ទីផ្សារអចលនទ្រព្យថៃកំពុងរងផលប៉ះពាល់ខ្លាំងដោយសារកូវិដ-១៩
ជាមួយនឹង “ភាពអាសន្នផ្នែកសុខភាពជាសកល” ដែលត្រូវបានប្រកាសដោយអង្គការសុខភាពពិភពលោក (WHO)ជាបន្តបន្ទាប់ អំពីផលប៉ះពាល់ដោយមេរោគរាតត្បាត-កូរ៉ូណាវីរូស វាបានជៈឥទ្វិពលខ្លាំងទៅលើការធ្វើដំណើររបស់វិនិយោគិនចិន សេដ្ឋកិច្ចក្នុងតំបន់ និង ទីផ្សារអចលនទ្រព្យ នៅក្នុងប្រទេសថៃ ដែរនេះជាការព្រួយបារម្ភដ៏ធំមួយសម្រាប់វិស័យអចនទ្រព្យក្នុងតំបន់ ។ តាំងពីឆ្នាំ ២០១៦មក ភាគច្រើននៃអ្នកវិនិយោគលើវិស័យអចលនទ្រព្យនៅប្រទេសថៃ គឺជាជនជាតិចិន។ ដោយឡែក ក្រោយមានការប្រកាសអាសន្នពីសុខភាពពិភពលោកជុំវិញបញ្ហាវីរុសកូរ៉ូណានេះ បានធ្វើឱ្យអចនទ្រព្យនៅប្រទេសមួយនេះរងផលប៉ះពាល់យ៉ាងដំណំ ដោយបាត់បង់រាល់ទំនុកចិត្ត និងភាពជឿជាក់ពីវិនិយោគិនចិនទាំងនោះផងដែរ។ អ្នកជំនាញម្នាក់ក្នុងវិស័យនេះ បានចង្អុលបង្ហាញពីការធ្លាក់ចុះយ៉ាងគំហុកនៃការលក់អចលនទ្រព្យ ដែលមានដូចជា៖ ប្រាក់កក់ក្នុងធនាគារត្រូវបានគេឈប់បង់ និង មានជាសំណូមពរឱ្យសងប្រាក់វិញ ឬ ការផ្ទេរកម្មសិទ្ធិត្រូវលើកពេល ដែលទាំងអស់នេះជាប្រការ ដែលមានការកើនឡើងយ៉ាងខ្លាំងជាបន្តបន្ទាប់។ ឥទ្ធិពលរបស់អ្នកវិនិយោគចិនបានធ្វើអោយទីផ្សារអចលនទ្រព្យប្រទេសថៃ គឺកំពុងប្រឈមមុខនឹងនិន្នាការធ្លាក់ចុះយ៉ាងកំហុក ប្រសិនបើស្ថានភាពនេះមិនត្រលប់មកភាពប្រក្រតីវិញក្នុងពេលអនាគតដ៏ឆាប់ខាងមុខនេះ។
អានបន្ថែម
មជ្ឈមណ្ឌលជាតិជនពិការកម្ពុជាតម្លៃ ១០ លានដុល្លារ គ្រោងនឹងបញ្ចប់ការសាងសង់ក្នុងឆ្នាំ ២០២៣
រដ្ឋាភិបាលកម្ពុជា គ្រោងនឹងបញ្ចប់ការសាងសង់មជ្ឈមណ្ឌលជាតិជនពិការកម្ពុជា តម្លៃ ១០ លានដុល្លារ ត្រឹមឆ្នាំ២០២៣។ មជ្ឈមណ្ឌលជាតិជនពិការថ្មីនេះ ស្ថាបនាឡើងស្របតាមស្តង់ដារអន្តរជាតិ ដើម្បីបម្រើសេវា ប្រកបទៅដោយគុណភាពខ្ពស់ ជូនដល់បងប្អូនជនពិការនៅកម្ពុជា ។ មជ្ឈមណ្ឌលជាតិជនពិការកម្ពុជានេះ នឹងសាងសង់លើផ្ទៃដីទំហំ ៦៥៥៣០ ម៉ែត្រការ៉េ ដែលមានទីតាំងស្ថិតនៅតាមបណ្តោយផ្លូវជាតិលេខ៤ នាភូមិត្រពាំងវែង ឃុំឆក់ឈើនាង ស្រុកអង្គស្នួល ខេត្តកណ្តាល ជាអតីតមណ្ឌលបន្ទាយព្រាប។ មជ្ឍមណ្ឌលនេះ មានលក្ខណៈពិសេសទាំងផ្នែករចនាបថរូបវន្ត និងការបំពាក់បរិក្ខារចម្រុះជាច្រើន ដូចជា៖អគារពាណិជ្ជកម្ម ទីចាត់ការ អគារដ្ឋបាល អគារស្តារនីតិសម្បទា ទីលានបាល់ទាត់ វេទិកា សាលមហោស្រព អាហារដ្ឋាន អគារស្នាក់នៅ អាងហែលទឹក រោងសិប្បកម្ម និង អគារដ្ឋបាល រោងចក្រ និង អគារការិយាល័យ សិប្បកម្មផលិតទឹកសុទ្ធ ស្រះទឹក និងសួនកុមារ ដែលសាងសង់ និងបំពាក់ទៅដោយបរិក្ខារ សុទ្ធតែមានស្តង់ដារគុណភាព និងស្តង់ដារសុវត្ថិភាពត្រឹមត្រូវ។ នៅក្នុងឱកាសចុះពិនិត្យដំណើរការគម្រោងសាងសង់ផ្ទាល់ ឯកឧត្តម វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា […]
