ថាមពល និងបរិស្ថាន
រោងចក្រថាមពលពន្លឺព្រះអាទិត្យដ៏ធំនៅលើកោះរ៉ុងសន្លឹម ចាប់ផ្ដើមសាងសង់ហើយ
រោងចក្រអគ្គសនីដើរដោយពន្លឺព្រះអាទិត្យខ្នាតធំនៅលើកោះរ៉ុងសន្លឹម បានចាប់ផ្ដើមសាងសង់ហើយ ដោយគ្រោងនឹងបញ្ចប់នៅខែ មេសា ឆ្នាំ ២០២១។ នេះបើយោងតាមគេហទំព័រ Yahoo Finance កាលពីថ្ងៃទី ៣០ វិច្ឆិកានេះ។ គម្រោងនេះជាការគ្នាសហការគ្នារវាង ក្រុមហ៊ុន Total Solar Cambodia និង Canopy Power ដែលអាចផ្គត់ផ្គង់អគ្គីសនីដល់ប្រជាជន និងអាជីវកម្ម បានច្រើនជាងពាក់កណ្ដាលនៃចំនួនប្រជាជនសរុប នៅលើកោះរ៉ុងសន្លឹមនេះ។ គម្រោងនេះ រួមបញ្ជូលទាំងរោងចក្រផលិតអគ្គីសនីអានុភាព ១.២៥ MWp (Mega Watt peak) និងប្រព័ន្ធអាគុយ ២ MWp ព្រមទាំង ម៉ាស៊ីនភ្លើងម៉ាស៊ូត និងឧបករណ៍បញ្ជាឆ្លាតវៃ ដែលធ្វើឱ្យគម្រោងនេះ ក្លាយជាគម្រោងថាមពលកកើតឡើងវិញដ៏ធំមួយនៅអាស៊ីអាគ្នេយ៍។ (អានបន្ថែម) គម្រោងនេះ នឹងត្រូវបានអភិវឌ្ឍដោយក្រុមហ៊ុន Canopy Power ដែលជាអ្នកម៉ៅការផ្នែកវិស្វកម្ម លទ្ធកម្ម និងសំណង់។ ចំណែកឯ ក្រុមហ៊ុន Total Solar Cambodia នឹងជាងអ្នកវិនិយោគ គ្រប់គ្រង និងដំណើរការរោងចក្រនេះ។ […]
អានបន្ថែម
រោងចក្រថាមពលអគ្គិសនីដើរដោយខ្យល់ដំបូងបង្អស់នៅកម្ពុជា អាចនឹងសាងសង់ឆាប់ៗ
គម្រោងរោងចក្រថាមពលអគ្គិសនីដើរដោយខ្យល់ដំបូងបង្អស់នៅកម្ពុជា ដែលសិក្សាដោយក្រុមហ៊ុន The Blue Circle (Cambodia) ជិតឈានដល់ដំណាក់កាលសាងសង់ហើយ ដោយនៅពេលនេះ ក្រុមហ៊ុនកំពុងពិភាក្សាលើតម្លៃអគ្គិសនីលក់ចេញទៅអគ្គិសនីកម្ពុជា។ លោក ជា សោភ័ណ នាយកគ្រប់គ្រងអភិវឌ្ឍន៍នៃក្រុមហ៊ុន The Blue Circle (Cambodia) បានឲ្យដឹងថា បច្ចុប្បន្នក្រុមហ៊ុនកំពុងពិភាក្សាលើតម្លៃលក់ចេញទៅអគ្គិសនីកម្ពុជា ហើយនៅពេល EDC ព្រមទទួលតម្លៃចុងក្រោយហើយ ក្រុមហ៊ុននឹងចាប់ផ្តើមសាងសង់គម្រោងភ្លាមៗតែម្តង។ លោកបានបន្តថា៖ «ក្រុមហ៊ុនបានជ្រើសរើសយកខេត្តកំពត ដើម្បីវិនិយោគសាងសង់រោងចក្រថាមពលដើរដោយថាមពលខ្យល់ បន្ទាប់ពីបានសិក្សាសក្តានុពល នៅគ្រប់ទូទាំងប្រទេសចាប់តាំងពីឆ្នាំ២០១៦ មក»។ ប្រទេសកម្ពុជារងរបបខ្យល់ម៉ូសុង២ ប្រភេទ ហើយជាបឋមក្រុមហ៊ុនរកឃើញថាសក្តានុពលខ្យល់ប្រមាណ ១៣០០ មេហ្កាវ៉ាត់ ក្នុងនោះលទ្ធភាពដែលអាចទាញយកអគ្គិសនីប្រើបានភ្លាមៗ គឺ ១២០មេហ្កាវ៉ាត់។ លោក ជា សោភ័ណ បន្តថា៖ «គម្រោងថាមពលខ្យល់ដំបូងបង្អស់នៅខេត្តកំពតអាចផលិតអគ្គិសនីបាន ២២៥ ជីហ្គាវ៉ាតម៉ោង (GWh) ជារៀងរាល់ឆ្នាំ ដែលអាចផ្គត់ផ្គង់ដល់ប្រជាជនចំនួន ១៥០.០០០ គ្រួសារ និងសន្សំសំចៃឧស្ម័នកាបូនិកបានជាង ១៣០.០០០ តោនជារៀងរាល់ឆ្នាំ»។ យោងតាមរបាយការណ៍ពី Clean Energy […]
អានបន្ថែម
រោងចក្រអគ្គិសនីអនុភាព ៤០០ មេហ្គាវ៉ាតនៅល្វាឯមនឹងសាងសង់ចប់ជាស្ថាបពរនៅខែធ្នូនេះ
គម្រោងសាងសង់រោងចក្រដើរដោយប្រេងខ្មៅ និងឧស្ម័ន អនុភាព ៤០០មេហ្គាវ៉ាត នៅក្នុងស្រុកល្វាឯម សម្រេចបានប្រមាណ ៩៥% ដោយគ្រោងបញ្ចប់ទាំងស្រុងនៅពាក់កណ្តាលខែធ្នូ ឆ្នាំ២០២០។ នេះបើយោងតាមរដ្ឋមន្រ្តីក្រសួងរ៉ែ និងថាមពល ឯកឧត្តម ស៊ុយ សែម ក្នុងដំណើរទស្សនកិច្ចទីតាំងគម្រោងកាលពីថ្ងៃទី២៦ ខែវិច្ឆិកា នេះ។ ជាក់ស្ដែង រោងចក្រនេះធ្លាប់បានគ្រោងទុកម្ដងហើយថា នឹងភ្ជាប់ចូលបណ្ដាញជាតិកាលពីខែសីហា កន្លងមកនេះ ប៉ុន្តែ ក្រោយមក គម្រោងត្រូវបានពន្យារពេល។ (អានបន្ថែម) ឯកឧត្តម វិចទ័រ ហ្សូណា អ្នកនាំពាក្យក្រសួងរ៉ែ និងថាមពល បានលើកឡើងកាលពីពេលថ្មីៗនេះថា ការពន្យាពេលបញ្ចប់ការសាងសង់រោងចក្រថាមពលខាងលើនេះ គឺដោយសារ ការរីករាលដាលជំងឺកូវីដ ១៩ និងតម្រូវការថាមពលធ្លាក់ចុះក្នុងឆ្នាំនេះ ដោយសារការការបិទរោងចក្រមួយចំនួន ដោយសារកូវីដ១៩។ គួរបញ្ជាក់ផងដែរថា គម្រោងនេះ ត្រូវបានសាងសង់លើផ្ទៃដីសរុប ៤៣ហិកតា ក្រោមទុនតម្លៃវិនិយោគប្រមាណ ៣៨០លានដុល្លារអាមេរិក។ គម្រោងចែកចេញជាពីរផ្នែកធំៗ ទី១ គឺការសាងសង់រោងចក្រម៉ាស៊ីនភ្លើងអនុភាពទំហំ ២០០មេហ្គាវ៉ាត នាំចូលពីប្រទេសហ្វាំងឡង់ និងសាងសង់ដោយក្រុមហ៊ុនចិន China Gezhouba Group Corporation និង […]
