុល្លារ (ធ្លាក់ចុះ ១២%), ចំណូលពីអាជ្ញាធរផែ (Port Authority) មានចំនួន ៣.១២២.៤៨៥ដុល្លារ (កើន ១០%), និងចំណូលពីសេវាកម្មផ្សេងៗ (Other Services) មានចំនួន ៥២៩.៤១៨ ដុល្លារ (កើន ១៦៥%) ។ គួរបញ្ចាក់ថា ចំណូលសរុបទាំងបីខាងលើនេះ នៅមិនទាន់ធ្វើសវនកម្មនៅឡើយទេ។ ដោយឡែក ក្នុងខែសីហា ឆ្នាំ២០២៣ នេះ កំពង់ផែស្វយ័តភ្នំពេញ រកចំណូលបានចំនួន ៣.៤៤៣.៩១៩ដុល្លារ ដែលពុំទាន់ធ្វើសវនកម្ម មានការធ្លាក់ចុះ ៦ភាគរយ បើធៀបនឹងរយៈពេលដូចគ្នាឆ្នាំមុន។
អានបន្ថែម
កម្ពុជាឯកភាពឱ្យបង្កើតស្ថានទូតកម្ពុជាប្រចាំប្រទេសប៉ាគីស្ថាន
ប្រទេសកម្ពុជា បានយល់ព្រមឯកភាពឱ្យបង្កើតស្ថានទូតកម្ពុជាប្រចាំសាធារណរដ្ឋអ៊ីស្ថាមប៉ាគីស្ថាន ទៅតាមសំណូមពររបស់ឯកអគ្គរដ្ឋទូត នៃសាធារណរដ្ឋអ៊ីស្លាមប៉ាគីស្ថាន ប្រចាំព្រះរាជាណាចក្រកម្ពុជា។ នេះបើតាមជំនួបរវាងសម្តេចមហាបវរធិបតីនាយករដ្ឋមន្ត្រី និងឯកអគ្គរដ្ឋទូត នៃសាធារណរដ្ឋអ៊ីស្លាមប៉ាគីស្ថាន ប្រចាំព្រះរាជាណាចក្រកម្ពុជា កាលពីថ្ងៃទី៤ ខែតុលា ឆ្នាំ២០២៣។ ក្នុងជំនួបនេះ ឯកឧត្តមឯកអគ្គរដ្ឋទូត បានគោរពអញ្ជើញ សម្តេចធិបតី ទៅបំពេញទស្សនកិច្ចផ្លូវការនៅសាធារណរដ្ឋអ៉ីស្លាមប៉ាគីស្ថាន និងបានស្នើសុំឱ្យមានការបង្កើតស្ថានឯកអគ្គរាជទូតកម្ពុជាប្រចាំសាធារណរដ្ឋអ៊ីស្លាមប៉ាគីស្ថាន ដើម្បីជួយសម្រួលដល់យន្តការផ្សេងៗ ជាពិសេសដើម្បីបម្រើឱ្យវិស័យពាណិជ្ជកម្ម និងទំនាក់ទំនងរវាងប្រជាជន និងប្រជាជន។ ជាការឆ្លើយតប សម្តេចធិបតី បានឯកភាពចំពោះការស្នើនៃការបង្កើតស្ថានឯកអគ្គរាជទូតកម្ពុជាប្រចាំសាធារណរដ្ឋអ៊ីស្លាមប៉ាគីស្ថាន គឺដូចទៅនឹងអ្វីដែល សម្តេចតេជោ ធ្លាប់បានឯកភាពកាលពីពេលមុនកន្លងមកដែរ។ គួរបញ្ជាក់ថា កម្ពុជា-ប៉ាគីស្ថាន មានកិច្ចសហប្រតិបត្តិការល្អជាមួយគ្នា នៅក្នុងវិស័យជាច្រើន ជាអាទិ៍ វិស័យពាណិជ្ជកម្ម ដែលត្រូវបានកត់សម្គាល់តាមរយៈលទ្ធភាពនៃការបង្កើតគណៈកម្មការពាណិជ្ជកម្មចម្រុះ (Joint Trade Committee) ដែលជាយន្តការល្អមួយដើម្បីពង្រីកកិច្ចសហប្រតិបត្តិការនៅក្នុងវិស័យនេះ។
អានបន្ថែម
