តម្រងខ្យល់ថ្មីបំផុតរបស់ក្រុមហ៊ុន Mitsubishi កំពុងតែនាំមុខក្នុងឧស្សាហកម្ម
ចាប់តាំងពីពិធីសារទីក្រុងម៉ុងរ៉េអាល់ (Montreal) ស្តីពីសារធាតុធ្វើឲ្យខូចស្រទាប់អូហ្សូន បានចូលជាធរមានក្នុងឆ្នាំ ១៩៨៩ មក ក្រុមហ៊ុន Mitsubishi បានយល់ព្រមកាត់បន្ថយការផលិត និងការប្រើប្រាស់សារធាតុបំផ្លាញស្រទាប់អូហ្សូន ព្រមទាំងបង្កើតនូវហ្គាសម៉ាស៊ីនត្រជាក់បៃតង ដែលបច្ចុប្បន្នកំពុងតែឈានមុខគេនៅក្នុងផលិតផលម៉ាស៊ីនត្រជាក់បៃតង។ ជាមួយនឹងការដាក់បង្ហាញនូវហ្គាសម៉ាស៊ីនត្រជាក់ R410A នៅក្នុងគ្រប់ផលិតផលម៉ាស៊ីនត្រជាក់ទាំងអស់របស់ក្រុមហ៊ុន Mitsubishi ឥឡូវនេះអ្នកប្រើប្រាស់ទាំងអស់អាចទទួលបាននូវអត្ថប្រយោជន៍ពីការរួមបញ្ចូលគ្នានៃតម្រងម៉ាស៊ីនទាំងបីក្នុងផលិតផលតែមួយ ឧទាហរណ៍ តម្រងម៉ាស៊ីនបំបាត់ធាតុធ្វើឲ្យប្រតិកម្ម (Allergen Clear Filter) តម្រងម៉ាស៊ីនអង់ស៊ីមធម្មជាតិ (Natural Enzyme Filter) និងតម្រងម៉ាស៊ីនប្រើថាមពលព្រះអាទិត្យ Natural Solar Filter។ តម្រងម៉ាស៊ីនបំបាត់ធាតុធ្វើឲ្យប្រតិកម្ម (Allergen Clear Filter) គឺជាបច្ចេកវិទ្យាដើម និងតែមួយគត់ដើម្បីគ្រប់គ្រងសីតុណ្ហភាព និងសំណើមសម្រាប់សារធាតុធ្វើឲ្យប្រតិកម្មដែលអកម្ម។ តម្រងម៉ាស៊ីននេះបំបែកនូវលំអង សត្វចៃ និងធាតុតែធ្វើឲ្យប្រតិកម្ម ដែលរស់នៅលើស្បែកឆ្មាជាដើម ហើយបំផ្លាញនូវសារធាតុទាំងនោះចេញ។ ការសម្ងាត់នៃការបំផ្លាញនេះ គឺការផ្សំបញ្ចូលគ្នានៃអង់ស៊ីម-អ៊ុយរ៉េ ហើយវាមិនត្រឹមតែកំចាត់នូវសារធាតុដែលធ្វើឲ្យប្រតិកម្មប៉ុណ្ណោះទេ តែថែមទាំកំចាត់នូវគ្រប់ប្រភេទនៃបាក់តេរី ផ្សិត និងវីរុសផងដែរ។ បើទោះបីជាសារធាតុធ្វើឲ្យប្រតិកម្ម និងបាក់តេរីទាំងនោះ ហោះហើរចេញពីតម្រងក៏ដោយ ក៏ពួកវាត្រូវបានធ្វើឲ្យអសកម្មរួចហើយ ដូច្នេះខ្យល់នៅក្នុងបន្ទប់របស់អ្នកនៅតែស្រស់ស្រាយដដែល។ តម្រងម៉ាស៊ីនអង់ស៊ីមធម្មជាតិ (Natural […]
អានបន្ថែម
កម្រាល Inovar – ជាប់រឹងមាំបានយូរជាងមុន និងស្រស់ស្អាតបានយូរ
