បច្ចុប្បន្នភាពទីផ្សារអចលនទ្រព្យធំៗ ទាំង ៤ ប្រភេទ៖ តើយើងស្ថិតនៅចំណុចណានៃវដ្ដទីផ្សារ?
គិតត្រឹមចុងឆ្នាំ ២០២០ ទីផ្សារអចលនទ្រព្យនៅកម្ពុជា នៅតែរងសម្ពាធពីជំងឺកូវីដ១៩ ដោយវិស័យលក់រាយ ឬផ្សារទំនើប គឺរងផលប៉ះពាល់ខ្លាំងជាងគេ បន្ទាប់មកគឺ ទីផ្សារការិយាល័យ និងខុនដូ។ ទន្ទឹមនឹងនេះ ដីធ្លី និងបុរី ចាត់ទុកថានៅមានស្ថេរភាព ដោយសារជំហរហិរញ្ញវត្ថុរឹងមាំរបស់អ្នកអភិវឌ្ឍន៍ក្នុងស្រុក ក៏ដូចជាការខិតខំរបស់រដ្ឋាភិបាលក្នុងការអភិវឌ្ឍហេដ្ឋារចនាសម្ព័ន្ធនៅទូទាំងប្រទេស។ យោងតាមការស្រាវជ្រាវចុងក្រោយរបស់ភ្នាក់ងារអចលនទ្រព្យ CBRE Cambodia ដែលវិភាគពីវដ្តទីផ្សារត្រឹមដើមឆ្នាំ ២០២១ បានបង្ហាញ ទីផ្សារបុរីកំពុងស្ថិតនៅក្នុងដំណាក់កាលផ្គត់ផ្គង់ហួសកម្រិត។ ទន្ទឹមនឹងនេះ ទីផ្សារអាផាតមិន ខុនដូ និងការិយាល័យ គឺស្ថិតនៅដំណាក់កាលធ្លាក់ចុះ មានន័យថា មានយូនីតនៅទំនេរច្រើន បូកនឹងការផ្គត់ផ្គង់ដែលកើនឡើងជាបន្តបន្ទាប់។ ដោយឡែក វិស័យលក់រាយ ឬផ្សារទំនើប កំពុងស្ថិតនៅក្នុងដំណាក់កាលនៃការងើបឡើងវិញ ដែលអត្រាទំនេរនៃទីធ្លាជួលចាប់ផ្តើមថយចុះ ហើយក៏គ្មានការបង្កើតគម្រោងថ្មីៗទៀតដែរ។ ទោះបីជាមានផលប៉ះពាល់អវិជ្ជមានដល់សេដ្ឋកិច្ចក៏ដោយ វិបត្តិកូវីដ១៩ ក៏នឹងធ្វើឱ្យវិស័យ ២ ចាប់ផ្ដើមមានសន្ទុះ ពោលគឺអចលនទ្រព្យប្រភេទឧស្សាហកម្ម និងហាងលក់ទំនិញដែលនៅក្រៅផ្សារទំនើប។ វិស័យឧស្សាហកម្ម ត្រូវព្យាករថានឹងរីកដុះដាលខ្លាំងក្រោយវិបត្តិកូវីដ ព្រោះកូវីដបានបង្រៀនវិនិយោគិនឱ្យចេះដាក់ទីតាំងរោងចក្រនៅច្រើនកន្លែងខុសៗគ្នាដើម្បីការពារបញ្ហាដាច់សង្វាក់ផលិតកម្ម ហើយប្រទេសកម្ពុជាគឺជាជម្រើសដ៏ល្អបំផុតមួយ។ ដោយឡែក មុនកូវីដ១៩ ហាងលក់ទំនិញនានាដែលនៅក្រៅផ្សារទំនើប កំពុងមាននិន្នាការថមថយ ព្រោះមនុស្សចូលចិត្តដើរផ្សារទំនើបជាង ដោយសារមានជម្រើសច្រើន។ តែក្រោយកូវីដ […]
អានបន្ថែម
វិធីសាស្ត្រការពារ និងកាត់បន្ថយហានិភ័យពីទឹកជំនន់ ដែលប៉ះពាល់ដល់ហេដ្ឋារចនាសម្ព័ន្ធ
