Bentley Systems បង្ហាញគម្រោងវិស្វកម្មធំៗដោយប្រើកម្មវិធី LumenRT សម្រាប់ NVIDIA Omniverse

• ៣០ មេសា ២០២៣
• ព័ត៌មានសំណង់
• 1455 មើល

ការបង្កើតបទពិសោធន៍ 3D/4D ដ៏អស្ចារ្យ មើលឃើញពីគំរូពិតនៅក្នុងការងាររចនា សាងសង់ និងប្រតិបត្តិការប្រើប្រាស់ សម្រាប់សំណង់ហេដ្ឋារចនាសម្ព័ន្ធតាមរយៈឌីជីថលភ្លោះ នឹងជួយកែលម្អកិច្ចទំនាក់ទំនងគ្នាក្នុងក្រុមការងារ និងកិច្ចសហប្រតិបត្តិការល្អរវាងអន្តរសា្ថប័ន

ក្រុមហ៊ុន Bentley Systems បានបង្ហាញពីរប្រសិទ្ធិភាពប្រើប្រាស់កម្មវិធី LumenRT សម្រាប់ NVIDIA Omniverse ដំណើរការដោយ iTwin ដែលជាដំណោះស្រាយសម្រាប់អង្គភាពក្នុងឧស្សាហកម្មហេដ្ឋារចនាសម្ព័ន្ធបង្កើតរូបភាពនិមិ្មតគួរឱ្យទាក់ទាញ ជាមួយល្បឿន និងគុណភាពដែលមិនធ្លាប់មានពីមុនមក ដើម្បីធ្វើការសម្រេចចិត្តជាមួយព័ត៌មានប្រសើរជាងមុន និងជាគន្លឹះប្រកួតប្រជែងដើម្បីទទួលបានគម្រោងជាច្រើនទៀត។

កម្មវិធី LumenRT សម្រាប់ NVIDIA Omniverse គឺជាកម្មវិធីផ្នែកវិស្វកម្មដំបូងគេនៅក្នុងទីផ្សារ ដែលត្រូវបានបង្កើតឡើងនៅលើ Omniverse ដែលជាវេទិកាសម្រាប់បង្កើត និងប្រើប្រាស់នៅក្នុងកម្មវិធី metaverse។ ការរួមបញ្ចូលគ្នានៃ NVIDIA Omniverse និង Bentley iTwin បានផ្តល់ឱ្យយើងទទួលបានបទពិសោធន៍ 3D/4D ពិតៗ ដើម្បីមើលឃើញពីគំរូហេដ្ឋារចនាសម្ព័ន្ធឌីជីថលភ្លោះប្រសើរជាងមុន។ សមត្ថភាពរួមបញ្ចូលគ្នាកំពុងផ្តល់នូវបទពិសោធន៍ថ្មី និងលទ្ធផលមិនគួរឱ្យជឿសម្រាប់គម្រោងហេដ្ឋារចនាសម្ព័ន្ធដ៏ធំ និងមានលក្ខណៈស្មុគស្មាញបំផុតមួយចំនួនជុំវិញពិភពលោកយើងនេះ។

ការចាប់ផ្តើមប្រើប្រាស់ LumenRT សម្រាប់ NVIDIA Omniverse ដំបូង គឺក្រុមហ៊ុនវិស្វកម្ម Brigantium ជាក្រុមហ៊ុនម៉ៅការសាងសង់សំណង់វិស្វកម្ម និងផ្តល់សេវាកម្មប្រឹក្សាគម្រោងដ៏ធំមួយ បានយកវាទៅប្រើលើគម្រោងរោងចក្រថាមពល ITER នៅភាគខាងត្បូងប្រទេសបារាំង ជាកន្លែងដែលប្រទេសចំនួន 35 កំពុងសហការគ្នាដើម្បីបង្កើតម៉ាស៊ីន tokamak ដើម្បីបង្ខាំង plasm aដោយប្រើដែនម៉ាញេទិកក្នុងទម្រង់ជានំដូណាត់ដ៏ធំបំផុតរបស់ពិភពលោក និងជាឧបករណ៍បង្កើត fusion ដំបូងគេដើម្បីលាយបញ្ចូលគ្នាផលិតចេញជាថាមពលវិជ្ជមានសុទ្ធនៅក្នុងដែន plasma។ ទោះបីជាភាសាទំនាក់ទំនងផ្លូវការសម្រាប់គម្រោង ITER ជាភាសាអង់គ្លេសក៏ដោយ ប៉ុន្តែមានបុគ្គលិកដែលប្រើភាសាកំណើតមានច្រើនជាង 45 ភាសានៅក្នុងការទាក់ទងគ្នាក្នុងការិយាល័យកណ្តាល ហើយអ្វីដែលស្មុគស្មាញក្នុងការធ្វើការួមគ្នា គឺថាមិនមែនអ្នកចូលរួមទាំងអស់សុទ្ធតែទម្លាប់ក្នុងការបកស្រាយគំនូរ 2D និងគំនូសតាង Gantt ជាភាសាអង់គ្លេសនោះទេ។

