សឹង្ហបុរីគ្រោងវិនិយោគជាង៥០០លានដុល្លារលើវិស័យថាមពលនៅវៀតណាម
ក្រុមហ៊ុនអគ្គិសនី និងចែកចាយអគ្គិសនីរបស់រដ្ឋប្រទេសសឹង្ហបុរី SP Group មានផែនការបណ្តាក់ទុនប្រមាណ ៥៤០លានដុល្លារអាមេរិកលើវិស័យថាមពលនៅប្រទេសវៀតណាម។ នៅក្រោមផែនការវិនិយោគនេះ ក្រុមហ៊ុននឹង គាំទ្រដល់ការផ្លាស់ប្តូរថាមពលទៅកាន់ថាមពលស្អាត តាមរយៈផ្តល់នូវដំណោះស្រាយសម្រាប់វិស័យសាធារណ និងឯកជន។ កាសែត VN Express ដក់ស្រង់សម្តី របស់ប្រធានចាត់ការទូទៅ លោក Stanley Huang លើកឡើងក្នុងសន្និសីទកាសែតកាលពីថ្ងៃទី១២ ឧសភា 2022។ កាលពីឆ្នាំមុន ក្រុមហ៊ុននេះបានបង្កើតក្រុមហ៊ុនបណ្តាក់ទុនរួមគ្នាជាមួយក្រុមហ៊ុន BCG Energy Joint Stock Company ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន Bamboo Capital របស់វៀតណាម។ ក្រុមហ៊ុនបណ្តាក់ទុនរួមគ្នានេះ បានប្រកាសពីភាពជាដៃគូរួមគ្នាជាមួយ Vinamilk ដែលជាក្រុមហ៊ុនទឹកដោះគោដ៏ធំបំផុតរបស់វៀតណាម ដើម្បីដំឡើងថាមពលពន្លឺព្រះអាទិត្យលើដំបូលអគារដែលមានអនុភាព ២៥មេហ្គាវ៉ាត់នៅរោងចក្រចំនួន ៩ និងកសិដ្ឋានចំនួន ៧ ។
អានបន្ថែម
អាជ្ញាធរ បញ្ជាឲ្យរុះរើសំណង់តូចៗជាច្រើន សង់ខុសច្បាប់ក្នុងដែនជម្រកសត្វព្រៃជាបន្ទាន់
រដ្ឋបាលខេត្តពោធិ៍សាត់ បានចេញសេចក្តីជូនដំណឹងឲ្យរុះរើរោងខ្ទមដែលសង់ខុសច្បាប់ក្នុងដែនជម្រកសត្វព្រៃភ្នំសំកុស នៃតំបន់ការពារធម្មជាតិ ក្នុងភូមិសាស្ត្រខេត្តពោធិ៍សាត់ជាបន្ទាន់។ នេះបើយោងតាម សេចក្តីជូនដំណឹងរបស់រដ្ឋបាលខេត្តពោធិ៍សាត់ ស្តីពីការចាត់វិធានការរដ្ឋបាល បោសសម្អាតការសាងសង់រោង-ខ្ទមខុសច្បាប់ នៅក្នុងដែនជម្រកសត្វព្រៃភ្នំសំកុស នៃតំបន់ការពារធម្មជាតិ ក្នុងភូមិសាស្ត្រខេត្តពោធិ៍សាត់ ដែលចុះផ្សាយកាលថ្ងៃទី១៣ ខែឧសភា ឆ្នាំ២០២២។ នៅក្នុងសេចក្តីជូនដំណឹងលេខ ១៧៤ឥ/២២ សជណ.