កិច្ចការសង្គម និងការចូលរួម
គម្រោងពង្រីកកែលម្អផ្លូវជុំវិញប្រាសាទអង្គរធំគ្រោងនឹងបញ្ចប់នៅខែមីនានេះ
គម្រោងពង្រីក និង កែលម្អផ្លូវជុំវិញអង្គរធំ មានចំនួន២ កំណាត់ចាប់ពីប្រាសាទប្រែរូបដល់មុខប្រាសាទបន្ទាយក្តី ក្រោមកិច្ចប្រតិបត្តិការរបស់អាជ្ញាធរជាតិអប្សរា គ្រោងនឹងបញ្ចប់នៅខែមីនានេះហើយ ដែលនេះជាសម្មិទ្ធិផលថ្មីមួយទៀតសម្រាប់ការពង្រឹងវិស័យទេសចរណ៍នៅក្នុងខេត្តសៀមរាប។ បើយោងតាមរបាយការណ៍របស់អាជ្ញាធរជាតិអប្សរា គម្រោងកែលម្អផ្លូវនេះមានប្រវែងសរុប ២៤៧៦ ម៉ែត្រ បែងចែកជា ២ដំណាក់កាល និង ២កំណាត់ ដោយកំណាត់ទី១ គឺចាប់ពីប្រាសាទប្រែរូប មកស្រះស្រង់ ដែលមានប្រវែង ១០៧៦ម៉ែត្រ និងកំណាត់ទី២ ពីស្រះស្រង់ដល់មុខប្រាសាទបន្ទាយក្តី មានប្រវែង ១៤០០ម៉ែត្រ។ ប្រភពដដែលបានបញ្ជាក់ទៀតថា ការពង្រីកផ្លូវនេះគឺ មានទទឹងចាប់ពី ៦ ម៉ែត្រ ទៅ ៩ម៉ែត្រ ទៅតាមស្ថានភាពជាក់ស្តែង។ គួរបញ្ជាក់ថា គម្រោងនេះបានបើកការដ្ឋានសាងសង់កាលពីខែមករាកន្លងមកនេះ ដែលបច្ចុប្បន្នសហគ្រាសរាជសីដែលជាក្រុមហ៊ុនទទួលបន្ទុកអនុវត្តលើគម្រោងនេះ បានបញ្ចប់ការងារអ៊ុតបេតុងកៅស៊ូរួចរាល់ហើយចំពោះកំណាត់ទី១ ពោលគឺពីប្រាសាទប្រែរូបមកស្រះស្រង់ រីឯកំណាត់ទី២ កំពុងតែបង្ហាប់គ្រឹះ ហើយគ្រោងនឹងបញ្ចប់ក្នុងខែមីនាខាងមុខនេះ។ ឯកឧត្តម យិត ចាន់ដារដ្ឋ អគ្គនាយករងអាជ្ញាធរជាតិអប្សរា បានឱ្យដឹងថា ការជួសជុលកែលម្អផ្លូវនេះ គឺដើម្បីឱ្យផ្លូវមានសោភ័ណភាពល្អស្អាត និងសម្រួលដល់ការធ្វើដំណើររបស់បងប្អូនប្រជាពលរដ្ឋ និងភ្ញៀវទេសចរណ៍។
អានបន្ថែម
មនុស្សស្លាប់និងរបួសចំនួន៥៩នាក់ក្នុងគ្រោះថ្នាក់បាក់រលំអគារក្នុងខេត្តកែបបណ្តាលមកពីហេតុផល២
ក្រោយប្រតិបត្តិការសង្គ្រោះអស់រយៈពេលជាង៤៣ម៉ោងរួចមក ចំនួនមនុស្សស្លាប់និងរបួសដោយសារគ្រោះថ្នាក់បាក់រលំអគារក្នុងខេត្តកែប បានកើនឡើងដល់ចំនួន ៥៩នាក់ ហើយមូលចម្បងដែលធ្វើឱ្យអគារនេះរលំបាក់ គឺបណ្តាលមកពីហេតុផល២យ៉ាង នេះបើយោងតាមសន្និសីទកាសែតថ្លែងដោយ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា។ តាមការបញ្ជាក់របស់សម្តេចតេជោ ហ៊ុន សែន គ្រោះថ្នាក់បាក់រលំអគារដែលមានទីតាំងស្ថិតនៅភូមិកែប សង្កាត់កែប ក្រុងកែប ខេត្តកែប កាលពីថ្ងៃទី៣ ខែ មករា បានឆក់យកជីវិតមនុស្សចំនួន ៣៦នាក់ (ស្រី១៤នាក់) និងបណ្តាលឲ្យមនុស្សចំនួន២៣នាក់ផ្សេងទៀតរងរបួស ក្នុងនោះ ប្រុស១៥ នាក់ និងស្រី៨នាក់។ ខណៈសម្តែងការសោកស្តាយចំពោះជនរងគ្រោះក្នុងហេតុការណ៍នេះ សម្តេចតេជោ ហ៊ុន សែន ក៏បានបញ្ជាក់ពីហេតុផលបឋមចំនួនពីរយ៉ាងដែលបានបណ្តាលឲ្យអគារកម្ពស់៧ជាន់សម្រេចការសាងសង់ជាង៩០ភាគរយនេះត្រូវបាក់រលំផងដែរ។ សម្តេចថ្លែងថា៖ «ទីមួយគឺផ្នែកខាងគូសប្លង់ ដែកទំហំប៉ុននេះៗ!! គឺមេការសាងសង់ដាក់ដែកខុស បានសេចក្តីថា ដែកតូចជាងកម្រិតបច្ចេកទេសដែលគេផ្តល់។ អាហ្អឹងគឺជាកំហុសទីមួយទៅហើយ កំហុសទី២គឺទាក់ទិននឹងបញ្ហាប្លង់សេ គេត្រូវការ២៧ ទៅ២៨ថ្ងៃទើបអាចដកក្តារពុម្ភបាន ក៏ប៉ុន្តែ តាមដែលយើងទទួលព័ត៌មាន ត្រឹមមិនដល់១០ថ្ងៃទេ គាត់ដកក្តារពុម្ពចេញតែម្តង ដើម្បីឈានឡើងទៅចាក់ជាន់ខាងលើ»។ តាមការលើកឡើងបន្តរបស់សម្តេច មេការសំណង់ដែលបង្កការធ្វេសប្រហែសក្នុងកិច្ចការងារសាងសង់អគារខាងលើនេះ បានស្លាប់បាត់បង់ជីវិតជាមួយនឹងកូនក្នុងហេតុការគ្រោះថ្នាក់ខាងលើនេះ ក៏ប៉ុន្តែចំណាត់ការតាមផ្លូវច្បាប់គឺនៅតែមានបន្តសម្រាប់ម្ចាស់សំណង់ដែលបច្ចុប្បន្ននេះ អាជ្ញាធរបានធ្វើការឃាត់ខ្លួនរួចហើយនោះ។ ឆ្លើយតបទៅនឹងមតិរិះគន់ចំពោះការទទួលខុសត្រូវរបស់អភិបាលខេត្តកែបក្នុងរឿងនេះ […]
អានបន្ថែម
រូបសំណាក់សក្ការៈបូជាកម្ពស់ជាង៥៤ ម៉ែត្រនឹងត្រូវសាងសង់នៅជិតប្រាសាទអង្គរវត្ត
មេដឹកនាំឥណ្ឌាផ្នែកជំនឿសាសនាហិណ្ឌូបានប្រកាសសាងសង់រូបសំណាក់មួយដែលមានកំពស់ ១៨០ ហ្វីត ឬ ប្រមាណជាង ៥៤ ម៉ែត្រ ដែលនឹងក្លាយជាទីសក្ការៈបូជាព្រហ្មញ្ញសាសនាឬហិណ្ឌូ ស្ថិតនៅក្បែរកន្លែងតំបន់ទេសចរណ៍អង្គរវត្ត ខេត្តសៀមរាប នេះបើយោងតាមការចុះផ្សាយរបស់សារព័ត៌មាន India Times ។ រូបសំណាករបស់ព្រះសិវៈនេះ នឹងក្លាយជាទីសក្ការៈបូជារបស់សាសនាហិណ្ឌូដែលមានតម្លៃម្រមាណជា ៥ លានរូពីឬស្នើទៅនឹង ៦៩,៧៨២ ដុល្លារអាមេរិក។ មេដឹកនាំឥណ្ឌាផ្នែកជំនឿសាសនាហិណ្ឌូ លោក Guruji Kumaran Swami ត្រូវបានដកស្រង់សម្តីដោយសារព័ត៌មាន India Times ថា ទីសក្ការៈបូជាព្រះសិវៈនឹងមានចំងាយ ៣០ គីឡូម៉ែត្រពីប្រាសាទអង្គរវត្ត ដែលជាប្រាសាទព្រះវិស្ណុដ៏ធំបំផុត។ ដោយបញ្ជាក់ថា