កិច្ចការសង្គម និងការចូលរួម
ដំណើរការស្តារអូរប្រឡាយធម្មជាតិខេត្តព្រះសីហនុ សម្រេចបានជាង ៩០% ហើយ
គម្រោងអភិវឌ្ឍន៍ និងស្ដារអូរប្រឡាយធម្មជាតិប្រវែង២៧គីឡូម៉ែត្រ នៅខេត្តព្រះសីហនុ សម្រេចបាន ៩៣,៤២% ហើយ។ នេះបើយោងតាមរបាយការណ៍របស់អគ្គនាយកដ្ឋានប្រព័ន្ធចម្រោះទឹកកខ្វក់នៃក្រសួងសាធារណការ និងដឹកជញ្ជូន។ គម្រោងអភិវឌ្ឍន៍ និងស្ដារអូរប្រឡាយធម្មជាតិនេះ កំពុងអនុវត្តដោយអគ្គនាយកដ្ឋានប្រព័ន្ធចម្រោះទឹកកខ្វក់ រួមជាមួយនឹងក្រុមហ៊ុន BUCG ដោយប្រើប្រាស់កញ្ចប់ថវិកាសន្សំរបស់ជាតិ។ បើយោងតាមភាគីទាំង ការងារធំៗ ដែលកំពុងអនុវត្តក្នុងគម្រោងនេះ រួមមាន ការស្ដារបឹងព្រែកទប់ ការសាងសង់ស្ថានីយបូមអេម៉ារីអូ ស្ថានីយបូមមុខសាលាខេត្ត និងស្ថានីយច្រោះសម្អាតទឹកកាកសំណល់ក្រុងព្រះសីហនុជាដើម។ អាជ្ញាធរខេត្តរំពឹងថា ក្រោយបញ្ចប់ការសាងសង់ គម្រោងស្ដារអូរប្រឡាយធម្មជាតិនេះ នឹងជួយការពារជំនន់ទឹកភ្លៀងនៅតាមតំបន់ងាយរងគ្រោះក្នុងទីក្រុង ក៏ដូចជាលើកកម្ពស់សោភណភាពក្រុងផងដែរ។ ថ្លែងក្នុងឱកាសចុះពិនិត្យមើលវឌ្ឍនភាពការងារ កាលពីថ្ងៃទី ០៦ ខែកុម្ភៈ កន្លងមកនេះ ឯកឧត្ដម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងថា ហេដ្ឋារចនាសម្ព័ន្ធគ្រប់គ្រងទឹកកខ្វក់នេះត្រូវបានសាងសង់ឡើង ដើម្បីឆ្លើយតបនូវបរិមាណទឹកកខ្វក់ដែលកើនឡើងលើសលប់ ដោយសារតែកំណើនការសាងសង់អគារខុនដូ រមណីយដ្ឋាន និងអគារពាណិជ្ជកម្ម ព្រមទាំងរោងចក្រ ក្នុងប៉ុន្មានឆ្នាំចុងក្រោយនេះ។ ទាក់ទិនការគ្រប់គ្រងទឹកកខ្វក់នេះដែរ គម្រោងសាងសង់ស្ថានីយប្រព្រឹត្តិកម្មទឹកកខ្វក់ តម្លៃជាង ១៤០ លានដុល្លារ នៅខេត្តព្រះសីហនុ ក៏កំពុងដំណើរការដោយរលូន ដោយមកទល់បច្ចុប្បន្នសម្រេចបានជាង ៤៨% ហើយ។ […]
អានបន្ថែម
រដ្ឋាភិបាលត្រៀមបែងចែកកាត់ដីជិត ២ ពាន់ហិកតា នៅកំពង់ធំ ជូនដល់អតីតយុទ្ធជន