អានបន្ថែម
ក្រុមហ៊ុនចិនទទួលសាងសង់គម្រោងរោងចក្រថាមពលធ្យូងថ្មតម្លៃ ១,១ ពាន់លានដុល្លារនៅកោះកុង
ក្រុមហ៊ុនម៉ៅការវិស្វកម្មចិន Sinosteel Engineering & Technology ទទួលសាងសង់គម្រោងរោងចក្រថាមពលធ្យូងថ្មអានុភាព ៧០០ មេហ្គាវ៉ាត់ តម្លៃសរុបប្រមាណ ១,១ ពាន់លានលានដុល្លារ នៅខេត្តកោះកុង។ នេះបើយោងតាមសារព័ត៌មាន yicaiglobal.com ។ ក្រុមហ៊ុនចិននេះបានចុះហត្ថលេខាលើវិញ្ញាបនប័ត្រប្រតិបត្តិការថាមពលជាមួយ ក្រុមហ៊ុន Botum Sakor Energy ដែលជាក្រុមហ៊ុនស្ថិតក្រោមការគ្រប់គ្រងរបស់ក្រុមហ៊ុនរ៉ូយ៉ាល់គ្រុប កាលពីសប្ដាហ៍មុននេះ។ ប្រភពដដែលបានឱ្យដឹងថា ក្រុមហ៊ុន Sinosteel Equipment & Engineering នឹងទទួលប្រាក់សម្រាប់សាងសង់មុន ហើយនឹងទទួលខុសត្រូវលើការរចនា ការទិញគ្រឿងសំណង់ ឧបករណ៍ សម្ភារ សេវាកម្មដំឡើង និងការប្រគល់ទទួលជាដើម។ កិច្ចសន្យានេះ រួមបញ្ចូលទាំងការសាងសង់រោងម៉ាស៊ីនថ្មីចំនួន ៣៥០ មេហ្កាវ៉ាត់ និងរោងចក្រផលិតថាមពលបញ្ជូន និងស្ថានីយធ្យូងថ្ម។ ការងារសាងសង់ដំណាក់កាលទី១ គ្រោងនឹងបញ្ចប់ក្នុងរយៈពេល ៣៦ខែ បន្ទាប់ពីការបើកការដ្ឋាន ហើយដំណាក់កាលទី២ នឹងបញ្ចប់ក្នុងរយៈពេល ៤៨ ខែ។ សេចក្តីថ្លែងការណ៍មិនបានបញ្ជាក់អំពីទីតាំងគម្រោងទេ ប៉ុន្តែបានបង្ហាញថាឡចំហាយពីរោងចក្រ នឹងត្រូវត្រូវបានបំពាក់ជាមួយប្រព័ន្ធធ្វើឱ្យត្រជាក់ដែលប្រើប្រាស់ទឹកសមុទ្រ។ គួរបញ្ជាក់ផងដែរថា គម្រោងនេះត្រូវបានសភាអនុម័តតាំងពី ខែមីនា […]
អានបន្ថែម
កម្ពុជាគ្រោងសាងសង់រោងចក្រអគ្គិសនីដើរដោយឧស្ម័នជាច្រើនកន្លែង
រដ្ឋាភិបាលកម្ពុជាគ្រោងនឹងសាងសង់រោងចក្រអគ្គិសនីដើរដោយឧស្ម័នជាច្រើនកន្លែងទៀត ដើម្បីឆ្លើយតបទៅនឹងផែនការ បង្កើនល្បាយការផ្គត់ផ្គង់ថាមពលនាពេលអនាគតនៅក្នុងប្រទេស។ យោងតាមផែនការថាមពលដែលទើបតែធ្វើបច្ចុប្បន្នភាពថ្មីៗនេះ កម្ពុជាគ្រោងប្រើឧស្ម័នធម្មជាតិ (Natural