ដើម្បីជម្នះឧបសគ្គភាសា និងការប្រាស្រ័យទាក់ទងទាំងនេះ ក្រុមហ៊ុន Brigantium បានប្រើប្រាស់ LumenRT សម្រាប់ NVIDIA Omniverse ដើម្បីផ្តល់នូវគំរូអន្តរកម្ម 4D ដែលជួយនូវការទំនាក់ទំនងគ្នាដោយវិចារណញាណសម្រាប់អ្នកគ្រប់គ្នាដែលធ្វើការលើគម្រោង ដែលជំរុញការទំនាក់ទំនងគ្នាកាន់តែប្រសើរ។ ក្រុមហ៊ុន Brigantium រំពឹងថា កំណើនការចូលរួមរបស់អ្នកប្រើប្រាស់ និងមតិកែលម្អនឹងធ្វើឱ្យទំនាក់ទំនងកាន់តែប្រសើរឡើង និងពេលវេលាប្រតិបត្តិលឿនជាងមុន កាត់បន្ថយកំហុស និងថយចុះនូវការបាត់បង់ពេលវេលា ដែលធ្វើឱ្យប្រសិទ្ធភាពការងារក្នុងក្រុមសរុប កើនឡើងរហូតដល់ 80%។

“អានុភាពនៃកម្មវិធី LumenRT សម្រាប់ NVIDIA Omniverse រួមផ្សំជាមួយ iTwin Platform នឹងអនុញ្ញាតឱ្យក្រុមការងារគម្រោងរបស់យើងអាចធ្វើការរួមគ្នាដោយងាយស្រួលនូវគំរូពីឧបករណ៍ឌីហ្សាញជាច្រើន ហើយបង្កើតគំរូរូបភាពដែលអាចមើលឃើញពីវិធីការងារវិស្វកម្មប្រកបដោយភាពជាក់លាក់ និងផ្តោតសំខាន់ដល់គោលគំនិតនៃការរចនាគម្រោង។ ប្រភេទគំរូរូបភាពដែលអាចមើលឃើញទាំងនេះគឺមានសារៈសំខាន់ណាស់សម្រាប់ការយល់គម្រោង” នេះបើបានសម្តីលោក Lynton Sutton នាយកគ្រប់គ្រងនៃក្រុមហ៊ុនវិស្វកម្ម Brigantium។ “កាលពីមុន យើងពឹងផ្អែកលើអ្នកឯកទេសដែលត្រូវបានលះបង់ពេលវេលាសុទ្ធ និងការខិតខំប្រឹងប្រែងដើម្បីឆ្ពោះទៅរកការបង្កើតគម្រោងសំខាន់ៗទាំងនេះ។ តែវាមិនមានប្រសិទ្ធភាពណាស់ណាទេ ប៉ុន្តែចាំបាច់។ ឥឡូវនេះ ជាមួយនឹងកម្មវិធី LumenRT សម្រាប់ NVIDIA Omniverse អ្នកគ្រប់គ្នានៅក្នុងគម្រោងអាចបង្កើតរូបភាពមើលឃើញដ៏គួរឱ្យជក់ចិត្តដោយប្រើរយៈពេលខ្លី និងគុណភាពខ្ពស់ជាងអ្វីដែលអាចធ្វើបានពីមុន។