ទឹកជាដៃគូរសហការដ៏សំខាន់បំផុតក្នុងវិស័យសំណង់ តែក៏អាចជាសត្រូវដ៏អាក្រក់បំផុតក្នុងការបំផ្លាញសមិទ្ធិផលសំណង់បានដែរ ដូចប្រសាសន៍ឯកឧត្តម ស៊ុន ចាន់ថុល ធ្លាប់បាននិយាយថា «ទឹកជាសត្រូវនៃផ្លូវ» ក្នុងន័យនេះ ឯកឧត្តម ចង់សំដៅទៅលើផលប៉ះពាល់លើហេដ្ឋារចនាសម្ព័ន្ធទូទាំងប្រទេស ដែលបន្សល់ដោយសារគ្រោះទឹកជំនន់នាពេលកន្លងមក។ ជាក់ស្ដែង គ្រោះទឹកជំនន់ដែលគ្របដណ្ដប់កម្ពុជាក្នុងកំឡុងពេលដ៏ខ្លី បានធ្វើឱ្យខូចខាតហេដ្ឋារចនាសម្ព័ន្ធនានាក្នុងស្រុកសរុបប្រមាណជាង ៣ ពាន់គីឡូម៉ែត្រ រួមមាន ផ្លូវជាតិ ផ្លូវខេត្ត ផ្លូវគ្រួសក្រហម ផ្លូវលំជនបទ។ល។ ហើយបើគិតមកត្រឹមចុងខែ វិច្ឆិកា រដ្ឋាភិបាល ក៏បានធ្វើការជួសជុលបន្ទាន់លើផ្លូវខូចខាតបានប្រវែងជាង ១១២ គីឡូម៉ែត្រ ហើយ។ ជាមួយគ្នានេះ កម្ពុជានឹងត្រូវប្រើប្រាស់ថវិការប្រមាណ ៩១ លានដុល្លារ ដើម្បីកែលម្អលើហេដ្ឋារចនាសម្ព័ន្ធទាំងនេះឡើងវិញ។ នេះជាគឺជាទំហំខូចខាតដ៏ធំសម្បើមមួយ ដែលរដ្ឋាភិបាលត្រូវដោះស្រាយ ដោយប្រើប្រាស់ថវិកាជាច្រើនសន្ធឹកសន្ធាប់។ បើគិតមកទល់បច្ចុបន្ន ក្រសួងសេដ្ឋកិច្ច និងហិរញ្ញវត្ថុ ទើបអនុម័តថវិកាបានត្រឹម ១៥ លានដុល្លារប៉ុណ្ណោះ សម្រាប់ខេត្តអាទិភាពដែលទទួលរងការខូចខាតខ្លាំងចំនួន ៣ រួមមាន បន្ទាយមានជ័យ ពោធិ៍សាត់ និងបាត់ដំបង។ ប៉ុន្តែហេតុអ្វីបានជាទឹកជំនន់ធ្វើឱ្យផ្លូវខូច? បើយោងតាមគេហទំព័រ ScienceDirect ស្ដីពីការស្រាវជ្រាវលើវិស័យដឹកជញ្ជូន ទឹកជំនន់ ជាពិសេសទឹកជំនន់ដែលកើនឡើងមកពីភ្លៀងធ្លាក់ជាបន្តបន្ទាប់ គឺជាបុព្វហេតុចំបង […]
អានបន្ថែម
ស្ថានីយប្រព្រឹត្តិកម្មទឹកកខ្វក់តម្លៃជាង ១៤០ លានដុល្លារ នៅខេត្តព្រះសីហនុសម្រេចបាន ៤៨% ហើយ
គម្រោងសាងសង់ស្ថានីយប្រព្រឹត្តិកម្មទឹកកខ្វក់ តម្លៃជាង ១៤០ លានដុល្លារ នៅខេត្តព្រះសីហនុ មកទល់បច្ចុប្បន្នសម្រេចបាន ៤៨% ហើយ។ នេះបើតាមការលើកឡើងរបស់អភិបាលក្រុងព្រះសីហនុ លោកអ៊ី សុខឡេង កាលពីថ្ងៃទី ១៤ មករា។ ថ្លែងក្នុងសន្និសីទសារព័ត៌មានស្ដីពី វឌ្ឍនភាពមូលដ្ឋានឃុំ សង្កាត់ និងទិសដៅការងារបន្ត