ព័ត៌មានអន្តរជាតិ
ក្រុមហ៊ុន Bentley Systems ទិញក្រុមហ៊ុន Synchro Software ដើម្បីពង្រីកលំហូរការងារឌីជីថលការបែងចែកព័ត៌មានគម្រោង
ក្រុមហ៊ុន Bentley Systems ដែលជាក្រុមហ៊ុនឈានមុខគេក្នុងពិភពលោកក្នុងការផ្តល់នូវដំណោះស្រាយផ្នែកទន់ (Software) យ៉ាងទូលំទូលាយសម្រាប់ភាពជឿនលឿននៃហេដ្ឋារចនាសម្ព័ន្ធនោះ កាលពីថ្ងៃទី២០ ខែមិថុនា បានប្រកាសពីការទិញ ក្រុមហ៊ុន Synchro Software ដែលមានទីស្នាក់ការនៅទីក្រុងឡុងដ៍ និងជាអ្នកដឹកនាំ និងបង្កើតទីផ្សារក្នុងផ្នែកកម្មវិធីគំរូសំណង់ 4D សម្រាប់ការរៀបចំកាលវិភាគ និងការគ្រប់គ្រងគម្រោង។ Synchro ជាម៉ាស៊ីនកំណង់ពេលវេលាសាងសង់ “Construction’s time machine” ត្រូវបានគេប្រើប្រាស់ទូទាំងពិភពលោក ជាពិសេសសម្រាប់គម្រោងការសាងសង់ និងហេដ្ឋារចនាសម្ព័ន្ធស៊ីវិល។ ការទិញយកនេះបានពង្រីកវិសាលភាពនៃការផ្តល់ជូនទាក់ទងនឹងផ្នែកសំណង់ ProjectWise របស់ក្រុមហ៊ុន Bentley ដែលមានរួចហើយនូវ ConstructSim ដែលជាអ្នកនាំមុខគេក្នុងគំរូសំណង់ 4D សម្រាប់ការប្រគល់គម្រោងរោងចក្រឧស្សាហកម្ម។ ជាមួយនិងការគ្រប់គ្រងគម្រោងសាងសង់ជាលក្ខណៈ 4D អត្ថប្រយោជន៍របស់ BIM មានកាន់តែច្រើនឡើងនៅក្នុងការងារបែងចែកគម្រោងហេដ្ឋារចនាសម្ព័ន្ធ និងវឌ្ឍនជីវិតនៃទ្រព្យសម្បតិ្ត ព្រោះថាលំហូរការងារដែលជាទូទៅត្រូវបានកាត់ផ្តាច់ពីគ្នានោះ បានក្លាយជាលំហូរការងារឌីជីថល។ ការរីកចម្រើនដ៏រឹងមាំរបស់ Synchro ចាប់តាំងពីការដាក់បង្ហាញនូវ Synchro PRO នៅឆ្នាំ២០០៧ បានរួមគ្នាជាមួយនិងការប្រើប្រាស់ BIM សម្រាប់ការរចនាលំហូរការងារ ដែលចំណុចនេះបានជួយដល់ការគិតគូរអំពីផែនការ កាលវិភាគការងារ និងយុទ្ធសាស្រ្តគ្រប់គ្រងគម្រោង។ […]
អានបន្ថែម
ពិព័រណ៍ Aluminium China នឹងត្រឡប់មកអង្រួនឧស្សាហកម្មអាលុយមីញ៉ូមចិនក្នុងខែកក្កដានេះ