អានបន្ថែម
ក្រសួងអប់រំស្នើម្ចាស់ទីតាំងដីនិងធនាគារជួយសម្រួលដល់គ្រឹះស្ថានសិក្សាដែលរងផលប៉ះពាល់ពីកូវីដ-១៩
ក្រសួងអប់រំ ស្នើសុំឱ្យម្ចាស់ទីតាំងដី ជួយសម្រួលដល់គ្រឹះស្ថានសិក្សា ដែលរងផលប៉ះពាល់ដោយសារជំងឺកូវីដ ១៩។ ក្រសួងបានស្នើដូចនេះ ក្រោយពេលមានការអំពាវនាវពីសំណាក់គ្រឹះស្ថានអប់រំឯកជន ចំនួន ១១៣ គ្រឹះស្ថាន ដែលបានអះអាងថា គ្រឹះស្ថានរបស់ខ្លួនបានរងផលប៉ះពាល់យ៉ាងខ្លាំងពីការរីករាលដាលនៃមេរោគកូវីដ១៩ និងកំពុងប្រឈមនឹងការក្ស័យធន។ នៅក្នុងកិច្ចប្រជុំមួយកាលពីថ្ងៃទី ០៣ ខែមេសាឆ្នាំ ២០២០ គ្រឹះស្ថានអប់រំឯកជនចំនួន ១១៣ គ្រឹះស្ថាន នៃសមាគមឧត្តមសិក្សាកម្ពុជា បានត្អូញត្អែរថា ពួកគេមិនអាចបង់ថ្លៃអគារ និងប្រាក់ខែបុគ្គលិកសាលារៀនរបស់ខ្លួនបានគ្រប់គ្រាន់ទេ ត្បិតថាសាលាត្រូវបានបិទទ្វារបណ្តោះអាសន្ន ស្របតាមសេចក្តីប្រកាសទូទាំងប្រទេសរបស់ក្រសួងអប់រំស្តីពីការឈប់សម្រាកមុនពេលពាក់កណ្តាលខែបី។ ឆ្លើយតបនឹងកង្វល់នេះ នៅក្នុងសេចក្តីជូនដំណឹងលេខ ២១ អ.យ.ក ស.ណ.ន របស់ក្រសួងអប់រំយុវជននិងកីឡាដែលចុះថ្ងៃទី ១៣ ខែមេសាឆ្នាំ ២០២ ស្តីពីការលើកកម្ពស់បង្រៀន និងរៀនពីចម្ងាយ ឬតាមប្រព័ន្ធអេឡិកត្រូនិក ដឹកនាំដោយគ្រឹះស្ថានសិក្សាឯកជនគ្រប់កម្រិត ក្រសួងបានស្នើសុំឱ្យម្ចាស់អចលនទ្រព្យ និងទាំងធនាគារជាតិ និងឯកជនកាត់បន្ថយលក្ខខណ្ឌបង់ប្រាក់ ដល់គ្រឹះស្ថានអប់រំដែលរងផលប៉ះពាល់ពីមេរោគកូវីដ១៩។ សេចក្តីប្រកាសនោះបានសរសេរថា “ក្រសួងអប់រំយុវជន និងកីឡា សូមស្នើសុំម្ចាស់កម្មសិទិ្ធអចលនទ្រព្យទាំងអស់ កាត់បន្ថយថ្លៃឈ្នួល សម្រាប់គ្រឹះស្ថានអប់រំឯកជនមួយចំនួន ដូច្នេះយើងអាចជួយដោះបន្ទុកខ្លះ សម្រាប់ពួកគេ និងសម្រេចបាននូវដំណោះស្រាយឈ្នះឈ្នះ សម្រាប់ទាំងអស់គ្នា” ។ ក្នុងន័យដូចគ្នា […]
អានបន្ថែម
ស្ថានីយថាមពលពន្លឺព្រះអាទិត្យអានុភាព ៦០មេហ្គាវ៉ាត នៅកំពង់ឆ្នាំង ចាប់ផ្តើមដំណើរការផលិតថាមពល
