Scandinavian Airlines បើកឱ្យកក់សំបុត្រយន្តហោះអគ្គិសនីដំបូងគេ ហើយ

• 4 ខែ​មិថុនា 2023
• Uncategorized @km
• 4 មើល

ក្រុមហ៊ុនអាកាសចរណ៍ Scandinavian Airlines (SAS) កាលពីថ្ងៃទី២ ខែមិថុនា បានប្រកាស ទទួលការកក់សំបុត្រយន្តហោះប្រើថាមពលអគ្គិសនីបែបពេញលេញជាលើកដំបូងលើពិភពលោកហើយ ដោយជើងហោះហើរនេះគ្រោងនឹងចាប់ផ្ដើមនៅឆ្នាំ ២០២៨។

យោងតាមសេចក្តីប្រកាសព័ត៌មាន ក្រុមហ៊ុនបើកឱ្យកក់សរុបមាន ៣០កៅអី តែប៉ុណ្ណោះ ខណៈក្រុមហ៊ុនមិនទាមទារឱ្យភ្ញៀវធ្វើការទូទាត់ប្រាក់នៅពេលនេះ នោះទេ។ ពួកគេតម្រូវឱ្យទូទាត់ ៣០ថ្ងៃមុនពេលហោះហើរ។

ក្រុមហ៊ុនអាកាសចរណ៍ បើកឱ្យកក់នេះ គឺដើម្បីរំលឹកអតិថិជនថាខ្លួនតែងតែជាអ្នកច្នៃប្រឌិតថ្មីជានិច្ច។ ទោះជាយ៉ាងណាក៏ដោយ ក្រុមហ៊ុនមិនទាន់បង្ហាញអំពីចម្ងាយហោះហើរ ទិសដៅការចេញដំណើរ និងទិសដៅដែលហោះទៅនៅឡើយទេ។

ក្រុមហ៊ុន​អាកាសចរណ៍​អះអាង​ថា យន្តហោះ​ថ្មី​នេះ​នឹងមិន​បំភាយ​ឧស្ម័នពុលដូចជា CO2និង NOX នោះទេ។ នេះគឺដោយសារតែម៉ូទ័រអេឡិចត្រិចចំនួន ៣ របស់ ES-30 ត្រូវបានរចនាឡើងដើម្បីប្រើការបញ្ចូលគ្នានៃអាគុយ និងម៉ាស៊ីន turbogenerator កូនកាត់។

តម្លៃជើងហោះហើរត្រូវបានកំណត់នៅ 1,946 Swedish Krona ( ឬ 180 ដុល្លារ) ពីព្រោះឆ្នាំ 1946 គឺជាឆ្នាំនៃការហោះហើរលើកដំបូងរបស់ SAS ។

• Technology and Engineering