Exhibitor Conglin’s booth at ALUMINIUM CHINA 2017 ពិព័រណ៍ពាណិជ្ជកម្មឈានមុខគេមួយនៅអាស៊ីទាក់ទងនឹងឧស្សាហកម្មអាលុយមីញ៉ូម ឈ្មោះថាAluminium China 2018 នឹងវិលត្រឡប់មកអង្រួនឧស្សាហកម្មអាលុយមីញ៉ូមចិនជាថ្មីម្តងទៀត ចាប់ពីថ្ងៃទី ១១ ដល់ថ្ងៃទី ១៣ ខែកក្កដាខាងមុខនេះនៅឯមជ្ឈមណ្ឌលពិព័រណ៍អន្ដរជាតិស៊ាងហៃប្រទេសចិន។ ព្រឹត្តិការណ៍ពិព័រណ៍ឆ្នាំនេះនឹងការនាំមកនូវបច្ចេកវិទ្យានិងផលិតផលចុងក្រោយទាក់ទងនឹងឧស្សាហកម្មអាលុយមីញ៉ូមមកដាក់បង្ហាញ ដោយផ្តោតទៅលើការច្នៃប្រឌិតថ្មីៗដូចជា គ្រឿងបន្លាស់រថយន្ត គ្រឿងបង្គុំរថយន្តទម្ងន់ស្រាល និងពហុសម្ភារៈអាលុយមីញ៉ូមជាច្រើនបែបទៀត។ ជាមូយគ្នានេះដែរ ពិព័រណ៍ពាណិជ្ជកម្មនេះក៏ជាវេទិកាដើម្បីអោយម្ចាស់អាជីវកម្មក្នុងវិស័យពាក់ព័ន្ធបានមកជួបចរចារ បង្កើតភាពជាដៃគូរពាណិជ្ជកម្មបង្កើតបណ្តាញ ពង្រីកទីផ្សារក៏ដូចជាផ្លាស់ប្តូរគំនិតនិងផលិតផល។ លើសពីនេះ Aluminium China 2018 ក៏ជាវេទិកាផ្ដល់នូវការអប់រំក្នុងឧស្សាហកម្មអាលុយមីញ៉ូម ដែលជាប្រភពប្រមូលព័ត៌មានស្តីពីការផ្គត់ផ្គង់អាលុយមីញ៉ូមក្នុងប្រទេសចិនផងដែរ។ ក្នុងឆ្នាំ ២០១៧ប្រទេសចិនបានផលិតផលិតផលអាលុយមីញ៉ូមអេឡិចត្រូនិចរហូតដល់ទៅ ៣៦,៥ លានតោនដែលកើនឡើងប្រមាណ ១២,២ ភាគរយប្រៀបធៀបនឹង ២០១៦ ហើយការប្រើប្រាស់អាលុយមីញ៉ូមនេះបាននឹងកំពុងកើនឡើងជាបន្តបន្ទាប់ផងដែរ។ ចំពោះព្រឹត្តិការណ៍ក្នុងឆ្នាំនេះគឺនឹងធំជាងកាលពីនៅឆ្នាំ ២០១៧ ដោយរំពឹងថានឹងមានអ្នកចូលរួមជាង ២ ម៉ឺននាក់ ដែលក្នុងនោះភាគច្រើនគឺមកពីប្រទេសក្នុងតំបន់អាស៊ីអាគ្នេយ៍ ជាពិសេសប្រទេសថៃ។ គួរបញ្ជាក់ផងដែរថា ក្នុងឆ្នាំនេះមានអ្នកតាំងពិព័រណ៍ដែលជាក្រុមហ៊ុនធំ ៗ ឈានមុខគេជាច្រើនចូលរួមដូចជា Chalco, Zhongwang, Weiqiao, Nanshan, […]
អានបន្ថែម
ឥណ្ឌូនេស៊ីនឹងបោះបង់ផែនការហេដ្ឋារចនាសម្ព័ន្ធធំៗ
