Gold Tower អគារ ៤២ជាន់ អាចនឹងបន្តការសាងសង់ឡើងវិញ

• Proeksa Meas
• 27 ខែ​កក្កដា 2017
• ព័ត៌មានអចលនទ្រព្យ
• 240 មើល

បញ្ហាចម្រូងចម្រាស់នៃការសាងសង់អគារ Gold Tower កម្ពស់ ៤២ជាន់ អាចនឹងបន្តការសាងសង់ឡើងវិញ ខណៈដែលក្រុមហ៊ុនអភិវឌ្ឍន៍នៃអគារនេះបានបដិសេធច្រានចោលនូវសេចក្តីថ្លែងការណ៍មួយពីក្រសួងរៀនបចំដែនដី នគរូបនីយកម្ម និងសំណង់ កាលពីខែមិថុនាកន្លងមកនេះបានបង្ហាញថា អគារនេះត្រូវបានលក់ហើយ។

ក្រុមហ៊ុន Yon Woo Co. ដែលជាក្រុមហ៊ុនអភិវឌ្ឍអគារ Gold Tower នេះបានចេញមុខបដិសេធថាខ្លួនមិនបានលក់គម្រោងនៃការសាងសង់អគារនេះទៅឲ្យក្រុមហ៊ុនអភិវឌ្ឍរបស់កូរ៉េណាផ្សេងនោះទេ។ មិនតែប៉ុណ្ណោះ ក្រុមហ៊ុន Yon Woo Co. ក៏បានទទូចដែរថា ខ្លួនបេ្តជ្ញានឹងបញ្ចប់គម្រោងនៃការសាងសង់នេះ។ តែយ៉ាងណា កាលបរិចេ្ចទបញ្ចប់នៃការសាងសង់មិនទាន់ត្រូវបានបង្ហាញនៅឡើយនោះទេ។

ការអភិវឌ្ឍអគារ៤២ជាន់នេះ បានចាប់ផ្តើមសាងសង់ក្នុងឆ្នាំ២០០៨ ស្ថិតនៅតំបន់ទីប្រជុំជនក្នុងទីក្រុងភ្នំពេញ។ ប៉ុន្តែការសាងសង់ត្រូវបានផ្អាក ក្នុងអំឡុងពេលវិបត្តិសេដ្ឋកិច្ចពិភពលោកបានកើតឡើងក្នុងឆ្នាំ២០០៩។

ការសាងសង់អគារ Gold Tower បានទុកឲ្យនៅទ្រឹងចោលចាប់តាំងពីពេលនោះមក បើទោះជាមានការអះអាងម្តងហើយម្តងទៀតថាការងារសាងសង់នៃអគារនេះអាចនឹងចាប់ផ្តើមឡើងវិញ៕