រដ្ឋបាលខេត្តកំពង់ធំ កំពុងរៀបចំបែងចែកក្បាលដីសម្បទានសង្គមកិច្ចទំហំជិត ២០០០ ហិកតា នៅភូមិត្រពាំងឬស្សី ស្រុកសន្ទុក ជូនដល់អតីតយុទ្ធជន។ នេះបើយោងតាមកិច្ចប្រជុំចុះពិនិត្យទីតាំងជាក់ស្តែង នៅថ្ងៃទី០២ ខែកុម្ភៈ កន្លងមកនេះ។ ឯកឧត្តម សុខ លូ អភិបាលខេត្តកំពង់ធំ បានឱ្យដឹងថា ដីសម្បទានសង្គមកិច្ចទំហំ ១៩៧៨ ហិកតា នឹងត្រូវរៀបចំបំបែកក្បាលដី ហើយបែងចែកជូនដល់អតីតយុទ្ធជនដែលគ្មានដី គ្មានផ្ទះ និងប្រជាពលរដ្ឋមានជីវភាពខ្វះខាត ក្នុងពេលឆាប់ៗនេះ តាមរយៈការចាប់ឆ្នោត។ ឯកឧត្តមបានបន្ថែមថា កន្លងមកមានប្រជាពលរដ្ឋ និងឈ្មួញមួយចំនួន បានរំលោភយកដីសម្បទានសង្គមកិច្ចដោយខុសច្បាប់។ ដូច្នេះ ដើម្បីដោះស្រាយបញ្ហានេះ អជ្ញាធរនឹងចាប់ផ្ដើមបញ្ជូនគ្រឿងចក្រដើម្បីកាយព្រំដី នៅពេលឆាប់ៗនេះ។ លើសពីនេះ រដ្ឋបាលខេត្តកំពង់ធំក៏បានបេ្តជ្ញាថានឹងរឹតបណ្តឹងការរំលោភយកដីសម្បទានសង្គមកិច្ចនេះ ដោយនឹងទាមទារមកជាសម្បត្តិរដ្ឋវិញ ដើម្បីរៀបចំបែងចែកជូនដល់អតីតយុទ្ធជន។
អានបន្ថែម
រដ្ឋកំពុងត្រៀមដាក់ស្នើភ្នំមួយនៅខេត្តព្រះវិហារ ឱ្យទៅជាបេតិកភណ្ឌពិភពលោករបស់ UNESCO
អន្តរក្រសួង កំពុងត្រៀមស្នើទៅអង្គការយូណេស្កូ ដើម្បីដាក់ភ្នំត្បែងនៅព្រះវិហារ ឱ្យទៅជាតំបន់បេតិកភណ្ឌពិភពលោក។ នេះបើយោងលោក នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថាន ក្នុងឱកាសចុះពិនិត្យទីតាំងកាលពីថ្ងៃទី ២៩ – ៣១ ខែមករា កន្លងមកនេះ។ លោក ភក្ត្រា បានឱ្យដឹងថា៖ «ក្រោយចុះសិក្សាយ៉ាងលម្អិត តំបន់បេតិកភណ្ឌធម្មជាតិភ្នំត្បែងនេះ គឺជាទីតាំងដែលរដ្ឋជ្រើស ក្នុងចំណោមទីតាំង ៣ ផ្សេងទៀត រួមមានព្រែកកាំពី ព្រែកប្រសព្វ និងតំបន់ត្មាតប៉ើយ»។ លោកបន្តថា៖ «មូលហេតុដែលអ្នកជំនាញជ្រើសរើសភ្នំត្បែងនេះ ដោយសារតែ ទីនេះជាកន្លែងទីសក្ការៈ សម្បូរដោយជីវចម្រុះ និងជាតំបន់ទេសចរណ៍មានសក្កានុពល»។ បើយោងតាមប្រភពដដែល