ព័ត៌មានអន្តរជាតិ
ក្រុមហ៊ុនប្រឹក្សាវិស្វកម្ម ARUP ជួយហ្វីលីពីនសម្រាប់គម្រោងហេដ្ឋារចនាសម្ព័ន្ធតម្លៃ ១១�
ក្រុមហ៊ុនប្រឹក្សាវិស្វកម្មឈានមុខគេដែលមានមូលដ្ឋាននៅចក្រភពអង់គ្លេសឈ្មោះ Arup បានចុះហត្ថលេខាលើកិច្ចសន្យាជាមួយរដ្ឋាភិបាលហ្វីលីពីនក្នុងខែកុម្ភៈ ដើម្បីធ្វើការសិក្សាលទ្ធភាពសាងសង់ និងគម្រោងស្ពាន ផ្លូវរូងក្រោមដី និងផ្លូវហាយវេ ដែលមានតម្លៃជាង ១១ប៊ីលានដុល្លារ ដែលនេះជាផ្នែកមួយនៃកម្មវិធីហេដ្ឋារចនាសម្ព័ន្ធប្រកបដោយមហិច្ឆតារបស់ហ្វីលីពីន។ នៅខែតុលាឆ្នាំ ២០១៧ ធនាគារអភិវឌ្ឍន៍អាស៊ី (ADB) បានអនុម័តប្រាក់កម្ចីចំនួន ១០០ លានដុល្លារដើម្បីគាំទ្រដល់រដ្ឋាភិបាលហ្វីលីពីនក្នុងការជំរុញកម្មវិធី “Build, Build, Build” ហើយកិច្ចសន្យាជាមួយ Arup គឺជាកិច្ចសន្យាដំបូងមួយនៃកញ្ចប់ប្រឹក្សាយោបល់ចំនួនបីដែលបានគ្រោង។ លោក ម៉ាក់ វីឡារ៍ រដ្ឋលេខាធិការក្រសួងសាធារណការនិងផ្លូវថ្នល់ហ្វីលីពីន (DPWH) បានមានប្រសាសន៍ថា “គម្រោងហេដ្ឋារចនាសម្ព័ន្ធសំខាន់ៗដែលរួមមានទាំងការសាងសង់ផ្លូវរូងក្រោមដីកាត់តាមតំបន់ភ្នំ និងស្ពានប្រវែងវែងកាត់តាមកោះនេះគឺមិនធ្លាប់មានពីមុនមកទេនៅក្នុងប្រទេសហ្វីលីពីន។” លោកក៏បានមានប្រសាសន៍ថា “ក្រុមហ៊ុនលំដាប់ពិភពលោកដូចជា Arup នឹងជួយរដ្ឋាភិបាលយើងបង្កើតគម្រោងហេដ្ឋារចនាសម្ព័ន្ធខ្នាតធំនិងទំនើប ធ្វើឲ្យប្រសើរឡើងនូវការវិនិយោគសាធារណៈ និងសម្រេចនូវចក្ខុវិស័យផ្នែកហេដ្ឋារចនាសម្ព័ន្ធរបស់យើង។”
អានបន្ថែម
ការសាងសង់អគារបៃតងចាប់ផ្តើម
អគារដែលនឹងក្លាយជាអគារខ្ពស់បំផុតនិងល្បីល្បាញបំផុតមួយរបស់ប្រទេសសិង្ហបុរី និងដែលមានលក្ខណៈធម្មជាតិបៃតងនៅគ្រប់ជាន់ទាំងអស់នោះបានចាប់ផ្តើមសាងសង់ហើយ។ គម្រោងអគារ 88 Market Street ដែលមាន ៥១ជាន់នេះនឹងមានកម្ពស់ ២៨០ម៉ែត្រ និងផ្ទៃក្រឡាទំហំ ៩៣.