លោក អ៊ី សុខឡេង បានមានប្រសាសន៍ថា៖ «មូលហេតុនៃកសាងស្ថានីយប្រព្រឹត្តិកម្មនេះ គឺដើម្បីសម្អាតទឹកកខ្វក់ ដែលហូរចេញពីទីតាំងរបស់ប្រជាពលរដ្ឋ មុននឹងហូរចូលទៅសមុទ្រ»។ លោកបន្ថែមទៀតថា ស្ថានីយព្រឹត្តិកម្មទឹកកខ្វក់នេះ នឹងមានសមត្ថិភាពសម្អាតទឹកកខ្វក់ក្នុងមួយថ្ងៃបាន ១២,៤០០ ម៉ែត្រគូប។ គួររំលឹកផងដែរថា គម្រោងនេះកំពុងអនុវត្តដោយក្រុមហ៊ុន BUCG ហើយបើយោងតាមការសិក្សាផែនការមេ គម្រោងនេះនឹងត្រូវអនុវត្តជា ៣ ដំណាក់កាល គឺ ដំណាក់កាលទី១ ពីឆ្នាំ២០១៩ ដល់២០២១ ដំណាក់កាលទី២ ពីឆ្នាំ ២០២១ ដល់ ២០២៣ និង ដំណាក់កាលទី៣ ពីឆ្នាំ ២០២៣ ដល់ ២០៣០។ ដោយឡែក ទុនវិនិយោគប៉ាន់ស្មានសម្រាប់ដំណាក់កាលទី […]
អានបន្ថែម
ក្រុមហ៊ុនបដិសណ្ឋារកិច្ចយក្ស ២ សហការគ្នា លើកកម្ពស់សេវាកម្មក្នុងគម្រោងល្បីកណ្ដាលក្រុងមួយ
ក្រុមហ៊ុនបដិសណ្ឋារកិច្ចលំដាប់ពិភពលោក Meridian International Holding កាលពីថ្មីៗនេះ បានសម្រេចចាប់ដៃគូរជាមួយក្រុមហ៊ុនបដិសណ្ឋារកិច្ចក្នុងស្រុកដ៏ល្បីមួយ Thalias Hospitality Group ក្នុងគោលបំណងដើម្បីលើកកម្ពស់សេវាកម្មក្នុងអគារ Flatiron by Meridian។ បើយោងតាមសេចក្ដីប្រកាសរបស់ក្រុមហ៊ុន កិច្ចសហការនេះ គឺនឹងអនុញ្ញាតិឱ្យ Thalias Hospitality Group ទទួលខុសត្រូវ និងគ្រប់គ្រងលើផ្នែកអាហារដ្ឋាន ឬ ស្គាល់ជាភាសាបច្ចេកទេសថា F&B ទាំងអស់នៅក្នុងអគារ Flatiron។ Thalias នឹងក្លាយជាអ្នកផ្គត់ផ្គង់ផ្ដាច់មុខទាក់ទងនឹងសេវាកម្មអាហារ និងភេសជ្ជៈ ដោយនឹងមានការបើកហាងល្បីៗរបស់ខ្លួននៅក្នុងអគារ Flatiro តួយ៉ាងដូចជា ហាងKhema ជាដើម។ ក្រៅពីនេះ ក្រុមហ៊ុននេះក៏បានបង្កើតគំនិតភោជនីយដ្ឋានថ្មីមួយទៀតផងដែរគឺ Siena Restaurant Wine & Bar ដែលត្រូវបានរៀបចំឡើងនៅក្នុងគម្រោងអភិវឌ្ឍន៍សំខាន់មួយនេះ។ គួរបញ្ជាក់ផងដែរ គម្រោង Flatiron by Meridian គឺជាគម្រោងអភិវឌ្ឍចំរុះ ដែលមានទីតាំងនៅក្នុង Phnom Penh City Center ឬស្គាល់ជាទូទៅថាតំបន់បឹងកក់។ ដោយឡែក […]
អានបន្ថែម
