ក្រុមហ៊ុនអចលនទ្រព្យអន្តរជាតិអាយុជាង ២០០ឆ្នាំ នឹងបើកការិយាល័យនៅកម្ពុជា ដើមឆ្នាំ២០២២
ក្រុមហ៊ុនអចលនទ្រព្យលំដាប់ពិភពលោក Chestertons ដែលមានមូលដ្ឋាននៅចក្រភពអង់គ្លេស នឹងបើកការិយាល័យនៅកម្ពុជាចាប់ពីឆ្នាំ២០២២ តទៅ ដោយបញ្ជាក់ថា កម្ពុជាជាទីផ្សារ «គន្លឹះ និង រីកចម្រើនខ្លាំង» ស្របតាមយុទ្ធសាស្រ្តពង្រីកខ្លួននៅតំបន់អាស៊ី។ ក្រុមហ៊ុនលំដាប់អន្តរជាតិដែលមានអាយុកាល ២១៦ ឆ្នាំនេះ បានដាក់បញ្ចូលប្រតិបត្តិការនៅកម្ពុជាទៅក្នុងបណ្តាញកម្រិតអន្តរជាតិជាង ១០០ការិយាល័យរបស់ខ្លួន តាមរយៈការទិញយកប្រតិបត្តិការពីក្រុមហ៊ុន Focus Property Co., Ltd ដែលមានមូលដ្ឋាននៅទីក្រុងភ្នំពេញ។ ក្រុមហ៊ុន Chestertons Cambodia នឹងដំណើរការដោយមានក្រុមការងារចំនួន ៥៥នាក់នៅជំហ៊ានដំបូង ហើយត្រូវដឹកនាំដោយលោក ជី មាត ដើម្បីផ្តល់សេវាកម្មទាក់ទងនឹងអចលនទ្រព្យលំនៅឋាន និងពាណិជ្ជកម្ម ដោយផ្តោតឯកទេសខាងផ្នែកសេវាគ្រប់គ្រងអចលនទ្រព្យ។ លោក Salah Mussa ប្រធានក្រុមហ៊ុន Chestertons បញ្ជាក់ថា៖ «យើងមានសេចក្តីសោមនស្សក្នុងការដំណើរការក្រុមហ៊ុន Chestertons Cambodia និងស្វាគមន៍យ៉ាងកក់ក្តៅក្នុងក្រុមហ៊ុន Focus Property មកកាន់គ្រួសារ Chestertons ដែលជាក្រុមហ៊ុនមានការរីកធំធាត់ជាដរាប។ ក្រុមហ៊ុន Chestertons Cambodia ដែលជាក្រុមហ៊ុនថ្មីជាងគេនៃសមាជិក Franchise របស់យើង នឹងទទួលបានប្រយោជន៍ជាច្រើនពីបណ្តាញដ៏ទូលំទូលាយ […]
អានបន្ថែម
បើកប្រទេសភ្លាម! ការវិនិយោគធំៗ ចូល ១៤ គម្រោង តម្លៃជាង ៥៤០ លានដុល្លារ
ក្រុមប្រឹក្សាអភិវឌ្ឍន៍កម្ពុជា(CDC) បានសម្រេចអនុម័តឱ្យក្រុមហ៊ុនឯកជនបោះទុនវិនិយោគ ចំនួន ៥៤៤,៨ លានដុល្លារអាមេរិក បង្កើតរោងចក្រចំនួន ១៤កន្លែង នៅរាជធានីភ្នំពេញ កំពង់ស្ពឺ ព្រះវិហារ កណ្តាល បាត់ដំបង ពោធិសាត់ ព្រះសីហនុ និងខេត្តកោះកុង។ យោងតាមប្រកាសរបស់ក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី ១២ ខែវិច្ឆិកា កន្លងមកនេះ ក្រុមហ៊ុនដែលទទួលបានការអនុម័តគម្រោងទាំង ១៤ រួមមាន៖ ១. ក្រុមហ៊ុន RMA AUTOMOTIVE (CAMBODIA) CO., LTD វិនិយោគប្រមាណ ២១ លានដុល្លារអាមេរិក