ឥណទានកាបូនជាអ្វី? មានន័យដូចម្ដេចសម្រាប់កម្ពុជា និងមានសារៈសំខាន់យ៉ាងណា?
ឥណទានកាបូន គឺប្រៀបដូចនឹងលិខិតអនុញ្ញាតដែលក្រុមហ៊ុននីមួយៗមានសិទ្ធិបញ្ចេញឧស្ម័នពុល (ឬកាបូនឌីអុកស៊ីត) ទៅក្នុងបរិស្ថាន។ ជាទូទៅ ឥណទានចំនួន១ គឺស្មើនឹងសិទ្ធិបញ្ចេញឧស្ម័នពុលចំនួន ១តោន ទៅក្នុងបរិស្ថាន។ ចំនួនលិខិតអនុញ្ញាតដែលក្រុមហ៊ុននីមួយៗទទួលបាន គឺត្រូវកំណត់ដោយរដ្ឋាភិបាលនៃប្រទេសនីមួយៗ ដោយពីមួយឆ្នាំទៅមួយឆ្នាំ រដ្ឋាភិបាលនឹងកាត់បន្ថយចំនួនឥណទានកាន់តែតិចទៅៗ ក្នុងគោលបំណងដើម្បីការពារបរិស្ថាន។ លក្ខខណ្ឌនេះត្រូវបង្កើតឡើង ក្រោយប្រទេសជាច្រើនលើសកលលោក ដោយយល់ឃើញថាបញ្ហាឧស្ម័នពុលបាននឹងកំពុងគម្រាមកំហែងបរិស្ថាន ដូច្នេះប្រទេសនីមួយៗត្រូវតែប្ដេជ្ញាកាត់បន្ថយការបញ្ចេញឧស្ម័នពុលរៀងៗខ្លួន។ ជាក់ស្ដែង កម្ពុជាបានប្ដេជ្ញាថានឹងកាត់បន្ថយឧស្ម័នផ្ទះកញ្ចក់ចំនួន ៤២% ត្រឹមឆ្នាំ២០៣០។ ការកាត់បន្ថយ ឧស្ម័នពុលនេះទៀតសោត អាចធ្វើបានតាម ២វិធី គឺទី ១ កាត់បន្ថយចំនួនឥណទាន ឬសិទ្ធិបញ្ចេញឧស្ម័នពុលរបស់ក្រុមហ៊ុនឯកជននានា ឬទី ២ បន្ថែមចំនួនព្រៃឈើដែលអាចស្រូបយកឧស្ម័នពុលបាន។ ដូច្នេះ និយមន័យមួយទៀតនៃឥណទានកាបូន គឺចំនួនព្រៃឈើដែលដាំថ្មី ឬព្រៃឈើចាស់មានស្រាប់ដែលរក្សាទុក ហើយអាចស្រូបយកឧស្ម័នពុលពីបរិស្ថានបាន ១តោន។ ឧទាហរណ៍ ប្រទេស ឬក្រុមហ៊ុន A បានដាំព្រៃឈើបន្ថែមក្នុង ១ឆ្នាំ ១០ ម៉ឺនហិកតា ដែលអាចជួយស្រូបយកឧស្ម័នពុលពីបរិស្ថានបាន ១០ តោន បានន័យថា ប្រទេស ឬក្រុមហ៊ុន A នឹងមានឥណទានកាបូន […]
អានបន្ថែម
ក្រសួងសាធារណការបើកមណ្ឌលផ្តល់សេវា នៅផ្សារទំនើប Heritage Walk ខេត្តសៀមរាប
ក្រសួងសាធារណការ និងដឹកជញ្ជូន បានប្រកាសបើកឱ្យដំណើរការជាផ្លូវការហើយ នូវមណ្ឌលផ្តល់សេវាសាធារណៈទី៥ របស់កម្ពុជា ដែលមានទីតាំងស្ថិតនៅផ្សារទំនើប Hertiage Walk ជាន់ទី២ ក្នុងខេត្តសៀមរាប។ មណ្ឌលថ្មីនេះ នឹងផ្ដល់សេវាដូចជា ការចុះបញ្ជីរថយន្ត ផ្ទេរកម្មសិទ្ធិយានយន្ត ប្ដូរប័ណ្ណបើកបរ និងដាក់ពាក្យសុំត្រួតពិនិត្យលក្ខណៈបច្ចេកទេសយានជំនិះ(ឆៀក)។ សេវាកម្មនឹងចាប់ពីថ្ងៃដាក់ដំណើរការនេះតទៅ ដោយបើក ៧ថ្ងៃ ក្នុង ១ សប្ដាហ៍ ពីម៉ោង ៨ ព្រឹក ដល់ម៉ោង ៨ យប់។ ថ្លែងក្នុងពិធីសម្ពោធនាព្រឹកថ្ងៃទី ២១ កក្កដា នេះ ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងថា ការបើកឱ្យដំណើរការមណ្ឌលនេះ គឺដើម្បីបង្កភាពងាយស្រួលដល់ពលរដ្ឋ ឱ្យចំណេញពេល និងកាត់បន្ថយការចំណាយ ពោលគឺមិនចាំបាច់ធ្វើដំណើរទៅទទួលសេវាដល់ភ្នំពេញ។ ឯកឧត្តមបញ្ជាក់ថា រាល់ការទៅទទួលសេវានៅមណ្ឌលនេះ គឺមិនមានការយកកម្រៃក្រៅផ្លូវការណាមួយឡើយ។ គួរបញ្ជាក់ថា គិតមកដល់ពេលនេះ ក្រសួងសាធារណការ និងដឹកជញ្ជូន បានប្រកាសបើកឱ្យដំណើរការជាផ្លូវការមណ្ឌលផ្តល់សេវាសាធារណៈ ចំនួន ៥ ទីតាំងរួមមាន៖ មណ្ឌលផ្សារទំនើបអ៊ីអន១ […]
អានបន្ថែម
ប្រេនលក់សំលៀកបំពាក់ល្បី H&M គ្រោងបើកសាខានៅកម្ពុជាជាលើកដំបូងនៅឆ្នាំក្រោយ
ក្រុមហ៊ុនលក់សំលៀកបំពាក់ល្បីឈ្មោះរបស់ប្រទេសស៊ុយអែត H&M (Hennes & Mauritz AB) បានប្រកាសថា នឹងពង្រីកសាខាមកប្រទេសកម្ពុជា ជាលើកដំបូងនៅឆ្នាំក្រោយ។ នេះបើយោងតាមសេចក្តីប្រកាសព័ត៌មានរបស់ក្រុមហ៊ុនកាលពីដើមខែកក្កដា។ យ៉ាងណាក្ដី សេចក្តីប្រកាសមិនបានបញ្ជាក់ ពីកាលបរិច្ឆេទនៃការបើក និងទីតាំងច្បាស់លាស់នៃសាខាថ្មីនេះនៅឡើយទេ។ ការសម្រេចបោះជំហានបើកសាខាលក់សំលៀកបំពាក់នៅកម្ពុជា គឺដោយសារតែក្រុមហ៊ុនមើលឃើញពីសក្ដានុពលនៃលទ្ធភាពទិញរបស់ប្រជាពលរដ្ឋក្នុងស្រុក នេះក៏ដោយសារតែក្រុមហ៊ុនមានរោងចក្រផលិតសំលៀកបំពាក់នៅកម្ពុជាស្រាប់ ពោលគឺតាំងពីទសវត្សឆ្នាំ១៩៩០មកម្ល៉េះ។ គួរបញ្ជាក់ថា ក្រុមហ៊ុន H&M បានឈានជើងចូលទីផ្សារអាស៊ានមួយរយៈធំហើយ ដោយវត្តមានសាខាចំនួន១១ ទីតាំងនៅប្រទេសវៀតណាម និង ៤៣ទីតាំង នៅប្រទេសថៃ។
អានបន្ថែម
ខេត្តកណ្តាល និងតាកែវ គ្រោងស្វាគមន៍គម្រោងវិនិយោគធំៗ ៤ តម្លៃជាង ៥១ លានដុល្លារ