ស្ថានីយថាមពលពន្លឺព្រះអាទិត្យអានុភាព ៦០មេហ្គាវ៉ាត នៅស្រុកទឹកផុស ខេត្តកំពង់ឆ្នាំង បានចាប់ដាក់ឱ្យដំណើរការផលិតថាមពលហើយ។ ការចាប់ប្រតិបត្តិការផលិតថាមពលនេះ ធ្វើឱ្យស្ថានីយនេះ ក្លាយជាស្ថានីយថាមពលដើរដោយពន្លឺព្រះអាទិត្យចូលបណ្តាញជាតិធំទីបី នៅកម្ពុជា។ លោក វ៉ិចទ័រ ហ្សូណា អគ្គនាយកថាមពល និងជាអ្នកនាំពាក្យក្រសួងរ៉ែ និងថាមពល បានឲ្យដឹងថា រោងចក្រថាមពលសូឡានេះ វិនិយោគដោយក្រុមហ៊ុន Scheitech Renewable Co Ltd និងបានចាប់ផ្តើមសាងសង់ នៅដើមឆ្នាំ២០១៩កន្លងទៅ។ លោក វ៉ិចទ័រ ហ្សូណា ថ្លែងថា៖ “នេះជាប្រភពថាមពលស្អាតថ្មីមួយទៀត សម្រាប់តភ្ជាប់ចូលបណ្តាញជាតិ បន្ទាប់ពីស្ថានីយថាមពលសូឡាចំនួនពីរផ្សេងទៀត បានដាក់ដំណើរការបញ្ចេញថាមពលចូលបណ្តាញជាតិ”។ តម្លៃថាមពលលក់ចេញពីស្ថានីយថាមពលសូឡា ខេត្តកំពង់ឆ្នាំនេះ គឺ០,០៧៦ ដុល្លារ ក្នុងមួយគីឡូវ៉ាតម៉ោង ដែលនឹងត្រូវលក់ទៅឲ្យអគ្គិសនីកម្ពុជា នៅក្រោមកិច្ចសន្យាទិញលក់ថាមពល។ គួររម្លឹកជូនថា រហូតមកដល់ពេលនេះ កម្ពុជាបានដាក់ឱ្យដំណើរការស្ថានីយថាមពលដើរដោយពន្លឺព្រះអាទិត្យចំនួនពីររួចមកហើយ។ ស្ថានីយថាមពលសូឡាទីមួយ មានអានុភាព១០មេហ្គាវ៉ាត វិនិយោគដោយ ក្រុមហ៊ុន Sunseap ស្ថិតនៅក្នុងក្រុងបាវិត ខេត្តស្វាយរៀង។ ចំណែកឯ ស្ថានីយថាមពលសូឡា ទីពីរ មានអានុភាព ៨០ មេហ្គាវ៉ាត […]
អានបន្ថែម
ចិនបានបញ្ចប់ការសាងសង់ស្ពានដ៏វែងជាងគេនៅអាស៊ាន
ក្រុមហ៊ុនចិន(CSCEC) បានប្រកាសកាលពីថ្ងៃទី០២ ខែមករា ថាខ្លួនបានបញ្ចប់ការសាងសង់ស្ពាន(Temburong Bridge) តម្លៃ ១.៧ ប៊ីលានដុល្លា ដែលជាផ្នែករបស់ខ្លួននៅប្រទេសប្រ៊ុយណេរួចរាល់ហើយ។ ស្ពានដ៏វែងគួរឱ្យស្ងើបមួយនេះ នឹងផ្តល់ជាប្រយោជន៍ដ៏ច្រើនលើសលុបក្នុងការតភ្ជាប់ដី រវាង Bandar Seri Begawan ជារាជធានីរបស់ប្រទេសស៊ុលតង់ និង ស្រុកTemburong ប្រទេសប្រ៊ុយណេ។ ប្រទេសប្រ៊ុយណេ ត្រូវបានបែងចែកជាពីរតំបន់គឺ រដ្ឋ Sarawak របស់ប្រទេសម៉ាឡេស៊ី និង ស្ពាន៣០ គីឡូម៉ែត្រ ហើយត្រូវបានភ្ជាប់ត្រង់ពីរចំនុចគឺនៅចំនុចច្រកចូល ដែលនឹងជួយកាត់បន្ថយពេលវេលាក្នុងការធ្វើដំណើរដល់ទៅ ៣០ នាទី។ ក្រោយពេលបើកសម្ពោធរួច ស្ពាននេះនឹងក្លាយជាស្ពានដែលវែងជាងគេនៅអាស៊ាន បន្ទាប់ពីស្ពានលំដាប់ទីពីរប្រវែង ២៤ គីឡូម៉ែត្រ មានឈ្មោះថា Second Penang Bridge ។ ក្រុមហ៊ុនចិន(CSCEC) បានចាប់ផ្តើមសាងសង់ស្ពាននេះតាំងពីខែ តុលា ឆ្នាំ ២០១៥ ហើយបានទាមទារឱ្យមានដំណោះស្រាយលើការរចនាប្លង់ប្រកបដោយភាពច្នៃប្រឌិតខ្ពស់ និងបានពុះពាររាល់ឧបសគ្គជាច្រើនថែមទៀតផង។
អានបន្ថែម
ក្បាលផ្លូវចូលមហាវិថីសម្ដេចតេជោ (ផ្លូវ៦០ម៉ែត្រ) ត្រង់ចំណុចតភ្ជាប់ផ្លូវ ២៧១ ត្រូវបានពង្រីករួចរាល់
