[:en]Vietnamese Firm Plans for US$500 Million Steel Factory in Sihanoukville

• 5 ខែ​កក្កដា 2018
• Uncategorized @km
• 2 មើល

កាលពីថ្ងៃទី២ ខែ កក្កដា ឆ្នាំ ២០១៨ តំណាងក្រុមហ៊ុនផលិតដែកមកពីប្រទេសវៀតណាមមួយឈ្មោះថា Hoa Phat បានចូលជួបប្រជុំ ជាមួយអភិបាលខេត្តព្រះសីហនុឯកឧត្តម យន្ត មីន ដើម្បីភាក្សាអំពីគម្រោងវិនិយោគលើរោងចក្ររដែកដ៏ធំមួយនៅខេត្តព្រះសីហនុ។

លោក Chu Quang Vu ដែលជាអ្នកគ្រប់គ្រងខាងផ្នែកស្រាវជ្រាវនិងអភិវឌ្ឍន៍របស់ក្រុមហ៊ុនផលិតដែក Hoa Phat បានអោយដឹងថា រោងចក្រស្លរដែកមួយនេះនឹងត្រូវចំណាយទឺកប្រាក់ប្រមាណ ៥០០ លានដុល្លារហើយអាចនឹងជួយបង្កើតការងាររហូតដល់ ៣០០០ កន្លែង សម្រាប់អ្នកនៅក្នុងតំបន់។

លោកបានបន្ថែមទៀតថា តាមការប៉ាន់ស្មានរោងចក្រស្លរដែកមួយនេះនឹងមានសមត្ថភាពផលិតដែករហូតដល់ទៅ ២ លានតោនក្នុងមួយឆ្នាំ ។ ដោយឡែក ក្នុងសង្វាក់ផលិតកម្មនេះក៏នឹងត្រូវការទឹកសម្រាប់បម្រើប្រមាណពី ២០០០០ ទៅ ២៥០០០ម៉ែត្រគូប ក្នុង១ថ្ងៃ។

នៅក្នុងកិច្ចសម្ភាសន៍តាមទូរស័ព្ទជាមួយ ទស្សនាវដ្តីសំណង់និងអចលនទ្រព្យ ឯកឧត្តម យន្ត មីនបានសម្តែងការស្វាគមន៏ចំពោះគម្រោងនេះហើយឯកឧត្តមបង្ហាញពីសក្តានុពលរបស់តំបន់ស្ទឹងហាវក្នុងការសាងសង់រោងចក្រស្លរដែកនេះទៅកាន់ក្រុមហ៊ុនផងដែរ។

ឯកឧត្តម បានបន្ថែមទៀតថា នាពេលអនាគតស្ទឹងហាវនឹងមានកំពង់ផែសមុទ្រជ្រៅហើយមានដីប្រហែល ២០០ ហិកតា ដែលធ្វើឱ្យវាមានភាពងាយស្រួលសម្រាប់ក្រុមហ៊ុនក្នុងការសាងសង់រោងចក្រនៅទីនោះ។

គួរបញ្ជាក់ផងដែរថា ប្រសិនបើគម្រោងនេះត្រូវបានអនុវត្តតាមការគ្រោងទុក រោងចក្រស្លរដែកមួយនេះនឹងក្លាយជារោងចក្រស្លរដែកដំបូងបង្អស់នៅខេត្តព្រះសីហនុ។

ក្រៅពីគម្រោងវិនិយោគមួយនេះ ទាក់ទងនឹងឧស្សាហកម្ម កាលពីពេលថ្មីៗនេះ គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជាទើប បានសម្រេចអនុម័តអោយ ក្រុមហ៊ុន Hai Sheng Steel Co., Ltd. វិនិយោគជាង ៣១ លានដុល្លារសាងសង់រោងចក្រផលិតដែកដ៏ធំមួយក្នុងខេត្តកំពង់ស្ពឺ(អានបន្ថែម)។

• គម្រោងអភិវឌ្ឍន៍