ការស្ថាបនាមូលដ្ឋានគ្រឹះនៃរូបសំណាក់បានចាប់ផ្តើមរួចហើយនោះ លោក Guruji Kumaran Swami បានមានប្រសាសន៍ថា គំនិតនៃការបង្កើតនេះ គឺចង់អោយមនុស្សដែលមកទស្សនាទីសក្ការៈបូជារបស់ព្រះវិស្ណុនៅអង្គរវត្ត នឹងអាចទៅទស្សនារូបសំណាករបស់ព្រះសិវៈផងដែរ។ សម្រាប់អ្នកដែលជឿទៅលើសាសនាហិណ្ឌូ វាគឺមានសារៈសំខាន់ខ្លាំងណាស់ក្នុងការបានទៅទស្សនាទីសក្ការៈបូជា យ៉ាងហោចណាស់ក្នុងមួយជីវិតឲ្យបានម្តង។ តាមរយៈជំនឿបែបនេះ គគេរំពឹងថានឹងអាចជួយទាក់ទាញភ្ញៀវទេសចរ និងលើកកម្ពស់ព្រហ្មញ្ញសាសនា។ ប្រាសាទអង្គរវត្ត គឺជាទិសដៅទេសចរណ៍ដ៏ទាក់ទាញបំផុតរបស់ប្រទេសកម្ពុជា។ ទីតាំងនេះត្រូវបានសាងសង់ឡើងជាប្រាសាទព្រហ្មញ្ញសាសនាឧទ្ទិសដល់ព្រះវិស្ណុនៃចក្រភពខ្មែរ។
អានបន្ថែម
អ្នកឧកញ៉ា ពុង ឃាវសែ ទទួលបានសញ្ញាប័ត្របណ្ឌិតកិត្តិយសពីរាជបណ្ឌិត្យសភាកម្ពុជា
នៅក្នុងពិធីសម្ពោធអគារឥន្រ្ទទេវីរបស់រាជបណ្ឌិត្យសភាកម្ពុជា កាលពីថ្ងៃទី២១ ខែវិច្ឆិកា សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានអញ្ជើញជាអធិបតីភាព ដ៏ខ្ពង់ខ្ពស់ក្នុងពិធីសម្ពោធដាក់ឱ្យប្រើប្រាស់ជាផ្លូវការអគារឥន្ទ្រទេវី នៃរាជបណ្ឌិត្យសភាកម្ពុជា នៅក្នុងឱកាសខួប២០ឆ្នាំនៃការបង្កើតរាជបណ្ឌិត្យសភាកម្ពុជា ជាមួយគ្នានេះ សម្តេចតេជោ ហ៊ុន សែន ក៏បានប្រកាសផ្តល់គោរមងារកិត្តិយសជូនដល់គោរមវន្តចំនួន៦រូប ព្រមទាំងប្រគល់សញ្ញាបត្រកិត្តិបណ្ឌិតជូនឥស្សរជនចំនួន៣រូប និងប្រគល់សញ្ញាបត្រជូនជ័យលាភីថ្នាក់បណ្ឌិត និងថ្នាក់បរិញ្ញាបត្រជាន់ខ្ពស់នៃរាជបណ្ឌិត្យសភាកម្ពុជាសរុបចំនួន១១រូបផងដែរ។ ក្នុងនាមរាជបណ្ឌិត្យសភាកម្ពុជា សម្តេចតេជោ ហ៊ុន សែន បានប្រគល់សញ្ញាប័ត្រកត្តិបណ្ឌិត ផ្នែករដ្ឋបាលធុរកិច្ច ជូនដល់អ្នកឧកញ៉ា ពុង ឃាវសែ ដែលជាវិនិយោគិនដ៏ល្បីល្បាញ ដោយទទួលស្គាល់នូវការចូលរួមចំណែកដ៏ធំធេងរបស់អ្នកឧកញ៉ា ក្នុងការអភិវឌ្ឍន៍សេដ្ឋកិច្ចសង្គមកម្ពុជា។ សម្តេចតេជោ បានមានប្រសាសន៍ថា “អគារឥន្ទ្រទេវី ជាសមិទ្ធផលថ្មីមួយសម្រាប់រាជបណ្ឌិត្យសភាកម្ពុជា និងកន្លែងប្រមូលផ្តុំដោយធនធានបញ្ញា សម្រាប់បម្រើការងារជាឧត្តមប្រយោជន៍ដល់សង្គមជាតិ”។ គួរបញ្ជាក់ផងដែរថា អគារឥន្រ្ទទេវី គឺជាអំណោយដ៏ថ្លៃថ្លារបស់សម្ដេចតេជោ ហ៊ុន សែន ផ្ដល់ជូនរាជបណ្ឌិត្យសភាកម្ពុជា តាមរយៈអ្នកឧកញ៉ា ពុង ឃាវសែ ដែលបានចំណាយថវិកាក្នុងការសាងសង់ ក្នុងទឹកប្រាក់ចំនួនជាង ១,៥៤លានដុល្លារ។ អ្នកឧកញ៉ា ពុង ឃាវ សែ បច្ចុប្បន្នជាប្រធានក្រុមប្រឹក្សាភិបាលនៃធនាគារកាណាឌីយ៉ា និងក្រុមហ៊ុនវិនិយោគទុនអាណិកជនកម្ពុជា […]
