Qataris ទិញយកអគារ Singapore Tower

• Proeksa Meas
• 27 ខែ​សីហា 2016
• ព័ត៌មានអចលនទ្រព្យ
• 234 មើល

Asia Square Tower 1 ដែល​ជា​អគារ​ការិយាល័យ​លំដាប់​ខ្ពស់​ដ៏​ល្បី​របស់​សិង្ហ​បុរី ត្រូវបាន​គេ​លក់​ទៅ​ឱ្យ​មូលនិធិ​របស់​អាជ្ញាធរ​វិនិយោគ​កាតា Qatar Investment Authority (QIA) ក្នុង​ទំហំ​ទឹកប្រាក់ 2.45 ពាន់​លាន​ដុល្លារ នេះ​បើ​តាម​សេចក្តីរាយការណ៍​ពី World Property Journal​។​

​អគារ​លំដាប់ថ្នាក់​ពិភពលោក​នេះ មាន​ទីតាំង​យ៉ាង​ធំ​នៅ​តំបន់ Marina Bay និង​បាន​ទទួលពាន​រង្វាន់​ក្នុងឋានៈ​ជា Green Mark Platinum​។ លោក Rob Blaine ប្រធាន​នាយក​ប្រតិបត្តិ​នៃ​ក្រុមហ៊ុន CBRE Asia Pacific បាន​ប្រាប់​ទៅកាន់ World Property Journal ថា “​ការលក់​បញ្ជាក់​ពី​តម្រូវការ​ខ្លាំង​សម្រាប់​ទ្រព្យសកម្ម​សំខាន់ៗ​នៅ​ជុំវិញ​ពិភពលោក ហើយ​ការ​បន្ត​អំពាវនាវ​ថា​វិស័យ​អចលនទ្រព្យ​ស្ថិតនៅក្នុង​លំដាប់​ថ្នាក់​ទ្រព្យសម្បត្តិ​ដែល​មាន​តម្លៃ បាន​ជួយ​ដល់​ប្រទេស​សិង្ហ​បុរី ក្នុង​ការពង្រឹង​តួនាទី​របស់​ខ្លួន​ជា​ទីផ្សារ​អចលនទ្រព្យ​ពាណិជ្ជកម្ម​ដ៏​សំខាន់​បំផុត​មួយ​នៅក្នុង​ពិភពលោក​”​។