ក្រុមប្រឹក្សាអភិវឌ្ឍន៍កម្ពុជា (CDC) កាលពីថ្មីៗនេះ បានអនុម័តឱ្យក្រុមហ៊ុនឯកជនវិនិយោគសាងសង់រោងចក្រចំនួន ៤កន្លែង តម្លៃសរុប ៥១,១ លានដុល្លារអាមេរិក នៅខេត្តកណ្តាល និងខេត្តតាកែវ។ ក្រុមហ៊ុនទី១ គឺក្រុមហ៊ុន HONG CEN MAX LEATHER PRODUCTS CO., LTD ដែលនឹងវិនិយោគប្រមាណ ២,៦ លានដុល្លារអាមេរិក បង្កើតរោងចក្រផលិតកាបូបគ្រប់ប្រភេទ និងខ្សែក្រវាត់ ដែលមានទីតាំងវិនិយោគស្ថិតនៅភូមិត្រពាំងប្រុយ ឃុំបែកចាន ស្រុកអង្គស្នួល ខេត្តកណ្តាល។ ក្រុមហ៊ុនទី២ គឺក្រុមហ៊ុន REMSTEX FASHION CO., LTD ដែលនឹងវិនិយោគប្រមាណ ៦ លានដុល្លារអាមេរិក បង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិតាឌូ សង្កាត់រកាក្រៅ ក្រុងដូនកែវ ខេត្តតាកែវ។ ក្រុមហ៊ុនទី៣ គឺក្រុមហ៊ុន TOP FORM (CAMBODIA) MANUFACTURING COMPANY LIMITED ដែលនឹងវិនិយោគប្រមាណ ៩,៥ លានដុល្លារអាមេរិក បង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិពោធិ៍មង្គល […]
អានបន្ថែម
វៀតណាមគ្រោងបង្កើតមជ្ឈមណ្ឌលព័ស្តុភារកម្ម ៦ កន្លែង នៅខេត្តជាប់ព្រំដែនកម្ពុជា
វៀតណាម គ្រោងបង្កើតមជ្ឈមណ្ឌលព័ស្តុភារកម្ម (ឡូជីស្ទីក) ៦ កន្លែងធំៗ នៅក្នុងខេត្តឡុងអាន ដែលជាខេត្តជាប់ព្រំដែនកម្ពុជាភាគអាគ្នេយ៍ ខេត្តស្វាយរៀង និងព្រែវែង ដើម្បីឆ្លើយតបទៅនឹងការដឹកជញ្ជូន ការនាំចេញ និងនាំចូល។ នេះបើយោងតាមមន្ទីរឧស្សាហកម្ម និងពាណិជ្ជកម្មខេត្ត។ មជ្ឈមណ្ឌលព័ស្តុភារកម្មទាំងនេះ រំពឹងថានឹងជួយឱ្យក្រុមហ៊ុនក្នុងស្រុកបង្កើនភាពប្រកួតប្រជែងកាន់តែខ្ពស់នៅក្នុងតំបន់។ សារព័ត៌មាន Vietnam News ចេញផ្សាយកាលពីទី១៩ ខែកក្កដា បានឱ្យដឹងថា ក្រៅពីបង្កើតមជ្ឈមណ្ឌលព័ស្តុភារកម្មនេះ ខេត្តឡុងអានក៏មានចក្ខុវិស័យវែងឆ្ងាយផ្សេងៗទៀតដែរ ពោលគឺបង្កើតគោលដៅដឹកជញ្ជូនគំរូពហុបំណង ដែលមានមានភាពប្រកួតប្រជែងខ្ពស់។ គួរបញ្ជាក់ថា មជ្ឈមណ្ឌលចំនួន ២ ក្នុងចំណោមមជ្ឈមណ្ឌលទាំង ៦ នឹងមានទីតាំងនៅជាប់នឹងច្រកព្រំដែនអន្តរជាតិ និងតំបន់សេដ្ឋកិច្ចជាប់ប្រទេសកម្ពុជា។ មជ្ឈមណ្ឌលព័ស្តុភារកម្មទាំងអស់នឹងត្រូវតភ្ជាប់ទៅកាន់ប្រព័ន្ធផ្លូវគោក ផ្លូវទឹក ការដឹកជញ្ជូនតាមសមុទ្រ ដែលផ្តល់សេវាដឹកជញ្ជូន ព័ស្តុភារកម្ម និងចែកចាយទំនិញ។
អានបន្ថែម
