IMFប្រាប់កម្ពុជាឱ្យរឹតបន្តឹងវិធានការផ្តល់ប្រាក់កម្ចីអចលនទ្រព្យស្របពេលកំណើនឥណទានខ្ពស់
សេចក្តីថ្លែងការណ៍ចុងក្រោយនៃបេសកកម្មរបស់មន្រ្តីមូលនិធិរូបិយវត្ថុអន្តរជាតិហៅកាត់ថា (IMF) បានបង្ហាញថា កម្ពុជាត្រូវរឹតបន្តឹងវិធានការផ្តល់ប្រាក់កម្ចីទៅលើវិស័យអចលនទ្រព្យស្របពេលដែលឧស្សាហកម្មមួយនេះកំពុងរីកចម្រើន និងកំណើនឥណទានមានការកើនឡើងខ្ពស់។ យោងតាមសេចក្តីប្រកាសព័ត៌មានរបស់ IMF កំណើន GDP របស់កម្ពុជានៅតែមានសន្ទុះយ៉ាងវិជ្ជមានក្នុងរង្វង់ប្រមាណជា ៧ ភាគរយ ក្នុងឆ្នាំ ២០១៩ ប៉ុន្តែកម្ពុជាត្រូវមានគោលនយោបាយបន្ថែមទៀត ដើម្បីដោះស្រាយភាពងាយរងគ្រោះក្នុងវិស័យហិរញ្ញវត្ថុដែលនឹងអាចកើតមានឡើង។ បន្ទាប់បញ្ចប់ដំណើរទស្សនកិច្ចនៅកម្ពុជា ក្រុមមន្រ្តីរបស់ IMF បានឲ្យដឹងថា ការផ្តល់ប្រាក់កម្ចីទៅឲ្យអ្នកអភិវឌ្ឍន៍អចលនទ្រព្យនៅកម្ពុជានៅតែមិនទាន់មានការត្រួតពិនិត្យ និងមិនមានការគ្រប់គ្រងឲ្យបានល្អនៅឡើយ ហើយទិន្នន័យផ្លូវការស្តីពីតម្លៃអចលនទ្រព្យក៏នៅមិនទាន់មានដែរ។ ក្នុងនោះ ឥណទានរបស់វិស័យឯកជន ដែលភាគរយច្រើនផ្តល់ទៅឲ្យវិស័យអចលនទ្រព្យ និងសំណង់បានកើនឡើងយ៉ាងឆាប់រហ័ស ហើយត្រូវបានគេរំពឹងថានឹងកើនឡើងប្រមាណ ២៨ ភាគរយនៅឆ្នាំ ២០១៩ ។ សេចក្តីប្រកាសព័ត៌មានបានលើកឡើងថា៖ «វិធានការណ៍អាទិភាពរួមមាន ការអនុវត្តគោលនយោបាយគោលដៅដូចជា ការថ្លឹងថ្លែងហានិភ័យខ្ពស់ជាងមុន និងការដាក់លក្ខខណ្ឌសម្រាប់ការផ្តល់ប្រាក់កម្ចីអចលនទ្រព្យ ក៏ដូចជាការណែនាំការប្រុងប្រយ័ត្នក្នុងការកំណត់សមាមាត្រនៃដែនកំណត់តម្លៃប្រាក់កម្ចីឬ loan-to-value limit ដើម្បីបញ្ជៀសហានិភ័យពាក់ព័ន្ធនឹងវិស័យអចលនទ្រព្យ»។ ការណែនាំនេះ ធ្វើឡើងខណៈដែលវិស័យសំណង់បានទាក់ទាញគម្រោងវិនិយោគប្រមាណជា ៣.៤៣៣គម្រោង ដែលមានតម្លៃជាង ៦.៤ ពាន់លានដុល្លារអាមេរិក ត្រឹមចន្លោះខែមករា ដល់ ខែកញ្ញា ឆ្នាំ២០១៩។ (អានបន្ថែម) ជាមួយគ្នានេះដែរ របាយការណ៍នេះធ្វើឡើង ស្របពេលដែលក្រសួងសេដ្ឋកិច្ច […]
អានបន្ថែម
ផ្លូវជាតិលេខ ៣ នឹងត្រូវចំណាយថវិកាសរុបប្រមាណជាង ២១៩ លានដុល្លារអាមេរិក
ទឹកប្រាក់ប្រមាណជាង ២១៩ លានដុល្លារអាមេរិកនឹងត្រូវប្រើប្រាស់សម្រាប់សាងសង់ផ្លូវជាតិលេខ ៣ (ភ្នំពេញ – កំពត)។ ផ្លូវមួយខ្សែនេះ ត្រូវបានគេជឿជាក់ថាមានគុណភាពខ្ពស់និងប្រើប្រាស់បានយូរ។ ថវិកានៃការអនុវត្តគម្រោងនេះ គឺបានមកពីហិរញ្ញប្បទានសម្បទានពីសាធារណរដ្ឋប្រជាមានិតចិនរួមជាមួយរាជរដ្ឋាភិបាលកម្ពុជា នេះបើយោងតាមក្រសួងសាធារណការ និងដឹកជញ្ជូន។ ក្រុមហ៊ុនដែលនឹងសាងសង់ផ្លូវជាតិលេខ ៣ ត្រូវបានគេស្គាល់ថា