រដ្ឋាភិបាលឥណ្ឌូនេស៊ីគ្រោងនឹងទម្លាក់ចោលនូវគម្រោងហេដ្ឋារចនាសម្ព័ន្ធធំៗចំនួន ១៤ ដែលមានតម្លៃប្រមាណ ១៩ ប៊ីលានដុល្លារ ប្រសិនបើគម្រោងទាំងនោះមិនអាចឆ្លងផុតការធ្វើ Stress Test មួយចំនួននៅត្រឹមចុងអាណត្តិរបស់លោកប្រធានាធិបតីវីដូដូ។ គម្រោងមួយចំនួនរួមទាំងគម្រោងផ្លូវដែកនៅកាលីម៉ាន់តាន់ និងកោះស៊ូម៉ាត្រាខាងត្បូង ព្រមទាំងគម្រោងព្រលានយន្តហោះមួយចំនួន និងគម្រោងកំពង់ផែសមុទ្រនៅ Java ត្រូវបានផ្អាកដោយសារកង្វះវឌ្ឍនភាពនៃគម្រោង។ សារព័ត៌មាន រយទ័រ បានរាយការណ៍សម្តីរបស់លោក ប៊ុឌី ការីយ៉ាសូម៉ាឌីវ៉ាស៍ រដ្ឋមន្រ្តីក្រសួងដឹកជញ្ជូនថា គម្រោងដែលគ្រោងនឹងទម្លាក់ចោលទាំងនោះមានបញ្ហាដីធ្លី (ការទិញ) បញ្ហាអ្នកវិនិយោគ និងបញ្ហាទាក់ទិននឹងលទ្ធភាពសាងសង់នៃគម្រោង។ ទោះបីមានគម្រោងចំនួន ២២២ នៅសល់ក្នុងបញ្ជី “គម្រោងយុទ្ធសាស្ត្រ” របស់រដ្ឋាភិបាល ក៏ដោយ ក៏ប្រទេសនេះកំពុងតែខិតខំប្រឹងប្រែងអនុវត្តកម្មវិធីហេដ្ឋារចនាសម្ព័ន្ធដែលប្រកបដោយមហិច្ឆតាខ្ពស់របស់ខ្លួន។ សេចក្តីប្រកាសនេះបានធ្វើឡើងបន្ទាប់ពីមានការផ្អាកគម្រោងដឹកជញ្ជូនធំៗមួយចំនួន និងបន្ទាប់ពីមានឧប្បត្តិហេតុមួយចំនួន ព្រមទាំងរបាយការណ៍មួយដែលបានរកឃើញថា ៨០ភាគរយ នៃគម្រោងសាងសង់នៅហ្សាកាតាមិនមានសុវត្ថិភាព។ ក្រៅពីនេះក៏មានការរាយការណ៍ផងដែរថាមានបញ្ហាពាក់ព័ន្ធនឹងការផ្តល់ប្រាក់កម្ចីពីប្រទេសចិនសម្រាប់គម្រោងដែលពួកគេបានសន្យាផ្តល់ក្នុងផ្នែកមួយនៃគំនិតផ្តួចផ្តើមខ្សែក្រវ៉ាត់មួយផ្លូវមួយ។
អានបន្ថែម
អគារវៃឆ្លាត “Smart Building” ទាំង ១០ នៅលើពិភពលោក ដោយ Dave Tyson
អគារវៃឆ្លាត “Smart Building” ទាំង ១០ នៅលើពិភពលោក ដោយ Dave Tyson ផ្នត់គំនិតនៃពាក្យវៃឆ្លាត ‘Smart’ ត្រូវបានប្រើប្រាស់យ៉ាងទូលំទូលាយ នៃការវិវឌ្ឍន៍នៃបច្ចេកវិទ្យាទំនើប ដូចជា Smart Phone, Smart City, Smart Car, Smart Car, Smart Building និងក្នុងន័យផ្សេងជាច្រើនទៀត។ ថ្មីៗនេះ ទស្សនាវដ្តី Construction