រោងចក្រចម្រាញ់រ៉ែមាសព្រំប្រទល់ខេត្តកំពង់ធំ-ក្រចេះ បើកឱ្យដំណើរការជាផ្លូវការហើយ

• Proeksa Meas
• 3 ខែ​ឧសភា 2026
• ព័ត៌មានសំណង់
• 481 មើល

រោងចក្រចម្រាញ់រ៉ែមាសរបស់ក្រុមហ៊ុន ខេមបូឌាន ២៨៨ ស៊ិន ដាសស្រី ឯ.ក (Cambodian K88 Industry Co., Ltd.) នៅព្រំប្រទល់រវាងខេត្តកំពង់ធំ និងខេត្តក្រចេះ បានសម្ពោធដាក់ឱ្យដំណើរការជាផ្លូវការហើយ ដោយឯកឧត្តម កែវ រតនៈ រដ្ឋមន្ត្រីក្រសួងរ៉ែនិង ថាមពល និងភាគីពាក់ព័ន្ធ កាលថ្ងៃទី២២ ខែមេសា ឆ្នាំ២០២៦។

រោងចក្រចម្រាញ់រ៉ែមាស មានទីតាំងស្ថិតនៅតំបន់ស្នងអន ឃុំសុចិត្រ ស្រុកសណ្តាន់ ខេត្តកំពង់ធំ និងស្រុកសំបូរ ខេត្តក្រចេះ។

បើតាមឯកឧត្តម កែវ រតនៈ រដ្ឋមន្ត្រីក្រសួងរ៉ែនិង ថាមពល បានបញ្ជាក់ថា គម្រោងវិនិយោគរ៉ែមាស​នៅព្រំប្រទល់ខេត្តកំពង់ធំ ​និងក្រចេះបានចាប់ផ្តើមដំណើរការ ខណៈរយៈពេលជាង៥ឆ្នាំមក​នេះ ចំណូល​ពីរ៉ែមាស​ជាង ​២០០លានដុល្លារ ត្រូវបានបង់ជូនរដ្ឋរួចហើយ។​ គម្រោងថ្មីចុងក្រោយនេះផ្តល់​ការងារ​ជូនខ្មែរ​យើងចំនួន៣៧៥នាក់ ហើយបាននាំមកនូវលំហូរទុនវិនិយោគពីក្រៅប្រទេសមកកម្ពុជា។

សូមជម្រាបដែរថា ក្រុមហ៊ុន ខេមបូឌាន ខេ88 អ៊ិនដាសស្រ្ទី ​ជាក្រុមហ៊ុនវិនិយោគមកពីប្រទេសចិន​ បានចាប់ផ្តើម​សិក្សា​ស្រាវ​ជ្រាវរ៉ែនៅឆ្នាំ២០២០​ រហូតឈានទៅដល់ការប្រកាស​រកឃើញជម្រករ៉ែមាស​ដែល​មាន​លក្ខណៈ​សេដ្ឋកិច្ចនៅឆ្នាំ២០២៣ ​និង​បានឈានដល់ការរៀបចំសាងសង់ ​និង​ដំណើរ​ការ​រោង​ចក្រចម្រាញ់រ៉ែមាស ​ជាមួយនឹងទុនវិនិយោគ ​សរុបប្រមាណ ៤០លានដុល្លារ ដោយ​បង្កើត​ការ​ងារ​ដោយផ្ទាល់ជូនប្រជាពលរដ្ឋខ្មែរចំនួន ៣៧៥ នាក់៕

• Gold minig
• MoME