បង្កើតរោងចក្រផ្គុំ និងដំឡើងរថយន្ត ដែលមានទីតាំងវិនិយោគស្ថិតនៅផ្លូវជាតិលេខ៥ ភូមិសារវ័ន ឃុំស្នាអន្សា ស្រុកក្រគរ ខេត្តពោធិ៍សាត់។ ២. ក្រុមហ៊ុន EM AUTOMOBILE CO., LTD វិនិយោគប្រមាណ ១៦,៣ លានដុល្លារអាមេរិក បង្កើតរោងចក្រផ្គុំដំឡើងគ្រឿងចក្រ រថយន្តសណ្តោង និងរថយន្តដឹកទំនិញធុនធ្ងន់គ្រប់ប្រភេទ ដែលមានទីតាំងវិនិយោគស្ថិតនៅផ្លូវជាតិលេខ៤៨ ភូមិឈូក ឃុំជីខលើ […]
អានបន្ថែម
ខណ្ឌចំនួន៣ ទទួលបានកំណាត់ផ្លូវថ្មីជាចំណងដៃរបស់សម្ដេច ហ៊ុន សែន
ប្រជាពលរដ្ឋក្នុងខណ្ឌចំនួន៣ គឺខណ្ឌពោធិ៍សែនជ័យ ខណ្ឌកំបូល និងខណ្ឌព្រែកព្នៅ នឹងទទួលបានកំណាត់ផ្លូវប្រវែងជាង៦គីឡូម៉ែត ដែលជាចំណងដៃរបស់សម្ដេច ហ៊ុន សែន ដោយកំណាត់ផ្លូវទាំងនេះ បានបើកការដ្ឋានសាងសង់នៅទី១២ ខែវិច្ឆិកា នេះ។ ឯកឧត្ដម ឃួង ស្រេង អភិបាលរាជធានីភ្នំពេញ បានឱ្យដឹងថា គម្រោងនេះជាការជួសជុលឡើងវិញក្រោយពីកំណាត់ផ្លូវនេះបានទទួលរងការខូចខាតដោយជំនន់ទឹកភ្លៀងកន្លងមក។ កំណាត់ផ្លូវនេះ មានទីតាំងក្នុងភូមិសាស្ត្រនៅ សង្កាត់សំរោងក្រោម ខណ្ឌពោធិ៍សែនជ័យ សង្កាត់ស្ងោរ ខណ្ឌកំបូល និង សង្កាត់ពន្សាំង ខណ្ឌព្រែកព្នៅ។ ផ្លូវនេះមានប្រវែង ៦គីឡូម៉ែត ទទឹង ១២ម៉ែត្រ និងមានប្រព័ន្ធលូសងខាងផ្លូវ ដោយគិតចាប់ពីមហាវិថី ឈ្នះឈ្នះ ភូមិស្រែរាជ្ជៈ សង្កាត់សំរោងក្រោម ខណ្ឌពោធិ៍សែនជ័យ ដល់ផ្លូវលេខ៤២ ភូមិន្នំ សង្កាត់ពន្សំាង ខណ្ឌព្រែកព្នៅ។ គួរបញ្ជាក់ថា នៅក្នុងឆ្នាំ២០១៩ និងឆ្នាំ២០២០ ជំនន់ទឹកភ្លៀង បានធ្វើឱ្យកំណាត់ផ្លូវនេះទទួលរងការខូចខាតធ្ងន់ ហេតុនេះ ទើបសម្រាប់ឆ្នាំ២០២១នេះ រដ្ឋបាលរាធានីភ្នំពេញបានសម្រេចជាគោលការណ៍ បើកការរដ្ឋានជួសជុល។
អានបន្ថែម
រដ្ឋបាលខេត្តព្រះសីហនុ នឹងសាងសង់អគាររដ្ឋបាលថ្មី តម្លៃជាង ៣លានដុល្លារ
រដ្ឋបាលខេត្តព្រះសីហនុ គ្រោងសាងសង់អគាររដ្ឋបាលថ្មីតម្លៃជាង ៣លានដុល្លារ ដើម្បីឆ្លើយតប និងសម្រួលដល់ការប្រព្រឹត្តិទៅនៃការងាររបស់ខេត្ត ខណៈខេត្តនេះ គឺជាទិសដៅមួយនៃការវិនិយោគ និងទេសចរណ៍។ ថ្លែងនៅក្នុងពិធីបើកសម្ពោធអាគារទីស្តីការក្រសួងរៀបចំដែនដី នគរូបនីយកម្ម និងសំណង់ កាលពីដើមសប្តាហ៍នេះ សម្តេចតេជោ ហ៊ុន សែន បានមានប្រសាសន៍ថា