ជាសាជីវកម្មស្ពានថ្នល់ចិនហើយត្រូវបានត្រួតពិនិត្យបច្ចេកទេសដោយក្រុមហ៊ុនបច្ចេកទេសសំណង់ក្វាងចូវ វ៉ានអាន ដែលមានរយៈពេលសាងសង់ ៤៨ ខែ។ ឯកឧត្តមទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានមានប្រសាសន៍ក្នុងពេលចុះត្រួតពិនិត្យស្ថានភាពផ្លូវជាតិលេខ ៣ ថា នៅចុងរដូវវស្សា ផ្លូវជាតិលេខ ៣ នឹងត្រូវបានសាងសង់ជាបេតុងប្រភេទ(AC) ដែលមានគុណភាពអាចប្រើប្រាស់បាន ទៅ ១២ ឆ្នាំ។ ក្នុងនោះ ក៏មានការជួសជុលបណ្តោះអាសន្នដើម្បីសម្រួលចរាចរណ៍។ កំណាត់ផ្លូវជាតិលេខ៣ (ភ្នំពេញ-កំពត) មានប្រវែងសរុប១៣៤,៧៩៦គីឡូម៉ែត្រ ដោយក្នុងនោះ ប្រវែង៦៩គីឡូម៉ែត្រ ចាប់ពីចោមចៅ ដល់បែកគុស ត្រូវសាងសង់ជាផ្លូវ ៤គន្លង និងចាប់ពីបែកគុស ដល់ទីរួមខេត្តកំពត ប្រវែង ៦៥,៧៩៦ គីឡូម៉ែត្រ ត្រូវសាងសង់ជាផ្លូវ ២គន្លង។ […]
អានបន្ថែម
កត្តានៃភាពជោគជ័យក្នុងការរចនាប្លង់ និងសាងសង់ ក្នុងវិស័យឧស្សាហកម្មសំណង់នៃប្រទេសកម្ពុជា
វិស័យសំណង់ក្នុងប្រទេសកម្ពុជាបានរីកលូតលាស់ជាគំហុក និងត្រូវបានប៉ាន់ស្មានថានឹងរីកលូតលាស់កាន់តែខ្លាំងឡើងៗ ដោយសារតែមានដីធ្លីជាច្រើនទាំងនៅជាយក្រុង និងតាមបណ្តាខេត្តមួយចំនួនរង់ចាំការអភិវឌ្ឍន៍។ យោងតាមស្ថិតិរបស់ក្រសួងរៀបចំដែនដី នគរូបនីយកម្ម និងសំណង់ បានបង្ហាញឱ្យឃើញថា នៅត្រីមាសដំបូងក្នុងឆ្នាំ ២០១៩ នេះ ការវិនិយោគលើវិស័យសំណង់មានតម្លៃសរុបច្រើនជាង ២,៧ ពាន់លានដុល្លាអាមេរិកឯណោះ។ ភាគច្រើននៃការវិនិយោគផ្តោតទៅលើ អគារលំនៅដ្ឋានខ្ពស់ៗ រោងចក្រ បុរី សណ្ឋាគារ អគារពាណិជ្ជកម្ម និងអគារការិយាល័យ។ ដោយសង្កេតឃើញនូវតម្រូវការខ្ពស់លើគុណភាពសេវាកម្មសំណង់ពីអ្នកវិនិយោគក្នុងស្រុក និងក្រៅស្រុក ដូច្នេះការផ្តល់នូវសេវាកម្មសំណង់បែបច្រកចេញចូលតែមួយ (one-stop-service) មានតួនាទីដ៏សំខាន់ក្នុងការកាត់បន្ថយចំណាយ និងពេលវេលាដល់អតិថិជន។ លោក Yabe Akira ប្រធានចាត់ការទូទៅក្រុមហ៊ុន CMED Construction មានកិត្តិយសណែនាំលម្អិតទៅលើសេវាកម្មសំណង់បែបច្រកចេញចូលតែមួយ ដែលមានតែមួយគត់នៅប្រទេសកម្ពុជា។ សូមលោកមេត្តាណែនាំខ្លួន ខ្ញុំបាទឈ្មោះ Yabe Akira ជាជនជាតិជប៉ុនដែលបញ្ចប់ការសិក្សាជំនាញវិស្វកម្ម។ ខ្ញុំបាទបាននិងកំពុងប្រឡូកក្នុងវិស័យសំណង់ជាង ៤០ឆ្នាំមកហើយ។ សព្វថ្ងៃនេះ ខ្ញុំមានតួនាទីជាប្រធានចាត់ការទូទៅក្នុងក្រុមហ៊ុន CMED Construction។ តើកត្តាអ្វីដែលជម្រុញលោកមកធ្វើការនៅប្រទេសកម្ពុជា? ដូចដែលអ្នកបានដឹងស្រាប់ហើយ កម្ពុជាគឺជាប្រទេសកំពុងអភិវឌ្ឍ។ ដូច្នេះ វិស័យសំណង់គឺជាវិស័យមួយដែលរីកលូតលាស់បំផុត។ ស្របពេលជាមួយគ្នានេះ កម្ពុជាកំពុងត្រូវការធនធានមនុស្សជាច្រើនដើម្បីអភិវឌ្ឍប្រទេស។ ខ្ញុំជឿជាក់ថា ខ្ញុំអាចប្រើប្រាស់សក្តានុពលដែលខ្ញុំមាន […]