០០០ម៉ែត្រការ៉េ។ អគារនេះត្រូវបានរចនាឡើងដោយក្រុមហ៊ុនស្ថាបត្យកម្មដាណឺម៉ាក Bjarke Ingels Group (BIG) និងក្រុមហ៊ុនអ៊ីតាលី Carlo Ratti Associati (CRA) ហើយផ្នែកខាងក្រៅនៃអគារនឹងធ្វើឡើងពីដែកថែបនិងកញ្ចក់ព្រមទាំងរុំព័ទ្ធដោយលក្ខណៈបៃតង។ សួនព្រៃឈើសាធារណៈ និងទីធ្លា នឹងស្ថិតនៅជាន់ផ្ទាល់ដី ហើយ “សួនព្រៃដង្គំបៃតង (Green Oasis)” ចំនួន៤ជាន់នឹងស្ថិតនៅចន្លោះរវាងជាន់លំនៅដ្ឋាន (៨ជាន់ដំបូង) និងជាន់ការិយាល័យ (២៩ជាន់ខាងលើ)។ គម្រោងនេះត្រូវបានផ្តល់មូលនិធិដោយក្រុមហ៊ុនអភិវឌ្ឍន៍ CapitaLand របស់សិង្ហបុរី និងក្រុមហ៊ុន Mitsubishi Estate របស់ជប៉ុន។
អានបន្ថែម
ប្រទេសសិង្ហបុរីបើកដំណើរការមូលនិធិការបង្កើតថ្មីលើការដឹកជញ្ជូនផ្លូវគោក
អាជ្ញាធរដឹកជញ្ជូនផ្លូវគោករបស់សិង្ហបុរី (LTA) បានប្រកាសពីមូលនិធិការបង្កើតថ្មីលើការដឹកជញ្ជូនផ្លូវគោកដែលមានទឹកប្រាក់ចំនួន ១៨.៨លានដុល្លារ សម្រាប់រយៈពេល ៥ឆ្នាំ ដើម្បីគាំទ្រដល់ការស្រាវជ្រាវនិងការសាកល្បងនូវដំណោះស្រាយការធ្វើដំណើរបែបថ្មីសម្រាប់ទីក្រុង។ តាមសេចក្តីថ្លែងការណ៍ចេញផ្សាយនៅថ្ងៃទី១២ ខែកុម្ភៈ បានឲ្យដឹងថា LTA កំពុងសិក្សាស្រាវជ្រាវពិនិត្យមើលការប្រើប្រាស់យានយន្តស្វ័យប្រវត្តិនិងស្វយ័ត (AVs) ដើម្បីបង្កើនប្រសិទ្ធភាព កាត់បន្ថយបញ្ហាខុសឆ្គងរបស់មនុស្ស និងផ្តល់សេវាឲ្យល្អប្រសើរ។ សេចក្តីថ្លែងការណ៍បានលើកឡើងថា “រថយន្ដក្រុងស្វយ័តនិងខ្សែផ្លូវដឹកជញ្ជូនប្រកបដោយថាមវន្ត និងអាចដឹកទៅមកបានតាមតម្រូវការ អាចនឹងត្រូវបានដាក់ពង្រាយដើម្បីបង្កើនការដឹកជញ្ជូនសាធារណៈតាមរយៈការផ្តល់នូវមធ្យោបាយដឹកជញ្ជូនដែលកាន់តែមានភាពឆ្លើយតប ប្រសិទ្ធភាព និងភាពងាយស្រួលសម្រាប់អ្នកដំណើរ”។ សេចក្តីថ្លែងការណ៍នោះក៏បានបន្ថែមថា មនុស្សយន្តនិងយន្តហោះ Drone ក៏អាចត្រូវបានប្រើដើម្បីពិនិត្យមើលការដឹកជញ្ជូនតាម MRT និងផ្លូវរូងក្រោមដីផងដែរ។ ប្រធានប្រតិបតិ្តរបស់ LTA លោក Ngien Hoon Ping បានលើកឡើងថា “ជាមួយនិងមូលនិធិការបង្កើតថ្មីលើការដឹកជញ្ជូនផ្លូវគោកនេះ ខ្ញុំសង្ឃឹមថានឹងមានដំណោះស្រាយប្រកបដោយភាពច្នៃប្រឌិតបន្ថែមទៀតកើតឡើងដើម្បីកែលម្អការដឹកជញ្ជូននៅថ្ងៃខាងមុខ។” នៅសិង្ហបុរីមានមនុស្សប្រហែល ១២៣ពាន់នាក់ ធ្វើការនៅក្នុងឧស្សាហកម្មដឹកជញ្ជូនតាមផ្លូវគោក ដែលបម្រើការដល់អ្នកដំណើរ៥លាននាក់ជារៀងរាល់ថ្ងៃនៅក្នុងការដឹកជញ្ជូនសាធារណៈ។