ថវិកាប្រមាណជាង ៣លានដុល្លារ ត្រូវបានអនុម័តសម្រាប់គម្រោងសាងសង់អគារដ្ឋបាលថ្មីនៃសាលាខេត្តព្រះសីហនុ។ គួរបញ្ជាក់ថា ក្រោយសម្ដេចបើកប្រទេស អគាររដ្ឋបាលរបស់ក្រសួងនានា ចាប់ផ្ដើមបើកសម្ពោធ និងបើកដំណើរការជាផ្លូវការ។ ជាក់ស្ដែងដូចជា អគាររដ្ឋបាលទីស្តីការក្រសួងមហាផ្ទៃតម្លៃ ៦០លានដុល្លារ ទើបតែបើកការដ្ឋានសាងសង់កាលពីថ្ងៃទី១១ វិច្ឆិកានេះ ខណៈគម្រោងសាងសង់អគារររដ្ឋបាលវិមានរដ្ឋសភា តម្លៃ ២៥លានដុល្លារ ក៏កំពុងដាក់ដេញថ្លៃក្រុមហ៊ុនសាងសង់។ (អានបន្ថែម និងបន្ថែម) លើសពីនេះ កម្ពុជាក៏នឹងប្រកាសបើកសម្ពោធសមិទ្ធិផលជាប្រវត្តិសាស្រ្តថ្មីមួយទៀត គឺក្រសួងការពារជាតិនៅថ្ងៃទី២៩ ខែធ្នូ ឆ្នាំ២០២១ ខាងមុខនេះ។ (អានបន្ថែម)
អានបន្ថែម
ទីស្ដីការគណៈរដ្ឋមន្រ្តីចេញបញ្ជាថ្មី ៦ ចំណុច ពង្រឹងសេវាអ៊ីនធឺណិតក្នុងបូរី ហាមដាច់ខាតរឿងក្រុមហ៊ុនផ្ដាច់មុខ
ទីស្តីការគណៈរដ្ឋមន្ត្រី បានដាក់ចេញវិធានការថ្មី ៦ចំណុច ទិសដៅពង្រឹងគុណភាពសេវាទូរសព្ទ និងអ៊ីនធឺណិតនៅតាមបូរី និងអគារសហកម្មសិទ្ធិនានា ពិសេសហាមដាច់ខាតមិនឱ្យមានការផ្ដល់សេវាផ្ដាច់មុខឡើយ ។ ការចេញបញ្ជានេះធ្វើឡើងក្រោយបូរីជាច្រើនមានបញ្ហារឿងគ្មានសេវាទូរសព្ទ និងត្រូវបង្ខំឱ្យប្រើសេវាអ៊ីនធើណេតរបស់ក្រុមហ៊ុនតែមួយ ដែលមានតម្លៃខ្ពស់ និងសេវាមិនល្អ។ នេះជាការដាក់បញ្ជាជាលើកទី២ ហើយ ដោយចេញពីទីស្ដីការគណៈរដ្ឋមន្ត្រីផ្ទាល់តែម្ដង ក្រោយក្រសួងប្រៃសណីយ៍ និងទូរគមនាគមន៍ ចេញសេចក្ដីប្រកាសម្ដងរួចមកហើយកាលពីខែមេសា។ (អានបន្ថែម) បើតាមលិខិតលេខ៦១៨ សជណ ចុះថ្ងៃទី ៥ ខែវិច្ឆិកា ឆ្នាំ២០២១ វិធានការទាំង ៦ ចំណុចនេះ រួមមាន៖ ១.ម្ចាស់បុរី និងប្រតិបត្តិករផ្តល់សេវាទូរសព្ទចល័តនិងអ៊ីនធឺណិត ត្រូវសហការគ្នាជាមួយក្រសួង ដើម្បីពិនិត្យលើការងារបច្ចេកទេសក្នុងការស្ថាបនាហេដ្ឋារចនាសម្ព័ន្ធខ្សែកាបអុបទិក និងបង្គោលអង់តែន បង្គោលអង់តែនរួម ឬបង្គោលភ្លើងដែលអាចបំពាក់ឧបករណ៍ផ្តល់សេវាទូរសព្ទចល័ត។ ២.ត្រូវបញ្ចប់រាល់កិច្ចសន្យាផ្ដល់សិទ្ធិផ្តាច់មុខក្នុងការផ្គត់ផ្គង់សេវាអ៊ីនធឺណិតនៅតាមបុរី ដែលផ្ទុយនឹងមាត្រា៦២ នៃច្បាប់ស្តីពីទូរគមនាគមន៍។ ៣.