អានបន្ថែម
ធនាគារពិភពលោក៖ កម្ពុជាធ្លាក់ ៦លេខលើការធ្វើធុរកិច្ច ប៉ុន្តែកិច្ចការសំណង់បែរជាប្រសើរទៅវិញ
ប្រទេសកម្ពុជាបានធ្លាក់៦លេខក្នុងរបាយការណ៍វាស់វែងភាពងាយស្រួលក្នុងការធ្វើធុរកិច្ចសម្រាប់ឆ្នាំ ២០២០ ក៏ប៉ុន្តែកម្ពុជាបានធ្វើឱ្យប្រសើរឡើងក្នុងការសុំលិខិតអនុញ្ញាតសាងសង់ការទទួលបានអគ្គិសនី និងការដោះស្រាយការក្ស័យធន ក្នុងចំណោមប្រធានបទទាំង ១០ ដែលបានយកមកសិក្សា។ ចុះផ្សាយកាលពីពេលថ្មីៗនេះ ចំណាត់ថ្នាក់លើភាពងាយស្រួលនៃ «ការធ្វើធុរកិច្ចឆ្នាំ ២០២០ ឬ Doing Business 2020» របស់ធនាគារពិភពលោកបានបង្ហាញថា កម្ពុជាជាប់ចំណាត់ថ្នាក់ទី ១៤៤ ក្នុងចំណោម ១៩០ប្រទេស ដែលនេះ បានបង្ហាញពីការធ្លាក់ចុះចំនួន ៦ លេខ បើប្រៀបធៀបទៅនឹងចំណាត់ថ្នាក់ទី១៣៨ ក្នុងឆ្នាំ ២០១៩ ដែលកម្ពុជាទទួលបាន។ (អានបន្ត) បើទោះបីចំណាត់ថ្នាក់ជារួមមានការធ្លាក់ក្តី របាយការណ៍នេះ បានកត់សម្គាល់ថា កម្ពុជាបានធ្វើឱ្យប្រសើរឡើងនូវកិច្ចការពាក់ព័ន្ធទៅនឹងការសុំលិខិតអនុញ្ញាតសាងសង់ ដែលកម្ពុជាបានធ្វើឲ្យមានការចំណាយតិចជាងមុន តាមរយៈការកាត់បន្ថយថ្លៃដើមក្នុងការទទួលបានលិខិតអនុញ្ញាតសាងសង់។ នៅឆ្នាំ ២០២០ កម្ពុជាទទួលបានពិន្ទុ ៤៤,៦ សម្រាប់ការសុំលិខិតអនុញ្ញាតសាងសង់ ដែលនេះគឺកើនឡើង ០,៤ (បម្រែបម្រួលជាភាគរយ) បើប្រៀបធៀបទៅនឹង ៤៤,២ ពិន្ទុដែលខ្លួនទទួលបានក្នុងឆ្នាំ ២០១៩ ។ ទិដ្ឋភាពមួយទៀតដែលកម្ពុជាបានរីកចម្រើន គឺការទទួលបានអគ្គិសនី ដែលក្នុងនោះ កម្ពុជាទទួលបាន ៥៧,៥ ពិន្ទុ។ នេះ […]
អានបន្ថែម
ឧបនាយករដ្ឋមន្ត្រីប្រាប់ឲ្យស្ថាបនាផ្លូវក្នុងខេត្តព្រះសីហនុឲ្យបានតាមស្តង់ដាកំណត់
ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានណែនាំឲ្យក្រុមហ៊ុនទទួលម៉ៅការស្ថាបនាផ្លូវថ្នល់ក្នុងខេត្តព្រះសីហនុ ធ្វើការសាងសង់ផ្លូវ ឲ្យបានស្របទៅតាមស្តង់ដាបច្ចេកទេសសំណង់ដែលបានកំណត់ នេះបើយោងតាមលទ្ធផលនៃកិច្ចប្រជុំកាលពីថ្ងៃទី ២៥ ខែ តុលា។ កិច្ចប្រជុំនេះ ធ្វើឡើងស្របពេលដែលកិច្ចសន្យាសាងសង់ផ្លូវចំនួន៣៤ខ្សែក្នុងខេត្តព្រះសីហនុនឹងត្រូវចាប់ផ្តើមក្នុងខែវិច្ឆិកា ក្រោមទឹកប្រាក់ប្រមាណជា១០០លានដុល្លារអាមេរិក ហើយការសាងសង់ក៏នឹងត្រូវចាប់ផ្តើមនាពេលខាងមុខផងដែរ។ (អានបន្ថែម) ក្នុងកិច្ចប្រជុំពិនិត្យគម្រោងស្ថាបនាផ្លូវក្រុងក្នុងខេត្តព្រះសីហនុ ឯកឧត្តម ជា សុផារ៉ា បានលើកឡើងពីចំនុចសំខាន់ៗពាក់ពន្ធ័មួយចំនួនដូចជា ថវិកាដែលត្រូវប្រើប្រាស់ក្នុងការស្ថាបនាផ្លូវ ប្រភេទផ្លូវដែលត្រូវស្ថាបនា