អានបន្ថែម
ការរលំបាក់ផ្លូវថ្មើរជើងក្នុងអគារផ្សារភាគហ៊ុនឥណ្ឌូនេស៊ី
ការរលំបាក់នៃស្ពានថ្មើរជើង (mezzanine walkway) នៅក្នុងអគារផ្សារភាគហ៊ុនហ្សាកាតា ប្រទេសឥណ្ឌូនេស៊ីបានធ្វើឲ្យមនុស្សជាង ៧៥នាក់ រងរបួស កាលពីខែមករា បើទៅជាមិនមានសេចក្តីរាយការណ៍ពីករណីស្លាប់បាត់បង់ជីវិតក៏ដោយ។ អគារផ្សារភាគហ៊ុននេះត្រូវបានសាងសង់ឡើងនៅចុងទសវត្សឆ្នាំ ១៩៩០ ដែលវាជាផ្នែកមួយនៃបណ្តុំប៉មអគារពីរ ហើយឧប្បត្តិហេតុនេះបណ្តាលឲ្យមានការជម្លៀសមនុស្សជាបន្ទាន់ចេញពីអគារដោយភ័យខ្លាចថាមានការបំផ្ទុះគ្រាប់បែក។ មូលហេតុនេះត្រូវបានច្រានចោលដោយអាជ្ញាធរ ហើយភាគច្រើននៃជនរងគ្រោះគឺជានិស្សិតសាកលវិទ្យាល័យក្នុងតំបន់នោះ។ យ៉ាងណាក៏ដោយ គេនៅមិនដឹងច្បាស់ភ្លាមៗចំពោះមូលហេតុនៃឧប្បត្តិហេតុនៅអគារក្នុងសង្កាត់ Sudirman ដែលធ្លាប់ជាគោលដៅរបស់ក្រុមភេរវជននៅឆ្នាំ២០០០នេះនៅឡើយទេ។ លោក Iswandi Imran អ្នកជំនាញផ្នែកសំណង់បានប្រាប់ទូរទស្សន៍ក្នុងស្រុកថា “ការខូចរិចរិលនៃសម្ភារអាចជាមូលហេតុនៃការបាក់រលំ។ វាអាចជាសំណឹកឬក៏អ្វីដែលធ្វើឲ្យខូចរិចរិលភាពរឹងមាំនៃរចនាសម្ព័ន្ធអគារបន្តិចម្តងៗ រហូតមិនអាចទ្រាំទ្រនឹងទម្ងន់ទៀតបាន។ ប៉ុន្តែអ្វីគ្រប់យ៉ាងត្រូវការការស៊ើបអង្កេតបន្ត។”
អានបន្ថែម
ជប៉ុននឹងសាងសង់អគារឈើខ្ពស់បំផុតនៅលើពិភពលោក
ក្រុមហ៊ុនជប៉ុន Sumitomo Forestry Co. , Ltd. ថ្មីៗនេះបានប្រកាសផែនការសាងសង់អាគារឈើកំពស់៣៥០ ម៉ែត្រនៅក្នុងទីក្រុងតូក្យូដែលនឹងក្លាយជាអគារឈើខ្ពស់ជាងគេនៅលើពិភពលោក។ អាគារឈើនេះនឹងប្រើថវិកាសាងសង់ប្រមាណ ៦០០ ពាន់លានយ៉េន ឬ ៥.៦០០ លានដុល្លារអាមេរិក ហើយគ្រោងនឹងបញ្ចប់ការសាងសង់នៅឆ្នាំ ២០៤១ ដើម្បីអបអរសាទរខួបលើកទី ៣៥០ នៃអាជីវកម្មរបស់ក្រុមហ៊ុនSumitomo Forestry ។ អាគារនេះនឹងមានកម្ពស់ ៧០ ជាន់ដោយប្រើប្រាស់រចនាសម្ព័ន្ធឈើនិងដែកថែបដែលក្នុងនោះ ៩០ ភាគរយ ជាឈើប្រណីតសរុបជាង ១៨៥.