បញ្ចប់ការហាមឃាត់ការសាងសង់បង្គោលអង់តែន ឬបង្គោលភ្លើងដែលបំពាក់ឧបករណ៍ផ្តល់សេវា ទូរសព្ទចល័តនៅតាមបុរី ដែលផ្ទុយនឹងមាត្រា១៤ និងមាត្រា១៥ នៃច្បាប់ស្តីពីទូរគមនាគមន៍។ ៤.អនុញ្ញាតឱ្យមានប្រតិបត្តិករផ្ដល់សេវាអ៊ីនធឺណិតយ៉ាងតិច ៣ ផ្តល់សេវាក្នុងបុរី ដើម្បីប្រកួតប្រជែង ដោយស្មើភាព និងមានតម្លៃសមរម្យ។ ៥.ម្ចាស់អគារសហកម្មសិទ្ធិ និងប្រតិបត្តិការផ្តល់សេវាទូរសព្ទចល័តនិងអ៊ីនធឺណិត ត្រូវសហការជាមួយក្រសួង ដើម្បីពិនិត្យលទ្ធភាពកែលម្អ […]
អានបន្ថែម
ម៉ុងឫទ្ធីគ្រុប សាងសង់រោងចក្រផលិតចំណីសត្វខា្នតធំថ្មីមួយនៅស្រុកព្រៃនប់
ក្រុមហ៊ុន M’s Pig ACMC Cambodia ដែលជាក្រុមហ៊ុនបុត្រសម្ព័ន្ធរបស់ ក្រុមហ៊ុន ម៉ុង ឬទ្ធី គ្រុប បានបើកការដា្ឋនសាងសង់រោងចក្រផលិតចំណីសត្វខ្នាតយក្សមួយកន្លែងនៅស្រុកព្រៃនប់ ខេត្តព្រះសីហនុ ដោយរោងចក្រនេះនឹងមានសមត្ថភាពផលិត ប្រមាណ ១៨ ០០០ តោន ក្នុងមួយខែ ឬ២១ ម៉ឺនតោនក្នុងមួយឆ្នាំ។ ពិធីបញ្ចុះបឋមសិលាសាងសង់រោងចក្រ ធ្វើឡើងនៅថ្ងៃទី១១ ខែវិច្ឆិកា នៅក្រោមវត្តមានប្រធានក្រុមហ៊ុនម៉ុង ឫទ្ធីគ្រុប ឯកឧត្តម បណ្ឌិត ម៉ុង ឫទ្ធី។ រោងចក្រផលិតចំណីសត្វថ្មីនេះ ស្ថិតនៅតាមបណ្តោយផ្លូវជាតិលេខ៤ ភូមិមនោរម្យ ឃុំតានៃ ស្រុកព្រៃនប់ ខេត្តព្រះសីហនុ។ ក្រុមហ៊ុនបញ្ជាក់ថា រោងចក្រថ្មីនេះ នឹងប្រមូលទិញកសិផលរបស់កសិករប្រហែល ៤២លានដុល្លារ ក្នុងមួយឆ្នាំ ខណៈបច្ចុប្បន្ន រោងចក្រចាស់ក៏បានប្រមូលទិញកសិផលក្នុងស្រុកប្រហែល២១លានដុល្លារក្នុងមួយឆ្នាំផងដែរ។ គួរបញ្ជាក់ថា រោងចក្រថ្មីនេះនឹងសាងសង់រួចរាល់នៅដើមឆ្នាំ ២០២៣ខាងមុខនេះ ដូច្នេះ បើបូកសរុបរោងចក្រទាំង ២ ក្រោយឆ្នាំ ២០២២ ក្រុមហ៊ុននឹងប្រមូលទិញកសិផលរបស់កសិករជាមធ្យមប្រហែល ៦៣ លានដុល្លារក្នុងមួយឆ្នាំ។
អានបន្ថែម
កម្ពុជាត្រូវការថវិកាជិត៥០ពាន់លានដុល្លារ ដើម្បីអនុវត្តគម្រោងដឹកជញ្ជូន៣៣០ នៅ១០ឆ្នាំខាងមុខ