ផ្សារទំនើបអ៊ីអន១ ពង្រីកទំហំជាន់ផ្ទាល់ដីបន្ថែម ដើម្បីទាក់ទាញអ្នកអាជីវកម្ម
ផ្សារទំនើបអីអន សាខាទី១ នៅលើផ្លូវសម្តេចសុធារស សម្រេចពង្រីកទំហំជាន់ផ្ទាល់ដី និងបន្ថែមស្ដង់ទំនិញចំនួន ៣០កន្លែងទៀត ដើម្បីបំពេញតម្រូវការ និងទាក់ទាញអ្នកអាជីវកម្មថ្មីៗ។ យោងតាមសេចក្តីប្រកាសព័ត៌មានរបស់ក្រុមហ៊ុន ចេញផ្សាយកាលពីពេលថ្មីៗនេះ ផ្សារទំនើបអីអនទី១ នឹងពង្រីកជាន់ផ្ទាល់ដី ប្រមាណ ២៧ ០០០ ម៉ែត្រការ៉េបន្ថែម ដោយក្រោយពង្រីកជាន់ផ្ទាល់ដីនឹងទំហំសរុប ១៦២ ០០០ ម៉ែត្រការ៉េ។ ការពង្រីកជាន់ផ្ទាល់ដីបន្ថែមនេះ នឹងអាចបង្កើតបានទីតាំងតូបអាជីវកម្មចំនួន ៣០តូបបន្ថែមទៀត ឬសរុបស្មើនឹង ២៤០ តូប។ ការពង្រីកបន្ថែមនេះ ក៏នឹងធ្វើឱ្យការចំណតរថយន្តក្នុងផ្សារទំនើប អាចទទួលបានរថយន្តបន្ថែមចំនួន៧០គ្រឿង ខណៈចំណតរថយន្តអាចទទួលរថយន្តឡើងដល់ ២ ៣៧០ គ្រឿង។ គួរបញ្ជាក់ថា ក្រុមហ៊ុន អីអនម៉ល ខេមបូឌា បានដាក់ក្តីរំពឹងថា ការពង្រីកទីតាំងជាន់ផ្ទាល់ដីសាខាទី១នេះ នឹងបញ្ចប់ឆ្នាំ២០២៣ ហើយអាចទាក់ទាញហាងល្បីៗបន្ថែមទៀត។
អានបន្ថែម
ក្រុមហ៊ុនអចលនទ្រព្យថៃ ចាប់ផ្ដើមទទួលយកការទូទាត់លុយឌីជីថល ឬ Cryptocurrency
ក្រុមហ៊ុនអចលនទ្រព្យធំៗមួយចំនួននៅប្រទេសថៃ បានសម្រេចអនុញ្ញាតឱ្យអតិថិជនប្រើប្រាស់លុយឌីជីថល ឬហៅថាលុយ Cryptocurrency ដើម្បីទូទាត់ទិញផ្ទះក្នុងគម្រោងរបស់ខ្លួន។ នេះជាការវិវត្តថ្មីមួយនៅវិស័យអចលនទ្រព្យនៅប្រទេសថៃ ដើម្បីសម្របខ្លួនទៅនឹងភាពជឿនលឿន ក៏ដូចជាដើម្បីយកឈ្នះវិបត្តិកូវីដផងដែរ។ ក្រុមហ៊ុនអចលនទ្រព្យធំៗ ដែលអនុញ្ញាតប្រើប្រាស់លុយឌីជីថល មានដូចជាក្រុមហ៊ុន AssetWise, SC Asset Corporation Plc និង Sansiri Plc។ នេះបើយោងតាមការចុះផ្សាយរបស់កាសែត Bangkok Post ចុះផ្សាយកាលខែមិថុនាកន្លងទៅ។ ដោយមានការធ្លាក់ចុះនៃទីផ្សារអចលនទ្រព្យ និងឧបសគ្គក្នុងការធ្វើដំណើរ អ្នកអភិវឌ្ឍន៍ កំពុងអនុញ្ញាតទទួលយកលុយឌីជីថលដើម្បីជំរុញការលក់លំនៅដ្ឋានពីតម្រូវការក្នុងស្រុកនិងបរទេស ក៏ដូចជាការចាប់យកអ្នកទិញជំនាន់ថ្មី លោក Kromchet Vipanpong