ខពស បានឲ្យដឹងថា ដើម្បីធានាបាននូវការគ្រប់គ្រងធនធានធម្មជាតិ ឱ្យបានគង់វង្ស រដ្ឋបាលខេត្តពោធិ៍សាត់ សូមប្រកាសជូនដំណឹង ដល់ប្រជាពលរដ្ឋដែលកំពុងសាងសង់រោង ខ្ទមប្រក់កៅស៊ូតង់ កាប់គាស់ រុករានទន្ទ្រានដីព្រៃ ដាំដំណាំ និងស្នាក់នៅ នៅចំណុចស្ទឹងខៀវ ចំណុចជើងភ្នំខ្មោច ក្នុងភូមិសាស្ត្រ ភូមិចំការជ្រៃខាងត្បូង ឃុំអន្លង់រាប ស្រុកវាលវែង ខេត្តពោធិ៍សាត់ ត្រូវធ្វើការរុះរើរោងខ្ទមដោយខ្លួនឯង និងចាកចេញពីទីតាំងនោះជាបន្ទាន់។ ជាមួយគ្នានេះ រដ្ឋបាលខេត្ត បានប្រកាសទុករយៈពេល ០៧ថ្ងៃ គិតចាប់ពីថ្ងៃចុះហត្ថលេខានេះតទៅ ដើម្បីឱ្យបងប្អូនរុះរើរោង-ខ្ទមដោយខ្លួនឯង និងបញ្ឈប់រាល់សកម្មភាព កាប់គាស់ រុករានទន្ទ្រានដីព្រៃ។ ផុតកំណត់រយៈពេលជូនដំណឹងខាងលើ រដ្ឋបាលខេត្តនឹងចាត់វិធានការរដ្ឋបាល ហើយក្នុងករណីបងប្អូនប្រជាពលរដ្ឋណារឹងរូស ឬប្រឆាំងតបត ត្រូវផ្តន្ទាទោសតាមច្បាប់ជាធរមាន។ ហេតុនេះ អាជ្ញាធរខេត្តសូមបងប្អូនប្រជាពលរដ្ឋដែលកំពុងតាំងទីលំនៅខុសច្បាប់ទាំងអស់ចូលរួមសហការដើម្បីអនុវត្តសេចក្តីជូនដំណឹងនេះឱ្យមានប្រសិទ្ធិភាព និងប្រកបដោយជោគជ័យ៕
អានបន្ថែម
ប្រទេសអូទ្រីសចង់វិនិយោគបច្ចេកវិទ្យាក្នុងវិស័យស្ថានីយវារីអគ្គិសនី
ប្រទេសអូទ្រីស បានចាប់អារម្មណ៍ចង់វិនិយោគ និងផ្គត់ផ្គង់គ្រឿងបរិក្ខារបច្ចេកទេស និងបច្ចេកវិទ្យាសម្រាប់បម្រើឱ្យការអភិវឌ្ឍក្នុងស្ថានីយវារីអគ្គិសនី ហេដ្ឋារចនាសម្ព័ន្ធតភ្ជាប់ និងការគ្រប់គ្រងថាមពល។ នេះបើតាមជំនួបពិភាក្សាកាលពីថ្ងៃទី១៣ ខែឧសភា ឆ្នាំ២០២២។ ជំនួបនេះ ធ្វើឡើងរវាងឯកឧត្តម ឌិត ទីណា រដ្ឋលេខាធិការ ក្រសួងរ៉ែ និងថាមពល និងលោក Guamur Sucmer ទីប្រឹក្សាសហគមន៍នៃស្ថានទូតអូទ្រីស។ ភាគីទាំងពីរ បានជួបពិភាក្សាដោយផ្តោតជាសំខាន់ទៅលើការរៀបចំផែនការយុទ្ធសាស្ត្រអភិវឌ្ឍថាមពលកម្ពុជា។ ថ្មីៗនេះដែរ សភាអាមេរិកក៏មានចំណាប់អារម្មណ៍ខ្លាំងលើការវិនិយោគជាមួយកម្ពុជាលើវិស័យឧស្សាហកម្មថាមពលនេះផងដែរ។ (អានបន្ថែម) បើតាម ឯកឧត្តម ឌិត ទីណា បានឲ្យដឹងថា ផែនការមេអភិវឌ្ឍថាមពល ២០២១-២០២៤ នឹងត្រូវអនុម័តឆាប់ៗនេះ ហើយកម្ពុជានឹងមានថាមពលស្អាត សម្រាប់ប្រើប្រាស់គ្រប់គ្រាន់ និងមានតម្លៃសមរម្យ។
