ព័ត៌មានអន្តរជាតិ
រដ្ឋាភិបាលថៃបញ្ជាឲ្យចាប់ផ្តើមសាងសង់ផ្លូវដែក
ការស្ថាបនាផ្លូវដែករបស់ប្រទេសថៃ ក្រោមការផ្តល់មូលនិធិជំនួយដោយរដ្ឋាភិបាលចិន នឹងត្រូវបានប្រកាសឲ្យចាប់ផ្តើមសាងសង់ដោយប្រមុខដឹកនាំកងយោធានៃប្រទេសថៃ។ នាយករដ្ឋមន្ត្រីថៃ លោក ប្រាយុទ្ធ ចាន់អូចា (Prayuth Chan-ocha) នឹងយកមាត្រា ៤៤ នៃច្បាប់រដ្ឋធម្មនុញ្ញ ដែលជាការបញ្ជាបន្ទាន់ ដើម្បីអាចឲ្យរូបលោកមានអំណាចក្នុងការជម្រុញការអនុវត្តន៍គោលការណ៍នៃការសាងសង់នេះ។ ការសាងសង់ផ្លូវដែកនេះនៃដំណាក់កាលទី១ មានប្រវែង ៨៧៣ គីឡូម៉ែត្រ ហើយបច្ចុប្បន្នត្រូវបានគេការរាយការណ៍ ថានឹងចាប់ផ្តើមសាងសង់ក្នុងខែសីហា ឬ ខែកញ្ញា។ នៅក្នុងដំណាក់កាលទី១ នេះដែរ កំណាត់ផ្លូវខ្សែដែកប្រវែង ២៥០ គីឡូម៉ែត្រនឹងតភ្ជាប់រវាងរាជធានីបាងកក និងភាគឦសាន នៃខេត្ត Nakorn Ratchasima ប្រទេសថៃ។ គម្រោងសាងសង់នេះត្រូវបានរំខានជាមួយការពន្យាពេលលើកិច្ចពិភាក្សាផ្សេងៗ ការប្រតិបត្តិការផ្លូវខ្សែដែកដែលត្រូវបានសាងសង់បញ្ចប់ ការបញ្ជាទិញផ្លូវដែក និងទូរថភ្លើង៕
អានបន្ថែម
អគារខ្ពស់ជាងគេទី ៥ របស់ពិភពលោកបើកសម្ពោធនៅទីក្រុងសេអ៊ូល
អគារខ្ពស់ជាងគេទី៥ របស់ពិភពលោក និងជាអគារខ្ពស់ជាងគេបំផុតនៅកូរ៉េខាងត្បូងបានបញ្ចប់ការសាងសង់រួចរាល់ ដោយមានកម្ពស់ ៥៥៥ម៉ែត្រ និងមានឈ្មោះថា Lotte World Tower កំពុងបង្ហាញខ្លួននៅក្នុងទីក្រុងសេអ៊ូល
អានបន្ថែម
មហាសេដ្ឋីស្រាបៀររបស់ថៃមានគម្រោងបង្កើតក្រុងក្នុងទីក្រុង
ផែនការបង្កើត “ទីក្រុងនៅក្នុងទីក្រុង” នៅក្នុងទីក្រុងបាងកក ដែលមានតម្លៃ ៣.៥ ប៊ីលានដុល្លារអាមេរិក ត្រូវបានដាក់បង្ហាញដោយបុរសម្នាក់ដែលជាអ្នកមានជាងគេបំផុតក្នុងប្រទេសថៃ។
អានបន្ថែម
ប្រទេសសឹង្ហបុរីបន្ធូរបន្ថយវិធានច្បាប់
បន្ទាប់ពីការធ្លាក់ចុះតម្លៃអចលនទ្រព្យក្នុងរយៈពេលជាងបីឆ្នាំមកនេះ ប្រទេសសិង្ហបុរីបានបន្ធូរបន្ថយច្បាប់មួយចំនួន ដូចនេះហើយបច្ចុប្បន្នផ្ទះកាន់តែមានតំលៃសមរម្យ។
អានបន្ថែម
PropertyGuru ដើរឆ្ពោះទៅរកការទទួលបានប្រាក់ចំណេញ
គេហទំព័រអចលនទ្រព្យនាំមុខគេនៅអាស៊ីអាគ្នេយ៍ PropertyGuru រំពឹងថានឹងឈានទៅរកការទទួលបានប្រាក់ចំណេញនៅឆ្នាំ ២០១៧ ដោយសារតែមានកំណើនយ៉ាងខ្លាំងនៅក្នុងទីផ្សារអចលនទ្រព្យអាស៊ាន ជាពិសេសនៅប្រទេសវៀតណាម និងឥណ្ឌូនេស៊ី។
អានបន្ថែម
ពានរង្វាន់អចលនទ្រព្យថៃបានចាប់ផ្តើម