ការដាក់ប្រពន្ធ័លូបង្ហូរទឹកកាត់ទទឹងថ្នល់ និងបណ្តោយថ្នល់ និងការធ្វើគំរូស្តង់ដាដើម្បីធានាដល់គុណភាពរឹងមាំរបស់ផ្លូវថ្នល់។ ឯកឧត្តម ក៏បានណែនាំដល់ក្រុមហ៊ុនដែលទទួលម៉ៅការស្ថាបនាផ្លូវ ត្រូវរៀបចំកន្លែងស្នាក់នៅសំរាប់កម្មករ រឺរៀបចំការដ្ឋានឲ្យបានត្រឹមត្រូវដើម្បីងាយស្រួលក្នុងការបំពេញការងារស្ថាបនាផ្លូវឲ្យបានល្អប្រសើរ។ ក្នុងនោះ ការសាងសង់ផ្លូវនឹងត្រូវចែកចេញជា៣ប្រភេទគឺ ផ្លូវថ្មី ផ្លូវមានស្រាប់ និងផ្លូវខ្នងភ្នំដែលក្រុមហ៊ុនស្ថាបនាផ្លូវត្រូវរៀបចំស្ថាបនាដោយអនុលោមតាមស្តង់ដាបច្ចេកទេសស្របតាមលក្ខណះនៃប្រភេទផ្លូវនីមួយៗ។ ឯកឧត្តមក៏បានស្នើដល់ក្រុមហ៊ុនស្ថាបនាផ្លូវថា ប្រសិនបើការឈូសឆាយស្ថាបនាពង្រីកផ្លូវមានការប៉ះពាល់ដល់ដើមឈើដែលដុះនៅលើផ្លូវនោះ គឺចាំបាច់ត្រូវតែឈូសឆាយរឺគាស់ដើមឈើនោះចេញសិន និងរក្សាទុកដើម្បីដាំដុះជាថ្មីទៀតនៅតាមសងខាងផ្លូវក្រោយពេលផ្លូវនោះបានស្ថាបនារួចរាល់ជាស្ថាពរ។ ចំណែកឯដើមឈើដែលដុះនៅតាមចិញ្ចើមថ្នល់មិនមានផលប៉ះពាល់ដល់ការស្ថាបនាផ្លូវទេនោះ គឺមិនចាំបាច់គាស់ចេញនោះទេ។ ចំពោះការស្ថាបនាផ្លូវថ្មីនោះ គឺត្រូវស្ថាបនាគ្រិះថ្មីដែលមានស្តង់ដាបច្ចេកទេសត្រឹមត្រូវ មានគ្រឹះថ្មីដែលធានាយ៉ាងច្បាស់លាស់ថាផ្លូវមានគុណភាពរឹងមាំពិតប្រាកដអាចធានាដល់ការប្រើប្រាស់បានយូរអង្វែង។ គួរបញ្ជាក់ថា គម្រោងកសាងផ្លូវទាំងនេះ គឺនឹងផ្តោតលើវិធានការបច្ចេកទេស ដូចជា គុណភាពសំណង់ ទំហំផ្លូវ ការបំពាក់ខ្សែកាប បណ្តាញទូរគមនាគមន៍ […]
អានបន្ថែម
ធនាគារពិភព៖ កម្ពុជាត្រូវដោះស្រាយប្រឈមបញ្ហាខ្លះៗដើម្បីទទួលបានអត្ថប្រយោជន៍ពីសេដ្ឋកិច្ចឌីជីថល
ជាមួយនឹងការរីកចម្រើនយ៉ាងឆាប់រហ័សនៃប្រព័ន្ធឌីជីថល ប្រទេសកម្ពុជាត្រូវដោះស្រាយបញ្ហាប្រឈមមួយចំនួនសិន មុននឹងទទួលបានអត្ថប្រយោជន៍ពីសេដ្ឋកិច្ចឌីជីថល។ របាយការណ៍របស់ធនាគារពិភពលោកកម្ពុជាបានបង្ហាញថា មានបញ្ហាប្រឈមចំនួនបួនដែលត្រូវតែធ្វើឲ្យប្រសើរឡើងសិន ទើបអាចទទួលបានអត្ថប្រយោជន៍ពីសេដ្ឋកិច្ចឌីជីថល។ យោងតាមរបាយការណ៍របស់ធនាគារពិភពលោកបានបង្ហាញថា កត្តាទី១ គឺ សេវាអ៊ិនធឺណេតនៅប្រទេសកម្ពុជានៅមានកម្រិត ទី២ ១ភាគ៤នៃម្ចាស់អាជីវកម្មនៅកម្ពុជា មានគេហទំព័រអាជីវកម្មនៅឆ្នាំ ២០១៧ ដែលបង្ហាញពីកង្វះជំនាញព័ត៌មានវិទ្យា ទី ៣ កម្ពុជាមិនមានក្របខ័ណ្ឌណែនាំច្បាស់លាស់ និងកត្តាចុងក្រោយ គឺការអភិវឌ្ឍន៍ហេដ្ឋារចនាសម្ព័ន្ធ បទប្បញ្ញត្តិ និងជំនាញ។ ទាំងនេះ គឺជាបញ្ហាប្រឈមដែលចាំបាច់ត្រូវដោះស្រាយ។ នៅថ្ងៃទី ២៦ ខែមីនា សម្តេចតេជោ ហ៊ុនសែន នាយករដ្ឋមន្រ្តី បានមានប្រសាសន៍ថា ការជំរុញការវិនិយោគលើហេដ្ឋារចនាសម្ព័ន្ធ គឺនឹងជួយគាំទ្រដល់វិស័យឌីជីថល ដែលការលើកឡើងនេះ គឺក្នុងសន្និសីទស្តីពី «ការប្រែក្លាយផ្នែកឌីជីថលឆ្ពោះទៅកាន់ឧស្សាហកម្ម ៤.