អានបន្ថែម
ការស្រាវជ្រាវ៖ វិស្វកម្មខុសក្នុងការគ្រប់គ្រងទឹកបានបង្ខំឱ្យស្តេចខ្មែរផ្លាស់ប្តូររាជនីពីកោះកេរ្តិ៍ទៅអង្គរ
ក្រុមអ្នកស្រាវជ្រាវបានរកឃើញថា ការធ្វើវិស្វកម្មខុសក្នុងការគ្រប់គ្រងទឹកនៅរាជធានីកោះកេរ្តិ៍របស់កម្ពុជានាសតវត្សរ៍ទី ១០ បានបណ្តាលឱ្យព្រះរាជាខ្មែរធ្វើការប្តូរទីតាំងរាជធានី ពីភាគខាងជើងនៃប្រទេសកម្ពុជា នេះបើយោងការចុះផ្សាយរបស់ eurekalert។ ការរកឃើញនេះ បានធ្វើឡើងនៅពេលដែលក្រុមអ្នកស្រាវជ្រាវដឹកនាំដោយលោកបណ្ឌិត Ian Moffat មកពីសាកលវិទ្យាល័យ Flinders ក្នុងប្រទេសអូស្រ្តាលី បានប្រើប្រាស់ប្រពន្ធ័រ៉ាដាក្រោមដីដើម្បីធ្វើជាផែនទីសម្រាប់មើលផ្ទៃខាងលើនៃការលេចធ្លាយទឹកនៅកោះកេរ្តិ៍។ តាមរយៈការប្រើប្រាស់ប្រពន្ធ័រ៉ាដានេះ ក្រុមការងារអាចយល់កាន់តែច្បាស់អំពីមូលហេតុដែលអាងស្តុកទឹកមិនដំណើរការក្នុងកំឡុងពេលនៃការប្រើប្រាស់ក្នុងឆ្នាំដំបូង ដែលនាំឱ្យពួកគេជឿជាក់ថា នេះអាចជាមូលហេតុដែលរាជធានីត្រូវបានផ្លាស់ប្តូរ។ ផ្អែកលើការសិក្សា អ្នកបុរាណវិទ្យាបានពន្យល់ថា បន្ទាប់ពីពិនិត្យមើលគំរូនៃហេដ្ឋារចនាសម្ព័ន្ធ គឺច្បាស់ណាស់ថា ទំនប់ដែលមានប្រវែង ៧ គីឡូម៉ែត្រដែលត្រូវបានរចនាឡើងដើម្បីទាញយកទឹកពីស្ទឹងគឺមិនគ្រប់គ្រាន់ដើម្បីផ្ទុកលំហូរទឹកជាមធ្យមនៅក្នុងអាងស្តុកទឹកបានឡើយ។ លោកបណ្ឌិត Moffat ត្រូវបានដកស្រង់សម្តីដោយលោក eurekalert ថា ៖ « នៅពេលនោះ ការចាប់ផ្តើមគម្រោងវិស្វកម្មសំណង់ស៊ីវិលដូចជាការកសាងប្រាសាទ ការកសាងទីក្រុងឡើងវិញ និងការអភិវឌ្ឍន៍ហេដ្ឋារចនាសម្ព័ន្ធទឹក គឺជាចំណុចសំខាន់ក្នុងការបង្កើតអំណាចរបស់ព្រះរាជាខ្មែរ» ។ លោកបណ្ឌិត Moffat បានពន្យល់បន្ថែមទៀតថា ការបរាជ័យនៃទំនប់វារីអគ្គិសនីនៅកោះកេរ្តិ៍ដែលលោកមានប្រសាសន៍ថាគឺជាគម្រោងហេដ្ឋារចនាសម្ព័ន្ធធំបំផុតនិងមានមហិច្ឆតាបំផុតនៅពេលនោះអាចជះឥទ្ធិពលយ៉ាងខ្លាំងដល់កិត្យានុភាពនៃរដ្ឋធានីអធិបតេយ្យ និងបានរួមចំណែកក្នុងការសម្រេចចិត្តឡើងវិញក្នុងការ បង្កើតអង្គរជារដ្ឋធានីនៃចក្រភពខ្មែរ។ កោះកេរ្តិ៍ គឺស្ថិតនៅចម្ងាយ ៩០ គីឡូម៉ែត្រភាគខាងជើងបែកខាងកើតនៃអង្គរ ហើយត្រូវបានបង្កើតឡើងជារាជធានីនៅពាក់កណ្តាលសតវត្សរ៍ទី ១០ នៃគ្រឹសករាជ ក្រោមស្នាព្រះហស្ថព្រះរាជាជ័យវរ្ម័នទី ៤ ។ […]
អានបន្ថែម
រដ្ឋាភិបាលកំណត់ទិសដៅលុបបំបាត់ពលកម្មកុមារនៅតាមសិប្បកម្មផលិតឡឥដ្ឋត្រឹមឆ្នាំ២០២០
រាជរដ្ឋាភិបាលកម្ពុជាបានកំណត់លុបបំបាត់ឲ្យអស់ ការប្រើប្រាស់កម្លាំងពលកម្មកុមារគ្រប់ទម្រង់នៅតាមសិប្បកម្មឡឥដ្ឋ នៅត្រឹមឆ្នាំ២០២០ខាងមុខ ខណៈការអង្គេតតាមដានធ្វើឡើងតាមបណ្តាសិប្បកម្មផលិតឥដ្ឋកន្លងមក បានរកឃើញថាមានវឌ្ឍនភាពគួរកត់សម្គាល់។ លោក វ៉េង ហៀង ប្រធាននាយកដ្ឋានការងារកុមារ នៃក្រសួងការងារ និងបណ្តុះបណ្តាលវិជ្ជាជីវៈ បានកំណត់ទិសដៅលុបបំបាត់ពលកម្មកុមារនៅតាមសិប្បកម្មផលិតឥដ្ឋឱ្យបានត្រឹមឆ្នាំ២០២០ ហើយយុទ្ធនាការខាងលើនេះ គឺជាការចូលរួមជំរុញទិសដៅនេះផងដែរ។ នេះបើយោងតាមការផ្សាយរបស់ទីភ្នាក់ងារសារព័ត៌មានកម្ពុជា AKP។ លោក វ៉េង ហៀង មានប្រសាសន៍ថា យុទ្ធនាការនេះគឺក្រុមអធិការកិច្ចចុះជាច្រើនលើកច្រើនសារមកហើយ លើកទីមួយ នៅឆ្នាំ២០០៨ លើកពីរ នៅក្នុងឆ្នាំ ២០១៦ លើកទីបី នៅឆ្នាំ២០១៩ និងយុទ្ធនាការនេះនឹងបន្ត នៅឆ្នាំ២០២០ទៀត ដើម្បីជំរុញការធានា និងការទប់ស្កាត់ពលកម្មកុមារនេះក្នុងកម្រិតមួយនៅក្នុងគ្រោះថ្នាក់សឹងតែគ្មាន ឬអាចនិយាយបានថា គ្មានពលកម្មកុមារនៅក្នុងសិប្បកម្មផលិតឥដ្ឋនោះឡើយ។ លោកបានបន្តថាការថយចុះ លក្ខខណ្ឌការងារនៅក្នុងសិប្បកម្មឥដ្ឋទាំងនោះមានភាពល្អប្រសើរ ដោយសារការប្រើប្រាស់ម៉ាស៊ីនពាក់កណ្តាលស្វ័យប្រវត្តិ និងស្វ័យប្រវត្តិដែលកាត់បន្ថយគ្រោះថ្នាក់ការងារ ទំហំផលិតកម្មមានការកើនឡើង។ លោក វ៉េង ហៀង បញ្ជាក់ថា ក្រសួងនឹងធ្វើការពិន័យ បើមានករណីណាមួយប្រើប្រាស់ពលកម្មកុមារ។ តាមការអះអាងដដែលរបស់លោក វ៉េង ហៀង ក្រសួងការងារបានខិតខំជួយកុមារដែលមានជីវភាពខ្វះខាតឲ្យបានទទួលការអប់រំនិងបានដកកុមារចេញពីសិប្បកម្មឡឥដ្ឋទាំងនោះសឹងតែគ្មានសល់។ គិតចាប់ពីឆ្នាំ ២០០៨មក កុមារប្រមាណ៣០០០នាក់ត្រូវបានដកហូត និងទប់ស្កាត់ពីការចូលរួមសកម្មភាពសេដ្ឋកិច្ចនៅសិប្បកម្មផលិតឥដ្ឋ៕ (អានបន្ថែម)