មហាវិថីសម្តេចតេជោ ហ៊ុន សែន (ផ្លូវ៦០ម៉ែត្រ) ដែលមានលំហផ្លូវតូច នៅចំណុចប្រសព្វផ្លូវ២៧១ ត្រង់ច្រមុះជ្រូកក្បាលថ្នល់ ត្រូវបានពង្រីកឱ្យធំតាមទំហំពេញលេញរួចរាល់ហើយ បន្ទាប់ពីបានដោះស្រាយផលប៉ះពាល់ចប់សព្វគ្រប់។ កន្លងមកការដោះស្រាយ ផលប៉ះពាល់ទៅលើលំនៅឋានប្រជាពលរដ្ឋ ធ្វើឱ្យដំណើរការពង្រីកផ្លូវ អូសបន្លាយពេល។ ក៏ប៉ុន្តែនាពេលនេះ ប្រជាពលរដ្ឋបានព្រមព្រៀង និងទទួលយកការដោះស្រាយ រហូតអាចឲ្យក្រុមហ៊ុនឈានដល់ការលំហផ្លូវតូច នៅចំណុចប្រសព្វផ្លូវ២៧១ ត្រង់ច្រមុះជ្រូកក្បាលថ្នល់ ហើយត្រូវ បានពង្រីកឱ្យធំតាមទំហំពេញលេញតែម្តង។ កាលពីមុនច្រកចូលមហាវិថីសម្តេចតេជោ ហ៊ុន សែន នៅចំណុចប្រសព្វផ្លូវ២៧១ ត្រង់ច្រមុះជ្រូកក្បាលថ្នល់មានទំហំតែ ២០ម៉ែត្រ ដែលមានលក្ខណៈតូចចង្អៀតពិបាកធ្វើដំណើរប្រឈមការ កកស្ទះចរាចរណ៍ជាប្រចាំ។ បន្ទាប់ពីបានដោះស្រាយផលប៉ៈពាល់ជូនប្រជាពលរដ្ឋចប់សព្វគ្រប់ ពេលនេះ ក្រុមហ៊ុន ក៏បានធ្វើការចាក់អ៊ុតកៅស៊ូ ទំហំ៣០ម៉ែត្រ ជាមួយចិញ្ចើម១៥ម៉ែត្រ រួចរាល់។ ផ្លូវក៏បានរីកកាន់តែធំ ហើយបងប្អូនប្រជាពលរដ្ឋ ក៏បានធ្វើដំណើរឆ្លងកាត់ បានងាយស្រួលជាងមុនច្រើន។ គួរបញ្ជាក់ផងដែរថា មហាវិថីសម្តេចតេជោ ហ៊ុន សែន ឬហៅថាផ្លូវ ៦០ម៉ែត្រនេះ ត្រូវបានបើកសម្ពោធកាលពីថ្ងៃទី០៣ ខែមេសា ឆ្នាំ២០១៧ ក្រោមអធីបតីសម្តេចតេជោ ហ៊ុន សែន។ មហាវិធីដ៏ធំនេះ មានប្រវែងសរុប ៩,១៦០ម៉ែត្រ […]
អានបន្ថែម
គម្រោងចាក់ទំនប់សួន និងផ្លូវនៅជុំវិញបឹងសំរោង ត្រូវបានបង្អាក់ដោយសារការរារាំងពីជនមួយចំនួន
គម្រោងអភិវឌ្ឍន៍បឹងសំរោងជាសួន និងផ្លូវថ្មើរជើងជុំវិញបឹងដែលស្ថិតក្នុងខណ្ឌព្រែកព្នៅរបស់សាលារាជធានីភ្នំពេញ ត្រូវបានបង្អាក់ដោយសារប្រជាពលរដ្ឋមួយចំនួនបន្តរំលោភកាន់កាប់ផ្ទៃបឹង។ នេះបើយោងតាមសេចក្តីប្រកាសព័ត៌មានរបស់រដ្ឋបាលរាជធានីភ្នំពេញចុះថ្ងៃទី ៨ មេសា។ ដើម្បីរក្សាបានប្រព័ន្ធបង្ហូរទឹក និងផ្ទៃបឹង រដ្ឋបាលរាជធានី សម្រេចចាក់ទំនប់តាមព្រំបឹង ដើម្បីស្ថាបនាជាសួន និងផ្លូវថ្មើរជើងជុំវិញបឹងកាលពីថ្ងៃទី ៣០ ខែមីនា ឆ្នាំ ២០២០។ ក៏ប៉ុន្តែដោយមានករណី អ្នករឹងរូសបន្តរំលោភកាន់កាប់ផ្ទៃបឹង ដែលជាសម្បត្តិសាធារណៈរបស់រដ្ឋ រដ្ឋបាលខណ្ឌព្រែកព្នៅ ក៏បានចុះអនុវត្តវិធានការរដ្ឋបាលលចំពោះពួកគេ ដែលមិនព្រមឲ្យអាជ្ញាធរស្ថាបនាផ្លូវថ្មើរជើង ទោះបីអាជ្ញាធរបានជូនដំណឹងច្រើនលើកច្រើនសារក៏ដោយ។ លិខិតរបស់រដ្ឋបាលរាជធានីភ្នំពេញបានបញ្ជាក់ថា៖ «មុននឹងឈានដល់ការអនុវត្តវិធានការនេះ រដ្ឋបាលរាជធានីភ្នំពេញបានដោះស្រាយគោលនយោបាយជូនពលរដ្ឋ ដែលចិញ្ចឹមត្រីលើផ្ទៃបឹងសំរោងបានចំនួន ៣២២ គ្រួសារ ស្មើនឹង ៤២៦ ស៊ងចិញ្ចឹមត្រី ដែលចំណាយថវិកាអស់ជាង ៩៦០ លានរៀល ហើយពួកគាត់បានចូលរួមជាមួយរដ្ឋបាលរាជធានីភ្នំពេញ។» ជុំវិញការអនុវត្តវិធានការរដ្ឋបាលនេះ មានការចោទប្រកាន់ថា អាជ្ញាធរខណ្ឌវាយតប់ ចាប់ខ្លួនមនុស្សខុសច្បាប់ និងចោទប្រកាន់ផ្សេងៗ។ ក៏ប៉ុន្តែ រដ្ឋបាលរាជធានីភ្នំពេញបានអះអាងថា អាជ្ញាធរមិនបានប្រើហិង្សាលើអ្នករឹងរូសដែលបន្តកាន់កាប់ផ្ទៃបឹង និងមិនព្រមសហការដូចការចោទប្រកាន់ទេ។ ប៉ុន្តែគ្រាន់តែឃាត់ខ្លួនជនដែលបានរារាំងការអនុវត្តការងារមកអប់រំណែនាំ និងបានដោះលែងវិញ ដោយការយោគយល់បំផុត។ គួរបញ្ជាក់ផងដែលថា រដ្ឋាភិបាលកម្ពុជាបានកំណត់ផ្ទៃបឹងសំរោង ស្ថិតនៅក្នុង ឃុំសំរោង ស្រុកញាឮ ខេត្តកណ្តាលជាសម្បត្តិសាធារណៈរបស់រដ្ឋ។ នេះបើយោងតាម […]
អានបន្ថែម
ក្រសួងសេដ្ឋកិច្ចដាក់កំហិតម្ចាស់អាជីវកម្មដីឡូតិ៍ត្រូវសុំលិខិតអនុញ្ញាតនិងអាជ្ញាប័ណ្ណឱ្យបានមុនដំណាច់ខែមេសា
ក្រសួងសេដ្ឋកិច្ច និងហិរញ្ញវត្ថុបានអំពាវឱ្យគ្រប់ម្ចាស់អាជីវកម្មអភិវឌ្ឍដីឡូតិ៍ (ពុះដីឡូតិ៍) ទាំងអស់ ត្រូវរួសរាន់ដាក់ពាក្យស្នើសុំលិខិតអនុញ្ញាតអាជីវកម្មអភិវឌ្ឍដីឡូតិ៍ និងអាជ្ញាប័ណ្ណអភិវឌ្ឍដីឡូតិ៍ ឱ្យបានមុនថ្ងៃទី៣០ ខែមេសា ឆ្នាំ២០២០ នេះជាកំហិត។ នេះបើយោងតាមសេចក្តីជូនដំណឹងរបស់ក្រសួងសេដ្ឋកិច្ច និងហិរញ្ញវត្ថុ កាលពីថ្ងៃទី០៨ ខែមេសា ឆ្នាំ២០២០។ ម្ចាស់អាជីវកម្មអដីឡូតិ៍ទាំងអស់ ដែលមានទំហំដីក្រោម១០,០០០ ម៉ែត្រការ៉េ ត្រូវដាក់ពាក្យស្នើសុំលិខិតអនុញ្ញាតអាជីវកម្មដីឡូតិ៍ នៅមន្ទីរសេដ្ឋកិច្ច និងហិរញ្ញវត្ថុរាជធានី-ខេត្ត។ ចំណែកឯ ម្ចាស់ម្ចាស់អាជីវកម្មដីឡូតិ៍ទាំងអស់ ដែលមានទំហំដីចាប់ពី១០,០០០ ម៉ែត្រការ៉េឡើង ត្រូវដាក់ពាក្យស្នើសុំអាជ្ញាប័ណ្ណអភិវឌ្ឍដីឡូតិ៍ ពីក្រសួងសេដ្ឋកិច្ច និងហិរញ្ញវត្ថុ។ បន្ថែមពីនេះ ម្ចាស់អាជីវកម្មអភិវឌ្ឍដីឡូតិ៍ទាំងអស់ ដែលមិនចូលរួមអនុវត្តតាមការអំពាវនាវនេះ ក្រសួង ឬ មន្ទីរសេដ្ឋកិច្ច និងហិរញ្ញវត្ថុនឹងចាត់វិធានការរដ្ឋបាល និងធ្វើការផាកពិន័យ ស្របតាមប្រកាសលេខ០៨៩ សហវ.ប្រក ចុះថ្ងៃទី២០ ខែមេសា ឆ្នាំ២០២០ ស្តីពីការគ្រប់គ្រងអាជីវកម្មអភិវឌ្ឍអចលនវត្ថុ។ យោងតាមប្រកាសខាងលើ ក្នុងមាត្រា៤៤ បានចែងថា ការប្រកបអាជីវកម្មអភិវឌ្ឍដីឡូតិ៍ គ្មានអាជ្ញាប័ណ្ណ ឬលិខិតអនុញ្ញាតអាជីវកម្ម ឬប្រកាសលក់មុនទទួលបានអាជ្ញាប័ណ្ណ ឬលិខិតអនុញ្ញាតអាជីវកម្ម ត្រូវទទួលរងពិន័យអន្តរការណ៍ពីក្រសួង ឬមន្ទីរចំនួន ៥០.០០០.០០០ រៀល។ ក្នុងករណីមិនរាងចាល […]
អានបន្ថែម
ឆ្នាំ ២០២០នេះ តើអ្នកគួរវិនិយោគអចលនទ្រព្យអ្វី និងនៅកន្លែងណា?
ឆ្នាំ២០១៩ ជាឆ្នាំល្អបំផុតមួយទៀតសម្រាប់វិស័យអចលនទ្រព្យនៅកម្ពុជា ដោយសារតែការកើនឡើងតម្រូវការរបស់អ្នកវិនិយោគទាំងក្នុង និងក្រៅប្រទេស។ បើយោងទៅតាមក្រសួងរៀបចំដែនដី នគរូបនីយកម្ម និងសំណង់ ទុនវិនិយោគសរុបមានចំនួន ៩,៣ពាន់លានដុល្លារត្រូវបានយកមកវិនិយោគក្នុងប្រទេសកម្ពុជា ដែលមានចំនួន ៤.៤៤៦ គម្រោង បានអនុម័តរួច ដែលនេះបានបង្ហាញថាមានការរីកចំរើន ៥៥% លើសឆ្នាំ២០១៨។ ចុះឆ្នាំ២០២០វិញ? ចាប់ពីចុងឆ្នាំ ២០១៩ មក វិស័យមួយនេះចាប់ផ្តើមធ្លាក់ចុះបន្តិចម្តងៗ ដោយសារកត្តាជាច្រើនដូចជា ការបិទល្បែងអនឡាញនៅក្នុងខេត្តព្រះសីហនុ ការផ្ទុះឡើងនៃវីរុសកូរ៉ូណា ការធ្លាក់ចុះសេដ្ឋកិច្ចក្នុងប្រទេស ភាពមិនច្បាស់លាស់នៃការដកប្រព័ន្ធអនុគ្រោះពន្ធអ៊ីប៊ីអេ (EBA) សង្គ្រាមពាណិជ្ជកម្មរវាងចិន និងអាមេរិក ការគាំពារនិយមជាសកល បញ្ហាភូមិសាស្ត្រនយោបាយជុំវិញពិភពលោក និងបញ្ហាផ្សេងៗទៀត។ ដោយមើលឃើញពីបញ្ហាទាំងអស់នេះ ក្រសួងសេដ្ឋកិច្ច និងហិរញ្ញវត្ថុបានទម្លាក់ការព្យាករណ៍នៃកំណើនផលិតផលក្នុងស្រុកសរុបពី ៦,៥% ទៅ ៦,១%។ មិនយូរប៉ុន្មានថ្មីៗនេះធនាការពិភពលោកក៏បានទម្លាក់បន្ថែម មកនៅត្រឹមតែ ២,៥% ប៉ុណ្ណោះ។ ស្រដៀងគ្នានេះដែរ អ្នកជំនាញក្នុងស្រុកជាច្រើនបានធ្វើការប៉ាន់ប្រមាណថា វិស័យអចលនទ្រព្យ និងសំណង់ក្នុងប្រទេសកម្ពុជា នឹងជួបប្រទះការធ្លាក់ចុះបន្តិចនៅក្នុងឆ្នាំ ២០២០ នេះផងដែរ។ (អានបន្ថែម) ទោះជាដូច្នេះក្តី យោងតាមអ្នកជំនាញក្នុងវិស័យមួយនេះបានសង្កត់ធ្ងន់ថា កម្ពុជានៅតែជាតំបន់មានស័ក្តានុពលមួយក្នុងចំណោមតំបន់ជាច្រើនក្នុងតំបន់អាស៊ីអាគ្នេយ៍ ក្នុងការវិនិយោគអចលនទ្រព្យ […]
អានបន្ថែម
រដ្ឋាភិបាលចេញសេចក្តីសម្រេចកែសម្រួលបទបញ្ជា ដែលបញ្ជាក់ច្បាស់ថាមិនមានការហាមឃាត់ការធ្វើដំណើរឆ្លងស្រុក
កាលពីថ្ងៃទី ១០ ខែមេសា ឆ្នាំ ២០២ រដ្ឋាភិបាលបានចេញសេចក្តីសម្រេចដែលបានបញ្ជាក់ច្បាស់ថា មិនមានការហាមឃាត់ការធ្វើដំណើរឆ្លងកាត់ពីស្រុកមួយទៅស្រុកមួយទៀត នៅក្នុងខេត្តតែមួយទេ ហើយភូមិសាស្ត្ររាជធានីភ្នំពេញ និងខេត្តកណ្តាល ត្រូវចាត់ទុកជាតំបន់រួមតែមួយ។ សូមបញ្ជាក់ថា បានចេញសេចក្តីសម្រេចនេះ ជាការកែសម្រួលទៅនឹងបទបញ្ជាលេខ ០២ ប.