ក្រុមហ៊ុន Inovar (Cambodia) Pte Ltd. បានបើកដំណើរការនៅទីក្រុងភ្នំពេញចាប់តាំងពីខែមីនា ឆ្នាំ២០១៤។ ក្នុងនាមជាហាងលក់ផលិតផលរោងចក្រដោយផ្ទាល់ ក្រុមហ៊ុនធ្វើការផ្គត់ផ្គង់នូវផលិតផលកម្រាលឈើមានគុណភាពដែលនាំមកពីរោងចក្ររបស់ខ្លួននៅប្រទេសម៉ាឡេស៊ី ដែលផ្តល់នូវការធានាពីភាពជាប់រឹងមាំដោយរោងចក្រផលិត។ យើងមានក្រុមហ៊ុនមេនៅប្រទេសម៉ាឡេស៊ីដែលត្រូវបានបង្កើតឡើងក្នុងឆ្នាំ១៩៩៦។ កម្រាលឈើ Inovar គឺជាកម្រាលឈើមុនគេបង្អស់នៅក្នុងឧស្សាហកម្មកម្រាលឈើនៅតំបន់អាស៊ី ហើយរោងចក្រផលិតរបស់វាត្រូវបានបំពាក់ដោយបច្ចេកវិទ្យាអឺរ៉ុប។ កម្រាលឈើ Inovar ផលិតពីឈើខ្លឹមនៅតំបន់ត្រូពិច និងជាបន្ទះឈើផលិតពីសរសៃឈើភ្ជាប់គ្នាដោយជ័រឈើក្រោមសម្ពាធ និងកម្តៅខ្ពស់ HDF (High Density Fiberboard) ដែលធ្វើឲ្យកម្រាលឈើនេះមានភាពធន់នឹងទឹកខ្ពស់ ហើយនេះជាលក្ខណៈពិសេសចម្បងរបស់កម្រាលឈើ Inovar។ បច្ចុប្បន្ននេះ ការធានារបស់ផលិតផលយើង មានរួមបញ្ចូលការធានានូវភាពធន់នឹងកណ្តៀរកាត់ជារៀងរហូតផងដែរ។ កម្រាលឈើ Inovar មិនត្រឹមតែមានកំណត់ត្រាល្អលើការផ្គត់ផ្គង់កម្រាលប៉ុណ្ណោះទេ ថែមទាំងមានកំណត់ត្រាល្អលើការផ្តល់ជូននូវការរចនាគ្រឿងបន្ទាប់បន្សំផ្សេងៗភ្ជាប់នឹងកម្រាលផងដែរ (ឧទាហរណ៍ ផ្ទាំងក្រណាត់ និងទម្រង់គំនូសកាត់) និងសេវាកម្មដំឡើងដល់ គម្រោងធំៗ ជាពិសេសនៅក្នុងតំបន់ប្រទេសអាស៊ាន។ វាដើរតួដូចជាមជ្ឈមណ្ឌលមួយដែលផ្តល់ជូននូវផលិតផលទាំងអស់សម្រាប់តម្រូវការរៀបចំកម្រាលរបស់អ្នក។ កម្រាលឈើ Inovar ត្រូវបានដំឡើងដោយវិធីបិទភ្ជាប់ពីលើ ហើយមិនត្រូវការប្រើជ័រកាវបិទភ្ជាប់នោះទេ ដែលធ្វើឲ្យការដំឡើងមានភាពងាយស្រួល និងងាយស្រួលក្នុងការរុះរើចេញ។ ក្រុមហ៊ុនមានការរចនាជាង ៦០ម៉ូដសម្រាប់ឲ្យអតិថិជនជ្រើសរើស ដូចនេះកម្រាលឈើរបស់អ្នកអាចធ្វើការផ្លាស់ប្តូរតាមពេលវេលាដើម្បីឲ្យស្របតាមម៉ូដដែលមានការនិយម ដោយមិនចំណាយច្រើន និងមិនមានភាពស្មុគស្មាញ សម្រាប់ទាំងទីតាំងពាណិជ្ជកម្ម និងលំនៅដ្ឋាន។ ក្រៅពីកម្រាលឈើ […]
អានបន្ថែម
កម្មវិធី Bentley’s AECOsim building designer CONNECT Edition បង្ហាញពីការប្រកួតប្រជែងសមត្ថភាពនៃ BIM សម្រាប់គម្រោងធំៗ