Global Magazine បានចាត់លំដាប់អគារវៃឆ្លាត “Smart Building” ល្អជាងគេទាំង ១០ នៅលើពិភពលោក។ ការចាត់លំដាប់នេះធ្វើឡើងក្រោមការវិនិច្ឆ័យដោយលោក Dave Tyson ដែលជាអ្នកជំនាញក្នុងវិស័យវិស្វកម្ម និងស្ថាបត្យកម្មល្បីល្បាញមួយរូបក្នុងប្រទេសអង់គ្លេស។ លោក Dave Tyson មានបទពិសោធន៍ក្នុងវិស័យនេះជាង ៣០ឆ្នាំមកហេីយ បច្ចុប្បន្ននេះគាត់មានតំណែងជានាយកគ្រប់គ្រងនៃក្រុមហ៊ុន Design2e ដែលដឹកនាំកិច្ចប្រតិបត្តិគ្រឿងបង្គុំ និងវិស្វកម្មស៊ីវិល។ ចំពោះការវិនិច្ឆ័យរបស់លោក Tyson ពាក្យថា ‘Smart’ នៅទីនេះគឺផ្តោតលើភាពច្នៃប្រឌិតនៃការរចនាស្ថាបត្យកម្មដើម្បីធ្វើឲ្យការប្រើប្រាស់អគារមានភាពងាយស្រួលជាងមុនក្នុងការប្រើប្រាស់ […]
អានបន្ថែម
ស្ពានឆ្លងសមុទ្រវែងជាងគេនៅលើពិភពលោកនឹងបើកអោយដំណើរការក្នុងឆ្នាំ២០១៨នេះ ការអភិវឌ្ឍន៍គម្រោង និងសំណង់ 08 ឧសភា 2018 Samsung ស្ពានឆ្លងសមុទ្រវែងជាងគេនៅលើពិភពលោកនឹងបើកអោយដំណើរការក្នុងឆ្នាំ២០១៨នេះ កាលពីពេលថ្មីៗនេះប្រទេសចិនបានបំបែកកំណត់ត្រាមួយ ដោយបានបញ្ចប់ការសាងសង់ស្ពានឆ្លងកាត់សមុទ្រដែលវែងជាងគេនៅលើពិភពលោក ស្ពានមួយខ្សែនេះបានតភ្ជាប់រវាងទីក្រុងធំៗបី ហុងកុង ម៉ាកាវ និងហ្ស៊ូហៃ (Zhuhai) នេះបើតាមរបាយការណ៍របស់ព័ត៌មាន CNN។ ស្ពានហុងកុង-ហ្ស៊ូហៃ-ម៉ាកាវនេះ លាតសន្ធឹងប្រវែង ៥៥ គីឡូម៉ែតលើផ្ទៃសមុទ្រ Pearl River Delta ដែលប្រវែងនេះស្មើនឹងចំងាយពីភ្នំពេញទៅអ្នកលឿង។ តាមបណ្តោយស្ពានឆ្លងសមុទ្រមួយនេះគឺមានមួយកំណាត់ដែលនៅចន្លោះកណ្តាលនៃស្ពាន មានប្រវែងប្រមាណជា ៦,៧ គីឡូម៉ែត្រ ត្រូវបានគេសង់ចុះទៅក្រោមសមុទ្រជម្រៅជាង ៤៤ម៉ែត្រ ដែលរូងក្រោមសមុទ្រនេះតភ្ជាប់ដោយកោះសិប្បនិម្មិតចំនួនពីរ។ ការសង់ចុះទៅក្រោមដីនេះគឺដើម្បីបញ្ជៀសចរាចរនាវាជាង ៤០០០ គ្រឿងដែលឆ្លងកាត់សមុទ្រក្នុងតំបន់នោះ។ ស្ពាននេះវែងជាងស្ពាន The Golden Gate