០» នៅឯសណ្ឋាគារ The Great Duke។ សេចក្តីព្រាងច្បាប់ពាណិជ្ជកម្មតាមប្រព័ន្ធអេឡិចត្រូនិករបស់កម្ពុជាត្រូវបានអនុម័តបន្ទាប់ពីការអភិវឌ្ឍន៍របស់ក្រសួងពាណិជ្ជកម្មដោយមានជំនួយពីធនាគារអភិវឌ្ឍន៍អាស៊ី។ ច្បាប់ពាណិជ្ជកម្មតាមប្រព័ន្ធអេឡិចត្រូនិចនេះ នឹងដើរតួនាទីយ៉ាងសំខាន់ក្នុងការគាំទ្រដល់ការអភិវឌ្ឍន៍យុទ្ធសាស្ត្រឌីជីថលរបស់ប្រទេសកម្ពុជា។ រដ្ឋាភិបាលកម្ពុជាបានបង្កើតគណៈកម្មាធិការដើម្បីគាំទ្រដល់យុទ្ធសាស្ត្រឌីជីថល ដែលមានការចូលរួមដោយក្រសួងសេដ្ឋកិច្ច និងហិរញ្ញវត្ថុ ក្រសួងប្រៃសណីយ៍ និងទូរគមនាគមន៍ ក្រសួងពាណិជ្ជកម្ម ក្រសួងព័ត៌មាន និងក្រុមប្រឹក្សាអភិវឌ្ឍន៍កម្ពុជា នេះបើយោងតាមរបាយការណ៍របស់ធនាគារពិភពលោក។
អានបន្ថែម
សមាគមអ្នកសាងសង់កម្ពុជាចូលរួមកិច្ចប្រជុំក្រុមប្រឹក្សាសមាគមអ្នកសាងសង់សហព័ន្ធអន្តរជាតិ អាស៊ី និងប៉ាស៊ីហិ្វក (IFAWPCA) លើកទី ៤១
សមាគមអ្នកសាងសង់កម្ពុជា បានចូលរួមក្នុងកិច្ចប្រជុំកំពូលពិសេសមួយរបស់សមាគមអ្នកសាងសង់សហព័ន្ធអន្តរជាតិ អាស៊ី និងប៉ាស៊ីហិ្វក (IFAWPCA) នៅទីក្រុង ធីមភូ ប្រទេសប៊ូតង់សម្រាប់កិច្ចប្រជុំក្រុមប្រឹក្សាពាក់កណ្តាលអាណត្តិ លើកទី ៤១ ។ ធ្វើឡើងនៅថ្ងៃទី ៣០-៣១ ខែកក្កដាឆ្នាំ ២០១៩ នៅឯរមណីយដ្ឋាន Terma Linca Resorts & Spa កិច្ចប្រជុំពិភាក្សាអំពីការតែងតាំងអ្នករាយការណ៍សម្រាប់អាណត្តិ ២០១៩-២០២០ ។ នេះរួមបញ្ចូលការពិភាក្សាលើបទប្បញ្ញត្តិពាក់ព័ន្ធនៅក្នុងរដ្ឋធម្មនុញ្ញ / ច្បាប់ទាក់ទងនឹងទម្រង់អ្នករាយការណ៍ IFAWPCA អ្នកដាក់ពាក្យតែងតាំងអ្នករាយការណ៍ និងការទទួលយកសម្បថរបស់អ្នករាយការណ៍សម្រាប់អាណត្តិ ២០១៩ ដល់ ២០២០ ។ លោកបណ្ឌិត តាន់មុនីវណ្ណ តំណាងសមាគមអ្នកសាងសង់កម្ពុជា ដែលដឹកនាំដោយ អ្នកឧកញ៉ា ពុង ឃាវ សែ បានមានប្រសាសន៍ថា លោករីករាយដែលបានចូលរួមកិច្ចប្រជុំ និងអាចផ្លាស់ប្តូរបទពិសោធន៍ទាក់ទងនឹងឧស្សាហកម្មសំណង់ជាមួយសមាជិកដទៃទៀតនៃ IFAWPCA ។ ក្រៅពីការតែងតាំង អង្គប្រជុំក៏បានពិភាក្សាអំពីបញ្ហាដែលកើតឡើងពីកិច្ចប្រជុំមុនដូចជាការចុះឈ្មោះ IFAWPCA ការស្នើលើការផ្តល់រង្វាន់ PCA ការស្នើសុំកម្មវិធី IFAWPCA និងកម្មសិទ្ធិគេហទំព័ររបស់ […]
អានបន្ថែម
ទីផ្សារអចលនទ្រព្យតាមអនឡាញនឹងមានសន្ទុះខ្លាំងស្របពេលដែលសេចក្តីព្រាងច្បាប់អនឡាញនៅកម្ពុជាបានអនុម័ត