ខែកញ្ញា ឆ្នាំ ២០១៧៖ ក្រុមហ៊ុន Bentley Systems Incorporated ដែលជាក្រុមហ៊ុនឈានមុខគេជាសកលក្នុងការផ្តល់ជូននូវដំណោះស្រាយ Software យ៉ាងទូលំទូលាយសម្រាប់ការអភិវឌ្ឍហេដ្ឋារចនាសម្ព័ន្ធ បានប្រកាសពីវត្តមានរបស់ AECOsim CONNECT Edition ដែលជាកម្មវិធី Building Information Modeling (BIM) របស់ Bentley ត្រូវបានរចនាឡើងសម្រាប់គម្រោងសាងសង់ដែលមានទំហំធំ និង/ឬមានវិស្វកម្មប្រកបដោយភាពស្មុគស្មាញ និងដែលត្រូវបានចង្អុលបង្ហាញលក្ខណៈតាមរយៈបញ្ហាប្រឈមនៃការរួមបញ្ចូលគ្នារវាងសំណង់បញ្ឈរ និងហេដ្ឋារចនាសម្ព័ន្ធផ្ដេក (ដូចជាផ្លូវថ្នល់ ផ្លូវដែក ឧបករណ៍ប្រើប្រាស់ ជាដើម) ។ នៅលើគម្រោងបែបនេះ ក្រុមហ៊ុនរចនានិងផ្តល់គម្រោងជាទូទៅមានទំនួលខុសត្រូវយ៉ាងទូលំទូលាយសម្រាប់គោលការណ៍ប្រគល់គម្រោងចម្រុះ ក្រុមហ៊ុនម៉ៅការបន្ត និងក្រុមហ៊ុនដែលបណ្តាក់ទុនរួមគ្នា។ អ្នកប្រើប្រាស់ AECOsim Building Designer V8i បានបង្ហាញពីភាពល្អប្រសើររបស់វានៅក្នុងគម្រោងជាច្រើនប្រភេទ។ ក្នុងចំណោមបេក្ខភាពពានរង្វាន់ Be Inspired Awards 2017 របស់ Bentley គម្រោងចំនួន ៦៣គម្រោង បានផ្តល់ការជឿជាក់លើ AECOsim រួមទាំងគម្រោងចំនួន ១៥ក្នុងចំណោម ៥១គម្រោងដែលចូលរួមប្រកួតចុងក្រោយ ដែលក្នុងនោះមានគម្រោងជាច្រើនដូចជា […]
អានបន្ថែម
រដ្ឋាភិបាលទិញស្ពានកោះកុងមកគ្រប់គ្រងវិញ
ភ្នំពេញ៖ រដ្ឋាភិបាលកម្ពុជាបានសម្រេចទិញយកស្ពានឆ្លងកាត់ដៃសមុទ្រខេត្តកោះកុងទៅកាន់ព្រំដែនប្រទេសថៃដែលវិនិយោគដោយក្រុមហ៊ុន លី យ៉ុងផាត់ ដើម្បីឲ្យប្រជាពលរដ្ឋធ្វើដំណើរឆ្លងកាត់ដោយពុំចាំបាច់បង់ថ្លៃ
អានបន្ថែម
ការវិនិយោគលើគម្រោងខ្សែក្រវ៉ាត់មួយផ្លូវមួយកំពុងស្ថិតនៅក្រោមការពិនិត្យពិច័យ
ការចាត់វិធានការលើរំហូរចេញនៃដើមទុនរបស់ចិននាពេលថ្មីៗនេះ បានផ្តោតទៅលើគំនិតផ្តួចផ្តើមខ្សែក្រវ៉ាត់មួយផ្លួវមួយ បានជម្រុញឲ្យការវិនិយោគ និងការទិញទំនិញក្រៅប្រទេសកើនឡើងយ៉ាងគំហុក ហើយដែលបច្ចុប្បន្ននេះកំពុងស្ថិតក្រោមការត្រួតពិនិត្យយ៉ាងដិតដល់ពីសំណាក់អាជ្ញាធរ។ នៅក្នុងខែសីហា ជាការឆ្លើយតបទៅរំហូរចេញថ្មីៗទាំងនេះ និងការធូររលុងនៃការរឹតត្បិត គណៈកម្មាការកំណែទម្រង់ និងអភិវឌ្ឍន៍ជាតិចិន (NDRC) បានប្រកាសថា ត្រូវមានគោលការណ៍ណែនាំការអនុវត្តសម្រាប់ការវិនិយោគនៅក្រៅប្រទេសនៅក្នុងគម្រោងខ្សែក្រវ៉ាត់មួយផ្លូវមួយ ដើម្បជៀសវាងការវិនិយោគមិនសមហេតុផល ការប្រកួតប្រជែងមិនត្រឹមត្រូវ និងអំពើពុករលួយ។ គំនិតផ្តួចផ្តើម “ផ្លូវសូត្រទំនើប” ដែលទទួលបានដោយក្រុមហ៊ុនចិននៅតាមបណ្តាប្រទេសចំនួន ៦៨ បានឈានដល់តម្លៃ ៣៣ ប៊ីលានដុល្លារគិតត្រឹមខែសីហា ប្រៀបធៀបទៅនឹងទំហំទឹកប្រាក់ ៣១ប៊ីលានដុល្លារ នៅក្នុងឆ្នាំ ២០១៦ ទាំងមូល។ លទ្ធផលមួយនៃការចាត់វិធានការនេះ គឺធនាគារពាណិជ្ជរដ្ឋធំៗរបស់ចិនបានបង្កើនប្រាក់រាប់ពាន់លានដុល្លារដើម្បីគាំទ្រដល់ការជំរុញការវិនិយោគខ្សែក្រវ៉ាត់មួយផ្លូវមួយរបស់របស់ប្រទេស ក្នុងនាមជាការដកទុនឯកជន៕
អានបន្ថែម
គម្រោងមជ្ឈមណ្ឌលពាណិជ្ជកម្មនិងពិព័រណ៍ដ៏ធំបំផុតរបស់ពិភពលោកនៅប្រទេសថៃ
ក្រុមហ៊ុនបណ្តាក់ទុនរួមគ្នាមួយរវាងថៃនិងចិនបានប្រកាសពីផែនការសាងសង់មជ្ឈមណ្ឌលពាណិជ្ជកម្ម និងពិព័រណ៍ដ៏ធំបំផុតរបស់ពិភពលោកនៅលើឆ្នេរសមុទ្រនៃឈូងសមុទ្រថៃ ដែលស្ថិតនៅភាគខាងកើតទីក្រុងបាងកក។ ក្រុមហ៊ុនថៃ Best Group និងក្រុមហ៊ុនចិន Shenzhen Hydoo International នឹងវិនិយោគទឹកប្រាក់ចំនួន ៣ប៊ីលានដុល្លារ ដើម្បីសាងសង់មជ្ឈមណ្ឌល Trust City World Exhibition and Trade Centre ទំហំ ២.៥គីឡូម៉ែត្រការ៉េ។ នៅពេលការសាងសង់បញ្ចប់នៅឆ្នាំ ២០២០ មជ្ឈមណ្ឌលនេះនឹងអាចរៀបចំហាងបោះដុំជាង ២០.០០០ បន្ទប់សណ្ឋាគារលំដាប់ Business-class ចំនួន ៥.០០០បន្ទប់ សម្រាប់ពាណិជ្ជករ និងអ្នកទេសចរណ៍ បន្ទប់តម្លៃថោកជាងនេះចំនួន ៦.០០០បន្ទប់ សម្រាប់បុគ្គលិក អាផាតមិនសេវាកម្ម និងសាលតាំងពិព័រណ៍ទំហំ ១០០.០០០ម៉ែត្រការ៉េ។ វាត្រូវបានរចនាឡើងជាមជ្ឈមណ្ឌលនាំចេញសម្រាប់ផលិតផលថៃ និងជាច្រកសម្រាប់អាជីវកម្មចិន ហើយការវិនិយោគរបស់ Hydoo នេះធ្វើឡើងស្របតាមគំនិតផ្តួចផ្តើមខ្សែក្រវ៉ាត់មួយផ្លូវមួយរបស់រដ្ឋាភិបាលចិន។
អានបន្ថែម
ប្រទេសចិនមានចំណែក ៣០% នៃសំណង់ហេដ្ឋារចនាសម្ព័ន្ធនៅលើពិភពលោក