មកទល់បច្ចុប្បន្ន ក្រុមអ្នកបច្ចេកទេសបានចងក្រងនូវឯកសារមួយចំនួនរួចហើយ និងកំពុងតែបន្តបន្ថែមទៀត ដើម្បីឱ្យគ្រប់ជ្រុងជ្រោយ មុនដាក់ទៅយូណេស្កូ។ គួរបញ្ជាក់ផងដែរថា តំបន់បេតិកភណ្ឌធម្មជាតិភ្នំត្បែង បានបង្កើតឡើងកាលពីថ្ងៃទី១៣ ខែកញ្ញា ឆ្នាំ២០១៦។ តំបន់នេះមានទេសភាពស្រស់ស្អាត និងសម្បូរដោយជីវចម្រុះ ដោយគ្របដណ្ដប់លើផ្ទៃដីប្រមាណ ២ម៉ឺន ៥ពាន់ហិកតា ពោលគឺស្ថិតនៅជាប់ស្រុក ៤ គឺស្រុកសង្គមថ្មី ស្រុករវៀង ស្រុកគូលែន និងក្រុងព្រះវិហារ។
អានបន្ថែម
ស្ពានបុរាណអាយុកាលជិត ៩០០ឆ្នាំ នៅខេត្តសៀមរាប នឹងជួសជុលរួច នាខែមិថុនាខាងមុខ
ស្ពានតាអោង ឬ តាអុង ដែលស្ពានបុរាណអាយុកាលជិត៩០០ឆ្នាំ នៅស្រុកជីក្រែង ខេត្តសៀមរាប ត្រូវបានបើកការដ្ឋានជួសជុលជាលើកដំបូង កាលពីថ្ងៃទី១៥ ខែមករា ឆ្នាំ២០២១ ហើយបើយោងតាមអ្នកជំនាញនៃអាជ្ញាធរជាតិអប្សរា ការដ្ឋានគ្រោងនឹងបញ្ចប់នៅខែមិថុនា ខាងមុខនេះ។ លោក ពុទ្ធ សុទ្ធ មន្ត្រីនាយកដ្ឋានអភិរក្សប្រាសាទក្រៅឧទ្យានអង្គរ និងជាប្រធានគម្រោងជួសជុលស្ពានតាអោងឱ្យដឹងថា ស្ពាននេះ មានបណ្តោយប្រវែង៧០ម៉ែត្រ ទទឹង១៣ម៉ែត្រ និងមានរន្ធត្រដេវចំនួន១៤។ លោកថា ជាជំហានដំបូង អាជ្ញាធរជាតិអប្សរាផ្តើមគម្រោងជួសជុលដំណាក់កាលទី១ ចំនួន ២ចំណុចសំខាន់ៗ គឺនៅជញ្ជាំងស្ពានផ្នែកខាងជើងដែលបានរលុះធ្លាក់ និងមានរហែកធំចេញក្រៅប្រឈមនឹងការរលុះធ្លាក់។ ជាមួយគ្នានេះ ក្រុមការងារនឹងធ្វើសម្រង់ប្លង់ ចុះបញ្ជីថ្ម ការជួសជុលថ្ម ការរៀបចំពង្រឹងជើងសសរថ្មដែលរលុះធ្លាក់ឡើងវិញ ការបង្ហាប់ដីកន្លែងច្រោះនៅគល់ស្ពានខាងលិច និងការរៀបចំបង្កាន់ដៃនាគដាក់ចូលតាមទីតាំងដើមឡើងវិញ។ គួរបញ្ជាក់ថា គម្រោងជួសជុលស្ពានបុរាណនេះ គឺបានប្រើថវិកាមូលនិធិរបស់អាជ្ញាធរជាតិអប្សរា ហើយនឹងបញ្ចប់គម្រោងនៅខែមិថុនា ឆ្នាំ២០២១៕
អានបន្ថែម