០០០ម៉ែត្រគូប ។ អគារនឹងតុបតែងដោយធម្មជាតិពណ៌បៃតងចាប់ពីជាន់ផ្ទាល់ដីដល់ជាន់ខ្ពស់បំផុត ។ ផ្នែកខាងក្រៅនឹងមានយ៉របន្តគ្នាព័ទ្ធជុំវិញគ្រប់បួនជ្រុងនៃអាគារ ។ រីឯរចនាសម្ព័ន្ឋខាងក្នុងគឺជាឈើសុទ្ធដែលនឹងរចនាដោយក្រុមហ៊ុន Nikken Sekkei Ltd. ។ បន្ទាប់ពីបញ្ចប់ការសាងសង់អគារ W350នេះនឹងប្រើប្រាស់ជា ផ្សារទំនើបការិយាល័យសណ្ឋាគារនិងលំនៅដ្ឋានក្រោមពាក្យស្លោក”ផ្លាស់ប្តូរទីក្រុងទៅជាធម្មជាតិ” ឬ “Change Cities into Forests” ។ ក្រុមហ៊ុន Sumitomo Forestry បានលើកឡើងថាក្រុមហ៊ុនកំពុងពង្រីកលទ្ធភាពការសាងសង់សំណង់អគារពីឈើ ក្នុងគោលបំណងបង្កើតបច្ចេកវិទ្យាស្ថាបនាថ្មីៗ នាពេលអនាគតដែលមិនប៉ះពាល់ដល់បរិស្ថាន ។
អានបន្ថែម
គម្រោងរថភ្លើងក្រោមដីទីក្រុងហូជីមិញលើសថវិកា ៨០០លានដុល្លារ
គម្រោងខ្សែរថភ្លើងក្រោមដីទី២ ដែលមានបញ្ហានៅទីក្រុងហូជីមិញនោះបានបន្តមានបញ្ហាដោយចំណាយលើសថវិកា និងការពន្យារពេល ហើយពេលនេះអាជ្ញាធរបានស្នើសុំប្រាក់ ៨០០លានដុល្លារ បន្ថែមទៀតពីរដ្ឋាភិបាលដើម្បីបញ្ចប់គម្រោង។ ការងារលើផ្លូវក្រោមដីប្រវែង ១១គីឡូម៉ែត្រ នេះបានចាប់ផ្តើមនៅឆ្នាំ ២០១០ ហើយគ្រោងនឹងបញ្ចប់នៅឆ្នាំ ២០២០ ដោយចំណាយអស់ប្រមាណ ១,២ប៊ីលានដុល្លារ។ ប៉ុន្តែការពន្យារពេល និងបញ្ហាថវិកាពាក់ព័ន្ធនឹងបញ្ហាទូទាត់ និងផលប្រយោជន៍ជាបន្តបន្ទាប់នាពេលនេះមានន័យថាគម្រោងនេះទំនងជានឹងមិនអាចបញ្ចប់រួចរាល់ទេរហូតដល់ឆ្នាំ ២០២៤ ហើយនឹងចំណាយថវិកា ២,៤ប៊ីលានដុល្លារ។ បញ្ហានេះកើតឡើងបន្ទាប់ពីមានបញ្ហាលើផ្លូវហាយវេក្នុងទីក្រុងហាណូយដែលផ្តល់មូលនិធិដោយប្រទេសចិន ហើយអ្នកជំនាញអន្តរជាតិជាច្រើនបានទម្លាក់កំហុសលើកង្វះបទពិសោធន៍របស់ប្រទេសវៀតណាមក្នុងការសាងសង់គម្រោងហេដ្ឋារចនាសម្ព័ន្ធធំៗ ចំពោះការពន្យារពេល និងកំណើនថ្លៃចំណាយនេះ។
អានបន្ថែម
ក្រុមហ៊ុន Aecom ទទួលបានការគ្រប់គ្រងប្រព័ន្ធលើខ្សែផ្លូវរថភ្លើងម៉ាឡេស៊ី