កម្មវិធី LumenRT សម្រាប់ NVIDIA Omniverse ក៏កំពុងនាំមកនូវការច្នៃប្រឌិតថ្មីដល់គម្រោង Tuas Water Reclamation Plant (TWRP) ដែលកំពុងសាងសង់ដោយ PUB សម្រាប់ទីភ្នាក់ងារគ្រប់គ្រងទឹកស្អាតសិង្ហបុរី។ អ្វីដែលអស្ចារ្យ គឺជំហានដ៏ធំមួយឆ្ពោះទៅរកការកាត់បន្ថយការបំពុលទឹក។ TWRP គឺជាគម្រោងមេហ្គាពហុជំនាញមួយប្រភេទ ដើម្បីសាងសង់កន្លែងប្រព្រឹត្តកម្មទឹកសំណល់ក្នុងគ្រួសារ និងសម្រាប់ឧស្សាហកម្ម។ វិសាលភាព និងភាពស្មុគស្មាញនៃគម្រោងនេះ បានបង្ហាញពីបញ្ហាប្រឈមធំៗក្នុងការសម្របសម្រួល និងការប្រាស្រ័យទាក់ទងគ្នារវាងអ្នកម៉ៅការ 16ក្រុមផ្សេងៗគ្នាលើការរចនា និងការសាងសង់ ដែលតំណាងឱ្យ 3,500 គំរូ BIM ដាច់ដោយឡែកៗពីគ្នា។ “ការរៀបចំកម្មវិធីត្រួតពិនិត្យប្រចាំខែដល់ភាគីពាក់ព័ន្ធ ធ្លាប់ចំណាយពេលវេលាច្រើន – ដើម្បីប្រមូលផ្តុំ និងរៀបចំទិន្នន័យគំរូទាំងអស់ និងបង្កើតការបង្ហាញជាមួយវីដេអូដើម្បីចែករំលែកគ្រប់ភាគី។ ប៉ុន្តែជាមួយនឹងការគ្រប់គ្រងគំរូ BIM របស់ ProjectWise ដំណើរការដោយ iTwin ការប្រមូលផ្តុំទិន្នន័យគឺងាយស្រួល” នេះបើតាមលោក OhSung Kwan អ្នកគ្រប់គ្រង TWRP BIM ជាមួយក្រុមហ៊ុន Jacobs ។ “ជាមួយនឹង LumenRT សម្រាប់ NVIDIA Omniverse ការរៀបចំ renders និងផលិតវីដេអូគឺចំណាយពេលតិចជាងមុនច្រើន ហើយយើងអាចស្វែងរកជម្រើសកាន់តែច្រើនជាមួយនឹងបច្ចេកវិទ្យា VR ដ៏អស្ចារ្យ។ ជាមួយនឹងដំណោះស្រាយទាំងនេះរួមគ្នា យើងបានកាត់បន្ថយពេលវេលារៀបចំសម្រាប់វគ្គត្រួតពិនិត្យគំរូ សន្សំការចំណាយលើគម្រោង និងអនុញ្ញាតឱ្យមានពេលវេលាបន្ថែមទៀតដើម្បីផ្តោតលើកិច្ចសហប្រតិបត្តិការជាមួយអតិថិជន។ នេះបើតាមការបញ្ជាក់បន្ថែមរបស់លោក។

តាមរយៈការប្រើប្រាស់គំរូរួម iTwin ដើម្បីបង្ហាញពីកម្មវិធី LumenRT សម្រាប់ NVIDIA Omniverse អនុញ្ញាតឱ្យមានការផ្លាស់ប្តូរយ៉ាងឆាប់រហ័ស ដែលសម្រួលដល់លំហូរការងារតាមរយៈការមើលឃើញរូបភាពគំរូដោយភ្ជាប់ដោយផ្ទាល់ទៅប្រព័ន្ធឌីជីថលភ្លោះនៃហេដ្ឋារចនាសម្ព័ន្ធរួមតែមួយ ដូច្នេះនៅពេលដែលការផ្លាស់ប្តូរកើតឡើង ពួកវាត្រូវបានធ្វើសមកាលកម្ម (synchronized) ដោយស្វ័យប្រវត្តិ និងអនុញ្ញាតឱ្យភាគីពាក់ព័ន្ធគម្រោងអាចពិនិត្យមើលសុវត្ថិភាពឡើងវិញដើម្បីធានាគុណភាព និងការផ្លាស់ប្តូរការឌីហ្សាញ។ ក្រុមការងារគម្រោងក៏អាចបង្កើតបទពិសោធន៍នៃការរចនារូបនិម្មិត VR និងការពិតបន្ថែម AR សម្រាប់ភាគីពាក់ព័ន្ធផងដែរ ដោយវាអាចបង្កើនសមត្ថភាពក្នុងការស្វែងរកកាន់តែប្រសើរឡើងសម្រាប់ការមើលរូបភាពគំរូពិតនៃគម្រោង។ នៅពេលដែលគម្រោងកាន់តែធំ និងស្មុគ្រស្មាញជាងមុន បទពិសោធន៍នៃការរចនារូបនិម្មិត VR និងការពិតបន្ថែម AR តាមរយៈឧបករណ៍ស្មាតហ្វូន នឹងជួយទាក់ទាញចំណាប់អារម្មណ៍អ្នកមើល ដែលនេះជាការប្រកួតប្រជែងឈានមុខគេ។