អានបន្ថែម
ពីឆ្នាំ២០១៦-២០១៩ កម្ពុជាទទួលជំនួយសរុបជាង ៥៥០ លានដុល្លារពីជប៉ុន
យោងតាមរបាយការណ៍របស់ក្រសួងសេដ្ឋកិច្ចនិងហិរញ្ញវត្ថុបានឲ្យដឹងថា ក្នុងរយៈពេល ៣ ឆ្នាំចុងក្រោយនេះ (២០១៦-២០១៩) ប្រទេសកម្ពុជាបានទទួលជំនួយអភិវឌ្ឍន៍ផ្លូវការ សរុបជាងចំនួន ៥៥០ លានដុល្លារអាមេរិក ពីប្រទេសជប៉ុន ដែលភាគច្រើននៃជំនួយនោះ គឺសម្រាប់ការស្ដារនិងអភិវឌ្ឍហេដ្ឋារចនាសម្ព័ន្ធ។ របាយការណ៍បូកសរុបនេះ បានធ្វើឡើងក្នុងជំនួបលាគ្នារវាង ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងឯកអគ្គរដ្ឋទូតជប៉ុនប្រចាំនៅកម្ពុជា ឯកឧត្តម Hidehisa Horinouchi កាលពីថ្ងៃទី ២១ សីហា កន្លងមកនេះ ក្នុងខណៈដែលឯកឧត្តម Hidehisa Horinouchi បញ្ចប់អាណត្តិនៃការបំពេញបេសកកម្មការទូតនៅកម្ពុជា។ របាយការណ៍នេះបានបង្ហាញថា ក្នុងចំណោមជំនួយសរុបទាំងអស់ មានចំនួន ១៥០ លានដុល្លារអាមេរិកដែលជាជំនួយឥតសំណងសម្រាប់ការអភិវឌ្ឍ ផ្លូវថ្នល់ ស្ពាន ការផ្គត់ផ្គង់ទឹកស្អាត និងថាមពលអគ្គិសនី ជាដើម។ ទន្ទឹមនឹងនេះ ទឹកប្រាក់ចំនួនជាង ៤០០ លានដុល្លារ គឺជាឥណទានសម្បទាន ដែលកំពុងចំណាយទៅលើគម្រោងធំៗជាច្រើនដូចជា ការស្តារនិងពង្រីកផ្លូវជាតិលេខ ៥ គម្រោងអភិវឌ្ឍន៍កំពង់ផែស្វយ័តក្រុងព្រះសីហនុ ប្រព័ន្ធធារាសាស្ត្រ បណ្តាញអគ្គិសនី ក៏ដូចជាគម្រោងអភិវឌ្ឍន៍ផ្សេងៗជាច្រើនទៀត។ គួរបញ្ជាក់ផងដែរថា […]
អានបន្ថែម
គម្រោងស្តារហេដ្ឋារចនាសម្ព័ន្ធនៅខេត្តព្រះសីហនុគ្រោងចំណាយថវិកា១០០លានដុល្លារ
ដើម្បីស្តារឡើងវិញនូវហេដ្ឋារចនាសម្ព័ន្ធ ផ្លូវថ្នល់ ប្រព័ន្ធប្រឡាយទឹក និងប្រព័ន្ធចម្រោះទឹកកង្វក់នៅក្រុងព្រះសីហនុ ថិវកាចំនួនប្រមាណជា១០០ដុល្លារអាមេរិក ត្រូវបានត្រៀមដើម្បីចំណាយលើកការងារស្តារ ហើយការបើកការដ្ឋាននឹងចាប់ផ្តើមនៅចុងខែសីហានេះ។ ឯកឧត្តម វ៉ាស៊ីម សុរិយា អ្នកនាំពាក្យក្រសួងសាធារណការ និងដឹកជញ្ជូន បានឲ្យដឹងនៅថ្ងៃអង្គារ៍នេះថា ការងារស្តារហេដ្ឋារចនាសម្ព័ន្ធជារូបវន្តនៅខេត្តព្រះសីហនុ ជាពិសេសក្រុងព្រះសីហនុ រដ្ឋាភិបាលថ្នាក់ជាតិ និងថ្នាក់ក្រោមជាតិ គ្រោងបើកការដ្ឋាននៅថ្ងៃទី២១ ឬ២២ សីហានេះ។ ឯកឧត្តម វ៉ាស៊ីម សុរិយា មានប្រសាសន៍ថា៖ «តាមរយៈប្រសាសន៍ឯកឧត្តម ទេសរដ្ឋមន្រ្តី ថវិកាជិត១០០លានដុល្លារគ្រោងចំណាយជួសជុលផ្លូវថ្នល់ ប្រឡាញបង្ហូរទឹក នៅព្រះសីហនុៗ»។ ទោះជាយ៉ាងណាក្តី អ្នកនាំពាក្យ មិនអាចបញ្ជាក់ថា ថវិកានេះ ជាថវិការបស់ក្រសួងសាធារណការ ឬរដ្ឋបាលថ្នាក់ខេត្តព្រះសីហនុឡើយ។ គួរបញ្ជាក់ថា ខេត្តព្រះសីហនុ កំពុងមានសន្ទុះខ្លាំងលើការវិនិយោគ ដែលភាគច្រើនវិនិយោគដោយជនជាតិ ចិន។ ស្របពេលដែលការវិនិយោគកើនឡើងយ៉ាងគំហុកនេះ ដែលបានប្រែមុខមាត់ថ្មីសម្រាប់ខេត្តឆ្នេរសមុទ្រមួយនេះ តែក៏មានការរិះគន់របស់មតិសាធារណៈ លើកការគ្រប់គ្រងនគររូបនីយកម្ម ដូចជា ផ្លូវខ្នល់រងការខូចខាត ការគ្រប់គ្រងសំរាមមិនបានត្រឹមត្រូវ និងការបង្ហូរទឹកកង្វក់ចូលសមុទ្រមុនឆ្លងកាត់ការចម្រោះជាដើម។ បន្ថែមពីលើនេះ បន្ទាប់ពីជំនន់ទឹកភ្លៀងជន់លិចក្រុងព្រះសីហនុ ចាប់តាំងពីសប្តាហ៍មុនមក ទំហំនៃការខូចខាតហេដ្ឋារចនាសម្ព័ន្ធផ្លូវថ្នល់ ប្រឡាយទឹក មានការកើនច្រើន៕
អានបន្ថែម
អនាម័យក្នុងកន្លែងស្នាក់នៅរបស់កម្មករក្នុងការដ្ឋានទាបជាងស្តង់ដាកំណត់របស់រដ្ឋ
អនាម័យក្នុងកន្លែងស្នាក់នៅរបស់កម្មករក្នុងការដ្ឋានសំណង់ក្នុងរាជធានី-ខេត្តចំនួនបី គឺមានកម្រិតទាបជាងស្តង់ដាដែលបានកំណត់ដោយរដ្ឋាភិបាលកម្ពុជា នេះបើយោងតាមរបាយការណ៍របស់សហព័ន្ធសហជីពកម្មករសំណង់ និង ព្រៃឈើកម្ពុជា ហៅកាត់ថា BWTUC។ ការរកឃើញខាងលើ គឺត្រូវបានផ្សព្វផ្សាយដល់មន្ត្រីរដ្ឋាភិបាល តំណាងក្រុមហ៊ុនសំណង់ តំណាងសហជីព និងកម្មករសំណង់កាលពីថ្ងៃទី ០៨ ខែ សីហា នៅឯភោជនីដ្ឋានទន្លេបាសាក់ ២។ ក្រោមចំណងជើងថា៖ «ការប៉ាន់ប្រមាណវាយតម្លៃអំពីទឹកស្អាត និងអនាម័យក្នុងកន្លែងស្នាក់នៅបណ្តោះអាសន្នក្នុងការដ្ឋានសំណង់» របាយការណ៍នេះ បានរកឃើញថា ស្ថានភាពទឹកស្អាត និងអនាម័យនៅតាមការដ្ឋានសំណង់នៅតែមិនទាន់ឈានដល់កម្រិតស្តង់ដាអនាម័យអប្បរមា ឬមិនឆ្លើយតបនឹងតម្រូវការរបស់កម្មករ និងសាច់ញាតិពួកគាត់ដែលរស់នៅតាមការដ្ឋាននៅឡើយ។ របាយការណ៍នេះ បានស្ទង់មតិ និងត្រួតពិនិត្យនៅតាមការដ្ឋានចំនួន១៧ ការដ្ឋានក្នុងរាជធានីភ្នំពេញ ខេត្តព្រះសីហនុ និងខេត្តសៀមរាប ដែលក្នុងនោះ កន្លែងស្នាក់នៅបណ្តោះអាសន្នសម្រាប់កម្មករក្នុងការដ្ឋានទាំងអស់នេះ គឺសុទ្ធតែមិនត្រូវតាមស្តង់ដា។ របាយការណ៍បានសរសេរថា៖ «កន្លែងស្នាក់នៅបណ្តោះអាសន្នក្នុងការដ្ឋានសំណង់ មានលក្ខខណ្ឌទឹកស្អាត និងអនាម័យមិនល្អ ហើយមិនត្រូវនឹងស្តង់ដា ឬស្របតាមការកំណត់ដោយច្បាប់នៃប្រទេសកម្ពុជា និងប្រកាសឡើយ។ បរិក្ខាអនាម័យ មិនគ្រប់គ្រាន់ គ្មានការថែទាំ និងសាងសង់គ្មានគុណភាពល្អ គ្មានគន្លឹះចាក់សោរទ្វារ ថែមទាំងមានប្រហោងលើជញ្ជាំង»។ តួលេខរបស់ ក្រសួងរៀបចំដែនដី នគរូបនីយកម្ម និងសំណង់ បានបង្ហាញថា ការវិនិយោគក្នុងវិស័យសំណង់កើនឡើងជាង ៥៧ […]
អានបន្ថែម
អភិបាលខេត្តប្រាប់ពីវិធានការណ៍ដោះស្រាយបញ្ហាការលិចលង់នៅខេត្តព្រះសីហនុ
អភិបាលខេត្តព្រះសីហនុ ឯកឧត្តម គួច ចំរើន កាលពីថ្ងៃទី ៥ ខែ សីហា បានប្រាប់ឲ្យប្រជាពលរដ្ឋបញ្ឈប់ការរំលោភប្រឡាយដើម្បីកុំឲ្យខេត្តព្រះសីហនុមានការលិចទឹកកាន់តែខ្លាំង ក្រោយពីមានការបង្ហោះរូបភាព និងវីដេអូអំពីសកម្មភាពនៃការលិចលង់ទឹកយ៉ាងខ្លាំងនៅតាមតំបន់នានាក្នុងខេត្តមួយនេះ ។ យោងតាមរូបភាព និងវីដេអូបង្ហោះដោយគណនីហ្វ៊េសប៊ុករបស់ប្រជាពលរដ្ឋមួយចំនួនដែលរស់នៅក្នុងខេត្តព្រះសីហនុ កាលពីយប់ថ្ងៃទី ០៤ ខែ សីហា ឆ្នាំ ២០១៩ មានការជន់លិចលង់ទឹកយ៉ាងខ្លាំងចាប់ពីម៉ោង ១០យប់ រហូតដល់ម៉ោង ៧ ព្រឹក ដែលបង្កផលលំបាកជាច្រើន និងប៉ះពាល់ដល់ទ្រព្យសម្បត្តិក្នុងគេហដ្ឋានមួយចំនួន ដូចជាម៉ូតូជាដើម។ ពាក់ពន្ធ័ទៅនឹងបញ្ហាខាងលើ ឯកឧត្តម គួច ចំរើន បានប្រាប់ទស្សនាវដ្តីសំណង់ និងអចលនទ្រព្យយើងខ្ញុំតាមតេឡេក្រាមកាលពីថ្ងៃទី ០៥ ខែ សីហានេះថា រដ្ឋបាលខេត្តបាននិងកំពុងធ្វើការដោះស្រាយបញ្ហានេះ ហើយបានប្រាប់ប្រជាជនឲ្យបញ្ឈប់ការរំលោភប្រឡាយ ដើម្បីឲ្យទឹកអាចរំដោះបានទាន់។ ការរំដោះទឹកក្នុងតំបន់ខ្លះក្នុងខេត្តព្រះសីហនុគឺ រំពឹងទៅលើប្រឡាយឬអូរ ដែលជាផ្លូវសម្រាប់នាំយកទឹកពីទីក្រុងចូលទៅក្នុងសមុទ្រ។ ឯកឧត្តម គួច ចំរើនថ្លែងថា៖ «កុំឲ្យប្រជាពលរដ្ឋមានការរំលោភបំពានយកប្រឡាយតទៅទៀត នាំគ្នាចេះតែយកប្រឡាយអស់ទៅ បានជាអត់មានផ្លូវទឹកហូរ។ ចាប់ពីម្តុំ LV ទៅខាងក្រោមហ្អឹង [យើង] មើលមកប្រឡាយឃើញថាមានការរំលោភច្រើន ប្រឡាយដែលគេកាត់ទុក១០ម៉ែត្រជាង […]
អានបន្ថែម