ក្នុងទីករុងសាន់ហ្វ្រាន់ស៊ីស្កូនៃសហរដ្ឋអាមេរិក២០ ដង ហើយប្រើប្រាស់ដែកក្នុងការសាងសង់ប្រមាណជាង ៤២ម៉ឺនតោន ដែលស្មើនឹង ៦០ ដងនៃដែកទូរអ៊ែលហ្វែល(Eiffel Tower)នៅប្រទេសបារាំង។ ដើម្បីសម្រេចបាននូវកំណត់ត្រាស្ថាបត្យកម្មដ៏ធំនេះ មិនត្រឹមតែកំពូលវិស្វករជនជាតិចិននោះទេដែលមានចំណែកក្នុងការសាងសង់គម្រោងនេះ នៅមានអ្នកជំនាញមកពីប្រទេសផ្សេងៗចំនួន ១៤ ប្រទេសក៏បានចូលរួមផងដែរ រួមមានអង់គ្លេស អាមេរិក ដេនម៉ាក ស្វ៊ីស ជប៉ុន ហូឡង់ និង ប្រទេសជាច្រើនទៀត។ ស្ពាននេះប្រើរយៈពេលសាង់សង់ត្រឹមតែ ៧ ឆ្នាំប៉ុណ្ណោះដែលចាប់ផ្តើមសាងសង់កាលឆ្នាំ ២០១១ ហើយតំឡើងកំណាត់ចុងក្រោយកាលពីខែឧសភាឆ្នាំ ២០១៧ កន្លងទៅនេះ ក្នុងនោះដែរថវិកាប្រមាណ ២ម៉ឺនលានដុល្លារ ត្រូវបានប្រើប្រាស់ក្នុងគម្រោងនេះ។ ស្ពានហុងកុង-ហ្ស៊ូហៃ-ម៉ាកាវ នេះគ្រោងនឹងបើកដំណើរការក្នុងពេលឆាប់ៗនេះ។ ក្រោយបើកអោយប្រើប្រាស់ជាសាធារណៈ ស្ពាននេះនឹងជួយកាត់បន្ថយរយៈពេលនៃ ធ្វើដំណើររវាងតំបន់សេដ្ឋកិច្ចធំៗទាំងបី បានជាងពាក់កណ្តាល ពោលគឺត្រឹមតែ ៣០ នាទីប៉ុណ្ណោះពីហុងកុងទៅម៉ាកាវ ។ ក្រុមការងារបានព្យាករណ៍ថានឹងមានរថយន្តប្រមាណ ៤ម៉ឺន គ្រឿងនឹងបើកឆ្លងកាត់ស្ពានថ្មីនេះក្នុងមួយថ្ងៃ។ ស្ពាននេះមិនត្រឹមតែជាភស្តុតាងបញ្ជាក់ពីបច្ចេកទេសវិស្វកម្មប្រទេសចិននោះទេ ប៉ុន្តែជាការបង្ហាញនូវឥទ្ធិពលនិងអំណាចនៃនយោបាយភូមិសាស្ត្ររបស់ប្រទេសចិនផងដែរ។ CMED Construction Related News ក្រុមហ៊ុន ZHENG HENG និង Cushman & Wakefield ក្លាយដៃគូយុទ្ធសាស្�… 05 04 2019 ស្ពានជ្រោយចង្វារចាស់តម្លៃ៣៣លានដុល្លារដាក់�… 03 04 2019 ព្រលានយន្តហោះភ្នំពេញថ្មីនឹងចាប់ផ្តើមសាងសង�… 17 03 2019 សារព័ត៌មានបរទេស៖ តើគម្រោងតារាសាគរនៅកោះកុងប�… 05 03 2019 ផ្លូវល្បឿនលឿន ភ្នំពេញ-ខេត្តព្រះសីហនុ នឹងបើក�… 05 03 2019
Sorry, this entry is only available in English.