កម្ពុជានឹងត្រូវការថវិកាប្រមាណ ៤៨ប៊ីលានដុល្លារអាមេរិក ដើម្បីអនុវត្តគម្រោងប្រព័ន្ធដឹកជញ្ជូនចំនួន៣៣០គម្រោង ក្នុងរយៈពេល១០ឆ្នាំខាងមុខ។ ឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានឱ្យដឹងដូច្នេះ ក្នុងកិច្ចប្រជុំរដ្ឋមន្ត្រីដឹកជញ្ជូនអាស៊ានលើកទី២៧ (ATM) ជាមួយក្រុមប្រឹក្សាធុរកិច្ចអាស៊ាន-សហរដ្ឋអាមេរិក (US-ABC) កាលពីថ្ងៃទី១១ ខែវិច្ឆិកា កន្លងទៅ។ ឯកឧត្តម បានបន្ដថា មិនមែនតែប្រទេសកម្ពុជាទេ បើតាមការប៉ាន់ប្រមាណ អាស៊ានទាំងមូលក៏នឹងត្រូវការថវិកាប្រមាណ ២១០ពាន់លានដុល្លារ ក្នុងមួយឆ្នាំៗ រហូតដល់ឆ្នាំ២០៣០ សម្រាប់ការវិនិយោគលើហេដ្ឋារចនាសម្ព័ន្ធ និងបង្កើនប្រសិទ្ធភាពនៃការដឹកជញ្ជូន ភស្តុភារកម្ម និងខ្សែសង្វាក់ផ្គត់ផ្គង់ផងដែរ។ ក្រៅពីបញ្ជាក់ពីតម្រូវការទុន ឯកឧត្តមក៏បានបង្ហាញអំពីលទ្ធផលសំខាន់ៗ និងបញ្ហាអាទិភាពសំខាន់ៗផ្សេងៗរួមមាន៖ -ការបញ្ចប់ពិធីសារដើម្បីអនុវត្តកញ្ចប់សន្យាទី១២ ស្តីពីសេវាកម្មដឹកជញ្ជូនតាមផ្លូវអាកាសក្រោមកិច្ចព្រមព្រៀងក្របខណ្ឌអាស៊ានស្តីពីសេវាកម្ម -ការបញ្ចប់ការចរចាកិច្ចព្រមព្រៀងដឹកជញ្ជូនផ្លូវអាកាសគ្រប់ជ្រុងជ្រោយអាស៊ាន-សហភាព អឺរ៉ុប – ការអនុវត្តពិធីសារទី៧ ស្តីពីប្រព័ន្ធដឹកជញ្ជូនឆ្លងកាត់គយអាស៊ាននៃកិច្ចព្រមព្រៀងក្របខណ្ឌអាស៊ានស្តីពីកិច្ចសម្រួលដឹកជញ្ជូនទំនិញឆ្លងកាត់ -ការអនុម័តសេចក្តីប្រកាសភ្នំពេញ ស្តីពីការដឹកជញ្ជូនក្នុងទីក្រុងប្រកបដោយនិរន្តរភាព និងការធ្វើផែនការប្រើប្រាស់ដីក្នុងតំបន់អាស៊ានជាដើម៕
អានបន្ថែម
រដ្ឋសភាបើកឱ្យឯកជនដេញថ្លៃគម្រោងសាងសង់អគាររដ្ឋបាលថ្មីតម្លៃ ២៥លានដុល្លារ
រដ្ឋសភាជាតិនៃកម្ពុជា បានប្រកាសបើកការដេញថ្លៃជាសាធារណៈ សម្រាប់គម្រោងសាងសង់អគាររដ្ឋបាលថ្មីនៃរដ្ឋសភា ដែលមានតម្លៃសាងសង់ ២៥លានដុល្លារ។ យោងតាមសេចក្តីជូនដំណឹងចេញផ្សាយនៅថ្ងៃ១២ ខែវិច្ឆិកានេះ កាលបរិច្ឆេទឈប់ទទួលសំណើដេញថ្លៃ គឺនៅថ្ងៃទី២៧ ខែវិច្ឆិកា ឆ្នាំ២០២១ មុនវេលាម៉ោង ៩:០០ ព្រឹក នៅអគ្គលេខាធិការដ្ឋានរដ្ឋសភា។ គួរបញ្ជាក់ថា គម្រោងសាងសង់អគាររដ្ឋបាលថ្មីនេះ នឹងធ្វើឡើងក្រោមជំនួយឥតសំណងចំនួន២៥លានដុល្លារ របស់សាធារណរដ្ឋសង្គមនិយមវៀតណាម ដោយភាគីទាំង ២ បានចុះហត្ថលេខតាំងពីឆ្នាំ ២០១៩ មកម្លេះ។ (អានបន្ថែម) បើតាមផែនការ អគាររដ្ឋបាលថ្មីនឹងត្រូវសាងសង់ជាងអគារកម្ពស់១១ ជាន់ ដែលស្ថិតនៅក្នុងទីតាំងរបស់រដ្ឋសភាជាតិផ្ទាល់។ តាំងពីបានចុះកិច្ចសន្យាតាំងពីឆ្នាំ ២០១៩ មក ការងារជាច្រើនត្រូវបានធ្វើជាបន្ដបន្ទាប់ មុននឹងឈានដល់ការដាក់ឱ្យដេញថ្លៃនេះ ដូចជាការរៀបចំគណៈកម្មការវាយតម្លៃលើគុណភាព គណៈកម្មការហិរញ្ញវត្ថុ និងគណៈកម្មការផ្សេងៗទៀតជាដើម។ ( ទាយយកឯកសារ)