អានបន្ថែម
សភាអាមេរិកចង់រឹតចំណងពាណិជ្ជកម្មវិនិយោគជាមួយកម្ពុជាលើវិស័យឧស្សាហកម្មថាមពល
សភាអាមេរិកមានបំណងរឹតចំណងពាណិជ្ជកម្ម និងវិនិយោគជាមួយកម្ពុជាលើវិស័យឧស្សាហកម្មថាមពល ដើម្បីជំរុញការផ្លាស់ប្ដូរពាណិជ្ជកម្មរវាងប្រទេសទាំងពីរបន្ថែមទៀត។ ការលើកឡើងនេះ ត្រូវបានបង្ហាញឡើងនៅក្នុងកិច្ចពិភាក្សាជាមួយសមាជិកសភាអាមេរិក រដ្ឋមន្ត្រីក្រសួងសាធារណការនិងដឹកជញ្ជូន រដ្ឋមន្ត្រីក្រសួងពាណិជ្ជកម្ម ព្រមទាំងគណ:ប្រតិភូកម្ពុជា ជាមួយឯកឧត្ដម Ron Estes តំណាងរាស្ត្រនៅសង្កាត់ទី៤ នៃរដ្ឋ Kansas និងលោកជំទាវ Carol Miller តំណាងរាស្ត្រនៅសង្កាត់ទី៣ នៃរដ្ឋ West Virginia កាលថ្ងៃទី១១ ខែឧសភា ឆ្នាំ២០២២។ នៅក្នុងជំនួបពិភាក្សាការងារនេះ ឯកឧត្ដម ស៊ុន ចាន់ថុល បានជម្រាបជូនសមាជិកសភាអាមេរិកទាំងពីររូបអំពីការរីកចម្រើនរបស់កម្ពុជា វឌ្ឍនភាព និងសក្ដានុពលនៃការអភិវឌ្ឍវិស័យហេដ្ឋារចនាសម្ព័ន្ធដឹកជញ្ជូន កំពង់ផែ និងព័ស្ដុភារកម្ម។ ជាមួយគ្នានោះ ឯកឧត្ដម ប៉ាន សូរស័កិ្ដ ក៏បានលើកឡើងអំពីបច្ចុប្បន្នភាពនៃបរិយាកាសវិនិយោគ និងពាណិជ្ជកម្មពាក់ព័ន្ធនឹងវិស័យឧស្សាហកម្មរ៉ែ ថាមពល និងប្រេងកាត ព្រមទាំងវិស័យកាត់ដេរ ជាពិសេសច្បាប់ស្ដីពីការវិនិយោគកម្ពុជា ដែលមានលក្ខណៈបើកចំហដ៏ល្អប្រសើរជាងគេមួយនៅតំបន់អាស៊ី។ ទន្ទឹមនឹងការលើកឡើងនេះ ឯកឧត្ដម Ron Estes បានលើកឡើងពាក់ព័ន្ធនឹងបច្ចេកវិទ្យានៃការផលិតយន្តហោះ យានយន្ត និងឧស្សាហកម្មកម្មន្តសាលផ្សេងៗសម្រាប់នាំចេញទៅក្រៅប្រទេស។ បន្ថែមពីនេះ លោកជំទាវ Carol Miller […]
អានបន្ថែម
ផ្លូវបេតុង១ខ្សែ នៅដំណាក់ចង្អើរខេត្តកែប សម្ពោធបើកឲ្យប្រើប្រាស់ហើយ