អានបន្ថែម
SmartCity ជាទីក្រុងដែលបង្កើតថ្មីនៅប្រទេសហ្វីលីពីន
SmartCity គឺជាទីក្រុងមួយដែលមាន ទំហំ ៩,៤៥០ហិកតា គម្រោងមួយនេះនឹងធ្វើឡើងនៅកោះ Luzon របស់ហ្វីលីពីន ដែលមានចម្ងាយ ១២០គីឡូម៉ែត្រ ស្ថិតនៅភាគខាងជើងនៃរដ្ឋធានីម៉ានីល ។ New Clark City នឹងដាក់បង្ហាញនូវអ្វីដែលក្រុមហ៊ុនអភិវឌ្ឍន៍ SurbanaJurong ដែលមានមូលដ្ឋាននៅប្រទេសសិង្ហបូរី ពួកគេក៏បានបន្តទៀតថាគម្រោងមួយនេះគឺជា សួន ឧស្សាហកម្ម R & D ដែលផ្ដោតទៅលើឧស្សាហកម្មច្នៃប្រឌិតថ្មី ដែលជាមជ្ឈមណ្ឌលពាណិជ្ជកម្មរួមមានដូចជា ស្ថាប័នរដ្ឋាភិបាល សួនកសិ-ឧស្សាហកម្ម និង ផ្សារម្ហូបអាហារអន្តរជាតិផងដែរ។ New Clark City នឹងមានស្ថាប័នរដ្ឋាភិបាល សាកលវិទ្យាល័យ កសិដ្ឋានថាមពលព្រះអាទិត្យ អគារឧស្សាហកម្ម និង អគារលំនៅដ្ឋាន។ ការដឹកជញ្ជូនគឺជាទិដ្ឋភាពមួយដ៏សំខាន់នៃការរចនាឡើង ដោយមានផ្លូវសម្រាប់ថ្មើរជើង ផ្លូវសម្រាប់ជិះកង់ ព្រមជាមួយនិងផ្លូវរថភ្លើងដែលតភ្ជាប់ពី New Clark City ទៅកាន់ទីក្រុងម៉ានីល និង អាកាសយានដ្ឋានអន្តរជាតិ Clark ម៉្យាងទៀតក៏មានការស្នើឡើងនូវប្រព័ន្ធផ្លូវដែកមួយទៀតគឺ Subic-Clark សំរាប់សម្រួលដល់ការធ្វើដំណើរ ។ គម្រោងមួយនេះបានចាប់ផ្តើមដំណាក់កាលទីមួយតាំងពីខែមេសាឆ្នាំ២០១៦ មកម្ល៉េះ។ […]
អានបន្ថែម
អគារវិលបាន ៣៦០ ដឺក្រេដំបូងគេបង្អស់ក្នុងពិភពលោកនឹងចាប់ផ្តើមសាងសង់នៅឆ្នាំ ២០២០
អគារវិលបាន ៣៦០ ដឺក្រេដំបូងគេបង្អស់ក្នុងពិភពលោកនឹងចាប់ផ្តើមសាងសង់នៅឆ្នាំ ២០២០ ទីក្រុងឌុយបៃគ្រោងនឹងសាងសង់អាគារកំពស់ ៤២០ ម៉ែត្រឈ្មោះថា The Dynamic Towerដែលជាអគារអាចវិលជុំបាន ៣៦០ ដឺក្រេ ដំបូងគេបង្អស់ក្នុងពិភពលោកក្នុងឆ្នាំ ២០២០ បន្ទាប់ពីចំណាយពេលប្រហែលជា ១០ ឆ្នាំដើម្បីសិក្សាគម្រោងនេះបើយោងតាមរបាយការណ៍របស់សារព័ត៌មានThe Daily Mail។ ក្រោមតម្លៃវិនិយោគប៉ាន់ប្រមាណជាង ១.