ស្ថានីយប្រព្រឹត្តិកម្មទឹកកខ្វក់តម្លៃជាង ១៤០ លានដុល្លារ នៅខេត្តព្រះសីហនុសម្រេចបាន ៤៨% ហើយ
គម្រោងសាងសង់ស្ថានីយប្រព្រឹត្តិកម្មទឹកកខ្វក់ តម្លៃជាង ១៤០ លានដុល្លារ នៅខេត្តព្រះសីហនុ មកទល់បច្ចុប្បន្នសម្រេចបាន ៤៨% ហើយ។ នេះបើតាមការលើកឡើងរបស់អភិបាលក្រុងព្រះសីហនុ លោកអ៊ី សុខឡេង កាលពីថ្ងៃទី ១៤ មករា។ ថ្លែងក្នុងសន្និសីទសារព័ត៌មានស្ដីពី វឌ្ឍនភាពមូលដ្ឋានឃុំ សង្កាត់ និងទិសដៅការងារបន្ត លោក អ៊ី សុខឡេង បានមានប្រសាសន៍ថា៖ «មូលហេតុនៃកសាងស្ថានីយប្រព្រឹត្តិកម្មនេះ គឺដើម្បីសម្អាតទឹកកខ្វក់ ដែលហូរចេញពីទីតាំងរបស់ប្រជាពលរដ្ឋ មុននឹងហូរចូលទៅសមុទ្រ»។ លោកបន្ថែមទៀតថា ស្ថានីយព្រឹត្តិកម្មទឹកកខ្វក់នេះ នឹងមានសមត្ថិភាពសម្អាតទឹកកខ្វក់ក្នុងមួយថ្ងៃបាន ១២,៤០០ ម៉ែត្រគូប។ គួររំលឹកផងដែរថា គម្រោងនេះកំពុងអនុវត្តដោយក្រុមហ៊ុន BUCG ហើយបើយោងតាមការសិក្សាផែនការមេ គម្រោងនេះនឹងត្រូវអនុវត្តជា ៣ ដំណាក់កាល គឺ ដំណាក់កាលទី១ ពីឆ្នាំ២០១៩ ដល់២០២១ ដំណាក់កាលទី២ ពីឆ្នាំ ២០២១ ដល់ ២០២៣ និង ដំណាក់កាលទី៣ ពីឆ្នាំ ២០២៣ ដល់ ២០៣០។ ដោយឡែក ទុនវិនិយោគប៉ាន់ស្មានសម្រាប់ដំណាក់កាលទី […]
អានបន្ថែម
ក្រសួងសាធារណការសហការជាមួយសាលាតិចណូ បង្កើតវិទ្យាស្ថានជំនាញធ្វើផ្លូវ-ស្ពានជាលើកដំបូងនៅកម្ពុជា
ក្រសួងសាធារណការ និងដឹកជញ្ជូន សហការជាមួយវិទ្យាស្ថានបច្ចេកវិទ្យាកម្ពុជា (តិចណូ) បង្កើតវិទ្យាស្ថានបណ្តុះបណ្តាលជំនាញសាធារណការ និងដឹកជញ្ជូន ជាលើកដំបូងនៅកម្ពុជា ដោយផ្ដោតសំខាន់លើការបណ្តុះបណ្តាលជំនាញសាងសង់ផ្លូវ និងស្ពាន។ ពិធីចុះអនុស្សារណៈយោគយល់គ្នា ធ្វើឡើងកាលថ្ងៃទី ១២ ខែមករា នេះ ក្រោមអធិបតីភាព ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន និងឯកឧត្តម ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា។ ឯកឧត្តម ស៊ុន ចាន់ថុល បានលើកឡើងថា៖ «បច្ចុប្បន្នព្រោះតែខ្វះអ្នកជំនាញបច្ចេកទេសរាល់ពេលសាងសង់ផ្លូវ ស្ពាន តែងតែជួលបរទេសមកសាងសង់។ ដូច្នេះវិទ្យាស្ថាននេះ នឹងរួមចំណែកបណ្តុះបណ្តាលកូនខ្មែរក្នុងការសាងសង់ផ្លូវ ស្ពាន ដោយមិនពឹងតែលើអ្នកជំនាញបរទេស»។ វិទ្យាស្ថាននេះ មានឈ្មោះថា «វិទ្យាស្ថានតេជោសែន សាធារណការ និងដឹកជញ្ជូន» ដែលមានសមាសភាពអាចផ្ទុកមនុស្សបាន យ៉ាងតិច ៦០០នាក់ ប៉ុន្តែបច្ចុប្បន្ន ខាងក្រសួងក៏ដូចជាវិទ្យាស្ថានជ្រើសយកសិស្សនិស្សិតតែ ២០០នាក់សិន។ ឯកឧត្តមបានបន្តទៀតថា៖ «ពួកយើងនឹងបើកដំណើរការនៅខែក្រោយនេះហើយ ព្រោះយើងកំពុងរង់ចាំសិស្សនិស្សិតវិទ្យាស្ថានបច្ចេកវិទ្យាកម្ពុជា ឬ តិចណូ នេះ […]
អានបន្ថែម
សាលាក្រុងនឹងចាត់វិធានការលើអ្នកលប់ប្រឡាយយកដីធ្វើផ្ទះខុសច្បាប់ ឆាប់ៗនេះ ពិសេសនៅភាគខាងលិចនៃក្រុងភ្នំពេញ
រដ្ឋបាលរាជធានីភ្នំពេញ គ្រោងចាត់វិធានការដោះស្រាយបញ្ហាអ្នកលប់ប្រឡាយយកដីធ្វើផ្ទះដោយខុសច្បាប់ ក្នុងពេលឆាប់ៗនេះ ជាពិសេសនៅភាគខាងលិចនៃក្រុងភ្នំពេញ ក្រោយសម្រេចដាក់ចេញផែនការស្តារប្រឡាយចំនួន ១២ខ្សែ ឡើងវិញដើម្បីរំដោះទឹក និងបង្កាទឹកជំនន់នៅរដូវវស្សាឆ្នាំក្រោយ។ ការប្រកាសគម្រោងស្តារប្រឡាយទឹកនេះ ធ្វើឡើងនៅក្នុងកិច្ចប្រជុំវិសាមញ្ញលើកទី២ របស់ក្រុមប្រឹក្សារាជធានី ភ្នំពេញអាណត្តិទី៣ នៅថ្ងៃទី២៤ ខែធ្នូ កន្លងមកនេះ។ អភិបាលរាជធានីភ្នំពេញ ឯកឧត្ដម ឃួង ស្រេង បានមានប្រសាសន៍ថា៖ ប្រឡាយ១២ខ្សែក្នុងចំណោមប្រឡាយសរុប៣៧ខ្សែនៅភ្នំពេញ គឺត្រូវតែស្តារឡើងវិញ ទោះរដ្ឋកំពុងជួបការលំបាកលើថវិកាដោយសារបញ្ហាកូវីដ១៩ក្ដី។ ដោយឡែក ឯកឧត្ដម មិនបានបញ្ជាក់ពីទំហំទឹកប្រាក់សម្រាប់អនុវត្តគម្រោងនេះនៅឡើយទេ។ ឯកឧត្ដម បានឱ្យដឹងទៀតថា៖ «ប្រឡាយប្រមាណ១២ខ្សែនៅប៉ែកខាងលិចរាជធានីភ្នំពេញ ត្រូវបានគេរំលោភបំពាន។ កាលពីជំនន់ទឹកភ្លៀងនាពេលកន្លងមក ពេលអាជ្ញាធរចុះទៅកាយស្តារប្រឡាយរំដោះទឹក