ផ្លូវបេតុងមួយខ្សែប្រវែង ២,៧០០ម៉ែត្រ ប្របឆ្នេរសមុទ្រ ខេត្តកែប ត្រូវបានប្រកាសដាក់ឲ្យប្រើប្រាស់ជាផ្លូវការហើយ ក្រោមវត្តមាន ឯកឧត្តមបណ្ឌិត ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក។ ផ្លូវបេតុង ១ខ្សែនេះ ត្រូវបានប្រសិទ្ធនាមជាផ្លូវអំពេងសន្តិភាព រួមមានសំណង់សិល្បការ្យមួយចំនួន ត្រូវបានសម្ពោធដាក់ឲ្យប្រើប្រាស់ជាផ្លូវការ កាលពីថ្ងៃទី១៣ ឧសភា ២០២២ គឺស្ថិតស្ថិតនៅភូមិអំពេង ឃុំអង្កោល ស្រុកដំណាក់ចង្អើរ ខេត្តកែប។ គួរបញ្ជាក់ថា កាលពីពេលកន្លងទៅ ឯកឧត្តម សោម ពិសិដ្ឋ អភិបាល គណ:អភិបាលខេត្តកែប ធ្លាប់បានចាត់ទុកថា ផ្លូវសំខាន់១ខ្សែនេះ ពិសេសសមិទ្ធផលដែលសម្រេចបាននាពេលនេះ នឹងជួយសម្រួលដល់ការធ្វើដំណើររបស់ពលរដ្ឋក្នុងតំបន់ ព្រមទាំងជួយលើកស្ទួយកម្ពស់ជីវភាពរស់នៅឲ្យកាន់តែរីកចំរើន ឡើងបន្ថែមទៀត៕
អានបន្ថែម
កម្ពុជា-ចិន ចុះ MOU រួមគ្នាពង្រឹងសមត្ថភាពធនធានមនុស្សលើជំនាញបច្ចេកទេសសាងសង់ផ្លូវដែក
វិទ្យាស្ថានតេជោសែន សាធារណការ និងដឹកជញ្ជូន សាកលវិទ្យាល័យ Beijing Jiao Tong University (BJTU)និងក្រុមហ៊ុន Beijing Urban Construction Group បានចុះហត្ថលេខាលើអនុស្សរណៈយោគយល់គ្នាត្រីភាគី ដើម្បីពង្រឹងសមត្ថភាពធនធានមនុស្សលើឯកទេសសាងសង់ ការស្រាវជ្រាវរួមគ្នា និងការបណ្តុះបណ្តាលបច្ចេកទេសផ្លូវដែកជាដើម។ ថ្លែងក្នុងពិធីចុះ MOUនេះ ដែលធ្វើឡើងកាលថ្ងៃទី១២ ខែឧសភា ឆ្នាំ ២០២២ ឯកឧត្តម វ៉ាស៊ឹម សុរិយា អនុរដ្ឋលេខាធិការក្រសួងសាធារណការ និងដឹកជញ្ជូនបានឲ្យដឹងថា កិច្ចព្រមព្រៀងនេះ គឺដើម្បីធានាគុណភាព នៃការអប់រំ ឱ្យសមស្របទៅនឹងតម្រូវការទីផ្សារ និងផ្តល់ជំនួយបច្ចេកទេស ដែលជាអត្ថប្រយោជន៍ដ៏ធំធេងសម្រាប់សិស្សានុសិស្សក្នុងការពង្រីកឱកាសការងារ ជំនាញ ចំណេះដឹងឱ្យកាន់តែទូលំទូលាយ។ ជាមួយគ្នានេះ ឯកឧត្តម ហឿន សំនៀង នាយកវិទ្យាស្ថានតេជោសែន សាធារណការ និងដឹកជញ្ជូន ក៏បានឲ្យដឹងថា តាមរយៈកិច្ចព្រមព្រៀងនេះ នឹងជួយបណ្តុះបណ្តាលកូនខ្មែរឱ្យមានជំនាញច្បាស់លាស់ ដើម្បីដោះស្រាយវិបត្តិកង្វះអ្នកជំនាញបច្ចេកទេសនាពេលបច្ចុប្បន្នផង និងបង្កើតឱ្យមានអ្នកបន្តវេនរបស់កម្ពុជាដ៏មានសក្តានុពល និងស្មារតីទទួលខុសត្រូវលើវិស័យសាធារណការ និងដឹកជញ្ជូន នាពេលអនាគត។ ចំណែកឯ លោក HUANG Taiyan […]