គម្រោងអភិវឌ្ឍន៍ធំៗជាង ២០០ គម្រោងត្រូវបានដាក់បញ្ចូលក្នុងផែនការមេអភិវឌ្ឍន៍ខេត្តកែប
គម្រោងអភិវឌ្ឍន៍ជាង ២០០ និងប៉ូលទេសចរណ៍ធំៗចំនួន ៤ ត្រូវបានដាក់បញ្ចូលក្នុងសេចក្ដីព្រាងផែនការមេអភិវឌ្ឍន៍ទេសចរណ៍ខេត្តកែប។ នេះបើយោងតាមក្រសួងទេសចរណ៍ កាលពីថ្ងៃទី ១៤ មករា កន្លងទៅ។ ប្រភពដដែលបានឱ្យដឹងថា គោលបំណងនៃការរៀបចំផែនការមេនេះ គឺដើម្បីអភិវឌ្ឍឱ្យខេត្តកែបក្លាយជា គោលដៅទេសចរណ៍ធម្មជាតិសម្រាកកម្សាន្តបែបប្រណីតកម្រិតខ្ពស់ និងជួយលើកស្ទួយវិស័យទេសចរណ៍ខេត្តកែប ក្រោយវិបត្តិកូវីដ។ ឯកឧត្តម នី ផល្លី អនុរដ្ឋលេខាធិការក្រសួងទេសចរណ៍ និងជាប្រធានលេខាធិការដ្ឋាននៃគណៈកម្មការអន្តរក្រសួង បានឱ្យដឹងថា៖ «មានយុទ្ធសាស្ត្រគោលចំនួន ៩ ត្រូវបានចងក្រងឡើង ដោយរួមមានយុទ្ធសាស្ត្រលម្អិតចំនួន ៤៩ យុទ្ធសាស្ត្រ បែងចែកជា ៩៨ សកម្មភាព ឬស្មើនឹង ២៥១ គម្រោង។ លើសពីនេះ គណៈកម្មការក៏បានកំណត់យកប៉ូលទេសចរណ៍ធំៗចំនួន ៤ រួមមាន ទីក្រុងកែបបច្ចុប្បន្ន តំបន់អង្កោល តំបន់ភ្នំវល្លិ និងតំបន់ប្រជុំកោះ ដើម្បីអភិវឌ្ឍគម្រោងទាំងអស់នេះ។ បើយោងតាមផែនការដំណាក់កាលដំបូង គម្រោងទាំងនោះ មានដូចជា ការបម្លែងតំបន់ស្រែអំបិលទៅជាសារៈមន្ទីរស្រែអំបិល គម្រោងកែលម្អបន្ថែមនៅតាមបណ្ដោយឆ្នេរកែប និងឆ្នេរអង្កោល ការបង្កើតឆ្នេរថ្មីមួយទៀត (លាតសន្ធឹងចាប់ពីខាងកើតផ្សារក្ដាម ទៅដល់តំបន់ព្រៃកោងកាងអូរក្រសា) និងគម្រោងអភិវឌ្ឍន៍ដទៃជាច្រើនទៀត។ បន្ថែមពីនេះ អន្តរក្រសួងក៏បានឯកភាពគ្នាត្រួតពិនិត្យលើសេចក្ដីព្រាងផែនការមេនេះម្ដងទៀត […]
អានបន្ថែម
វីឡាកូនកាត់បីសាសន៍ថ្មីរបស់ បុរី ជា រី បើកលក់ក្នុងតម្លៃពិសេស ជាមួយនឹងការបញ្ចុះតម្លៃ ១០%
អត្ថបទផ្សព្វផ្សាយ៖ បុរី ជា រី នឹងបើកលក់វីឡាប្រភេទថ្មីមានឈ្មោះថា វីឡាកូនកាត់បីសាសន៍ នៅថ្ងៃទី១៧ ខែមករា នេះ នៅការិយាល័យលក់បុរី ជា រី ដោយមានការបញ្ចុះតម្លៃពិសេសដល់អតិថិជន។ សម្រាប់ការចូលរួមនៅថ្ងៃសម្ពោធវីឡាប្រភេទថ្មីនេះ អតិថិជននឹងមានឱកាសទទួលបានកាដូជាច្រើនដូចជា ទូរទស្សន៍ ៣២ អ៊ីញ ឆ្នំាងដំាបាយអគ្គិសនី ឆ្នំាងស៊ុបអគ្គិសនី ដបទឹកក្តៅទឹកត្រជាក់ សំបុត្រកុន និងរង្វាន់ជាច្រើនទៀត។ អ្វីដែលកាន់តែពិសេស សម្រាប់ការកក់នៅក្នុងថ្ងៃសម្ពោធនេះ អតិថិជននឹងទទួលបានការបញ្ចុះតម្លៃ ១០% ភ្លាមៗ ។ វីឡាកូនកាត់បីសាសន៍ មានទីតាំងស្ថិតក្នុងគម្រោង ដឹ ចោមចៅ ២ ។ អត្ថន័យនៃពាក្យ “កូនកាត់បីសាសន៍” គឹកើតចេញពី ការច្នៃប្រឌិតរួមគ្នានៃម៉ូតវីឡាកូនកាត់ដែលលក់ដាច់បំផុតក្នុងឆ្នាំ ២០១៩ និង ២០២០ ក្នុងគម្រោង ដឹ ចោមចៅ ១ គម្រោង សមប្រាថ្នា និងគម្រោង ដឹ ហ្គ្រីន វីល បង្កើតចេញជាម៉ូដថ្មីនេះឡើង។ វីឡាប្រភេទថ្មីនេះរចនាឡើងដើម្បីបំពេញតម្រូវការនៃការរស់នៅរបស់អតិថិជនប្រកបដោយផាសុកភាពនិងសុភមង្គល ដោយបានសិក្សាយ៉ាងលំអិតទៅលើបទពិសោធន៍ផ្ទាល់នៃការរស់នៅ […]
អានបន្ថែម
គម្រោងសាងសង់ផ្លូវ ១១ខ្សែ តម្លៃ១០០លានដុល្លារនៅខេត្តព្រះសីហនុសម្រេចបានជាង២១%ហើយ
រដ្ឋាភិបាលកាលពីពេលថ្មីនេះ សម្រេចឱ្យក្រសួងសាធារណការ និងដឹកជញ្ជូនស្ថាបនាផ្លូវ ១១ខ្សែបន្ថែមទៀតនៅខេត្តព្រះសីហនុ ដែលគម្រោងនឹងត្រូវចំណាយទុនក្នុងការសាងសង់ប្រមាណ ១០០លានដុល្លារ។ នេះបើយោងតាមការលើកឡើងរបស់អភិបាលក្រុងព្រះសីហនុ លោក អ៊ី សុខឡេងកាលពីថ្ងៃទី ១៤ មករា។ ថ្លែងក្នុងសន្និសីទសារព័ត៌មានស្ដីពី វឌ្ឍនភាពមូលដ្ឋានឃុំ សង្កាត់ និងទិសដៅការងារបន្ត លោក អ៊ី សុខឡេង បានមានប្រសាន៍ថា៖ « ផ្លូវ១១ ខ្សែ ដែលកំពុងសាងសង់គឺសម្រេចបាន២១% ហើយ ក្នុងនោះផ្លូវដែលមានប្រវែងខ្លី គឺស្ថាបនាជិតនឹងរួចរាល់ នៅឡើយតែផ្លូវ ៤៦B ដែលមានប្រវែង ៤៣ គ.ម ដែលនៅកំពុងតែសាងសង់»។ លោកបានបន្ថែមថា ផ្លូវដែលកំពុងសាងសង់នេះ ជាសមិទ្ធផលដែលកើតឡើងនៅក្នុងស្រុកចំនួន២ គឺស្រុកព្រៃនប់ និងស្រុកស្ទឹងហាវ។ គួរបញ្ជាក់ផងដែរថា គម្រោងផ្លូវ ១១ ខ្សែនេះ ជាគម្រោងបន្ថែមពីលើគម្រោងផ្លូវ ៣៤ ខ្សែ ដែលទើបតែស្ថាបនារួចកាលពីថ្មីៗនេះ ដោយប្រើថវិកាជិត ៣០០ លានដុល្លារ។ (អានបន្ថែម) ក្រៅពីគម្រោងទាំង២ នេះ ខេត្តព្រះសីហនុក៏កំពុងមានគម្រោងធំជាច្រើនទៀត ដូចជាផ្លូវល្បឿនលឿន កំពង់ផែ […]
