២០២២-២០២៦៖ វិស័យផលិតផលថ្មអារ អាចរកចំណូលចូលសេដ្ឋកិច្ចជាតិ បានជិត ៤០លានដុល្លារ

• Proeksa Meas
• 3 ខែ​កក្កដា 2026
• ព័ត៌មានសំណង់
• 22 មើល

វិស័យផលិតផលថ្មអារនៅកម្ពុជា អាចរកចំណូលចូលសេដ្ឋកិច្ចជាតិបានប្រមាណជិត ៤០លានដុល្លារអាម៉េរិក បើគិតចាប់ពី ឆ្នាំ២០២២ ​ដល់ដើម ឆ្នាំ២០២៦ នេះ។ នេះបើយោងតាមឯកឧត្តម កែវ រតនៈ រដ្ឋមន្រ្តីក្រសួងរ៉ែនិងថាមពល នៅក្នុងកិច្ចប្រជុំក្រុមប្រឹក្សាភិបាលសមាគមថ្មអារកម្ពុជា អាណត្តិទី១ លើកទី១ កាលថ្ងៃទី២៤ ខែមិថុនា ឆ្នាំ២០២៦។

នាឱកាសនោះ ឯកឧត្តម កែវ រតនៈ បានឱ្យដឹងថា វិស័យរ៉ែសំណង់ជាច្រើនប្រភេទ បាននិងកំពុងដើរតួយ៉ាងសំខាន់គាំទ្រដល់សេដ្ឋកិច្ចជាតិ ដែលក្នុងនោះ គិតចាប់ពី ឆ្នាំ២០២២ ​ដល់ដើម ឆ្នាំ២០២៦ នេះ ចំណូលសួយសារពីផលិតផលថ្មអារ បានចូលរួមក្នុងសេដ្ឋកិច្ចជាតិប្រមាណជិត ៤០លានដុល្លារអាមេរិក ដោយមិនទាន់រាប់បញ្ចូលពន្ធនិងអាករផេ្សងៗនោះទេ។

ដើម្បីជំរុញវិស័យវិស័យផលិតផលថ្មអារនៅកម្ពុជា រាជរដ្ឋាភិបាល ក៏ដូចជាក្រសួងរ៉ែផ្ទាល់ ក៏បានដាក់ចេញនូវផែនការការងារអាទិភាពបន្ត ដោយបង្កើតតម្លៃបន្ថែម តាមរយៈពិពិធកម្មនៃផលិតផលថ្មអារ ការស្វែងរកទីផ្សារក្រៅប្រទេសបន្ថែម និងការគ្រប់គ្រងការអភិវឌ្ឍដែលគិតគូរពីបរិស្ថាន សុវត្ថិភាព ផលប្រយោន៍​ និងការបណ្តុះបណ្តាលជំនាញដល់បុគ្គលិក-កម្មករជាជនជាតិខ្មែរ។ (អានបន្ថែម)

• Export stone
• mine and energy
• loyalty
• Mable export