អានបន្ថែម
វិស័យអចលនទ្រព្យនៅហ្វីលីពិនជាប់គាំង ក្រោយការបោះឆ្នោតជាតិបញ្ចប់
វិស័យអចលនទ្រព្យក្នុងប្រទេសហ្វីលីពិន បានជាប់គាំង គ្មានការអភិវឌ្ឍន៍ឡើយ បន្ទាប់ពីប្រទេសនេះបានបញ្ចប់ការបោះឆ្នោតជាតិ ដែលបានបង្កជាបញ្ហាជាច្រើន លើកំណើនសេដ្ឋកិច្ច។ ក្រុមហ៊ុន J.P. Morgan Global Research បានទម្លាក់ចំណាត់ថ្នាក់ប្រទេសហ្វីលីពីន ដោយបានចាត់ចំណាត់ថ្នាក់នៅបាតតារាងក្នុងយុទ្ធសាស្ត្រវិនិយោគសមធម៌ក្នុងតំបន់អាស៊ានរបស់ខ្លួន បន្ទាប់ពីការបញ្ចប់នៃការបោះឆ្នោតជាតិ និងក្នុងស្រុក។ នេះបើយោងតាមសារព័ត៌មាន Manila Bulletin ចុះផ្សាយកាលពីថ្ងៃទី១០ ខែឧសភា។ នៅក្នុងយុទ្ធសាស្ត្រសមធម៌អាស៊ានរបស់ខ្លួនដែលបានចេញផ្សាយនៅថ្ងៃទី ៩ ខែឧសភា ឆ្នាំ ២០២២ ក្រុមហ៊ុន J.P. Morgan ក៏បានទម្លាក់ចំណាត់ថ្នាក់វិស័យអចលនទ្រព្យហ្វីលីពីនស្ថិតក្នុងស្ថានភាពចាប់គាំង។ JPM ដែលជាក្រុមហ៊ុននាំមុខគេលើសេវាកម្មហិរញ្ញវត្ថុពិភពលោក បាននិយាយថា “ភាគហ៊ុនហ្វីលីពីនប្រឈមមុខនឹងបញ្ហាប្រឈមជាច្រើន រួមទាំងឱនភាពភ្លោះ អតិផរណាខ្ពស់ ការចំណាយរបស់រដ្ឋាភិបាលយឺតក្នុងត្រីមាសក្រោយការបោះឆ្នោត (ការឈឺចាប់ក្នុងការផ្ទេរអំណាច) បំណុលសាធារណៈខ្ពស់ ហានិភ័យនៃការធ្លាក់ចុះតម្លៃ និងប្រាក់ចំណូលមានកំណើនទាប។”
អានបន្ថែម
ខុនដូអាយុ១ទស្សវត្សនៅទីក្រុងតូក្យូ កើនតម្លៃជិត២០ភាគ ពេលកែប្រែលម្អឡើងវិញ
អគារខុនដូរសាងសង់តាំងពី ៩ ឬ១០ ឆ្នាំមុនក្នុងតំបន់សក្តានុពល ទីក្រុងតូក្យូ(Greater Tokyo Area) លក់បានថ្លៃជាងមុន រហូតដល់ជិត២០ភាគរយ ពេលកែលម្អឡើងវិញ នេះបើធៀបនឹងតម្លៃដើមកាលពីពេលសាងសង់រូចដំបូង។ ក្រុមហ៊ុនវាយតម្លៃអលនទ្រព្យ Tokyo Kantei