ខណៈពេលដែលក្រុមហ៊ុន Brigantium និង PUB កំពុងទទួលបានអត្ថប្រយោជន៍ពីការទំនាក់ទំនង និងការសហការកាន់តែប្រសើរឡើង ក្រុមហ៊ុនផ្តល់សេវាកម្មប្រឹក្សាជំនាញវិស្វកម្ម WSP ក៏បានប្រើប្រាស់ LumenRT នៃ NVIDIA Omniverse និង iTwin Platform ជាកម្មវិធីទាក់ទាញសម្រាប់ការដេញថ្លៃឈ្នះគម្រោងថ្មីៗផងដែរ។ WSP កំពុងប្រើប្រាស់ LumenRT នៃ NVIDIA Omniverse ដើម្បីផលិតរូបភាពដ៏គួរឱ្យទាក់ទាញសម្រាប់គម្រោង I-5 Interstate Bridge Replacement (IBR) ដែលមានតម្លៃរាប់ពាន់លានដុល្លារឆ្លងកាត់រវាងរដ្ឋ Oregon និង Washington នៅក្នុងសហរដ្ឋអាមេរិក។ បើយើងពិនិត្យមើលស្ពាន Interstate ដែលមានស្រាប់ បានបម្រើជាផ្លូវពាណិជ្ជកម្មដ៏សំខាន់សម្រាប់សេដ្ឋកិច្ចក្នុងតំបន់ ប៉ុន្តែហេដ្ឋារចនាសម្ព័ន្ធវ័យចំណាស់នេះមិនគ្រប់គ្រាន់សម្រាប់ចរាចរណ៍ទំនើបនោះទេ ហើយក៏ប្រឈមនឹងហានិភ័យនៃការដួលរលំក្នុងករណីមានការរញ្ជួយដីដ៏ធំផងដែរ។

ដូចនេះហើយ បានជានាយកដ្ឋានដឹកជញ្ជូនរដ្ឋវ៉ាស៊ីនតោន (WSDOT) និងនាយកដ្ឋានដឹកជញ្ជូនរដ្ឋអូរីហ្គិន (ODOT) កំពុងគាំទ្រដល់ការប្រើប្រាស់ឌីជីថលភ្លោះដែលត្រូវបានបង្កើតឡើងនៅលើវេទិកា iTwin ពេញលេញ ដើម្បីបង្ហាញជាសាធារណៈជាមួយនឹងគំនិត តាមរយៈការរចនាលម្អិត ចូលទៅក្នុងការសាងសង់ និង ការសន្មត់សម្រាប់ប្រតិបត្តិការបន្ត សម្រាប់ការគ្រប់គ្រងស្ពាននេះនាពេលអនាគត។ អត្ថប្រយោជន៍មួយក្នុងចំណោមអត្ថប្រយោជន៍ជាច្រើនចំពោះវិធីសាស្រ្តនេះគឺថា វាអនុញ្ញាតឱ្យ WSP ធ្វើសមកាលកម្ម (synchronized) សំណុំការផ្លាស់ប្តូរ និងបង្កើតរូបភាពដែលអាចមើលឃើញអនាគតដូចក្នុងបច្ចុប្បន្នភាពយ៉ាងឆាប់រហ័សដោយមិនចាំបាច់ចំណាយពេលទាញទិន្នន័យចេញចូលឡើយ។