ក្រុមហ៊ុនវិស្វកម្មអាមេរិក Aecom ត្រូវបានជ្រើសរើសដោយក្រុមហ៊ុនចិន China Communications Construction Company (CCCC) ឲ្យត្រួតពិនិត្យមើលការដ្ឋានសាងសង់គម្រោងផ្លូវដែក East Coast Rail Link (ECRL) តម្លៃ ១៣ប៊ីលានដុល្លារនៅប្រទេសម៉ាឡេស៊ី។ នៅក្នុងសេចក្តីប្រកាសព័ត៌មាន Aecom បានលើកឡើងថា ក្រុមហ៊ុននឹងមើលលើស្ថានីយរថភ្លើង ស្ពានផ្លូវដែក ផ្លូវដែករូងក្រោមដី និងឃ្លាំងទាំងអស់របស់គម្រោងដែលទាក់ទងនឹងការសាងសង់ខ្សែរថភ្លើងស្តង់ដារដើរដោយអគ្គិសនីនេះ ពីកំពង់ផែ Port Klang នៅភាគអាគ្នេយ៍នៃឧបទ្វីបម៉ាឡេស៊ីកាត់តាមទីក្រុងគូឡាឡាំពួរទៅក្រុង Pengkalan Kubor នៅព្រំដែនភាគឦសានជាប់ប្រទេសថៃ។ គម្រោងផ្លូវដែក ECRL គឺជាផ្នែកមួយនៃផែនការដឹកជញ្ជូនថ្នាក់ជាតិរបស់ម៉ាឡេស៊ី។ ការសាងសង់បានចាប់ផ្តើមកាលពីខែសីហាឆ្នាំមុន ហើយគ្រោងនឹងបញ្ចប់នៅឆ្នាំ២០២៤។ នៅពេលបញ្ចប់ការសាងសង់ ខ្សែផ្លូវរថភ្លើងនេះនឹងភ្ជាប់ទីក្រុងសំខាន់ៗនៅឆ្នេរសមុទ្រខាងកើតរបស់ម៉ាឡេស៊ីទៅនឹងបណ្តាញផ្លូវដែកសំខាន់ៗរបស់ប្រទេស។ ខ្សែផ្លូវរថភ្លើងប្រវែង ៦៨៨គីឡូម៉ែត្រនេះត្រូវបានគេរំពឹងថានឹងដឹកអ្នកដំណើរ ៥.៤លាននាក់នៅឆ្នាំ២០៣០។ រថភ្លើងនឹងមានល្បឿនអតិបរមា ១៦០គីឡូម៉ែត្រក្នុងមួយម៉ោង។
អានបន្ថែម
៦,៧ប៊ីលានដុល្លារដាក់ស្នើដើម្បីលើកកំពស់ព្រលានយន្តហោះហ្វីលីពីន
សំណើទឹកប្រាក់ ៦.៧ប៊ីលានដុល្លារ សម្រាប់បង្កើនសមត្ថភាពលើសមុនបីដងរបស់អាកាសយានដ្ឋានអន្តរជាតិ Ninoy Aquino (NAIA) ក្នុងរដ្ឋធានីម៉ានីល ប្រទេសហ្វីលីពីន ត្រូវបានដាក់ស្នើឡើងដោយសម្ព័ន្ធក្រុមហ៊ុនក្នុងស្រុកមួយទៅកាន់ក្រសួងដឹកជញ្ជូនដើម្បីពិចារណា។ អាកាសយានដ្ឋានដែលមានអាយុកាល៧០ឆ្នាំនេះ មានសមត្ថភាពទទួលអ្នកដំណើរក្នុងមួយឆ្នាំចំនួន ៣០លាននាក់ ប៉ុន្តែអាកាសយានដ្ឋានបានទទួលភ្ញៀវជាអ្នកដំណើរលើស ហើយកាលពីឆ្នាំមុនមានអ្នកដំណើរឆ្លងកាត់អាកាសយានដ្ឋានចំនួនជាង ៤២លាននាក់។ សំណើថ្មីនេះត្រូវបានដាក់ស្នើឡើងដោយសម្ព័ន្ធក្រុមហ៊ុនចំនួន ៧ ក្រុមហ៊ុនធំៗ ដោយមានទុនសរុបជាង ២.