រដ្ឋអនុញ្ញាតឱ្យពលរដ្ឋប្រើស្ពានកោះពេជ្រ-កោះនរា រយៈពេល៣ថ្ងៃ ក្នុងឱកាសបុណ្យភ្ជុំបិណ្ឌនេះ
សម្ដេចធិបតីនាយករដ្ឋមន្រី្ត ហ៊ុន ម៉ាណែត បានសម្រេចអនុញ្ញាតឱ្យប្រើប្រាស់បណ្ដោះអាសន្ន ស្ពានភ្ជាប់កោះពេជ្រ-កោះនរា ក្នុងឱកាសពិធីបុណ្យភ្ជុំបិណ្ឌ រយៈពេល ៣ថ្ងៃ គឺចាប់ពីថ្ងៃទី១៣-១៥ ខែតុលា ឆ្នាំ២០២៣ ដើម្បីកាត់បន្ថយការកកស្ទះចរាចរណ៍ និងបង្កលក្ខណៈងាយស្រួលការធ្វើដំណើររបស់ប្រជាពលរដ្ឋ។ យ៉ាងណាមិញ ស្ពានថ្មីនេះ គ្រោងនឹងសម្ពោធដាក់ឱ្យប្រើប្រាស់ជាបណ្តោះអាសន្ននៅថ្ងៃទី២៧ ខែតុលា ខាងមុខនេះផងដែរ។ (អានបន្ថែម) ស្ពានកោះពេជ្រ-កោះនរានេះ មានទីតាំងស្ថិតនៅក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ ក្រោមទុនវិនិយោគតម្លៃ ៣៨លានដុល្លារ និងត្រូវបានសាងសង់ដោយក្រុមហ៊ុនវិនិយោគទុនអណិកជនកម្ពុជា (OCIC) ក្រោមការគ្រប់គ្រងរបស់រដ្ឋបាលរាជធានីភ្នំពេញ។ (អានបន្ថែម)
អានបន្ថែម
គម្រោងស្ថាបនាផ្លូវលេខ៧៦ ដែលបាក់ស្រុតនៅមណ្ឌលគិរី សម្រេចបាន ៤៥% ហើយ
គម្រោងស្ថាបនាផ្លូវតភ្ជាប់ផ្លូវលេខ៧៦ មានប្រវែង ៤២៥ម៉ែត្រ ទទឹង ១២ម៉ែត្រ ដែលបានបាក់ស្រុតកាលពីអំឡុងខែសីហា បានស្ថាបនាសម្រេចបាន ៤៥% ហើយ។ នេះបើតាមការឱ្យដឹងពីរដ្ឋបាលខេត្តមណ្ឌលគិរី កាលពីថ្ងៃទី០៦ ខែតុលា ឆ្នាំ២០២៣។ គម្រោងនេះ កំពុងស្ថាបនាដោយមន្ទីរសាធារណការ និងដឹកជញ្ជូន ដែលបានបាក់ស្រុត (ចំណុចអូរងើយ PK 94+080 ដល់ PK 94+150) ក្នុងភូមិអណ្តូងក្រឡឹង ឃុំសែនមនោរម្យ ស្រុកអូររាំង ខេត្តមណ្ឌលគិរី។ (អានបន្ថែម) គួរបញ្ជាក់ដែរថា ក្រសួងសាធារណការ និងដឹកជញ្ជូន បានស្នើសុំថវិកាបុរេប្រទានចំនួន ១០០០លានរៀល ពីក្រសួងសេដ្ឋកិច្ច និងហិរញ្ញវត្ថុជាមុនសិន ដើម្បីជួសជុលកំណាត់ផ្លូវដែលបានបាក់ស្រុតនេះ។ ដោយឡែក គម្រោងស្ថាបនាកែលម្អផ្លូវជាតិលេខ៧៦ ពីស្រុកស្នួល ខេត្តក្រចេះ ទៅកាន់ខេត្តមណ្ឌលគិរី រដ្ឋក៏ត្រៀមស្នើដកកញ្ចប់ថវិកាចំនួន ៦០០០លានរៀល ពីក្រសួងសេដ្ឋកិច្ច និងហិរញ្ញវត្ថុ ដើម្បីស្ថាបនាផ្លូវនេះនៅឆ្នាំ២០២៤ ផងដែរ។ (អានបន្ថែម)
អានបន្ថែម