នាយកប្រតិបត្តិក្រុមហ៊ុនអចលនទ្រព្យចុះបញ្ជីផ្សារមូលបត្រ AssetWise ត្រូវបានកាសែតនេះស្រង់សម្តី ថា ក្រុមហ៊ុនរបស់លោកបានសហការជាមួយក្រុមហ៊ុនលុយឌីជីថលថៃ Bitkub Capital Group Holdings លើការដាក់ដំណើរការសេវាប្តូរប្រាក់លុយឌីជីថលសម្រាប់ការទិញផ្ទះ។ លោកមានប្រសាសន៍ថា៖ «យើងចង់មានបណ្តាញផ្ទេរប្រាក់ជាច្រើនប្រភេទបន្ថែមលើការផ្ទេរប្រាក់តាមធនាគារនិងកាតឥណទាន (credit card)។ អតិថិជនរបស់យើងអាចប្រើលុយឌីជីថលសម្រាប់ការទូទាត់ ហើយថ្លៃសេវាគឺទាបជាងកាតឥណទានដែលមានត្រឹមតែ ០,២៥% បើប្រៀបធៀបជាមួយ ២-៣%»។ លោកបន្តថា ភាពជាដៃគូជាមួយក្រុមហ៊ុន Bitkub Capital Group […]
អានបន្ថែម
ក្រសួងកាត់យកដីនៅបឹងព្រែកល្ពៅក្នុងខេត្តតាកែវដាក់ជាតំបន់ការពារអន្តរជាតិ Ramsar
ក្រសួងបរិស្ថាន បាននឹងកំពុងរៀបចំកាត់យកដីតំបន់ការពារទេសភាពដីសើមបឹងព្រែកល្ពៅស្ថិតនៅក្នុងខេត្តតាកែវ ឱ្យក្លាយជាទីតំបន់ការពារលំដាប់អន្តរជាតិ ឬហៅថាតំបន់រ៉ាមសារ (Ramsar) ដោយសារតែតំបន់នេះបានផ្តល់ជាធនធានធម្មជាតិសម្រាប់ពលរដ្ឋប្រើប្រាស់ និងជាទីជម្រកសត្វស្លាប និងសត្វកម្រជាច្រើនប្រភេទ។ ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន បានឱ្យដឹងនៅថ្ងៃទី១៧ ខែកក្កដា កន្លងមកនេះថា ការដាក់តំបន់ដីសើមមួយជាតំបន់រ៉ាមសារ គឺត្រូវមានការសិក្សា និងប្រមូលទិន្ន័យពីជីវចម្រុះ សេវាកម្មអេកូឡូស៊ី និងសក្តានុពលនៃតំបន់ដីសើមនោះ។ ឯកឧត្តម បន្តថា ក្រោយសិក្សា ក្រុមការងារនឹងរៀបចំឯកសារព័ត៌មាន និងពិគ្រោះយោបល់ជាមួយអ្នកពាក់ព័ន្ធទាំងនៅមូលដ្ឋានថ្នាក់ក្រោមជាតិ និងថ្នាក់ជាតិ បន្តទៀត។ យ៉ាងណាមិញ ក្រសួងរំពឹងថា ការដាក់តំបន់ការពារទេសភាពបឹងព្រែកល្ពៅជាតំបន់រ៉ាមសារ នឹងធ្វើឡើងឆាប់ៗមុខនេះ។ បើតំបន់ការពារទេសភាពបឹងព្រែកល្ពៅត្រូវបានដាក់តំបន់រ៉ាមសារ កម្ពុជានឹងមាន តំបន់រ៉ាមសារសរុបចំនួន ៦ ខណៈបច្ចុប្បន្នមានត្រឹម ៥ កន្លែងប៉ុណ្ណោះ រួមមាន តំបន់រ៉ាមសារស្ទឹងត្រែង កោះកាពិ បឹងទន្លេឆ្មារ ព្រែកទាល់ និងស្ទឹងសែន ដែលមានផ្ទៃដីសរុប ៤២ ២៥២ ហិកតា។ គួរបញ្ជាក់ផងដែរ តំបន់រ៉ាមសារគឺជាតំបន់ដីសើមដែលត្រូវបានទទួលស្គាល់ថាមានសារៈសំខាន់លំដាប់អន្តរជាតិ ដោយស្ទើរគ្រប់ប្រទេសទាំងអស់សមាជិកអង្គការសហប្រជាជាតិទទួលស្គាល់។ ហើយការដាក់តំបន់មួយជាតំបន់រ៉ាមសារ តំបន់នោះនឹងត្រូវអភិរក្សជាពិសេស ដើម្បីរក្សាជាមរតកធម្មជាតិសម្រាប់មនុស្សជំនាន់ក្រោយ។
អានបន្ថែម
Update: ខ្មែរមិនត្រឹមតែអាចទិញអចលនទ្រព្យនៅអាមេរិកបានទេ តែបច្ចុប្បន្នជម្រើសកើនដល់ ២១ រដ្ឋ
ក្រុមហ៊ុនក្នុងស្រុក Isaford នៅតែបន្តសហការជាមួយភាគីអាមេរិក Golden Gate Global និង Lennar Home ផ្ដល់សេវាគ្រប់ជ្រុងជ្រោយសម្រាប់វិនិយោគិនខ្មែរដែលចង់ទិញផ្ទះនៅអាមេរិក ដោយប្រតិបត្តិការគ្រប់យ៉ាងអាចធ្វើបានតាមប្រព័ន្ធអនឡាញ និងមិនចាំបាច់ចំណាយពេលរត់ឯកសារដោយខ្លួនឯងនោះទេ។ ប៉ុន្តែពិសេសជាងនេះទៅទៀត មិនត្រឹមតែអាចវិនិយោគបានដោយងាយស្រួលប៉ុណ្ណោះទេ បច្ចុប្បន្នវិនិយោគិនគឺមានជម្រើសច្រើនជាងមុន ដល់ទៅ ២១ រដ្ឋ ពិសេសនៅទីក្រុង Tampa នៃរដ្ឋ Florida ដែលជាទីតាំងពេញនិយមបំផុត។ គម្រោងបូរីដែលកំពុងពេញនិយមពេលនេះ គឺគម្រោង Touchstone ដែលមានទីតាំងនៅច្រាំងភាគខាងកើតនៃឈូងសមុទ្រម៉ិកស៊ិកនៃទីក្រុង Tampa។ ទីតាំងនេះ គឺជាទីតាំងមាសសម្រាប់អ្នកវិនិយោគដើម្បីរស់នៅផ្ទាល់ ឬដើម្បីវិនិយោគទុកជួល ព្រោះជាទិសដៅទេសចរណ៍ឆ្នេរដ៏ស្រស់ស្អាត ដែលមានអាកាសធាតុល្អ ២៤៤ ថ្ងៃក្នុង ១ឆ្នាំ។ លើសពីនេះ គម្រោង Touchstone ក៏ជិតផ្លូវល្បឿនលឿនងាយស្រួលធ្វើដំណើរចេញចូលទៅក្រៅក្រុង និងហ៊ុមព័ទ្ធទៅដោយតំបន់ទេសចរណ៍ធំៗជាច្រើន ដូចជាកន្លែងកំសាន្ត អាហារដ្ឋាន ផ្សារទំនើប និងសួនកម្សាន្តជាដើម។ ក្រៅពីនេះ ក្នុងគម្រោងផ្ទាល់ ម្ចាស់ផ្ទះក៏អាចប្រើបរិក្ខារផ្សេងដូចជា អាងហែលទឹក ក្លឹបហាត់ប្រាណ និងសួនច្បារដ៏ធំទូលាយជាដើម។ គួរបញ្ជាក់ផងដែរថា យោងតាមតួលេខចុងក្រោយ ទោះបីមានការរីករាលដាលនៃជំងឺរាតត្បាតកូវីដ-១៩ នៅទូទាំងពិភពលោកក៏ដោយ […]
អានបន្ថែម
អ្វីជាការវិនិយោគអចលទ្រព្យបែប Timeshare? ខុសពីវិនិយោគធម្មតាដូចម្ដេច មានសក្ដានុពលទេ?
