តើមានអ្វីថ្មីនៅក្នុងកម្មវិធី OpenUtilities Substation+ ថ្មី?

• Proeksa Meas
• 7 ខែ​មិថុនា 2026
• ព័ត៌មានសំណង់
• 26 មើល

ក្រុមហ៊ុន Bentley Systems បានដាក់ឱ្យប្រើប្រាស់ OpenUtilities Substation+ ដែលជាកម្មវិធីរចនាបែប 3D គាំទ្រដោយ AI ត្រូវបានរចនាឡើងដើម្បីធ្វើឱ្យការងារសាងសង់ហេដ្ឋារចនាបណ្ដាញអគ្គិសនីកាន់តែងាយស្រួល។

តាមរយៈការរួមបញ្ចូលព័ត៌មានផ្នែកសំណង់ស៊ីវិល អគ្គិសនី និងរចនាសម្ព័ន្ធដែលដាច់ដោយឡែកពីគ្នា ឱ្យទៅជាគំរូតែមួយដែលស្របតាមស្តង់ដារ កម្មវិធីនេះជួយដោះស្រាយបញ្ហាទិន្នន័យមិនច្បាស់លាស់ ខណៈក៏ជួយធ្វើស្វ័យប្រវត្តិកម្មលើការងារជាច្រើន។

កម្មវិធីជំនាន់ + ថ្មីនេះមានមុខងារថ្មីជាច្រើន ពិសេសគឺការជួយពន្លឿនការចែកចាយគម្រោងតាមរយៈលំហូរការងារវិស្វកម្មស្របគ្នាដែលមានលក្ខណៈស្រដៀងនឹង GitHub។ វិធីសាស្ដ្រនេះជួយឱ្យក្រុមការងារជាច្រើនធ្វើការលើគម្រោងតែមួយក្នុងពេលតែមួយដោយឯករាជ្យពី ដែលធ្វើឱ្យគម្រោងមានតម្លាភាព​ និងដើរទៅមុខលឿន។

មុខងារថ្មីមួយទៀតគឺ automated merge gates និង cross-layer contracts។ មុខងារពីនេះអាចជួយរកឃើញជម្លោះ ឬកំហុសនានាដោយស្វ័យប្រវត្តិ ដែលមានន័យថាការអាប់ដេតលើហេដ្ឋារចនាសម្ព័ន្ធស៊ីវិលនឹងបង្ហាញសញ្ញាភ្លាមៗទៅកាន់ឧបករណ៍អគ្គិសនី ឬឧបករណ៍ការពារដែលពាក់ព័ន្ធដើម្បីធ្វើការត្រួតពិនិត្យ ដែលជួយការពារកំហុសឆ្គងក្នុងការរចនាដោយមិនដឹងខ្លួន។

ការផ្លាស់ប្តូរពីការផ្តោតលើគម្រោងទៅជាការផ្តោតលើរចនាសម្ព័ន្ធទិន្នន័យបែបសកម្មនេះ ជួយឱ្យមានលំហូរទិន្នន័យធ្វើបច្ចុប្បន្នបែបជាក់ស្តែងទៅគ្រប់ផ្នែកដូចជាផ្នែកវិស្វកម្ម និងប្រតិបត្តិការជាដើម ដែលធ្វើឱ្យក្រុមការងារទាំងនោះស្រួលធ្វើការជាមួយគ្នា។

ជាចុងក្រោយ កម្មវិធីជំនាន់ថ្មីនេះគឺមាន AI និង Cloud ដែលអាចជួយរៀបចំទិន្នន័យស្មុគស្មាញទៅជារបាយការណ៍បែបងាយៗ។ នេះជួយសម្រួលដល់ការចូលប្រើទិន្នន័យសម្រាប់គ្រប់ផ្នែក។

Apply for early access to Substation+

• Substation+
• OpenUtilities
• AI
• Bentley
• Bentley Systems