របាយការណ៍ថ្មីពីមជ្ឈមណ្ឌល Timetric’s Infrastructure Intelligence Center (IIC) បានបង្ហាញថាគម្រោងនៅជុំវិញពិភពលោកដែលមានការចូលរួមពីអ្នកសាងសង់ចិនមានចំនួន ១៦ភាគរយ នៃចំនួនគម្រោងសរុបនៅលើពិភពលោក។ យ៉ាងណាក៏ដោយ គម្រោងដែលឧបត្ថម្ភដោយចិនមាន ៣១ភាគរយនៃតម្លៃគម្រោងហេដ្ឋារចនាសម្ព័ន្ធសាកល ដែលមានតម្លៃ ១៧,១ទ្រីលានដុល្លារគិតត្រឹមឆ្នាំ ២០១៧។ របាយការណ៍នេះបានឲ្យដឹងថា អ្នកសាងសង់ចិនបានចូលរួមក្នុងគម្រោងចំនួន ១.០៣៤ នៅក្រៅប្រទេសចិន ដែលភាគច្រើនស្ថិតនៅតំបន់អាស៊ី តំបន់មជ្ឈិមបូព៌ា និងអាហ្វ្រិក ហើយភាគច្រើនមានទំនាក់ទំនងទៅនឹងគំនិតផ្តួចផ្តើមខ្សែក្រវ៉ាត់មួយផ្លូវមួយ។ ក្នុងចំណោមគម្រោងទាំងនោះ ៤០ភាគរយ គឺជាគម្រោងផ្លូវដែក។ ទ្វីបអាស៊ីទទួលបានភាគច្រើននៃការវិនិយោគនិងការចូលរួមពីក្រុមហ៊ុនចិន ហើយវាជាទីតាំងនៃគម្រោងចំនួន ៤៣០ ដែលមានតម្លៃ ១,២ទ្រីលានដុល្លារ ដោយក្នុងនោះប្រទេសចិនមានការចូលរួមយ៉ាងហោចណាស់មួយផ្នែក។
អានបន្ថែម
ក្រុមហ៊ុន Vingroup ចាប់ផ្តើមការងារលើរោងចក្រផលិតរថយន្ត
វៀតណាម៖ ក្រុមហ៊ុនអភិវឌ្ឍន៍អចលនទ្រព្យធំបំផុតរបស់វៀតណាម Vingroup កាលពីខែកញ្ញា បានប្រកាសថា ខ្លួនបានចាប់ផ្តើមសាងសង់រោងចក្រផលិតរថយន្តដ៏ធំមួយនៅភាគខាងជើងនៃប្រទេស។ ដំណាក់កាលទី១ នៃការសាងសង់លើផ្ទៃដីទំហំ ៣៣៥ហិកតា មានតម្លៃ ១ ទៅ ១.៥ប៊ីលានដុល្លារ ហើយវាជាផ្នែកមួយនៃការជម្រុញជារួមរបស់ក្រុមហ៊ុនដើម្បីពង្រីកវិស័យឧស្សាហកម្មធុនធ្ងន់នៅវៀតណាម។ ក្រុមហ៊ុននេះបានខ្ចីប្រាក់ចំនួន ៨០០លានដុល្លារ ពី Credit Suisse AG ដើម្បីផ្តល់មូលនិធិដល់ដំណាក់កាលទី១នេះ។ តាមរយៈការសាងសង់រោងចក្រផលិតរថយន្តដ៏ធំនេះ ក្រុមហ៊ុនសង្ឃឹមថានឹងក្លាយជាក្រុមហ៊ុនផលិតយានយន្តឈានមុខគេនៅអាស៊ីអាគ្នេយ៍។ ផែនការរបស់ក្រុមហ៊ុនមានការផលិតម៉ូតូអេឡិចត្រូនិកដំបូងនៅឆ្នាំទី១ ហើយផលិតរថយន្តនៅឆ្នាំទី២រហូតឈានដល់ការផលិតពី ១០០.០០០ ទៅ ២០០.០០០គ្រឿង។ ក្រុមហ៊ុន Vingroup បានប្រាប់សារព័ត៌មាន Reuters ថា ពួកគេមានបំណងផលិតរថយន្ត ៥០០.០០០គ្រឿងក្នុងមួយឆ្នាំ នៅឆ្នាំ ២០២៥។
អានបន្ថែម
គ្រាប់បែកបន្សល់ពីសង្រ្គាមលោកលើកទី២សម្លាប់កម្មករនៅការដ្ឋានផ្លូវដែកម៉ាឡេស៊ី