“ក្រុមហ៊ុន WSP បានប្តេជ្ញាចិត្តក្នុងការប្រើប្រាស់កម្មវិធីហេដ្ឋារចនាសម្ព័ន្ធឌីជីថលភ្លោះនេះដើម្បីផ្តល់ផលប្រយោជន៍ឱ្យបានច្រើន និងបង្កើតរូបភាពមើលឃើញដ៏គួរឱ្យទាក់ទាញ បានឆាប់រហ័ស និងងាយស្រួលជាមុន ដោយផ្តល់ជូនភាគីពាក់ព័ន្ធអាចទទួលបានព័ត៌មាន និងប្រៀបបានចូលរួមក្នុងគម្រោងបានគ្រប់ពេលវេលាតាមរយៈការឆ្នៃប្រឌិតខាងលើ ហើយនេះជាគន្លឹះដែល WSP ដេញថ្លៃឈ្នះគម្រោងដ៏ធំនេះ។” នេះបើតាមការលើកឡើងរបស់លោក Tom Coleman អនុប្រធាន WSP ប្រចាំសហរដ្ឋអាមេរិក។ លោកបានបន្ថែមថា “លំហូរការងាររបស់ Bentley ក្នុងដំណាក់កាលរៀបចំប្លង់គំនិត បានអនុញ្ញាតឱ្យយើងចូលរួមជាមួយភាគីពាក់ព័ន្ធបានយល់គ្នាយ៉ាងឆាប់រហ័ស និងកាន់តែមានប្រសិទ្ធភាព។ យើង​អាច​ផលិត​គំនិត​ច្នៃ​ប្រឌិត​បានច្រើន​ជាង​គំនិតដែលយើង​ធ្លាប់​ប្រើពី​បុរាណ។

ការបកស្រាយខាងលើនេះជាប្រវត្តិរឿងនៃការចាប់ផ្តើមដោយជោគជ័យចេញពីការប្រើកម្មវិធី LumenRT សម្រាប់ NVIDIA Omniverse ដែលឥឡូវនេះ គឺត្រូវបានប្រកាសប្រើជាផ្លូវការ។

“លទ្ធផលដែលសម្រេចបានដោយអ្នកប្រើប្រាស់ដំបូងបង្អស់នៃកម្មវិធី LumenRT សម្រាប់ NVIDIA Omniverse បានបង្ហាញពីអត្ថប្រយោជន៍ពិសេសមួយសម្រាប់ក្រុមការងារក្នុងគម្រោងដែលធ្វើការជាមួយប្រព័ន្ធឌីជីថលភ្លោះក្នុងវិស័យហេដ្ឋារចនាសម្ព័ន្ធ ដោយផ្តល់នូវលំហូរការងារឌីជីថលភ្លោះថ្មីដ៏មានអានុភាពដែលធ្វើឱ្យគេអាចមើលឃើញរូបភាព និងមានអត្ថប្រយោជន៍ដើម្បីអនុវត្តលើគម្រោងគ្រប់ខ្នាត” ។ នេះបើតាមការបញ្ជាក់របស់ Lori Hufford អនុប្រធានកិច្ចសហប្រតិបត្តិការផ្នែកវិស្វកម្ម នៃក្រុមហ៊ុន Bentley System។

ការរួមបញ្ចូលគ្នានៃ iTwin និង NVIDIA Omniverse បានផ្តល់នូវបទពិសោធន៍ដល់អ្នកប្រើប្រាស់ទទួលបានប្រសិទ្ធភាពខ្ពស់ដែលមិនអាចប្រៀបផ្ទឹមបានសម្រាប់អង្គភាពដែលអនុវត្តគម្រោងហេដ្ឋារចនាសម្ព័ន្ធ។ ProjectWise ដំណើរការដោយ iTwin ប្រើប្រាស់ schemas ហេដ្ឋារចនាសម្ព័ន្ធរបស់ Bentley ដើម្បីតម្រឹមទិន្នន័យ និងឯកសាររចនាតាមរយៈវិញ្ញាសាជាច្រើន ដោយគូសផែនទីព័ត៌មានទៅជាគ្រោងការណ៍ទូទៅដែលបើកចំហ និងអាចអភិវឌ្ឍពង្រីកបន្ថែមបាន។ លទ្ធផលគឺទិន្នន័យទាំងអស់ត្រូវបានរក្សាទុក និងមិនបាត់បង់នៅតាមផ្លូវឡើយ ហើយវាអាចគ្រប់គ្រងទ្រព្យសកម្មដែលជាគម្រោងហេដ្ឋារចនាសម្ព័ន្ធបានគ្រប់ដំណាក់កាលទាំងអស់។

