Shanghai Tower ត្រូវបានប្រសិទ្ធីនាមថាជាអាគារខ្ពស់ល្អបំផុតក្នុងពិភពលោក

• Proeksa Meas
• 6 ខែ​កុម្ភៈ 2017
• ព័ត៌មានអចលនទ្រព្យ
• 136 មើល

ក្រុមប្រឹក្សាអគារខ្ពស់ និងលំនៅដ្ឋានទីក្រុង (CTBUH) បានដាក់ឈ្មោះអគារ Shanghai Tower ក្នុងប្រទេសចិនថាជា “អគារខ្ពស់ល្អបំផុតក្នុងពិភពលោក” នៅខែវិច្ឆិកា។

អគារនេះត្រូវបានជ្រើសរើសជាអ្នកឈ្នះក្នុងចំណោមអគារដែលចូលរួមប្រកួតចំនួន ១៣២ មកពី ២៧ ប្រទេសនៅទូទាំងពិភពលោកបន្ទាប់ពីដំណើរការជ្រើសរើសប្រព្រឹត្តទៅអស់រយៈពេលពេញមួយឆ្នាំ។

អគារខ្ពស់ជាងគេនៅក្នុងប្រទេសចិនត្រូវបានជ្រើសរើសដោយគណៈវិនិច្ឆ័យឯករាជ្យ ដោយក្នុងនោះមួយផ្នែកដោយសារការរចនាប្រកបដោយគំនិតច្នៃប្រឌិតថ្មីដោយផ្អែកលើ shikumen ដែលជារចនាប័ទ្មលំនៅឋានបែបប្រពៃណីក្នុងស្រុករបស់ប្រជាជនសៀងហៃ ដែលរួមបញ្ចូលគ្នាផ្នែកខាងក្នុង និងផ្នែកខាងក្រៅ។

បើតាមក្រុមប្រឹក្សា Shanghai Tower គឺមាននិរន្តរភាព និងផ្តោតលើប្រជាជន និងតំណាងឲ្យកំពូលនៃការរចនាម៉ូដអគារកប់ពពកដែលកំពុងដំណើរការ។