អានបន្ថែម
ហេដ្ឋារចនាសម្ព័ន្ធថាមពលនានានៅកម្ពុជា នឹងត្រូវផ្លាស់ប្ដូរ ក្រោយក្រសួងប្តេជាធ្វើរឿងធំៗ ៤ នេះ
រោងចក្រ ក៏ដូចជាហេដ្ឋារចនាសម្ព័ន្ធនានាក្នុងវិស័យថាមពលកម្ពុជា នៅពេលអនាគត នឹងត្រូវផ្លាស់ប្ដូរយ៉ាងស៊ីជម្រៅ ក្រោយក្រសួងបរិស្ថាន បានសន្យាថានឹងអនុវត្តគោលនយោបាយថ្មី ៤ចំណុច ទិសដៅចូលរួមដោះស្រាយការប្រែប្រួលអាកាសធាតុ និងកាត់បន្ថយការបញ្ចេញឧស្ម័នផ្ទះកញ្ចក់។ ការប្ដេជ្ញានេះ ធ្វើឡើងដោយ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន ក្នុងកិច្ចប្រជុំកំពូលលើកទី២៦ នៃបណ្តាភាគីអនុសញ្ញាក្របខណ្ឌសហប្រជាជាតិស្តីពីការប្រែប្រួលអាកាសធាតុ (COP26) នៅទីក្រុងក្លាហ្កូ ចក្រភពអង់គ្លេស កាលពីកាលថ្ងៃទី១០ ខែវិច្ឆិកា កន្លងទៅនេះ។ ការប្ដេជ្ញាទាំង ៤ ចំណុចនោះរួមមាន៖ ១.កម្ពុជាបានដាក់ឱ្យដំណើរការរោងចក្រថាមពលសូឡាជាច្រើន អានុភាពសរុបជាង ៤០០MW រួចហើយ ដែលតំណាងឱ្យ ១៥% នៃប្រភពថាមពល ហើយតួលេខនេះ នឹងកើនឡើងជាបន្ដបន្ទាប់។ លើសពីនេះ ត្រឹមឆ្នាំ ២០២៣ គម្រោងថាមពលសូឡាចំនួន ៧គម្រោងបន្ថែម អនុភាពសរុប ៤៩៥មេហ្គាវ៉ាត នឹងត្រូវដាក់ដំណើរការបន្ថែម ដោយនឹងរួមចំណែកប្រមាណ២០% នៃការផ្គត់ផ្គង់ថាមពលសរុបនៅកម្ពុជា។ ២. កម្ពុជានឹងមិនអនុម័ត ឬបង្កើតរោងចក្រថាមពលធ្យូងថ្មថ្មី ទៀតទេ ៣. កម្ពុជានឹងមិនសាងសង់ទំនប់វារីអគ្គិសនីនៅតាមដងទន្លេមេគង្គ ៤.កាត់បន្ថយការបាត់បង់ព្រៃឈើត្រឹមពាក់កណ្តាលត្រឹមឆ្នាំ២០៣០ និងមិនមានការបញ្ចេញឧស្ម័នពីព្រៃឈើត្រឹមឆ្នាំ២០៤០។ ក្នងឱកាសនោះ ឯកឧត្តម […]
អានបន្ថែម
ច្រកព្រំដែនកម្ពុជា-ថៃថ្មី នៅស្ទឹងបត់ នឹងបំពាក់ដោយបច្ចេកវិទ្យាស្កេនទំនិញបែបទំនើប និងរហ័ស
ក្រសួងសាធារការ និងដឹកជញ្ជូន គ្រោងនឹងបំពាក់គ្រឿងម៉ាស៊ីនត្រួតពិនិត្យកាំរស្មើអិចលើទំនិញដែលឆ្លងកាត់ច្រកទ្វារព្រំដែនអន្តរជាតិថ្មី ស្ទឹងបត់-បានណុងអៀន ទិសដៅដើម្បីធ្វើទំនើបកម្ម និងពន្លឿននីតិវិធីត្រួតពិនិត្យទំនិញឆ្លងកាត់ព្រំដែន។ គម្រោងនេះ ត្រូវបានលើកឡើងក្នុងកិច្ចប្រជុំកាលពីថ្ងៃទី៨ ខែវិច្ឆិកា ដើម្បីពិនិត្យវឌ្ឍនភាពនៃគម្រោងសាងសង់ច្រកស្ទឹងបត់ និងផ្លូវតភ្ជាប់មកផ្លូវជាតិលេខ៥ រវាងមន្ត្រីពាក់ព័ន្ធ ជាមួយទីភ្នាក់ងារទីភ្នាក់ងារសហប្រតិបត្តិការអភិវឌ្ឍន៍សេដ្ឋកិច្ចប្រទេសជិតខាង ឬ NEDA។ ឯកឧត្តម យិត បុណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង បានជំរុញលើកទឹកចិត្តឱ្យភាគីពាក់ព័ន្ធ ជាពិសេស អាជ្ញាធរគយកម្ពុជា និងថៃ សហការគ្នាឱ្យបានជិតស្និទ្ធ ដើម្បីធានាថាការបំពាក់ព័ន្ធគ្រឿងម៉ាស៊ីនបរិក្ខារស្កេនទំនិញនៅច្រកទ្វារនេះ។ ឯកឧត្តម សង្ឈឹមថា ម៉ាស៊ីននេះនឹងជួយឱ្យមន្រ្តីងាយស្រួលក្នុងការត្រួតពិនិត្យទំនិញឆ្លងកាត់ព្រំដែន កុំឱ្យមានភាពយឺតយ៉ាវ និងមិនបង្កភាពស្មុគស្មាញបន្ថែមទៀតដល់ការដឹកជញ្ជូន។ គួរបញ្ជាក់ថា កម្ពុជា និងថៃ កាលពីថ្មីៗនេះ បានព្រមព្រៀងគ្នាថានឹងបើកច្រកទ្វារព្រំដែនស្ទឹងបត់ ភ្ជាប់ខេត្តបន្ទាយមានជ័យនៃប្រទេសកម្ពុជា និងខេត្តស្រះកែវនៃប្រទេសថៃ ជាបណ្តោះអាសន្ន សម្រាប់ការដឹកជញ្ជូនទំនិញ ក្នុងពេលឆាប់ៗនេះ។ (អានបន្ថែម) បើគិតត្រឹមចុងខែមិថុនា ឆ្នាំ២០២១ នេះ គម្រោងសាងសង់ច្រកទ្វារព្រំដែនខ្មែរ-ថៃថ្មី ស្ទឹងបត់-បានណងអៀន តម្លៃជាង ២៤ លានដុល្លារ នេះ សម្រេចបានប្រមាណ ២១,០៥% ហើយ […]
អានបន្ថែម
អគារទីស្ដីការក្រសួងមហាផ្ទៃថ្មី តម្លៃជាង៦០លានដុល្លារ ចាប់ផ្តើមសាងសង់ជាផ្លូវការហើយ
អគារទីស្ដីការក្រសួងមហាផ្ទៃថ្មី ដែលមានតម្លៃរហូតជាង ៦០លានដុល្លាអាមេរិក ត្រូវបានបញ្ចុះបឋមសិលាបើកការដ្ឋានសាងសង់ជាផ្លូវការហើយ កាលពីព្រឹកថ្ងៃទី១១ ខែវិច្ឆិកា ឆ្នាំ២០២១ ក្រោមវត្តមាន សម្ដេច ស ខេង រដ្ឋមន្ត្រីក្រសួងមហាផ្ទៃ និងអង្គភាពពាក់ព័ន្ធ។ ទីស្ដីការថ្មីនេះ មានទីតាំងនៅទីធ្លាក្រសួងបច្ចុប្បន្ន ដែលមានផ្ទៃដីសរុបទំហំ ៥,៦ហិកតា ស្ថិតនៅតាមបណ្ដោយមហាវិថីព្រះនរោត្តម សង្កាត់ទន្លេបាសាក់ ខណ្ឌចំការមន ដោយផ្នែកខាងមុខនៃផ្ទៃអគារនឹងបែរទៅទិសខាងកើតចំទន្លេចតុមុខ។ អគារនេះមានទំហំ ១៥៣ម៉ែត្រ×៨៣ម៉ែត្រ កម្ពស់៩ជាន់ ឬស្មើនឹង ៤៣,៥ ម៉ែត្រ ដោយមិនរាប់បញ្ចូលជាន់ផ្ទាល់ដី