២ទ្រីលានប៉េសូ។ គម្រោងនេះមានពីរដំណាក់កាលដែលនឹងបង្កើនសមត្ថភាពទទួលអ្នកដំណើរដល់ ១០០លាននាក់ក្នុងមួយឆ្នាំ ប៉ុន្តែការព្យាករណ៍រំពឹងថាចំនួនអ្នកដំណើរនឹងកើនឡើងដល់ ១៣៥លាននាក់ នៅឆ្នាំ២០៣៥។ ការធ្វើឲ្យប្រសើរឡើងនេះគឺសំដៅធ្វើឲ្យ NAIA ក្លាយជាអាកាសយានដ្ឋានប្រចាំតំបន់មួយដូចជាអាកាសយានដ្ឋាន Changi របស់ប្រទេសសិង្ហបុរី និងអាកាសយានដ្ឋានសុវណ្ណភូមិនៅទីក្រុងបាងកក ហើយក្រុមហ៊ុនទាំង៧ បានជ្រើសយកអាកាសយានដ្ឋានអន្តរជាតិ Changi ជាដៃគូបច្ចេកទេសរបស់ខ្លួនក្នុងការស្តារឡើងវិញនូវអាកាសយានដ្ឋាន NAIA។
អានបន្ថែម
ការសាងសង់អគារបៃតងចាប់ផ្តើម
អគារដែលនឹងក្លាយជាអគារខ្ពស់បំផុតនិងល្បីល្បាញបំផុតមួយរបស់ប្រទេសសិង្ហបុរី និងដែលមានលក្ខណៈធម្មជាតិបៃតងនៅគ្រប់ជាន់ទាំងអស់នោះបានចាប់ផ្តើមសាងសង់ហើយ។ គម្រោងអគារ 88 Market Street ដែលមាន ៥១ជាន់នេះនឹងមានកម្ពស់ ២៨០ម៉ែត្រ និងផ្ទៃក្រឡាទំហំ ៩៣.០០០ម៉ែត្រការ៉េ។ អគារនេះត្រូវបានរចនាឡើងដោយក្រុមហ៊ុនស្ថាបត្យកម្មដាណឺម៉ាក Bjarke Ingels Group (BIG) និងក្រុមហ៊ុនអ៊ីតាលី Carlo Ratti Associati (CRA) ហើយផ្នែកខាងក្រៅនៃអគារនឹងធ្វើឡើងពីដែកថែបនិងកញ្ចក់ព្រមទាំងរុំព័ទ្ធដោយលក្ខណៈបៃតង។ សួនព្រៃឈើសាធារណៈ និងទីធ្លា នឹងស្ថិតនៅជាន់ផ្ទាល់ដី ហើយ “សួនព្រៃដង្គំបៃតង (Green Oasis)” ចំនួន៤ជាន់នឹងស្ថិតនៅចន្លោះរវាងជាន់លំនៅដ្ឋាន (៨ជាន់ដំបូង) និងជាន់ការិយាល័យ (២៩ជាន់ខាងលើ)។ គម្រោងនេះត្រូវបានផ្តល់មូលនិធិដោយក្រុមហ៊ុនអភិវឌ្ឍន៍ CapitaLand របស់សិង្ហបុរី និងក្រុមហ៊ុន Mitsubishi Estate របស់ជប៉ុន។
អានបន្ថែម
Mitsubishi បានបង្ហាញខ្លួនក្នុងវិស័យសំណង់នៅទីក្រុងហូជីមិញ
កាលពីពេលថ្មីៗនេះ ក្រុមហ៊ុន Mitsubishi Corporation (MC) បានប្រកាសថាខ្លួនបានឈានដល់កិច្ចព្រមព្រៀងមួយស្តីពីការចូលរួមរបស់ខ្លួននៅក្នុងគម្រោងអភិវឌ្ឍន៍លំនៅដ្ឋានដែលកំពុងដំណើរការនៅទីក្រុងហូជីមិញ ប្រទេសវៀតណាម។
អានបន្ថែម