បានធ្វើការស្ទង់តម្លៃលក់ឡើងវិញ (Resale Value) នៃអគារខុនដូរចាស់ៗអាយុ១០ឆ្នាំ សម្រាប់ឆ្នាំ២០២១។ នេះបើយោងតាមការចុះផ្សាយរបស់ Rethink Tokyo ចុះផ្សាយកាលពីថ្ងៃទី១០ ខែឧសភា។ ក្នុងស្ទង់តម្លៃលក់ឡើងវិញនេះ ស្ថានីយ៍ចំនួន ៣៤៥កន្លែង ត្រូវបានវាស់នៅក្នុង Greater Tokyo Area ជាមួយនឹងតម្លៃជាមធ្យមក្នុងឆ្នាំ 2021 គឺ 119.8% នៃតម្លៃដើម កាលពី 10 ឆ្នាំមុន។ នៅពេលអចលនទ្រព្យ ត្រូវបានដាក់លក់កាលពីដំបូង ទីផ្សារខុនដូរ មានភាពប្រែប្រួលខ្លាំង បន្ទាប់ពីគ្រោះរញ្ជួយដីដ៏ធំនៅប្រទេសជប៉ុន។ ចាប់តាំងពីពេលនោះមកតម្លៃខុនដូនៅក្នុង Greater Tokyo Area បានកើនឡើងជាលំដាប់ ដោយប៉ុន្មានឆ្នាំថ្មីៗនេះតម្លៃរិតតែកើនឡើងដោយសារតែតម្រូវការខ្ពស់ដែលជំរុញដោយការផ្លាស់ប្តូររបៀបរស់នៅដែលបណ្ដាលមកពីជំងឺរាតត្បាត និងការផ្ដល់ហិរញ្ញប្បទានជាមួយនឹងការប្រាក់ទាបសម្រាប់អ្នកខ្ចីមានលក្ខណៈសម្បត្តិគ្រប់គ្រាន់។
អានបន្ថែម
ផ្លូវសំខាន់ៗ៤២ខ្សែ ក្នុងក្រុងកំពង់ចាមសម្ពោធឲ្យប្រើប្រាស់ជាផ្លូវការហើយ
ហេដ្ឋារចនាសម្ព័ន្ធផ្លូវសំខាន់ៗ រួមមាន៖ ផ្លូវបេតុង និងផ្លូវកៅស៊ូ DBST ចំនួន៤២ខ្សែ ប្រវែង ៣១៩១៧ម៉ែត្រ ស្ថិតក្នុងក្រុងកំពង់ចាម ខេត្តកំពង់ចាម បានប្រកាសដាក់សម្ពោធឲ្យប្រើប្រាស់ជាផ្លូវការហើយ នៅថ្ងៃទី១២ ឧសភា ឆ្នាំ២០២២ នេះ ក្រោមវត្តមានឯកឧត្ដម ហ៊ុន ម៉ាណែត និងរដ្ឋបាលខេត្តកំពង់ចាម។ នាពេលនោះ ឯកឧត្ដម ហ៊ុន ម៉ាណែត អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការកងទ័ពជើងគោក បានថ្លែងថា ៖ សមិទ្ធផលហេដ្ឋារចនាសម្ព័ន្ធផ្លូវសំខាន់ៗ រួមមាន៖ ផ្លូវបេតុង និងផ្លូវកៅស៊ូ DBST ចំនួន៤២ខ្សែ ប្រវែង ៣១៩១៧ម៉ែត្រ នៅក្នុងសង្កាត់ទាំង ៤ ក្នុងក្រុងកំពង់ចាម ខេត្តកំពង់ចាម គឺអាស្រ័យលើកត្តា ០២យ៉ាងសំខាន់ៗគឺ៖ ទី១ កត្តាអ្នកដឹកនាំ និង ទី២ កត្តាប្រជាពលរដ្ឋ។ ឯកឧត្តមចាត់ទុកថា ផ្លូវសំខាន់ៗទាំងនេះនឹងជួយសម្រួលដល់ការតភ្ជាប់ និងការធ្វើដំណើរពីតំបន់មួយទៅតំបន់មួយ ព្រមទាំងជួយលើកស្ទួយកម្ពស់ជីវភាពរស់នៅប្រកបរបរប្រចាំថ្ងៃឲ្យជីវភាពកាន់តែរីកចម្រើមឡើងបន្ថែមទៀត ។ គួរបញ្ជាក់ដែរថា បើតាម ឯកឧត្ដម […]