ពានរង្វាន់អចលនទ្រព្យថៃ PropertyGuru ប្រចាំឆ្នាំដែលផ្តល់រង្វាន់ជូនដល់អ្នកអភិវឌ្ឍន៍ល្អបំផុត អចលនទ្រព្យប្រកបដោយលក្ខណៈសម្បត្តិល្អនៅទូទាំងប្រទេសថៃ នឹងវិលត្រឡប់មកវិញក្នុងកម្មវិធីប្រចាំឆ្នាំលើកទី១២ របស់ខ្លួននៅខែកញ្ញាឆ្នាំនេះ។
អានបន្ថែម
ការដួលរលំអគារនៅចិនបានសម្លាប់មនុស្ស ៧នាក់
ការដួលរលំព្រមៗគ្នានៃអគារលំនៅដ្ឋានចំនួន ៤ នៅភាគខាងកើតប្រទេសចិន បានសម្លាប់មនុស្សយ៉ាងតិច ៧នាក់ នៅខែកុម្ភៈនេះ។ តាមរយៈភ្នាក់ងារព័ត៌មាន Xinhua បានឲ្យដឹងថា អគារ ៥ជាន់ បានដួលរលំទាំងព្រឹកព្រលឹម កាលពីថ្ងៃទី ០២ កុម្ភៈ នៅភូមិ Dahui, Baizhangjitownshi, Wenzhou ដែលជាទីក្រុង ឧស្សាហកម្មមួយក្នុងខេត្ត Zhejiang នៃប្រទេសចិនភាគខាងកើត។ ការដួលរលំនេះបានសម្លាប់មនុស្ស ៧នាក់ និងបានបាត់មនុស្សចំនួន ៩នាក់ទៀតនៅក្រោមអគារនោះ។ ការស៊ើបអង្កេតអំពីមូលហេតុនៃការដួលរលំកំពុងតែត្រូវបានស្រាវជ្រាវនៅឡើយ។ បញ្ហាសុវត្ថិភាពជុំវិញសំណង់អគារ គឺជាការព្រួយបារម្ភយ៉ាងធ្ងន់ធ្ងរនៅប្រទេសចិន ដែលនគរូបនីយកម្មបានវិវត្តយ៉ាងលឿននៅក្នុងទសវត្សចុងក្រោយនេះ។ គ្រោះមហន្តរាយថ្មីនេះ បានកើតឡើងបន្ទាប់ពីការដួលរលំលំនៅដ្ឋាននៅតំបន់ដូចគ្នានេះដែរ កាលពីខែតុលា ឆ្នាំ២០១៦ ដែលបានសម្លាប់មនុស្ស ២២នាក់៕
អានបន្ថែម
កិច្ចសន្យាកុងត្រាសាងសង់ផ្លូវរថភ្លើងរវាងប្រទេសម៉ាទ្បេស៊ី និងសិង្ហបុរីត្រូវបានប�
ប្រទេសម៉ាទ្បេស៊ី និងសិង្ហបុរី បានប្រកាសឲ្យដឹងពីអ្នកដែលទទួលបាន ជោគជ័យក្នុងកិច្ចសន្យាសាងសង់ផ្លូវរថភ្លើងល្បឿនលឿនរវាង ទីក្រុងកូទ្បាទ្បាំពួរ និង ទីក្រុងសិង្ហបុរី។ ក្រុមហ៊ុនវិស្វកម្មដ៏ធំរបស់សហរដ្ឋអាមេរិចគឺ ក្រុមហ៊ុន Aecom នឹងផ្តល់សេវា ការប្រឹក្សាផ្នែកវិស្វកម្ម ការសិក្សាវិស្វកម្មនៃគម្រោងយ៉ាងទំនើប ការរចនា ការសាងសង់ ផ្នែកវិស្វកម្មសំណង់ស៊ីវិល និងសេវាកម្មផ្នែកមេកានិច ផ្នែកអេទ្បិចត្រូនិចដល់ប្រទេសសិង្ហបុរី ដែលស្ថិតនៅខាងចុងខ្សែរថភ្លើង ឧទាហរណ៍ដូចជាការសាងសង់ស្ថានីយ Jurong East។ ជាមួយគ្នានេះដែរ ក្រុមហ៊ុនសម្ព័ន្ធ WSP Parsons Brinckerhoff របស់ប្រទេសកាណាដា ក្រុមហ៊ុន Mott MacDonald របស់ប្រទេសអង់គ្លេស និងក្រុមហ៊ុន Ernst and Young បានទទួលជោគជ័យក្នុងកុងត្រាជាដៃគូអភិវឌ្ឍគម្រោងរួម។ ក្រុមហ៊ុនរថភ្លើងជាច្រើននៅលើពិភពលោក បានអន្ទះសារចង់ចូលរួមក្នុងគម្រោងនេះ ដែលរថភ្លើងអាចរត់បានក្នុងល្បឿន ៣០០គម/ម៉ោងជាង ហើយនឹងកាត់បន្ថយ រយៈពេលធ្វើដំណើរមកត្រឹមតែ ៩០នាទីប៉ុណ្ណោះ នៅពេលដែលគម្រោងនេះបានបញ្ចប់នៅក្នុងឆ្នាំ ២០២៦ខាងមុខ៕