អ្នកលក់អចលនទ្រព្យនឹងប្រើប្រាស់សេវាកម្មអនឡាញដើម្បីលើកកម្ពស់ចំនួននៃការលក់ខណៈពេលដែលសេចក្តីព្រាងច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិចត្រូវបានអនុម័តដោយរដ្ឋសភាជាតិរួចហើយ។ ថ្លែងនៅក្នុងកម្មវិធី Property Market Update ដែលរៀបចំឡើងដោយក្រុមហ៊ុនវាយតម្លៃអចលនទ្រព្យ Vtrust Appraisal នៅថ្ងៃទី ២៥ ខែតុលា លោក គុយ វ៉ាត អគ្គនាយកក្រុមហ៊ុនបានចាត់ទុកការធ្វើទីផ្សារតាមអ៊ិនធឺណេតជាចក្ខុវិស័យមួយសម្រាប់ការរីកចម្រើននិងលើកកម្ពស់ការលក់អចលនទ្រព្យនៅកម្ពុជា។ លោកបានមានប្រសាសន៍ថា៖ «ដើម្បីសម្រួលដល់អ្នកវិនិយោគ ការទិញនិងលក់តាមរយៈអនឡាញនឹងជួយឱ្យមានភាពងាយស្រួល…ហើយការទិញលក់កាន់តែមានការកើនឡើង»។ ការមានផែនទី ជាមួយនឹងតម្លៃលើតំបន់នៃអចលនទ្រព្យគឺជាអាទិភាពដំបូងគេដែលត្រូវបានអនុវត្តដើម្បីឱ្យប្រជាជនមានភាពងាយស្រួលក្នុងការទទួលបានព័ត៌មានអំពីអចលនទ្រព្យ ជាពិសេស គឺតម្លៃ។ សេចក្តីព្រាងច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិករបស់ប្រទេសកម្ពុជាត្រូវបានអនុម័តបន្ទាប់ពីការរៀបចំពីក្រសួងពាណិជ្ជកម្មដោយមានជំនួយពីធនាគារអភិវឌ្ឍន៍អាស៊ី។ ច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិចនេះ នឹងដើរតួយ៉ាងសំខាន់ដើម្បីជួយដល់ការអភិវឌ្ឍន៍យុទ្ធសាស្ត្រឌីជីថលរបស់ប្រទេសកម្ពុជា។
អានបន្ថែម
កម្មករសំណង់កម្ពុជាថយចុះ ខណៈបង់ក្លាដេសគ្រោងនឹងបញ្ជូនកម្មករមកប្រទេសកម្ពុជា
វិស័យសំណង់បានបង្កើតការងារដល់កម្មករកម្ពុជាគិតជាមធ្យមពី ២០០ ០០០ នាក់ ទៅ ២២០ ០០០ នាក់ក្នុង១ថ្ងៃ ប៉ុន្តែចំនួននេះ បានធ្លាក់ចុះរហូតដល់ ៣១,៨១ ភាគរយ បើធៀបនឹងរយៈពេល៩ខែកាលពីឆ្នាំទៅ។ នេះបើតាមរបាយការណ៍ចេញដោយក្រសួងរៀបចំដែនដី នគរូបនីយកម្ម និងសំណង់ កាលពីខែតុលា ឆ្នាំ២០១៩។ ដោយឡែកសារព័ត៌មាន New Age របស់បង់ក្លាដេសបានចុះផ្សាយថាលោក Salim Reza លេខាធិការក្រសួងសុខុមាលភាពជនបរទេស និងក្រៅប្រទេសបានមានប្រសាសន៍ថា ពួកគេកំពុងរៀបចំបញ្ជូនកម្មករសំណង់របស់ខ្លួនមកប្រទេសកម្ពុជា។ លោកបន្តថា មន្រ្តីស្ថានទូតបង់ក្លាដេសប្រចាំទីក្រុងបាងកក កាលពីពេលថ្មីៗនេះ បានមកធ្វើទស្សនកិច្ចនៅកម្ពុជា ដើម្បីពិនិត្យមើលពីតម្រូវការជាក់ស្ដែងរបស់កម្មករសំណង់សម្រាប់បង់ក្លាដេស។ លោកបន្ថែមថា បង់ក្លាដេស និង កម្ពុជាបានចុះហត្ថលេខា ស្តីពី ការផ្លាស់ប្តូរជំនាញ និង ការជ្រើសរើសពលករពីប្រទេសបង់ក្លាដេសកាលពីឆ្នាំ ២០១៧។ បើតាមរបាយការណ៍ក្រសួងរៀបចំដែនដី នគរូបនីយកម្ម និងសំណង់ តម្លៃពលកម្មសម្រាប់កម្មករគ្មានជំនាញអាចទទួលបានពី ៣០ ០០០រៀល ទៅ ៤០ ០០០រៀលក្នុង១ថ្ងៃ កម្មករមានជំនាញ និង មេជាងអាចទទួលបានពី ៤០ ០០០រៀល […]
អានបន្ថែម
សម្តេចតេជោហ៊ុនសែន៖ ទីក្រុងភ្នំពេញបានអភិវឌ្ឍពង្រីកផ្ទែក្រឡាខ្លួនដល់ទៅទ្វេដង