អានបន្ថែម
លំនៅឋានទូទាំងសកលលោកនេះ មានតម្លៃរហូតដល់ ២៦០ទ្រីលានដុល្លារ មិនបញ្ចូលអគារផ្សេងៗ
អគារលំនៅឋានទូទាំងសកលលោកមានតម្លៃប្រមាណ ២៦០ទ្រីលានដុល្លារអាមេរិក ច្រើនជាង៨ដងនៃអគារពាណិជ្ជកម្ម រួមមានទាំងអគារការិយាល័យ និងតូបផ្សារ។ នេះបើតាមរបាយការណ៍ស្រាវជ្រាវឆ្នាំ២០២២ របស់ក្រុមហ៊ុនបច្ចេកវិទ្យា WealthPark។ នៅក្នុងរបាយការណ៍ លោក Kay Kato ប្រធាន WealthPark Lab បានឲ្យដឹងថា ផ្ទះជាទ្រព្យសម្បត្តិដ៏ធំ និងសំខាន់បំផុត ដែលមនុស្សយើងកាន់កាប់។ លោកបន្តថា បច្ចុប្បន្ន ក្រុមហ៊ុនដែលបានចុះបញ្ជីក្នុងសកលលោក មានតម្លៃទីផ្សារសរុបប្រមាណ៨៥ ទ្រីលានដុល្លារអាមេរិក ប៉ុន្តែមានត្រឹមតែ១ ភាគ៣ ប៉ុណ្ណោះ នៃអគារលំនៅឋាន។ មួយវិញទៀត បើយោងតាមការស្ទង់មតិក្នុងប្រទេសជាសមាជិកអង្គការដើម្បីការអភិវឌ្ឍន៍ និងកិច្ចសហប្រតិបត្តិការសេដ្ឋកិច្ច (OECD) បានបង្ហាញផងដែរថា ផ្ទះជាការចំណាយច្រើនជាងគេតែមួយគត់ក្នុងជីវភាពរបស់មនុស្ស រួមបញ្ចូលទាំងការសម្រាក ដែលផ្ទះជាកន្លែងសំខាន់បំផុតសម្រាប់ជាទ្រព្យសម្បត្តិ និងជាទីកន្លែងប្រកបដោយសុភមង្គល។
អានបន្ថែម
បារាំងផ្តល់ជំនួយដល់កម្ពុជា ផ្តោតលើវិស័យអាទិភាព ដល់ឆ្នាំ២០២៤
ទីភ្នាក់ងារបារាំងសម្រាប់ការអភិវឌ្ឍ (AFD) គូសបញ្ជាក់សារជាថ្មីនូវការប្តេជ្ញាចិត្តរបស់ខ្លួនចំពោះកម្ពុជាជាមួយការផ្តល់ហិរញ្ញប្បទានជាង ៣០០លានអឺរ៉ូ ដល់គម្រោងនានា សម្រាប់ឆ្នាំ២០២២-២០២៤ ផ្តោតលើវិស័យអាទិភាព រួមមាន៖ ទឹក អនាម័យ កសិកម្ម ថាមពល។ យោងតាមការប្រកាសព័ត៌មានពីស្ថានទូតបារាំងប្រចាំកម្ពុជា នាថ្ងៃពុធនេះ ស្ថានទូតបារាំងប្រចាំកម្ពុជា បានបន្តទៀតថា ជំនួបរវាងតំណាងក្រសួងសេដ្ឋកិច្ចនិងហិរញ្ញវត្ថុ តំណាងដៃគូបច្ចេកទេសមកពីក្រសួង