ម៉ាឡេស៊ី៖ ការផ្ទុះគ្រាប់បែកសម័យសង្គ្រាមលោកលើកទី២ បានសម្លាប់កម្មករម្នាក់ និងធ្វើឲ្យរងរបួសធ្ងន់ធ្ងរពីរនាក់ នៅការដ្ឋានសាងសង់ស្ថានីយក្រោមដីថ្មីមួយនៅក្នុងទីក្រុងកូឡាឡាំពួរ ប្រទេសម៉ាឡេស៊ី កាលពីខែតុលា។ កម្មករបង់ក្លាដែសម្នាក់បានស្លាប់នៅមន្ទីរពេទ្យបន្ទាប់ពីការផ្ទុះយុទ្ធភ័ណ្ឌមិនទាន់ផ្ទុះ។ អំឡុងពេលសង្គ្រាមលោកលើកទី២ ទីក្រុងកូឡាឡាំពួរត្រូវបានកាន់កាប់ដោយកងកម្លាំងអធិរាជជប៉ុនក្នុងការច្បាំងដណ្តើម British Malaya ហើយត្រូវបានទម្លាក់គ្រាប់បែកដោយកងកម្លាំងទ័ពអាកាសរបស់អាមេរិក។ ស្ថានីយនេះគឺជាស្ថានីយមួយក្នុងចំណោមស្ថានីយទាំង១១ ដែលកំពុងត្រូវបានសាងសង់សម្រាប់ខ្សែផ្លូវរថភ្លើង Klang Valley Mass Rapid Transit (KVMRT) Sungai Buloh-Serdang-Putrajaya (SSP)។ វាមានប្រវែង ៣២.៤ ម៉ាយ ដែលក្នុងនោះប្រវែងជាង ៨ ម៉ាយ ស្ថិតនៅក្រោមដី ដើម្បីបម្រើឲ្យប្រជាជនជិតពីរលាននាក់។
អានបន្ថែម
និន្នាការសំណង់នៅមីយ៉ាន់ម៉ានៅតែបន្តភាពវិជ្ជមាន
របាយការណ៍ថ្មីមួយស្តីពីឧស្សាហកម្មសំណង់របស់ប្រទេសមីយ៉ាន់ម៉ាបានព្យាករណ៍ពីកំណើនសេដ្ឋកិច្ចយឺតក្នុងរយៈពេលប្រាំឆ្នាំខាងមុខបន្ទាប់ពីកំណើនវិជ្ជមានដ៏រឹងមាំរយៈពេល៥ឆ្នាំ។ របាយការណ៍ Timetric’s Construction in Myanmar – Key Trends and Opportunities to ២០២១ បង្ហាញពីកំណើនប្រកបដោយចីរភាពក្នុងអំឡុងឆ្នាំ ២០១២-២០១៦ ក្នុងកម្រិត ១០,៣៣ភាគរយ បើទោះបីជាមានការធ្លាក់ចុះដោយសារភាពតានតឹងផ្នែកនយោបាយក្នុងឆ្នាំ ២០១៥-២០១៦ ក៏ដោយ ដែលត្រូវបានជម្រុញដោយការវិនិយោគវិស័យសាធារណៈនៅក្នុងហេដ្ឋារចនាសម្ព័ន្ធ និងគម្រោងសាងសង់លំនៅដ្ឋាន។ ឆ្នាំ ២០១៧-២០២១ គេបានព្យាករណ៍ថានឹងមានកំណើនសេដ្ឋកិច្ចប្រចាំឆ្នាំយឺតប្រមាណ ៤,៥៦ភាគរយ ដោយសារតែការផ្លាស់ប្តូរនយោបាយដែលកំពុងបន្ត ប៉ុន្តែវិស័យសំណង់ត្រូវបានលើកទឹកចិត្តតាមរយៈកិច្ចខិតខំប្រឹងប្រែងដើម្បីជម្រុញសេដ្ឋកិច្ចតាមរយៈការវិនិយោគទ្រង់ទ្រាយធំលើហេដ្ឋារចនាសម្ព័ន្ធ។
អានបន្ថែម
ចិនដាក់ទណ្ឌកម្មលើមនុស្ស ៣១នាក់ ដែលទទួលខុសត្រូវចំពោះការស្លាប់មនុស្ស ៧៣នាក់