តើអ្នកធ្លាប់ដឹងទេថា អ្នកអាចទិញបន្ទប់របស់សណ្ឋាគារ ឬរីសត ណាមួយត្រឹមតែរយៈពេល ១ សប្ដាហ៍ប៉ុណ្ណោះ ប៉ុន្តែអ្នកនឹងមានឈ្មោះលើប្លង់រឹងនៃយូនីតមួយនោះ ហើយអាចទិញលក់យកចំណេញបានដូចភាគហ៊ុនដូច្នោះដែរ។ ការទិញបែបនេះហៅថា Timeshare តើការវិនិយោគបែបនេះ គឺជាអ្វី? ការវិនិយោគTimeshare គឺជាការបំបែកកម្មសិទ្ធនៃបន្ទប់ឬុយូនីតណាមួយរបស់សណ្ឋាគារ ឬរីសត ជាចំណែកតូចៗតាមពេលវេលា ដើម្បីឱ្យអ្នកវិនិយោគអាចទិញបានក្នុងតម្លៃសមរម្យ។ ភាគច្រើនការបំបែកកម្មសិទ្ធនៃបន្ទប់ ឬុយូនីតត្រូវបែងចែកជាសប្ដាហ៍ ដែល ១ សប្ដាហ៍ស្មើនឹង១ ភាគហ៊ុន។ ក្នុង១ឆ្នាំ ជាទូទៅគឺមាន ៥២សប្ដាហ៍ ដូច្នេះអចលនទ្រព្យទាំងមូលក៏ត្រូវបែងចែកជា ៥២ភាគហ៊ុន ដែរ។ ករណីអ្នកចង់ទិញ ២ ភាគហ៊ុន អ្នកនឹងមានសិទ្ធិស្នាក់នៅ ឬធ្វើជាម្ចាស់លើយូនីតនោះ ២សប្ដាហ៍ រៀងរាល់ឆ្នាំ។ ហើយនៅលើប្លង់រឹង អ្នកក៏ជាម្ចាស់កម្មសិទ្ធិ ២ភាគហ៊ុនលើយូនីតនោះដែរ។ លើសពីនេះ អ្នកក៏ទិញលក់ចំណែករបស់អ្នកដូចជាភាគហ៊ុនដូច្នោះដែរ។ ការវិនិយោគបែប Timeshare នេះទៀតសោត ភាគច្រើនគឺធ្វើឡើងនៅតាមសណ្ឋាគារ ឬរីសត ដែលស្ថិតនៅតំបន់ទេសចរណ៍ល្បីៗ។ អត្ថប្រយោជន៍នៃការវិនិយោគបែបនេះ ទី១ តម្លៃទុនវិនិយោគគឺសមរម្យ ទិញត្រឹមតែ ១ភាគហ៊ុន ប៉ុណ្ណោះ តែបានក្លាយជាម្ចាស់រីសតល្បីនៅតំបន់ទេសចរណ៍ ថែមទាំងអាចទៅប្រើសេវាកម្មស្ដង់ដាតាមរយៈពេលនៃចំនួនភាគហ៊ុនដែលអ្នកទិញទៀតរាល់ឆ្នាំទៀតផង។ […]
អានបន្ថែម
អ្នកស្រាវជ្រាវបង្ហាញបច្ចេកវិទ្យាថ្មីប្រើកាកសំណល់ប្លាស្ទីក ជំនួសខ្សាច់ក្នុងការដ្ឋានសំណង់