អានបន្ថែម
ក្រុមហ៊ុនសាងសង់របស់ប្រទេសម៉ាទ្បេស៊ីបានធ្វើការតវ៉ានឹងច្បាប់ថ្មីស្តីពីកម្មករបរទ
កិច្ចចាប់ផ្តើមថ្មីមួយរបស់រដ្ឋាភិបាលម៉ាទ្បេស៊ីក្នុងការបង្កើនពន្ធលើកម្មករបរទេសសម្រាប់ក្រុមហ៊ុនសាងសង់ ធ្វើឲ្យមានការតវ៉ាពីឧស្សាហកម្មមួយនេះ។ ចាប់ពីថ្ងៃទី០១ ខែមករា ឆ្នាំ២០១៧នេះ ក្រុមហ៊ុនសំណង់បានតម្រូវឲ្យបង់ប្រាក់ចំនួន ៤១៣ដុល្លារ សម្រាប់កម្មករម្នាក់ គឺកើនទ្បើងពី ២១៣ដុល្លារ។ និយោជកទាំងអស់ដែលមានកម្មករបរទេសចំនួនប្រហែល ៩សែននាក់ បានជឿថាការរតម្លើងថ្លៃនេះ នឹងទាញយកនូវការចំណាយបន្ថែមចំនួន ៤៤៧លានដុល្លារ ពីឧស្សាហកម្មនេះ ហើយធ្វើឲ្យការប្រកួតប្រជែងក្នុងឧស្សាហកម្មនេះបានថយចុះ។ នៅឯសន្និសិទ្ធ ថ្ងៃទី៩ ខែមករា នេះ លោក Foo Chek Lee, ប្រធានសមាគមសាងសង់របស់ប្រទេសម៉ាទ្បេស៊ីបាននិយាយថា ប្រាក់ទាំងនោះគួរតែយក ទៅប្រើប្រាស់ “ក្នុងការធ្វើទំនើបកម្មតិចណូទ្បូជីថ្មីៗ និងផ្នែកមេកានិច ដើម្បីអភិវឌ្ឍ និង បង្កើនផលិតភាពការងារ ហើយវានឹងជួយកាត់បន្ថយការពឹងផ្អែកលើពលករបរទេស ក្នុងពេលអនាគតខាងមុខដ៏វែង” នេះបើយោងតាមសារព័ត៌មាន Malay Mail Online៕
អានបន្ថែម
ក្រុមហ៊ុន Vinci វិនិយោគលើកីឡាម៉ូតូនៅឥណ្ឌូនេស៊ី
ក្រុមហ៊ុន Vinci Construction សាងសង់ទីលានប្រណាំងម៉ូតូដែលមានទំហំ ១២០ហិកតា និងបណ្តុំកន្លែងទេសចរណ៍នៅលើកោះ Lombok ប្រទេសឥណ្ឌូនេស៊ី ។ ក្រុមហ៊ុនបារាំងបានចុះហត្ថលេខាលើកិច្ចព្រមព្រៀងដែលមានតម្លៃ ៥០០លានដុល្លារ ជាមួយក្រុមហ៊ុនរដ្ឋ Indonesia Tourism Development Corporation (ITDC) របស់ប្រទេសឥណ្ឌូនេស៊ី ដោយមានវត្តមានរបស់លោកប្រធានាធិបតីបារាំង Francois Hollande និងលោកប្រធានាធិបតីឥណ្ឌូនេស៊ី Joko Widodo ។ លោក Abdulbar Mansoer ប្រធានក្រុមហ៊ុន ITDC បានឲ្យដឹងថា ក្នុងគម្រោងនេះ Vinci នឹងសាងសង់សណ្ឋាគារចំនួនប្រាំពីរ និងទីលាន Moto GP ព្រមទាំងសាលសន្និបាត។ គម្រោងនេះមានទីតាំងស្ថិតនៅជាប់នឹង Nusa Dua ដែលជាតំបន់រមណីយដ្ឋានឆ្នេរសមុទ្រដ៏ល្បីល្បាញលើពិភពលោកនៅកោះបាលី ហើយគេរំពឹងថាគម្រោងនេះនឹងជំរុញវិស័យទេសចរណ៍។ គេរំពឹងថានឹងត្រូវចំណាយពេលពីរឆ្នាំសម្រាប់ការសាងសង់ ហើយនឹងបញ្ចប់ការសាងសង់នៅឆ្នាំ ២០១៩។ ក្រុមហ៊ុន Vinci ក៏ជាផ្នែកមួយនៃសម្ព័ន្ធក្រុមហ៊ុនដែលទទួលខុសត្រូវក្នុងការសាងសង់ និងប្រតិបត្ដិការព្រលានយន្តហោះនៅប្រទេសកម្ពុជាផងដែរ។
អានបន្ថែម