២០០លានដុល្លារ អគារ The Dynamic Towerនេះ នឹងមានកម្ពស់ ៨០ ជាន់ដែលក្នុងនោះយូនិតនីមួយៗអាចបង្វិលខ្លួនឯងបាន ៣៦០ ដឺក្រេជុំវិញស្នូលបេតុងដែលអាចមើលឃើញទេសភាពទីក្រុងឌុយបៃទាំងមូល។ លើសពីនេះ អគារមិនត្រឹមតែអាចបង្វិលបាននោះទេ ប៉ុន្តែអាគារនេះត្រូវបានរចនាឡើងជាមួយនឹងប្រព័ន្ធផ្គត់ផ្គង់ចរន្តអគ្គិសនីដោយខ្លួនឯង ដោយបានបំពាក់នូវម៉ាស៊ីនបម្លែងខ្យល់អោយទៅជាអគ្គិសនី (wind turbines) និងបន្ទះស្រូបថាមពលពន្លឺព្រះអាទិត្យ (solar panel) ដែលនៅជាន់នីមួយៗនឹងបំពាក់នូវម៉ាស៊ីនWind Turbinesចំនួន ៧៩ គ្រឿង។ ពិសេសជាងនេះទៅទៀត ម្ចាស់យូនិតនីមួយៗអាចគ្រប់គ្រងល្បឿនបង្វិល ឬ បញ្ឈប់ការបង្វិលជាមួយនឹងប្រព័ន្ធបញ្ជាដោយសម្លេងទៀតផង។ អគារនេះ គ្រោងថានឹងបម្រើការជាសណ្ឋាគារ ហើយក្រុមហ៊ុនThe DynamicGroup ក៏បានអះអាងបន្ថែមទៀតថា វាគឺសណ្ឋាគារមួយដែលមានលំដាប់ហួសពីការបំពាក់ផ្កាយ បើក្រឡេកមើលទៅតម្លៃលក់របស់យូនីតនីមួយៗវិញ គឺខ្ពស់កប់ពពក […]
អានបន្ថែម
ស្ពានអាកាសខ្ពស់បំផុតនៅលើពិភពលោកនឹងបើកនៅឆ្នាំក្រោយ
កាលពីពេលថ្មីៗនេះក្រុមហ៊ុន CapitaLand បានបង្កើតកំណត់ត្រាពិភពលោកថ្មីទៅលើគម្រោង ស្ពានអាកាសThe Conservatory, Raffles City Chongqing នៅឯទីក្រុងឆុងឈីងប្រទេសចិនថាជាស្ពានអាកាសខ្ពស់បំផុតដែលតភ្ជាប់អគារច្រើនជាងគេនៅលើពិភពលោក។ ស្ពានអាកាសនេះ មានកំពស់ ៤០០ ម៉ែត្រ ហើយរចនាឡើងដោយមានរូបរាងប្រៀបដូចជាអគារផ្ដេក វាមានរាងកោងប្រវែង ៣០០ ម៉ែត្រទទឹង ៣០ ម៉ែត្រកំពស់ ២២,៥ ម៉ែត្រ និងតភ្ជាប់អគារចំនួន៤។ ស្ពានអាកាសThe Conservatory នឹងយកឈ្នះស្ពានអាកាស Marina Bay Sands របស់ប្រទេសសិង្ហបុរីដែលមានកម្ពស់ ២០០ ម៉ែត្រ និងតភ្ជាប់អាគារចំនួន៣។ ស្ពានអាកាសនេះគឺជាផ្នែកមួយនៃគម្រោង Raffles City Chongqingដែលជាគម្រោងយក្សក្រោមថវិកាវិនិយោគជិត ៤ ពាន់លានដុល្លារអាមេរិកដោយក្រុមហ៊ុន CapitaLand និង Ascendas-Singbridge។ គម្រោងទាំងមូលមានអគារខ្ពស់ចំនួន ៨ នឹងផ្ទៃក្រឡាសាងសង់សរុប ១,១២ លានម៉ែត្រការ៉េ ស្មើនឹងទំហំតារាងបាល់ទាត់ចំនួន ១៧០ តារាងរួមគ្នា។ គម្រោងនេះនឹងប្រើប្រាស់ជា ផ្សារទំនើបលំនៅដ្ឋានការិយាល័យនិងសណ្ឋាគារ។ សំរាប់ស្ពានអាកាសមួយនេះនឹងបំរើការជា កន្លែងមើលទេសភាព អាងហែលទឹក ភោជនីយដ្ឋាន […]
អានបន្ថែម
តើប្រទេសថៃប្រើបច្ចេកវិទ្យាអ្វីខ្លះដើម្បីសាងសង់ផ្លូវរថភ្លើងក្រោមទន្លេ?