“ការបង្កើតគំរូរូបភាពតាមលំនាំចាស់សម្រាប់ប្រើក្នុងគម្រោងក្នុងអំឡុងពេលអនុវត្តការងារដែលកំពុងដំណើរការអាចចំណាយពេលច្រើន ជាពិសេសនៅពេលដែលយើងត្រូវការបញ្ចូលគ្នា ឬដាក់ដាច់ដោយឡែកតាមបែបបទ ឬផ្នែកជាក់លាក់នៃគំរូ ដែលមានន័យថា មានឯកសារជាច្រើនដែលត្រូវបែងជាលក្ខណៈ manual។ នេះបើតាមការបញ្ជាក់របស់លោក Jarred Myburg អ្នកគ្រប់គ្រងផ្នែកអភិវឌ្ឍន៍ – ឧបករណ៍រចនា & វីហ្សួល នៃក្រុមហ៊ុន Hatch។ សម្រាប់គាត់ “ការតម្រឹមទិន្នន័យគំរូដោយ iTwin បានធ្វើឱ្យមានភាពងាយស្រួលក្នុងការប្រើប្រាស់ LumenRT សម្រាប់ NVIDIA Omniverse ដែលជួយសម្រួលដល់ការបង្កើតរូបភាពមើលឃើញជា VR នៃផ្នែកផ្សេងៗជាគំរូនៅគ្រប់ដំណាក់កាលផ្សេងៗគ្នា និងប្រាប់ពីប្រវត្តិ និងទិន្នន័យគម្រោងសំខាន់ៗបានលឿនជាងមុននៅក្នុងរូបភាពនោះ ធ្វើឱ្យការមើលឃើញរូបភាពកាន់តែមានប្រសិទ្ធភាពក្នុងការប្រើប្រាស់ទូទាំងគម្រោង។ ”

“ទំហំ និងភាពស្មុគស្មាញនៃគម្រោងហេដ្ឋារចនាសម្ព័ន្ធដែលបានពិពណ៌នានៅទីនេះ បានបង្ហាញពីតម្រូវការសម្រាប់រូបភាពមើលឃើញជា VR តាមពេលវេលាជាក់ស្តែងដែលគាំទ្រដោយ AI ដើម្បីជំរុញការអនុវត្តឱ្យទទួលបានជោគជ័យ និងការផ្តល់គម្រោងទាំងនេះតាមរយៈការប្រាស្រ័យទាក់ទងដែលប្រសើរជាមុនទៅគ្រប់ភាគីពាក់ព័ន្ធ។ មានន័យថា iTwin និង NVIDIA Omniverse ជួយដោះស្រាយបញ្ហាទាំងនេះ” នេះជាការលើកឡើងរបស់លោក Richard Kerris អនុប្រធាននៃប្រព័ន្ធអេកូអភិវឌ្ឍន៍ Omniverse នៃក្រុមហ៊ុន NVIDIA។

ជារួម NVIDIA Omniverse ផ្តល់នូវក្រាហ្វិចសម្រាប់បច្ចេកវិទ្យាសប្បនិម្មិតឆ្លាតវៃ AI-enhanced, ការបង្កើតរូបភាពមើលឃើញតាមពេលវេលាជាក់ស្តែង និងធ្វើគំរូរូបភាពនៃគម្រោងហេដ្ឋារចនាសម្ព័ន្ធឌីជីថលភ្លោះ ដែលអនុញ្ញាតឱ្យមាតិកាឌីជីថលមានភាពត្រឹមត្រូវក្នុងកម្រិតវិស្វកម្ម ឬពិនិត្យមើលក្នុងកម្រិតមីលីម៉ែត្រជាមួយនឹងរូបភាពនិម្មិត និងអាចប្រើបាននៅលើឧបករណ៍ជាច្រើន រួមទាំងកម្មវិធី Internet Browserផងដែរ ដូចជា កុំព្យូទ័រ ថេប្លេត និងឧបករណ៍ VR និង AR ពីគ្រប់ទីកន្លែងជាសាកល។