ប ដែលបានដាក់ចេញកាលពីយប់ថ្ងៃទី៩ ខែមេសា ឆ្នាំ២០២០ ហាមឃាត់ការធ្វើដំណើរក្នុងប្រទេស ពីរាជធានីភ្នំពេញ ទៅកាន់បណ្ដាខេត្ត ឬការធ្វើដំណើរពីខេត្តមួយ ទៅខេត្តមួយទៀត ក្នុងគោលដៅទប់ស្កាត់ការរីករាលដាលជំងឺកូវីដ។ ក្នុងសេចក្តីសម្រេចកែសម្រួលលេខ ៣៩ ស.ស.រ ចុះថ្ងៃទី ១០ ខែមេសា ឆ្នាំ ២០២០ ដែលមានចំណារហត្ថលេខាដ៏ខ្ពង់ខ្ពស់របស់សម្តេចនាយករដ្ឋមន្ត្រី រដ្ឋាភិបាលបានកំណត់ដូចខាងក្រោម៖ ១) ភូមិសាស្ត្ររាជធានីភ្នំពេញ និងខេត្តកណ្តាល ត្រូវបានចាត់ទុកជាតំបន់តែមួយ ដែលមិនស្ថិតនៅក្រោមវិសាលភាពនៃការហាមឃាត់ការធ្វើដំណើរឆ្លងកាត់ទៅវិញទៅមកនោះទេ។ ២) លុបចេញវិញនូវការហាមឃាត់ការធ្វើដំណើរឆ្លងកាត់ ពីស្រុកមួយទៅស្រុកមួយទៀត នៅក្នុងខេត្តតែមួយ ដោយរក្សាទុកការហាមឃាត់ការធ្វើដំណើរឆ្លងកាត់ ពីខេត្តមួយទៅខេត្តមួយទៀត។ ការសម្រេចដូច្នេះ រាជរដ្ឋាភិបាលធ្វើឡើង ដោយយោងទៅលើស្ថានភាពភូមិសាស្ត្រ និងតម្រូវការជាក់ស្តែងក្នុងការបំពេញការងារ ការប្រកបមុខរបរ និងការប្រាស័យទាក់ទងប្រចាំថ្ងៃ ដោយខានមិនបានរបស់ប្រជាពលរដ្ឋទូទៅ។ សូមបញ្ជាក់ផងដែរថា ការដាក់ចេញបទបញ្ជាសម្រេចបិទការធ្វើដំណើរទូទាំងប្រទេសនេះ […]
អានបន្ថែម
CBRE៖ តម្លៃខុនដូនឹងប្រឈមមុខនឹងការធ្លាក់ថ្លៃ នៅថ្ងៃមុខប្រសិនបើបញ្ហាកូវីដ ១៩នៅតែបន្ត
ភ្នាក់ងារអចលនទ្រព្យ CBRE បានបង្ហាញអំពីសញ្ញាណធ្លាក់ថ្លៃនៃតម្លៃខុនដូនៅក្នុងត្រីមាសទី ១ ឆ្នាំ ២០២០ និង ព្យាករថាតម្លៃខុនដូនឹងប្រឈមការធ្លាក់ថ្លៃជាងនេះទៀត ប្រសិនបើវិបត្តិសេដ្ឋកិច្ចសង្គមដែលបង្កឡើងដោយជំងឺកូវីដ ១៩នៅតែបន្ត។ យោងតាមរបាយការណ៍របស់ប្រភពដដែល ចុះថ្ងៃទី៦ មេសានេះ ជំងឺកូវីដ ១៩ ធ្វើឲ្យមានផលប៉ះពាល់ទៅលើតម្លៃអចលនៈទ្រព្យ ជាពិសេសខុនដូ។ ក្នុងនោះដែរ ប្រភេខុនដូតម្លៃថ្លៃ មានការធ្លាក់ថ្លៃប្រមាណ ១,៥ ភាគរយ ឯខុនដូតម្លៃកណ្ដាលធ្លាក់ថ្លៃប្រមាណ ០,៥ភាគរយ ខណៈប្រភេទខុនដូតម្លៃសមរម្យកើនឡើងប្រមាណ ០,៣% ដែលធ្វើឲ្យតម្លៃលក់នៃប្រភេទខុនដូនេះមានតម្លៃស្មើរ១.