អ្នកស្រាវជ្រាវអាមេរិក កាលពីថ្មីៗនេះ បានបង្ហាញពីការសិក្សាថ្មីមួយ ដោយប្រើប្រាស់កាកសំណល់ប្លាស្ទីក ជំនួសឱ្យខ្សាច់ក្នុងល្បាយបេតុង ក្នុងគោលបំណងដើម្បីកាត់បន្ថយការប្រើប្រាស់ខ្សាច់ដែលមានតម្លៃថ្លៃ និងប៉ះពាល់ដល់បរិស្ថានខ្ពស់។ សាស្រ្តាចារ្យនៃសកលវិទ្យាល័យ Cambridge Dr John Orr បានឱ្យដឹងថា កាកសំណល់ប្លាស្ទីកគឺអាចបំបែក និងបុកជំនួសខ្សាច់បានក្នុងល្បាយបេតុង។ Dr John Orr បន្តថា៖ «បើជំនួសដីខ្សាច់ ដោយកាកសំណល់ប្លាស្ទីក ១០% នៅក្នុងបេតុង សំណង់គឺនៅតែរឹងមាំ និងធ្ងន់ដូចគ្នា»។ របកគំហើញនេះនឹងជួយដល់បរិស្ថានយ៉ាងខ្លាំង។ ជាក់ស្ដែង បើឥណ្ឌាបើអនុវត្តវិធីសាស្ត្រនេះ គេនឹងអាចកាត់បន្ថយការប្រើប្រាស់ខ្សាច់ប្រមាណ ៨២០លានតោនក្នុងមួយឆ្នាំ។ គួរបញ្ជាក់ថា តម្រូវការប្រើប្រាស់ខ្សាច់ក្នុងវិស័យសំណង់អគារសរុបជំវិញពិភពលោក មានដល់ទៅប្រមាណ ៤០ ទៅ ៥០ពាន់លានតោន ក្នុងមួយឆ្នាំៗ។ ខ្សាច់ទាំងនេះ គឺត្រូវបានជីកពីបាតទន្លេ ដែលប៉ះពាល់ដល់បរិស្ថានក្នុងប្រទេសជាច្រើនដូចជា ឥណ្ឌា កម្ពុជា និងវៀតណាមជាដើម។
អានបន្ថែម
ខេត្តព្រះសីហនុ ស្វាគមន៍គម្រោងអេកូទេសចរណ៍ថ្មីមួយ ខណៈរដ្ឋកំពុងពិនិត្យផែនការលម្អិត
ក្រុមហ៊ុន Eco Beach Development រួមជាមួយនឹងសហគមន៍នេសាទបឹងជុំ ស្នើចង់វិនិយោគបង្កើតគម្រោងអេកូទេសចរណ៍ថ្មីមួយកន្លែងនៅស្រុកព្រៃនប់ ខេត្តព្រះសីហនុ។ នេះបើយោងតាមកិច្ចប្រជុំធ្វើបទបង្ហាញគម្រោងរបស់ក្រុមហ៊ុន ទៅកាន់រដ្ឋបាលខេត្ត កាលពីថ្ងៃទី១៩ កក្កដា នេះ កន្លងទៅ។ គម្រោងដែលស្នើនេះ មានទីតាំងស្ថិតនៅភូមិស្រែចាមក្រោម ឃុំអូរជ្រៅ ស្រុកព្រៃនប់ ដោយការអភិវឌ្ឍន៍នឹងរួមមាន បឹងកាឡូ ខ្ចុសអង្គុយលេង ផែទេសចរណ៍ កន្លែងចិញ្ចឹមក្តាមបែបធម្មជាតិ កន្លែងជិះទូកកំសាន្ត និងផ្សារទេសចរណ៍ជាដើម។ លោក ឃាង សុភារម្យ អ្នកនាំពាក្យរដ្ឋបាលខេត្តព្រះសីហនុ បានបញ្ជាក់ថា បន្ទាប់ពីបានពិនិត្យលើការស្នើគម្រោងនេះរួច អង្គប្រជុំបានណែនាំឱ្យក្រុមហ៊ុនធ្វើផែនការមេឱ្យបានលម្អិតបន្ថែមទៀត ដើម្បីឱ្យរដ្ឋបាលពិនិត្យឱ្យគ្រប់ជ្រុងជ្រោយ មុននឹងពិចារណាអនុម័ត។
អានបន្ថែម