និងស្ថាប័ននានា និងទីភ្នាក់ងារ AFD បានលើកយកមកពិភាក្សានូវជំនួយនេះ។ ជំនួបនេះ កិច្ចព្រមព្រៀងផ្តោតលើវិស័យអាទិភាព រួមមាន៖ ទឹក អនាម័យ កសិកម្ម ថាមពល និងការបណ្តុះបណ្តាលវិជ្ជាជីវៈ។ ជាមួយគោលដៅផ្តល់ហិរញ្ញប្បទាន ១០០លានអឺរ៉ូ ជារៀងរាល់ឆ្នាំ ទីភ្នាក់ងារ AFD ខិតខំក្នុងការផ្តល់ ហិរញ្ញប្បទាន ដល់ការអភិវឌ្ឍប្រកបដោយចីរភាព និងបរិយាប័ន្នសម្រាប់ ព្រះរាជាណាចក្រកម្ពុជា៕
អានបន្ថែម
កំពង់ផែស្វយ័តភ្នំពេញ រកចំណូលបានជិត ៩,៥លានដុល្លារ គិតត្រឹមត្រីមាសទី១ ឆ្នាំ២០២២
កំពង់ផែស្វយ័តភ្នំពេញ រកចំណូលពុំទាន់ធ្វើសវនកម្មបានចំនួន ៩,៤៩លានដុល្លារ ក្នុងត្រីមាសទី១ មានការកើនឡើង ១៧ភាគរយ បើធៀបរយៈពេលដូចគ្នា ឆ្នាំ២០២១។ យោងតាមរបាយការណ៍របស់កំពង់ផែស្វយ័តភ្នំពេញចេញផ្សាយនៅថ្ងៃទី១០ ខែឧសភា ឆ្នាំ២០២២នេះ ប្រភពចំណូល របស់កំពង់ផែស្វយ័តភ្នំពេញ ដែលទទួលបាននៅត្រីមាសទី១ ឆ្នាំ២០២២នេះ រួមមាន ចំណូលពីប្រតិបត្តិការផែ មានចំនួន ២,៦លានដុល្លារ ចំណូលបានពីអាជ្ញាធរផែ មានចំនួន ៣៥០.៩១២ដុល្លារ ចំណូលបានពីសេវាកម្មផ្សេងៗ មានចំនួន ៣៣.១៩៥ដុល្លារ និងចំណូលផ្សេងៗ មានចំនួន ២២០.៨៩៩ដុល្លារ។ សម្រាប់ឆ្នាំ២០២១ កំពង់ផែស្វយ័តភ្នំពេញ ទទួលបាននូវប្រាក់ចំណេញចំនួន ១២,៧ លានដុល្លារ ដែលអនុវត្តបានលើសផែនការឆ្នាំ២០២១ ចំនួន១៥% និងកើនឡើងចំនួន២៩% ធៀបនឹងការអនុវត្តឆ្នាំ២០២០។ កំពង់ផែស្វយ័តភ្នំពេញ ក៏នៅមានផែនការការងារជាអាទិភាពបន្តទៀត សម្រាប់អនុវត្តឆ្នាំ២០២២ក្នុងនោះរួមមាន គម្រោងពង្រីកហេដ្ឋារចនាសម្ព័ន្ធចំណតផែកុងតឺន័រ LM17 ជំហានទី៣ ដំណាក់កាលទី២ ២០១២-២០២៣ ដើម្បីពង្រីកសមត្ថភាពផ្ទុកកុងតឺន័រ ឲ្យបានដល់ចំនួន ៥០០.០០០ TEU ក្នុងមួយឆ្នាំ និងគម្រោងអភិវឌ្ឍន៍ចំណតផែរណបតាមដងទន្លេ នៅតាមទីតាំងមួយចំនួនទៀត៕ ថ្មីៗនេះ កំពង់ផែស្វយ័តភ្នំពេញ ក៏បានប្រកាសផងដែរពីផែនការសាងសង់កំពង់ផែរណបតាមដងទន្លេចំនួន […]
អានបន្ថែម