៥៤៩ ដុល្លារក្នុងមួយម៉ែត្រការ៉េ។ ទន្ទឹមនឹងនេះដែរ តម្លៃជួលនេះប្រភេទខុនដូទាំងនេះក៏ត្រូវរងផលប៉ះពាល់ពីស្ថានភាពទីផ្សារអចលនៈទ្រព្យបច្ចុប្បន្នដែរ។ ចំពោះតម្លៃជួលប្រភេទខុនដូតម្លៃថ្លៃ ធ្លាក់ចុះប្រមាណ ០,៤ភាគរយ ដែលធ្វើឲ្យថ្លៃជួលជាមធ្យមស្មើរនឹង១៤,២១ ដុល្លារក្នុងមួយម៉ែត្រការ៉េ។ ឯខុនដូតម្លៃកណ្តាល ធ្លាក់ចុះប្រមាណ០,៦ ភាគរយ ដែលធ្វើឲ្យថ្លៃជួលជាមធ្យមស្មើរនឹង ១១,៧៩ ដុល្លារក្នុងមួយម៉ែត្រការ៉េ។ របាយការណ៍នេះបានបញ្ជាក់ថា ជំងឺកូវីដ១៩ បានធ្វើឲ្យប៉ះពាល់ទៅលើទីផ្សារខុនដូជាពិសេសក្នុងរយៈកាលដើមឆ្នាំនេះ ហើយនឹងប្រឈមផលប៉ះពាល់កាន់តែខ្លាំងជាងនេះនៅត្រីមាសទី២ ឆ្នាំ ២០២០ ប្រសិនបើស្ថានភាពជំងឺកូវីដ ១៩នេះនៅតែបន្ត ដែលអាចបង្កឲ្យមានការផ្អាកការសាងសង់ ឬធ្វើឲ្យម្ចាស់គម្រោងវ័ណ្ឌកទៀតផង៕ ទាញយករបាយការណ៍ CBRE report៖ Cambodia_Phnom-Penh_Marketview_2020_Q1 […]
អានបន្ថែម
លំនៅឋានតម្លៃសមរម្យចំនួន ៦៨០ខ្នងផ្ទះ ត្រូវបានប្រគល់ជូនពលរដ្ឋ ក្រោមកម្មវិធីគោលនយោបាយថ្នាក់ជាតិស្តីពីលំនៅឋាន
ឯកឧត្តម ឧបនាយករដ្ឋមន្ត្រី ជា សុផារ៉ា រដ្ឋមន្ត្រី ក្រសួងរៀបចំដែនដី នគរូបនីយកម្ម និងសំណង់ បាន ប្រគល់លំនៅឋាន តម្លៃសមរម្យ ជូនប្រជាពលរដ្ឋចំនួន ៦៨០ ខ្នងផ្ទះ ស្ថិតនៅភូមិគរ សង្កាត់រកាខ្ពស់ ក្រុងតាខ្មៅ ខេត្តកណ្តាល នៅថ្ងៃទី ៩ ខែមេសា ឆ្នាំ ២០២០នេះ។ ការប្រគល់លំនៅឋាននេះ គឺជាផ្នែកមួយនៃការអនុវត្តគម្រោងអភិវឌ្ឍលំនៅឋានសមរម្យរបស់ក្រុមហ៊ុន World Bridge Homes Co., Ltd ក្រោមកម្មវិធីគោលនយោបាយជាតិស្ដីពីលំនៅឋានរបស់រាជរដ្ឋាភិបាល។ គម្រោងអភិវឌ្ឍលំនៅឋានតម្លៃសមរម្យរបស់ក្រុមហ៊ុនវើលដ៍ប្រ៊ីដ ហូម នៅខេត្តកណ្តាលនេះ មានខ្នងផ្ទះដែលត្រូវសាងសង់សរុបទាំងអស់ ២ ៤៥៧ ខ្នង លើផ្ទៃដីសរុបប្រមាណ ២៣ ហិកតា និងចំណាយទុនវិនិយោគប្រមាណ ៧៣លានដុល្លារអាមេរិក។ តាមសេចក្តីជូនដំណឹងពីក្រសួងដែនដី ក្រុមហ៊ុនងគ្រោងនឹងបញ្ចប់ការសាងសង់គម្រោងទាំងមូលនៅមុនដំណាច់ឆ្នាំ ២០២០ នេះ។ លក្ខណៈពិសេសនៃគម្រោងនេះ គឺថាក្រុមហ៊ុនបានសម្រួលលក្ខខណ្ឌនៃការបង់ប្រាក់កក់ដល់អតិថិជន អាចបង់ ១០ភាគរយ នៃតម្លៃផ្ទះ ក្នុងរយៈពេល ១២ ខែដំបូង […]
អានបន្ថែម