អានបន្ថែម
គម្រោងដ៏ធំ ផាក លែន ៦A របស់ ជីប ម៉ុង លែន ប្រកាសថ្ងៃបើកលក់ជាផ្លូវការ
ជីប ម៉ុង លែន បានប្រកាសបើកលក់គម្រោង ផាក លែន ៦A របស់ខ្លួនជាផ្លូវការ នៅថ្ងៃទី២២ ខែមករា ឆ្នាំ២០២១ ខាងមុខនេះ នៅទីតាំងគម្រោង ផាក លែន ៦A ផ្ទាល់ ដែលស្ថិតនៅតាមបណ្តោយផ្លូវជាតិលេខ៦A សង្កាត់ព្រែកលាប ខណ្ឌជ្រោយចង្វារ។ ក្នុងសន្និសីទសាព័ត៌មាននៅថ្ងៃ១៥ ខែមករា ឆ្នាំ២០២១ លោកឧកញ៉ា លាង ហួង (ហេនរី) អគ្គនាយកក្រុមហ៊ុន ជីប ម៉ុង លែន បានមានប្រសាសន៍ថា ជីប ម៉ុង លែន នឹងអភិវឌ្ឍគម្រោង ផាក លែន ៦A នេះ ទៅជាគម្រោងដ៏ពេញលេញ ដែលមានមណ្ឌលផ្សារទំនើប ជីប ម៉ុង 6A ធំជាងគេក្នុងតំបន់ មជ្ឈមណ្ឌលកីឡាដ៏ធំ និងសួនឧទ្យានធម្មជាតិដែលមានមុខងារពិសេសជាងគេនៅតំបន់នេះ។ លោកឧកញ៉ា លាង ហួង (ហេនរី) មានប្រសាសន៍បន្ថែមថា ជីប ម៉ុង […]
អានបន្ថែម
រដ្ឋដកយកដី ២០ ហិកតាពីបឹងតាមោកពីឯកជនវិញ ហើយមោឃៈការសាងសង់អាគារទីបញ្ជាការស្រាលនៅសង្កាត់ស្រះចក
រដ្ឋាភិបាលកម្ពុជា បានសម្រេចទុកជាមោឃៈ ការកាត់ដីបឹងតាមោក ២០ ហិកតាឱ្យទៅឯកជន ក៏ដូចជា និរាករណ៍ការសាងសង់អគារទីបញ្ជាការស្រាលលើដី ១,៥ ហិកតា នៅខណ្ឌដូនពេញផងដែរ។ នេះបើយោងតាមអនុក្រឹត្យ លេខ០៨ ចុះថ្ងៃទី ១៣ ខែមករា ឆ្នាំ២០២១។ កាលពីខែធ្នូ ឆ្នាំ ២០២០ រដ្ឋាភិបាល បានចេញលិខិតចំនួន ២ ដែលក្នុងនោះ លិខិតមួយសម្រេចប្រគល់ផ្ទៃបឹងតាមោក ២០ ហិកតាឱ្យទៅលោក លន់ ហាក់ និងអ្នកស្រី ឈុន ចាន់ធី។ ហើយលិខិតមួយទៀត គឺជាការដោះដូរឱ្យអ្នកទាំង ២ ត្រូវសាងសង់អគារទីបញ្ជាការស្រាល ទំហំ ២១ ម៉ែត្រ និង ៤២ ម៉ែត្រ លើផ្ទៃដី ១,៥ ហិកតា នៅសង្កាត់ស្រះចក ខណ្ឌដូនពេញវិញ។ ប៉ុន្តែ អនុក្រឹត្យថ្មីថ្ងៃទី ១៣ ខែមករា នេះ សម្រេចទុកជាមោឃៈនៃសេចក្ដីសម្រេចចាស់ទី ២ នេះហើយ ពោលគឺគ្មានការដោះដូរដី […]
អានបន្ថែម
រដ្ឋព្រមានលុបចោលអាជ្ញាប័ណ្ណក្រុមហ៊ុនចិនមួយ បើចម្រាញ់រ៉ែមាសមិនបានត្រឹមចុងឆ្នាំនេះ