គឺសុទ្ធតែដីមានកម្មសិទ្ធរបស់គេទៅហើយ នោះហើយជាបញ្ហា។ ប៉ុន្តែរដ្ឋបាលរាជធានីភ្នំពេញនឹងខិតខំដោះស្រាយឱ្យអស់លទ្ធភាពដែលមាន»។ នារដូវវស្សាកន្លងទៅនេះ នៅរាជធានីភ្នំពេញ មានតំបន់មួយចំនួនរងផលប៉ះពាល់យ៉ាងខ្លាំង ដោយសារជំនន់ទឹកភ្លៀង ពិសេសក្នុងខណ្ឌពោធិ៍សែនជ័យ និងខណ្ឌកំបូល។ គួរបញ្ជាក់ផងដែរថា ជារួមជំនន់ទឹកភ្លៀងកាលពីតុលាកន្លងមកនេះ បានធ្វើឱ្យខូចខាតហេដ្ឋារចនាសម្ព័ន្ធនានាសរុបប្រមាណជាង ៣០០០ គីឡូម៉ែត្រទូទាំងប្រទេស ហើយរដ្ឋាភិបាលកម្ពុជាក៏បានប៉ាន់ប្រមាណថា នឹងត្រូវការថវិកាប្រមាណ ៩១ លានដុល្លារអាមេរិក ដើម្បីជួសជុលផ្លូវទាំងនេះ។ (អានបន្ថែម)
អានបន្ថែម
អឺរ៉ុបផ្ដល់ហិរញ្ញប្បទាន ១១៥លានដុល្លារដល់កម្ពុជាដើម្បីអភិវឌ្ឍន៍ហេដ្ឋារចនាសម្ព័ន្ធជនបទ
ធនាគារអភិវឌ្ឍន៍អាឡឺម៉ង់ ទីភ្នាក់ងារអភិវឌ្ឍន៍បារាំង (AFD) និងសហភាពអឺរ៉ុប កាលពីថ្មីៗនេះ រួមគ្នាផ្តល់ហិរញ្ញប្បទានសរុប ១១៥លានដុល្លារ ដល់កម្ពុជាដើម្បីអភិវឌ្ឍន៍ហេដ្ឋារចនាសម្ព័ន្ធជនបទតាមបណ្ដាខេត្តនានា នៅភាគកណ្តាលនៃប្រទេស។ កិច្ចព្រមព្រៀងហិរញ្ញប្បទាននេះ ត្រូវបានចុះហត្ថលេខាដោយតំណាងរាជរដ្ឋាភិបាលកម្ពុជា ធនាគារអភិវឌ្ឍន៍អាឡឺម៉ង់ AFD និងសហភាពអឺរ៉ុប។ នេះបើយោងតាមសេចក្តីប្រកាសព័ត៌មានរបស់សហភាពអឺរ៉ុប ចេញផ្សាយកាលពីដើមសប្តាហ៍នេះ។ គម្រោងហិរញ្ញប្បទាននេះ មានឈ្មោះថា RID4CAM ដែលមានគោលបំណងលើកកម្ពស់បណ្តាញផ្លូវនៅខេត្តភាគកណ្តាលនៃប្រទេសកម្ពុជា និងលើកស្ទួយវិស័យទឹកស្អាត អនាម័យ កសិកម្ម សុខាភិបាល និងវិស័យអប់រំ ផងដែរ។ សេចក្តីប្រកាសព័ត៌មានក៏បានបញ្ជាក់ទៀតថា ហិរញ្ញប្បទាននេះ ក៏រួមបញ្ជូលហិរញ្ញប្បទានឥតសំណងផងដែរ។ អគ្គរដ្ឋទូតអាឡឺម៉ង់ប្រចាំនៅកម្ពុជា Christian Berger លើកឡើងថា ហិរញ្ញប្បទាននេះនឹងចូលរួមលើកកម្ពស់ និងសម្រួលដល់ការធ្វើដំណើររបស់ប្រជាពលរដ្ឋ តាមរយៈការស្តារ ឡើងវិញនូវផ្លូវដែលរងការខូចខាតពីទឹកជំនន់។ លោកថ្លែងថា៖ «ទឹកជំនន់នាពេលថ្មីៗនេះបានបង្ហាញថា វាពិតជាមានសារៈសំខាន់ណាស់ ក្នុងការកសាងផ្លូវថ្នល់មានភាពធន់នឹងការប្រែប្រួលអាកាសធាតុធ្ងន់ធ្ងរ។ ផ្លូវជនបទគឺជាអាយុជីវិតសេដ្ឋកិច្ចដ៏សំខាន់សម្រាប់ប្រជាជនប្រមាណ ៧០%នៅកម្ពុជា។ ខ្ញុំមានមោទនភាពណាស់ ដែលប្រទេសអាល្លឺម៉ង់ចូលរួមជាមួយប្រទេសបារាំង និងសហភាពអឺរ៉ុបដើម្បីចូលរួមចំណែកអភិវឌ្ឍហេដ្ឋារចនាសម្ព័ន្ធជនបទដែលធន់នឹងអាកាសធាតុ។ ផ្លូវទាំងនេះនឹងធានាដល់ការធ្វើដំណើរទៅកាន់ទីផ្សារ សាលារៀន និងមណ្ឌលសុខភាព ក្នុងអំឡុងពេលជួបគ្រោះធម្មជាតិម្តងៗ»។ គួរបញ្ជាក់ផងដែរថា ជំនន់ទឹកភ្លៀងកាលពីតុលាកន្លងមកនេះ បានធ្វើឱ្យខូចខាតហេដ្ឋារចនាសម្ព័ន្ធនានាសរុបប្រមាណជាង ៣០០០ គីឡូម៉ែត្រទូទាំងប្រទេស […]
អានបន្ថែម
ប្រធានសមាគមអ្នកសាងសង់កម្ពុជាបរិច្ចាគ ៣ លានដុល្លារ ដើម្បីទិញវ៉ាក់សាំងកូវីដ
ថវិកាបរិច្ចាគ ៣លានដុល្លារ ដើម្បីទិញវ៉ាក់សាំងពីអ្នកឧកញ៉ា ពុង ឃាវសែ គ្រាន់តែជាផ្នែកតូចមួយប៉ុណ្ណោះក្នុងចំណោមជំនួយជាច្រើនទៀតដែល សមាគមអ្នកសាងសង់កម្ពុជា កាណាឌីយ៉ាគ្រុប និងក្រុមហ៊ុន OCIC បានជួយដល់រដ្ឋាភិបាលដោះស្រាយបញ្ហាកូវីដដោយផ្ទាល់ និងដោយប្រយោលតាមរយៈគម្រោងធំៗតម្លៃរាប់ពាន់លានដុល្លារជាច្រើន។ អ្នកឧកញ៉ា ពុង ឃាវសែ ជាប្រធានសមាគមអ្នកសាងសង់កម្ពុជា និងជាប្រធានក្រុមប្រឹក្សាភិបាលធនាគារកាណាឌីយ៉ា ក៏ដូចជាក្រុមហ៊ុន OCIC កាលពីព្រឹកថ្ងៃទី ៨ ធ្នូ នេះ បានបរិច្ចាគថវិកា ៣លានដុល្លារ ជូនសម្តេចតេជោ ហ៊ុន សែន នាយករដ្ឋមន្ត្រីកម្ពុជា ដើម្បីទិញវ៉ាក់សាំងកូវីដ១៩ ចាក់ជូនប្រជាពលរដ្ឋដោយឥតគិតថ្លៃ។ ដូចដែលបានលើកឡើងខាងលើនេះ មិនមែនជាលើកទីមួយទេ ដែលអ្នកឧកញ៉ា ពុងឃាវសែ ផ្ទាល់បានចូលរួមចំណែកជួយដល់ប្រទេសជាតិ។ ក្នុងអំឡុងពេលនៃការផ្ទុះជំងឺកូវីដដំបូង អ្នកឧកញ៉ាក៏បានបរិច្ចាគថវិកាចំនួន ៥០០ ០០០ ដុល្លារដល់រដ្ឋាភិបាលផងដែរ ដែលចាត់ទុកថាជាការជួយដោយផ្ទាល់។ ក្រៅពីការបរិច្ចាគដោយផ្ទាល់ សមាគមអ្នកសាងសង់កម្ពុជា កាណាឌីយ៉ាគ្រុប និងក្រុមហ៊ុន OCIC ក៏បានចូលរួមចំណែកយ៉ាងសកម្ម និងជាបន្តបន្ទាប់ ជួយជំរុញសេដ្ឋកិច្ចកម្ពុជាតាមរយៈគម្រោងធំៗតម្លៃរាប់ពាន់លានដុល្លារជាច្រើន។ ទោះបីមានវិបត្តិកូវីដក្ដី មិនមានគម្រោងណាមួយដែលគ្រប់គ្រងដោយក្រុមហ៊ុន OCIC ត្រូវបានពន្យារពេលនោះទេ តែផ្ទុយទៅវិញបន្តបង្កើតការងារកាន់តែច្រើន។ […]
អានបន្ថែម
ក្រសួងសារធារណការនឹងស្វែងរកថវិកាមកជួសជុលផ្លូវខូចខាតដោយជំនន់ជាង ៤០០គ.ម
ក្រសួងសារធារណការ និងដឹកជញ្ជូន នឹងស្វែងរកថវិកាមកជួសជុលហេដ្ឋារចនាសម្ព័ន្ធទាំងឡាយដែលខូចខាតដោយសារទឹកជំនន់ ដែលមកដល់បច្ចុប្បន្នមានប្រវែងជាង ៤០០ គីឡូម៉ែត្រទូទាំងប្រទេស។ នេះបើយោងតាមការឱ្យដឹងពី ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ក្នុងពេលពិនិត្យស្ថានភាពផ្លូវជាតិដែលរងផលប៉ះពាល់ដោយជំនន់ទឹកភ្លៀង កាលពីថ្ងៃទី ១៩ តុលា នេះ។ ឯកឧត្តមបានមានប្រសាសន៍ថា៖ «របាយការណ៍ ដែលខ្ញុំទទួលបានចុងក្រោយបង្អស់ហ្នឹង គឺថ្ងៃទី ១៧។ ផ្លូវ ១២៣ ខ្សែ ៣០៨ កំណាត់ ហើយខូចខាត ៤០០ គីឡូម៉ែត្រ នៅក្នុងនោះដីក្រហមប្រហែលជា ១៤០ គីឡូម៉ែត្រ ហើយក្រៅពីហ្នឹងជាដីកៅស៊ូរបស់យើង»។ ឯកឧត្តមបានបន្តថា៖ «យើងនឹងស្វែងរកថវិកាមកជួសជុលបន្ទាន់ អាចជាថវិកាជាតិ ឬ ថវិកាពីដៃគូអភិវឌ្ឍន៍យើង ក៏អាចចូលរួមដោះស្រាយបញ្ហាប៉ះពាល់ផ្លូវថ្នល់របស់ពួកយើង។» បច្ចុប្បន្ន ក្រសួងសារធារណការ និងដឹកជញ្ជូន កំពុងចាត់វិធានការមួយចំនួនរួមមានដូចជា ការទប់ទឹកមិនឱ្យហូរលើផ្លូវ ការបង្អាកចរាចរណ៍ និងរថយន្តដឹកទំនិញធំៗឆ្លងកាត់ផ្លូវ។ ឯកឧត្តម ក៏បានបញ្ជាក់ថា សម្រាប់ម៉ោង ១២ យប់នេះ ខាងក្រសួង នឹងបើកឱ្យមានចរាចរណ៍ឡើងវិញហើយចំពោះផ្លូវជាតិលេខ ៤។ […]
អានបន្ថែម