ជាមួយនឹងកំណើនសេដ្ឋកិច្ច និងសន្ទុះនៃការអភិវឌ្ឍន៍យ៉ាងខ្លាំងខ្លា រាជធានីភ្នំពេញបានធ្វើការអភិវឌ្ឍន៍ពង្រីកផ្ទៃក្រឡាខ្លួនរហូតដល់ទៅទ្វេដង នេះបើយោងតាមការបញ្ជាក់របស់សម្តេចនាយករដ្ឋមន្រ្តី ហ៊ុន សែន។ សម្តេចនាយករដ្ឋមន្រ្តី ហ៊ុន សែន បានបញ្ជាក់ក្នុងកិច្ចប្រជុំពេញអង្គគណៈរដ្ឋមន្ត្រីកាលពីថ្ងៃទី ២៥ ខែតុលា ថា ភ្នំពេញបានអភិវឌ្ឍពង្រីកផ្ទៃក្រឡាខ្លួនទ្វេដង ដែលក្នុងនោះ បញ្ហាសំរាមគឺជារឿងចាំបាច់មួយដែលត្រូវដោះស្រាយស្របតាមការរីកច្រើននេះ។ បញ្ហាសំរាម គឺជាបញ្ហាចម្បងមួយក្នុងទីក្រុងភ្នំពេញ ហើយជាក់ស្តែងកន្លងមកមានការត្អូញត្អែរ និងការរិះគន់ពីប្រជាពលរដ្ឋពាក់ព័ន្ធទៅនឹងបញ្ហាការគ្រប់គ្រងសំរាម ហើយរដ្ឋាភិបាលបានឈានទៅធ្វើចំណាត់ការភ្លាមៗ ដោយដកហូតសិទិ្ធប្រមូលសំរាមពីក្រុមហ៊ុនស៊ីនទ្រី ជាបណ្តោះអាសន្នមុននឹងធ្វើការបើកឲ្យក្រុមហ៊ុនផ្សេងធ្វើការដេញថ្លៃបន្ត។ សម្តេចថ្លែងថា៖ «តែមួយក្រុមហ៊ុនមិនគ្រប់គ្រាន់ទេ ក្រុងភ្នំពេញពីមុននេះ មានតែជាង ៣០០គីឡូម៉ែត្រការ៉េ ឥឡូវនេះក្រុងភ្នំពេញរបស់យើងឡើងទៅដល់ជាង ៦០០ គីឡូម៉ែត្រការ៉េទៅហើយ»។ សម្តេចបញ្ជាក់ថា ក្រោយការដកហូតសិទិ្ធនេះ ក្រុមហ៊ុនស៊ីនទ្រីនឹងទទួលបានការប៉ះប៉ូវសមស្របនិងយុត្តិធម៌ ហើយធនធានរូបវន្ត និងធនធានមនុស្សទាំងអស់ របស់ក្រុមហ៊ុនបច្ចុប្បន្ន នឹងត្រូវដាក់ឲ្យស្ថិតក្រោមការគ្រប់គ្រងរបស់អង្គភាពរដ្ឋរយៈពេលបណ្តោះអាសន្នដើម្បីធានានិរន្តភាពនៃការសម្អាតទីក្រុង។ គួរបញ្ជាក់ថា ក្រៅពីបញ្ហាសំរាមកន្លងមក សម្តេចនាយករដ្ឋមន្រ្តី ហ៊ុន សែន ក៏បានមានប្រសាសន៍ថា ចំណតយានយន្តក៏ជាបញ្ហាចម្បងដែលរាជធានីភ្នំពេញកំពុងជួបប្រទះផងដែរ ស្របពេលដែលទីក្រុងនេះមានការអភិវឌ្ឍន៍យ៉ាងឆាប់រហ័ស។ ក្នុងនោះ សម្តេច ក៏ជំរុញឲ្យមានការបង្កើតចំណតយានយន្តក្រោមដីគឺបន្ថែមទៀតផងដែរ។ (អានបន្ថែម)
អានបន្ថែម
ការគ្រប់គ្រងទ្រព្យសម្បត្តិ (អចលនទ្រព្យ)៖ វគ្គសិក្សាមួយដើម្បីស្វែងយល់ពីសារៈសំខាន់នៃទ្រព្យសម្បត្តិ (អចលនទ្រព្យ)
ដោយ ប្រាក់ បញ្ញា និង Ngu Kea Yuan វិទ្យាស្ថានបច្ចេកទេស រ៉ូយ៉ាល់ ឆាតធឺ (RCI) នឹងរៀបចំវគ្គសិក្សាផ្នែកទី ១ នៃវិញ្ញាបនប័ត្រការគ្រប់គ្រងទ្រព្យសម្បត្តិ (អចលនទ្រព្យ) ដែលនឹងសិក្សាអំពីការគ្រប់គ្រងទ្រព្យសម្បត្តិ (អចលនទ្រព្យ)នៅថ្ងៃទី ៧ ខែកញ្ញា ឆ្នាំ ២០១៩។ គ្រូបង្រៀនគឺលោក Dan Davies មកពីចក្រភពអង់គ្លេស។ តើទ្រព្យសម្បត្តិគឺជាអ្វី? ទ្រព្យសម្បត្តិជាធម្មតាត្រូវបានពិពណ៌នាថាជាអចលនវត្ថុនៅក្នុងលក្ខខណ្ឌធម្មតា។ នៅក្រោមទម្រង់អចលនទ្រព្យ វាអាចគ្របដណ្តប់ដូចជា