រដ្ឋមន្ត្រីក្រសួងរ៉ែ និងថាមពល ឯកឧត្តម ស៊ុយ សែម បានប្រមានទៅលើក្រុមហ៊ុន រង ឈីង អ៊ិនដាសស្រ្ទៀល អិនវេសមេន ខូអិលធីឌី ថាបើចម្រាញ់រ៉ែមាសចេញពីទីតាំងខេត្តមណ្ឌលគិរីមិនបាន ត្រឹមចុងឆ្នាំនេះទេ រដ្ឋអាចនឹងដកអាជ្ញាប័ណ្ណធ្វើអាជីវកម្មមកវិញ។ នេះបើយោងតាមក្រសួងព័ត៌មានកាលពីពេលថ្មីៗនេះ។ ក្នុងការចុះទស្សនកិច្ច និងត្រួតពិនិត្យទីតាំងក្រុមហ៊ុនរ៉ែមាស កាលពីថ្ងៃទី១២ ខែមករា ឆ្នាំ២០២១ នេះ ឯកឧត្តម ស៊ុយ សែម មានប្រសាន៍ថា៖ « ក្រសួងបានផ្តល់អាជ្ញាប័ណ្ណដល់ក្រុមហ៊ុនរយៈពេល ១០ឆ្នាំហើយ ប៉ុន្តែក្រុមហ៊ុននៅតែមិនមានដំណើរការអាជីវកម្មរ៉ែមាស។ ដូច្នេះ ក្រសួងនឹងដកយកអាជ្ញាប័ណ្ណមកវិញ ត្រឹមចុងឆ្នាំ២០២១នេះ។ ជាការឆ្លើយតប ក្រុមហ៊ុន រង់ ឈិន បានអះអាងថា ក្រុមហ៊ុនរបស់ខ្លួន គឺបានផ្ទេរទីតាំងពីក្រុមហ៊ុនចាស់ដែលជាម្ចាស់អាជ្ញាប័ណ្ណ ទើបធ្វើឱ្យសង្វាក់ផលិតកម្ម មានភាពរអាក់រអួល។ ក្រុមហ៊ុនបានបន្ថែមថា៖ «ការងារបន្តពីម្ចាស់ដើម អាជ្ញាប័ណ្ណ នៅសល់រយៈពេលខ្លី ហើយត្រូវជួបប្រទះបញ្ហាកូវីដ១៩ ដែលបានបណ្ដាលឱ្យក្រុមអ្នកជំនាញនៅប្រទេសចិន មិនអាចធ្វើដំណើរមកបំពេញការងារឱ្យក្រុមហ៊ុនបាន»។ គួររំលឹកថា ប្រទេសកម្ពុជារំពឹងទុកអាចទាញយករ៉ែមាសបានជិត១លានអោន ឬ ប្រមាណជិត ៧ សែនតម្លឹងតាមការសិក្សារស្រាវជ្រាវនៅតំបន់អណ្តូងរ៉ែទី១ នៅក្នុងតំបន់អូខ្វាវ […]
អានបន្ថែម
ផាក លែន ៦A របស់ ជីប ម៉ុង លែន នឹងក្លាយជាគម្រោងលំនៅឋានដ៏ល្អឥតខ្ចោះសម្រាប់ការរស់សម័យទំនើប
ជីប ម៉ុង លែន ដែលជាក្រុមហ៊ុនអភិវឌ្ឍន៍អចលនទ្រព្យដ៏ធំ បានបង្ហើបពីការចាប់ផ្តើមអភិវឌ្ឍគម្រោង ផាក លែន ៦A នៅតំបន់ជ្រោយចង្វារនេះ និងគ្រោងប្រកាសថ្ងៃបើកលក់គម្រោងជាផ្លូវការនាពេលឆាប់ៗនេះ។ គណគ្រប់គ្រងជាន់ខ្ពស់របស់ ជីប ម៉ុង លែន បានអះអាងថា គម្រោង ផាក លែន ៦A ត្រូវបានសិក្សាយ៉ាងលម្អិត ដើម្បីផ្តល់ជូនគម្រោងលំនៅឋានដ៏ទំនើប និងប្រកបដោយភាពជឿជាក់បំផុតសម្រាប់ការរស់នៅក្នុងតំបន់ជ្រោយចង្វារ។ ជីប ម៉ុង លែន តែងតែរក្សាគោលតម្លៃរបស់ខ្លួនក្នុងការផ្តល់ជូនលើសពីលំនៅឋាន តែជាផ្ទះដ៏កក់ក្តៅ និងជឿជាក់បំផុតក្នុងការរស់នៅ។ តាមរយៈភាពប្រទាក់ក្រឡាគ្នារបស់ ជីប ម៉ុង គម្រោង ផាក លែន ៦A នឹងបំពេញបន្ថែមឲ្យគ្នាទៅវិញទៅមក តាមរយៈវត្តមានពាណិជ្ជកម្មផ្សេងៗរបស់ ជីប ម៉ុង នៅក្នុងគម្រោងនេះ។ នេះនឹងផ្តល់ជូនអតិថិជននូវភាពងាយស្រួលក្នុងការរស់នៅ និងជា កន្លែងប្រមូលផ្តុំមួយ ដែលអ្វីៗគ្រប់យ៉ាងសម្រាប់ការរស់នៅកក់ក្តៅ។ គណគ្រប់គ្រងជាន់ខ្ពស់របស់ ជីប ម៉ុង លែន បានបញ្ជាក់ថា គម្រោង ផាក លែន ៦A របស់ ជីប […]
អានបន្ថែម
Chip Mong បើកសម្ពោធរោងចក្រផ្ទុកសំណល់ឧស្សាហកម្ម នៅតំបន់សេដ្ឋកិច្ចពិសេសក្រុងព្រះសីហនុ
ជីប ម៉ុង លែន ដែលមានគម្រោងមួយនៅតំបន់ជ្រោយចង្វា តាមបណ្តោយផ្លូវជាតិលេខ៦A គ្រោងនឹងរួមចំណែកប្រែក្លាយតំបន់នេះទៅជាទីប្រជុំជនដ៏ធំ និងស៊ីវិល័យមួយ។ តាមរយៈការអភិវឌ្ឍគម្រោងលំនៅឋានរបស់ខ្លួនកន្លងមក ជីប ម៉ុង លែន តែងផ្តល់ជូនអតិថិជននូវគម្រោងលំនៅឋានកម្រិតខ្ពស់ គេហដ្ឋានរចនាដ៏ប្រណិតទាន់សម័យ ហេដ្ឋារចនាសម្ព័ន្ធទំនើបស៊ីវិល័យ។ គណៈគ្រប់គ្រងរបស់ ជីប ម៉ុង លែន បានបញ្ជាក់ថា ជីប ម៉ុង លែន គ្រោងអភិវឌ្ឍគម្រោងលំនៅឋាននៅតំបន់ជ្រោយចង្វានេះឱ្យមានសក្តានុពលខ្ពស់សម្រាប់សកម្មភាពសេដ្ឋកិច្ច ពាណិជ្ជកម្ម កីឡា និងការរស់នៅក្នុងបរិស្ថានធម្មជាតិដ៏ស្រស់បំព្រង។ សម្រាប់តំបន់ជ្រោយចង្វានេះ ក្រុមហ៊ុន ជីប ម៉ុង លែន នឹងអភិវឌ្ឍគម្រោងលំនៅឋានដ៏ពេញលេញមួយ ដែលមានសួនច្បារដ៏ធំ ដែលផ្ដល់មុខងារយ៉ាងច្រើន មជ្ឈមណ្ឌលកីឡាដែលបំពាក់ឧបករណ៍ហាត់កីឡាទំនើប និងផ្សារទំនើបដ៏ធំបំផុតក្នុងតំបន់ ព្រមទាំងប្រែក្លាយជាទីតាំងប្រមូលផ្តុំប្រកបដោយសក្តានុពលសម្រាប់ការរស់នៅ និងសេដ្ឋកិច្ច ពាណិជ្ជកម្ម។ ជីប ម៉ុង លែន ដែលជាក្រុមហ៊ុនអភិវឌ្ឍគម្រោងលំនៅឋានឈានមុខគេ និង ជីប ម៉ុង រីថែល ដែលជាក្រុមហ៊ុនវិនិយោគលើផ្សារទំនើបបានចាប់ដៃគូរវិនិយោគមណ្ឌលផ្សារទំនើបដ៏ធំមួយនៅគម្រោងថ្មីមួយនេះផងដែរ។ រហូតមដល់បច្ចុប្បន្ន មណ្ឌលផ្សារទំនើប ជីប ម៉ុង រីថែល ចាប់ផ្តើមមានវត្តមានបណ្តើរៗដូចជានៅ គម្រោង […]
អានបន្ថែម