រដ្ឋាភិបាលចិនបានចេញវិធានការបង្ខំលើមនុស្ស ៣១នាក់ ដែលត្រូវទទួលខុសត្រូវចំពោះគ្រោះថ្នាក់នៅការដ្ឋានសំណង់មួយកាលពីខែវិច្ឆិកា ឆ្នាំ២០១៦ ដែលបានសម្លាប់មនុស្ស ៧៣នាក់។ ការស្លាប់នេះបណ្តាលមកពីការដួលរលំនៃប៉ម Cooling Tower មួយនៅឯរោងចក្រអគ្គិសនីកំពុងសាងសង់នៅភាគខាងត្បូងនៃប្រទេសចិន។ យោងតាមទីភ្នាក់ងារសារព័ត៌មានស៊ីនហួបានឲ្យដឹងថា កម្មករពីរនាក់បន្ថែមទៀតបានរងរបួស ហើយថ្លៃខូចខាតនៃគ្រោះថ្នាក់នេះត្រូវបានប៉ាន់ប្រមាណថាប្រហែល ១៥.៦លានដុល្លារ។ ទីភ្នាក់ងារសារព័ត៌មានស៊ីនហួរក៏បានលើកឡើងដែរថា របាយការណ៍របស់រដ្ឋាភិបាលបានឲ្យដឹងថា ក្រុមអ្នកស៊ើបអង្កេតបានសន្និដ្ឋានគ្រោះថ្នាក់នេះបណ្តាលមកពីបញ្ហាមួយចំនួនដូចជា ការត្រួតពិនិត្យមិនល្អ និងការមិនអាចបំពេញតាមកាតព្វកិច្ចទទួលខុសត្រូវលើសុវត្ថិភាពការងាររបស់ក្រុមហ៊ុនសាងសង់។
អានបន្ថែម
ការហូរចូលអ្នកសាងសង់ជនជាតិចិនជាច្រើននៅហ្វីលីពីន
កម្មវិធីសាងសង់ហេដ្ឋារចនាសម្ព័ន្ធដ៏ធំរបស់ហ្វីលីពីនបានទាក់ទាញចំណាប់អារម្មណ៍យ៉ាងច្រើនពីអ្នកសាងសង់ចិន ដែលរដ្ឋាភិបាលបានស្នើសុំជំនួយពីប្រទេសចិនដើម្បីពិនិត្យមើលក្រុមហ៊ុនដែលដាក់ពាក្យស្នើសុំគម្រោងទាំងនោះ។ ការរួមបញ្ចូលគ្នារវាងកម្មវិធី “Build, Build, Build” របស់ប្រធានាធិបតីហ្វីលីពីន Duterte ដែលមានតម្លៃ ១៨០ប៊ីលានដុល្លារ និងគំនិតផ្តួចផ្តើមខ្សែក្រវ៉ាត់មួយ-ផ្លូវមួយរបស់ចិន បានបង្កើតនូវការរីកចម្រើនខាងការសាងសង់ហេដ្ឋារចនាសម្ព័ន្ធដ៏ធំមួយនៅអាស៊ី។ ការពោរពេញដោយអ្នកសាងសង់ចិននេះបានកើតឡើងបន្ទាប់ពីលោក Duterte បានផ្លាស់ប្តូរភក្ដីភាពពីសហរដ្ឋអាមេរិកទៅកាន់ប្រទេសចិនកាលពីឆ្នាំមុន និងបានចុះហត្ថលេខាលើកិច្ចព្រមព្រៀងផ្តល់មូលនិធិសម្រាប់ហេដ្ឋារចនាសម្ព័ន្ធជាច្រើនពាន់លានដុល្លារជាមួយរដ្ឋាភិបាលចិន។ ក្រសួងពាណិជ្ជកម្មចិនបានសន្យាថានឹងធ្វើការត្រួតពិនិត្យអ្នកសាងសង់ចិន និងចាត់តាំងបេក្ខភាពត្រឹមចំនួន៣សម្រាប់គម្រោងនីមួយៗ ហើយរដ្ឋាភិបាលហ្វីលីពីនបានបញ្ជាក់ថា ខ្លួននឹងអនុញ្ញាតឲ្យអ្នកសាងសង់ទាំងនោះនាំយកមកជាមួយនូវកម្មកររបស់ខ្លួនដើម្បីជៀសវាងការខ្វះខាតកម្លាំងពលកម្ម និងការពន្យារពេលការងារ។
អានបន្ថែម