ក្រោយប្រើរយៈពេលសាងសង់អស់ជាង ៧ ឆ្នាំ កាលពីពេលថ្មីៗនេះប្រទេសថៃបានបញ្ចប់នូវគម្រោងផ្លូវរថភ្លើងក្រោមទន្លេដំបូងបង្អស់ដែលមិនធ្លាប់មាននៅក្នុងប្រទេសថៃ ហើយគ្រោងនឹងដាក់អោយដំណើរការក្នុងអំឡុងពេល ២ ឆ្នាំខាងមុខនេះ។ តើផ្លូវរថភ្លើងក្រោមទន្លេនេះមានចំណុចពិសេសអ្វីខ្លះ ហើយប្រើប្រាស់បច្ចេកវិទ្យាអ្វីដើម្បីសាងសង់? អ្នកយកព័ត៌មានរបស់ The Construction Property Magazine បានទទួលការអញ្ជើញពីក្រុមហ៊ុនអេសស៊ីជីនិងក្រុមហ៊ុន Ch Karnchang ដែលជាក្រុមហ៊ុនសំណង់ទទួលខុសត្រូវលើគម្រោងនេះ ចុះទៅទស្សនកិច្ចក្នុងផ្លូវក្រោមទន្លេនេះដើម្បីសិក្សាពីបច្ចេកវិទ្យាដែលប្រើប្រាស់ក្នុងការសាងសង់ផ្លូវក្រោមទន្លេនេះ។ ស្ថានីយ៍រថភ្លើងក្រោមដីនេះមានឈ្មោះថា Sanam Chai MRT Station ស្ថិតនៅទីក្រុងបាងកកនៃប្រទេសថៃ។ ស្ថានីយ៍នេះមានជម្រៅទៅក្រោមដី ៣២ ម៉ែត្រដែលជាផ្នែកមួយនៃខ្សែរថភ្លើងក្រោមដី (Blue Line) ប្រវែង ២៥ គីឡូម៉ែត្រដែលតភ្ជាប់ពី Bang Sue ទៅ Tha Phra និងពី Hua Lamphong ទៅ Bang Khae ក្រោមប្រតិបត្ដិការរបស់ Mass Rapid Transit Authority of Thailand (MRTA) ។ ក្នុងនោះ ក្រុមហ៊ុន […]
អានបន្ថែម
ឥណ្ឌូនេស៊ីផ្អាកការសាងសង់ផ្លូវដឹកជញ្ជូនបន្ទាប់ពីមានគ្រោះថ្នាក់រងរបួស
រដ្ឋាភិបាលឥណ្ឌូណេស៊ីបានប្រកាសផ្អាកជាបន្ទាន់ការងារនៅការដ្ឋានសាងសង់ផ្លូវដឹកជញ្ជូនសាធារណៈកាលពីថ្ងៃទី២០ ខែកុម្ភៈ បន្ទាប់ពីករណីគ្រោះថ្នាក់រងរបួសធ្ងន់ធ្ងរ។ ការផ្អាកនេះធ្វើឡើងបន្ទាប់ពីកម្មករចំនួន ៧នាក់ បានរងរបួសនៅការដ្ឋានសាងសង់ផ្លូវស្ពានអាកាស Bekasi-Cawang-KampungMelayu នៅពេលដែលបង្គោលដែកទម្របានដួលរលំលើពួកគេបណ្តាលឲ្យរងរបួសធ្ងន់ធ្ងរ។ កាលពីខែមុនកម្មករ៤នាក់បានស្លាប់និង៧នាក់បានរងរបួសនៅពេលដែកទម្របានដួលរលំនៅការដ្ឋានគម្រោងផ្លូវដែកមួយនៅភាគខាងកើតទីក្រុងហ្សាកាតា។ គ្រោះថ្នាក់ទាំងនេះគឺស្ថិតក្នុងចំណោមគ្រោះថ្នាក់ចំនួន១៤លើក ដែលបានកើតឡើងនៅការដ្ឋានសាងសង់សាធារណៈនៅឥណ្ឌូនេស៊ី ក្នុងរយៈពេលពីរឆ្នាំកន្លងមកនេះ ហើយពេលនេះគណៈកម្មការសុវត្ថិភាពសាងសង់ឥណ្ឌូនេស៊ីនឹងវាយតម្លៃគម្រោងដែលត្រូវបានផ្អាកទាំងអស់។ នៅឥណ្ឌូនេស៊ីមានការពន្លឿនគម្រោងការងារសាធារណៈនៅមុនព្រឹត្តិការណ៍កីឡាអាស៊ីហ្គេមឆ្នាំ២០១៨ ដែលនឹងត្រូវរៀបចំឡើងនៅទីក្រុងហ្សាកាតា និងទីក្រុង Palembang។
អានបន្ថែម