និងជាន់សម្រាប់ចំណតរថយន្តក្នុងអគារដែលអាចចតរថយន្តសរុបបានចំនួន ៣៣០គ្រឿង។ ដូច្នេះ ជារួមអគារមានផ្ទៃក្រឡាសរុប ១០៥ ៥៤៥ ម៉ែត្រការ៉េ។ ប្លង់ស្ថាបត្យកម្មជាប្រភេទស្ថាបត្យកម្មក្លាសិករចនាបថខ្មែរ ដំបូលប្រក់ក្បឿងស្រកាលិញ មានបុស្សបុក៥ លំនាំតាមប្រសាទអង្គរ និងបានគិតគូយ៉ាងហ្មត់ចត់អំពីពន្លឺ និងខ្យល់ធម្មជាតិចេញចូល។ ទីស្ដីការក្រសួងថ្មីនេះ អាចផ្ទុកមនុស្សបានរហូតដល់៨៥០០នាក់ ដោយជាកន្លែងប្រមូលផ្ដុំថ្នាក់ដឹកនាំក្រសួង អគ្គនាយកដ្ឋាន និងអង្គភាពឋានៈស្មើចំនួន១២ គណៈកម្មាធិការជាតិចំនួន៥ គណៈកម្មការក្រសួងចំនួន៦ និងលេខាធិការដ្ឋាន គ.ជ.អ.ប និងនាយកដ្ឋានជំនាញចំនួន ៤២។ គួរបញ្ជាក់ថា គម្រោងនេះម៉ៅការសាងសង់ដោយក្រុមហ៊ុន គីម […]
អានបន្ថែម
អាជ្ញាធរខេត្តកណ្ដាលចុះបង្ក្រាប និងបិទអាជីវកម្មជីកដី ខ្សាច់ និងការដឹកជញ្ជូនខុសច្បាប់
អាជ្ញាធរខេត្តកណ្តាល កាលពីថ្មីៗនេះ សម្រេចបិទអាជីវកម្មជីកដី និងខ្សាច់ ៣កន្លែង ស្ថិតនៅស្រុកកណ្តាលស្ទឹង ដែលគ្មានច្បាប់អនុញ្ញាតជីក មិនបានបង់សួយសារ៉ែ និងធ្វើសកម្មភាពខុសបច្ចេកទេសដែលច្បាប់បានកំណត់ ចំពោះរឿងនេះអាជ្ញាធរនឹងបន្ដចុះបង្ក្រាបសកម្មភាពខុសច្បាប់ទាំងនេះបន្តទៀត។ កិច្ចបិទអាជីវកម្មទាំងនេះ ធ្វើឡើងនៅថ្ងៃទី១០ ខែវិច្ឆិកា ឆ្នាំ២០២១នេះ អំឡុងពេលដែលឯកឧត្តម ណុប ដារ៉ា អភិបាលរងខេត្តកណ្តាលដឹកនាំគណៈកម្មការចម្រុះ ចុះត្រួតពិនិត្យអាជីវកម្មជីកដី ខ្សាច់ និងការដឹកជញ្ជូនដី។ អាជីវកម្មទាំង៣ ដែលត្រូវបានបិទ រួមមាន អាជីវកម្មទី១ ដែលធ្វើសកម្មភាពខុសបច្ចេកទេសដែលច្បាប់បានកំណត់ និងកៀកដងផ្លូវ ស្ថិតនៅភូមិត្រស់ ឃុំទ្រា។ ដោយឡែក អាជីវកម្ម ២ កន្លែងទៀត ស្ថិតនៅភូមិថ្មី និងភូមិក្រាំងតី នៃឃុំថ្មី ដែលជីកលើសដែនអាជ្ញាបណ្ណ ហើយពុំមានបង់សួយសារ៉ែ និងធ្វើសកម្មភាពខុសបច្ចេកទេសច្បាប់កំណត់ ។ បើយោងតាមឯកឧត្តម ក្រុមការងារនឹងបន្តចុះពិនិត្យតាមការដ្ឋានអាជីវកម្មជាបន្តបន្ទាប់ទៀត ដើម្បីពង្រឹងការគ្រប់គ្រង និងកាត់បន្ថយហានិភ័យនានាដែលប៉ះពាល់ដល់បរិស្ថាន ក៏ដូចជាគ្រោះថ្នាក់ដល់ប្រជាពលរដ្ឋដែលនៅជិតតំបន់នោះ និងអ្នកធ្វើដំណើរតាមដងផ្លូវ។
អានបន្ថែម