ហេដ្ឋារចនាសម្ព័ន្ធ អចលនទ្រព្យ ដីធ្លី និងអគារជាដើម។ ឯកសារយោង RICS 2012។ វិទ្យាស្ថានភូមិន្ទឆាតធឺសឺវេយឺ (RICS) បានបញ្ជាក់ក្នុងឆ្នាំ ២០១២ ថា ចំណុចខាងក្រោមនេះគឺស្ថិតក្នុងផលប័ត្រនៃការគ្រប់គ្រង៖ ១) ការថែរក្សាបញ្ជីកិច្ចការនៅកកមិនទាន់ធ្វើហើយ ២) ថាមពលគ្មានប្រសិទ្ធភាព ៣) ភាពខ្សោយក្នុងការធ្វើឲ្យមានសមត្ថភាពសក្ក័សមនឹងតម្រូវការសេវាកម្ម ៤) កន្លែងស្នាក់នៅមិនល្អសម្រាប់បុគ្គលិក ៥) កន្លែងសេវាសាធារណៈរួមគ្នាមានការកំណត់ ៦) ភាពគ្មានប្រសិទ្ធភាពពាក់ពន្ធ័នឹងលទ្ធកម្មនៃអចលនទ្រព្យ សំណង់ […]
អានបន្ថែម
ច្បាប់កំពង់ផែរបស់ប្រទេសកម្ពុជាកំពុងស្ថិតក្នុងការរៀបចំសេចក្តីព្រាង
នៅថ្ងៃទី ១៧ និង ១៨ ខែតុលានេះ ក្រសួងសាធារណការនិងដឹកជញ្ជូនបានរៀបចំសិក្ខាសាលាមួយ ផ្តោតលើការធ្វើសេចក្តីព្រាងច្បាប់ស្តីពីកំពង់ផែ សហការជាមួយទីភ្នាក់ងារសហប្រតិបត្តិការអន្តរជាតិជប៉ុន(JICA) និងចូលរួមដោយកំពង់ផែស្វយ័តភ្នំពេញ កំពង់ផែស្វយ័តក្រុងព្រះសីហនុ និងក្រុមហ៊ុនកំពង់ផែឯកជនផ្សេងទៀតដើម្បីរៀបរៀងសេចក្តីព្រាងច្បាប់ស្តីពីកំពង់ផែនេះឱ្យកាន់តែប្រសើរឡើង។ ច្បាប់កំពង់ផែនេះត្រូវបានជឿជាក់ថានឹងចូលរួមក្នុងការជំរុញវិស័យពាណិជ្ជកម្ម និងដំណើរអភិវឌ្ឍន៍សេដ្ឋកិច្ចជាតិ និងអន្ដរជាតិ។ ឯកឧត្តម អៀង វ៉េងស៊ុន រដ្ឋលេខាធិការក្រសួងសាធារណការ និងដឹកជញ្ជូនបាននិយាយថា “កម្ពុជាបានទទួលការវិនិយោគជាបន្តបន្ទាប់ពីដៃគូអភិវឌ្ឍន៍នានាក្នុងវិស័យ កំពង់ផែ ដែលធ្វើឲ្យវិស័យនេះទទួលបាននូវការអភិវឌ្ឍគួរជាទីមោទនៈ”។ ឯកឧត្តមរដ្ឋលេខាធិការ ក៏បានជំរុញលើកទឹកចិត្តឱ្យអ្នកចូលរួមពីស្ថាប័ន និងអង្គភាពពាក់ព័ន្ធទាំងអស់ មេត្តាយកចិត្តទុកដាក់សិក្សាស្វែងយល់ ការពិភាក្សាជាក្រុម និងផ្តល់ជាមតិយោបល់កែលម្អសេចក្តីព្រាងច្បាប់ស្តីពីកំពង់ផែឲ្យកាន់តែល្អប្រសើរដើម្បីយកមកអនុវត្តក្នុងការបម្រើជាប្រយោជន៍ជូនប្រទេសជាតិ។ លោកតូម៉ូហ៊ីរ៉ុ ខាណាតាក តំណាងស្ថានទូតជប៉ុនប្រចាំព្រះរាជាណាចក្រកម្ពុជា បានបង្ហាញចំណាប់អារម្មណ៍ថា “ការជំរុញក្នុងការបង្កើតបទដ្ឋានគតិយុត្តិជាពិសេសច្បាប់ស្តីពីកំពង់ផែ គឺពិតជាមានសារៈសំខាន់ក្នុងការអភិវឌ្ឍកំពង់ផែនៅកម្ពុជាកាន់តែប្រសើរ”។ ក្រៅពីជួយរៀបចំសេចក្តីព្រាងច្បាប់ស្តីពីកំពង់ផែនេះ ប្រទេសជប៉ុនបានប្តេជ្ញាផ្តល់ការគាំទ្រអភិវឌ្ឍកំពង់ផែសមុទ្រនៅកម្ពុជាផងដែរ បន្ទាប់ពីកិច្ចប្រជុំទ្វេភាគីរវាងសម្តេចតេជោហ៊ុនសែននាយករដ្ឋមន្រ្តីនៃកម្ពុជានិងនាយករដ្ឋមន្ត្រីជប៉ុនលោកស៊ីនហ្សូអាបេកាលពីថ្ងៃទី ៣១ ខែឧសភានៅទីក្រុងតូក្យូ។ រូបភាពគោលដោយ កំពង់ផែស្វយ័តក្រុងព្រះសីហនុ
អានបន្ថែម