វីដេអូ:រ៉េអាក់ទ័រកម្តៅអន្តរជាតិ—វីដេអូផ្តល់សិទ្ធិដោយ Brigantium Engineering

វីដេអូ៖ រោងចក្រដំណើរការដែលបង្ហាញក្នុង LumenRT សម្រាប់ NVIDIA Omniverse—វីដេអូផ្តល់សិទ្ធិដោយ Hatch

វីដេអូ៖ ការណែនាំ LumenRT របស់ Bentley សម្រាប់ NVIDIA Omniverse—វីដេអូផ្តល់សិទ្ធិដោយ Bentley Systems

អំពីក្រុមហ៊ុន Bentley Systems

Bentley Systems (ចុះបញ្ជីហ៊ុន Nasdaq: BSY) គឺជាក្រុមហ៊ុនសូហ្វវែរវិស្វកម្មហេដ្ឋារចនាសម្ព័ន្ដ ដែលផ្តល់កម្មវិធីច្នៃប្រឌិតថ្មីៗ ដើម្បីជំរុញវិស័យសំណង់ហេដ្ឋារចនាសម្ព័ន្ធជុំវិញសាកលលោក – ដោយផ្តោតទាំងសេដ្ឋកិច្ច និងបរិស្ថានពិភពលោក។ ដំណោះស្រាយឈានមុខគេផ្នែកកម្មវិធីកុំព្យូទ័រក្នុងឧស្សាហកម្មរបស់យើង ត្រូវបានប្រើប្រាស់ដោយអ្នកជំនាញ និងអង្គភាពគ្រប់ទម្រង់ ប្រើប្រាស់សម្រាប់ការរចនា សាងសង់ និងប្រតិបត្តិការគម្រោងក្រោយសាងសង់បញ្ចប់ ដូចជាផ្លូវ និងស្ពាន ផ្លូវដែក និងការដឹកជញ្ជូន ទឹកស្អាត និងទឹកកខ្វក់ សាធារណការ ទឹក-ភ្លើង អគារ ទីធ្លាសាធារណៈ ឧស្សាហកម្មរ៉ែ និង គ្រឿងបរិក្ខារឧស្សាហកម្ម។ល។ ការផ្តល់ជូនរបស់យើងដែលដំណើរការដោយ iTwin Platform សម្រាប់ឌីជីថលភ្លោះហេដ្ឋារចនាសម្ព័ន្ធ រួមមានកម្មវិធី MicroStation និង Bentley Open សម្រាប់ការបង្កើតគំរូ និងរូបនិម្មិត កម្មវិធី Seequent សម្រាប់អ្នកជំនាញភូមិសាស្ត្រ និង Bentley Infrastructure Cloud គ្របដណ្តប់លើ ProjectWise សម្រាប់ការចែកចាយគម្រោង SYNCHRO សម្រាប់ការគ្រប់គ្រងសំណង់ និង AssetWise សម្រាប់ប្រតិបត្តិការទ្រព្យសកម្ម។ សហសេវិក 5,000 របស់ Bentley Systems បង្កើតប្រាក់ចំណូលប្រចាំឆ្នាំច្រើនជាង $1 ពាន់លានដុល្លារនៅក្នុង 194 ប្រទេស។

www.bentley.com

© 2023 Bentley Systems, Incorporated. Bentley, the Bentley logo, Bentley Infrastructure Cloud, Bentley Open, AssetWise, iTwin, LumenRT, MicroStation, ProjectWise, Seequent, and SYNCHRO are either registered or unregistered trademarks or service marks of Bentley Systems, Incorporated or one of its direct or indirect wholly owned subsidiaries. All other brands and product names are trademarks of their respective owners.

• ផ្លូវ និងហេដ្ឋារចនាសម្ព័ន្ធ
• ក្រុងឌីជីថល ឬឆ្លាតវៃ
• គម្រោងហេដ្ឋារចនាសម្ព័ន្ធ និងវិស្វកម្មធំៗ
• Bentley
• Digital Twin
• Fusion