Gas) សម្រាប់ការផលិតថាមពលអគ្គិសនីក្នុងចំណែកមួយដ៏ធំដែលមានអានុភាពសរុបដល់ទៅ ៣៦០០ មេហ្គាវ៉ាត ត្រឹមឆ្នាំ២០៣០។ តាមរយៈផែនការថាមពលនេះ រោងចក្រថាមពលដើរដោយ ឧស្ម័នធម្មជាតិ នឹងត្រូវបានបង្កើងឡើង។ ខណៈបច្ចុប្បន្នកម្ពុជាមិនទាន់មានរោងចក្រប្រភេទនេះក្ដី មានក្រុមហ៊ុនវិនិយោគមួយចំនួន បង្ហាញចំណាប់អារម្មណ៍ចង់វិនិយោគបង្កើតរោងចក្របែបនេះ។ ឯកឧត្តម ស៊ុយ សែម រដ្ឋមន្រ្តីក្រសួងរ៉ែ និងថាមពល មានប្រសាសន៍កាលពីថ្ងៃទី១៧ ខែវិច្ឆិកា កន្លងមកនេះថា៖ «ថ្មីៗនេះ ប្រទេសកម្ពុជា បានធ្វើបច្ចុប្បន្នភាពផែនការថាមពលរបស់ខ្លួនសម្រាប់ឆ្នាំ២០២០ ដល់ឆ្នាំ២០៣០ ដែលក្នុងនោះ យើងបានគ្រោងប្រើឧស្ម័នធម្មជាតិ (Natural Gas) សម្រាប់ការផលិតថាមពលអគ្គិសនីក្នុងចំណែកមួយដ៏ធំដែលមានអនុភាពសរុប ៣ ៦០០ មេហ្គាវ៉ាត ចាប់ផ្តើមពីឆ្នាំ ២០២៧ ដល់ ២០៣០»។ ឯកឧត្តមរដ្ឋមន្រ្តីបន្តថា៖ «សេដ្ឋកិច្ចរបស់ប្រទេសកម្ពុជា ត្រូវបានរំពឹងថា នឹងងើបឡើងវិញនៅឆ្នាំ២០២១ បន្ទាប់ពីថយចុះនៃការរីករាលដាលជាសកលនៃជម្ងឺកូវីដ១៩។ ដូច្នេះ តម្រូវការថាមពលរបស់ប្រទេសកម្ពុជារំពឹងថានឹងមានសន្ទុះឡើងវិញ ក្នុងនេះឧស្ម័នធម្មជាតិ នឹងដើរតួនាទីយ៉ាងសំខាន់ សម្រាប់ល្បាយប្រភពថាមពលនៅកម្ពុជា ពិសេសក្នុងវិស័យឧស្សាហកម្ម ដឹកជញ្ជូន ពាណិជ្ជកម្ម […]
អានបន្ថែម
ការបូមប្រេងដំណក់ដំបូងនៅកម្ពុជាអាចនឹងពន្យារពេលទៀតហើយ ដោយសារកូវីដ១៩
ក្រុមហ៊ុន KrisEnergy កាលពីថ្មីៗនេះ បានស្នើសុំរាជរដ្ឋាភិបាលកម្ពុជាដើម្បីពន្យារកាលបរិច្ឆេទផលិតប្រេងនៅប្លុក អេ នៃអណ្ដូងអប្សរា ក្រោយក្រុមហ៊ុនបានយឺតយ៉ាវម្ដងហើយម្ដងទៀតក្នុងការសម្រេចការងារ ដោយសារការរាតត្បាតនៃជំងឺកូវីដ១៩។ នេះបើយោងតាមរបាយការណ៍របស់ក្រុមហ៊ុនចេញផ្សាយកាលពីថ្ងៃទី ១១ វិច្ឆិកា កន្លងមកនេះ។ បើយោងតាមកិច្ចសន្យា ប្រេងតំណក់ដំបូងគួរតែផលិតបានតាំងតែ ខែមិថុនា ឆ្នាំ២០២០ នេះមកម្លេះ តែដោយសារវិបត្តិកូវីដ រដ្ឋាភិបាលបានពន្យារឱ្យទៅថ្ងៃទី ៣១ តុលា។ បន្ទាប់មកទៀត ដោយសារភាពយឺតយ៉ាវនៅតែបន្ត រដ្ឋាភិបាលបានដាក់កំហិតថាបើបូមប្រេងមិនបាននៅខែធ្នូ ២០២០ នេះទេ រដ្ឋអាចនឹងផ្អាកអជ្ញាបណ្ណរុករកប្រេងរបស់ក្រុមហ៊ុននេះ ឬផាកជាពិន័យផ្សេងៗទៀតទេ។ ហើយក្រោយមកទឿត ក៏ត្រូវបានពន្យារម្តងទៀតទៅខែមេសា ឆ្នាំ ២០២១។ ប៉ុន្តែកាលពីថ្មីៗ ក្រុមហ៊ុន KrisEnergy បានស្នើទៅរដ្ឋាភិបាលពន្យារកាលបរិច្ឆេទផុតកំណត់ម្ដងទៀតដោយអះអាងថា មេរោគកូវីដនៅតែប៉ះពាល់ខ្លាំងដល់ប្រតិបត្តិការ។ របាយដដែលក៏បានឱ្យដឹងទៀតថា បើទោះបីជារងប៉ះពាល់ដោយសារជំងឺកូវីដ១៩ ការអភិវឌ្ឍនៅតែបន្ត ដែលមានការដំឡើងស្ថានីយ៍ និងក្បាលអណ្តូងបូមប្រេងរួចរាល់នៅទីតាំងប្លុកអេ។ ការខួងអណ្តូង A-03D បានចាប់ផ្តើមកាលពីថ្ងៃទី ២៩ ខែតុលា។ ចំណែក ការខួងផ្នែកខាងលើនៃអណ្តូងផ្សេងៗទៀត កំពុងដំណើរការចោះ។ លើសពីនេះ ក្បាលបូមប្រេងឆៅ និងនាវាដឹកប្រេងឆៅ ដំឡើងនៅប្រទេសឥណ្ឌូនេស៊ី ក៏បានដឹកជញ្ជូនទៅដល់ទីតាំងស្ថានីយ៍រួចហើយដែរ […]
អានបន្ថែម
រោងចក្រអគ្គិសនីដុតធ្យូងថ្ម២៦៥ មេហ្គាវ៉ាត់នៅឧត្តរមានជ័យសម្រេចបាន ៦០% ហើយ
រោងចក្រផលិតថាមពលអគ្គិសនីដើរដោយចំហេះធ្យូងថ្ម នៅខេត្តឧត្តរមានជ័យសាងសង់សម្រេចបានជាង៦០%ហើយ ដោយគ្រោងបញ្ចប់ការសាងសង់រួចរាល់នៅឆ្នាំ២០២១។ នេះបើយោងតាមលោក ភុន ឡែន ប្រធានមន្ទីររ៉ែ និងថាមពល ខេត្តឧត្តរមានជ័យ កាលពីថ្ងៃទី១១ ខែ វិច្ឆិកា ឆ្នាំ២០២០។ លោក ភុន ឡែន បានប្រាប់វិទ្យុជាតិកម្ពុជាថា រោងចក្រអគ្គិសនីប្រើប្រាស់ធ្យូងថ្ម ខេត្តឧត្តរមានជ័យ ដែលមានអនុភាព ២៦៥ មេហ្គាវ៉ាត់ សម្រេចបានជាង ៦០% ហើយ ខណៈអគ្គិសនីកម្ពុជាកំពុងសិក្សាពីផលប៉ះពាល់ និងពន្លឿនការសាងសង់ ក្នុងការរៀបចំខ្សែបញ្ជូនដែលមានតង់ស្យុងខ្ពស់ពីខេត្តឧត្តរមានជ័យទៅខេត្តសៀមរាប ដើម្បីធ្វើយ៉ាងបញ្ចប់ទៅតាមផែនការដែលបានគ្រោងទុកនៅឆ្នាំ២០២១។ លោកបានបន្តថា តាមផែនការគម្រោងនេះនឹងដាក់ឱ្យដំណើរការជា ២ ដំណាក់កាល ដោយដំណាក់កាលទី ១ នៅចុងឆ្នាំ២០២១ អនុភាព ១៣០ មេហ្គាវ៉ាត់ និងដំណាក់កាលទី២ ចុងនៅឆ្នាំ២០២២ អនុភាព ២៦៥ មេហ្គាវ៉ាត់។ ក្រោយបញ្ចប់ការសាងសង់រួចរាល់ រោងច្រកផលិតថាមពលអគ្គិសនីនេះនឹងប្រើប្រាស់រ៉ែធ្យូងថ្មដែលធ្វើការកែច្នៃ មានកម្តៅប្រហែលជាង ៣០០០ កាល់ឡូរី ដែលអាចផ្តល់ថាមពលអគ្គិសនីគ្រប់ដណ្តប់ទាំងខេត្តឧត្តរមានជ័យ និងសៀមរាប។ គួរបញ្ជាក់ផងដែរថា គម្រោងសាងសង់រោងចក្រអគ្គិសនីដុតធ្យូងថ្ម មានអានុភាព ២៦៥ […]
អានបន្ថែម
ជប៉ុនគ្រោងសង់រោងចក្រផលិតអគ្គិសនីពីការដុតសំរាមនៅកម្ពុជា
ក្រុមហ៊ុនបានបង្ហាញពីចំណាប់អារម្មណ៍ចង់វិនិយោគសាងសង់គម្រោងផលិតថាមពលពីការដុតសំរាម និងស្ថានីយ៍បំលែងឧស្ម័ន LNG នៅកម្ពុជា។ នេះបើយោងតាម ឯកអគ្គរាជទូតជប៉ុនប្រចាំកម្ពុជា ឯកឧត្តម MIKAMI Masahiro។ ឯកឧត្តម MIKAMI បានលើកពីគម្រោងវិនិយោគនេះក្នុងជំនួបជាមួយនឹង ឯកឧត្តម ស៊ុយ សែម រដ្ឋមន្ត្រីក្រសួងរ៉ែ និងថាមពល កាលពីថ្ងៃទី ៤ ខែ វិច្ឆិកា កន្លងមកនេះ។ ឯកឧត្តមអគ្គរាជទូត បានលើកឡើថា ជំងឺកូវីដ ១៩ បានធ្វើឱ្យប៉ះពាល់លើពិភពលោក និងប៉ះពាល់ដល់គម្រោងអភិវឌ្ឍន៍ជាច្រើន ក៏ប៉ុន្តែអ្វីដែលសំខាន់កម្ពុជា-ជប៉ុន ត្រូវសហការ និង ផ្លាស់ប្តូយោបល់ទៅវិញទៅមក ដើម្បីជម្រុញការវិនិយោគបន្ថែមទៀតរវាងប្រទេសទាំងពីរ ។ ជាការឆ្លើយតប ឯកឧត្តម ស៊ុយ សែម បានស្វាគមន៍ចំពោះគម្រោងរបស់ជប៉ុនលើវិស័យថាមពល ដោយបញ្ជាក់ថា កម្ពុជាកំពុងរៀបចំផែនការផ្គត់ផ្គង់អគ្គិសនីឡើងវិញ ដើម្បីធ្វើឱ្យស្របតាមបរិបទនៃការអភិវឌ្ឍន៍។ ហើយនេះ នឹងត្រូវការ ការផ្គត់ផ្គង់ថាមពលប្រកបដោយស្ថិរភាព។ គួរបញ្ជាក់ផងដែរថា កន្លងមក មានក្រុមហ៊ុនជាច្រើនចង់វិនិយោគលើរោងចក្របង្កើតអគ្គិសនីពីការដុតសំរាមនៅកម្ពុជា។ ប៉ុន្តែដោយសារតម្លៃនៃការវិនិយោគខ្ពស់ធៀបនឹងការវិនិយោគគម្រោងថាមពលផ្សេងទៀត ទើបមិនទាន់មានការវិនិយោគលើគម្រោងនេះចេញជារូបរាង ឬដំណើរការនៅឡើយនោះទេ។ (អានបន្ថែម)
អានបន្ថែម
រដ្ឋអនុម័តគម្រោងវិនិយោគធំៗពីរក្នុងវិស័យថាមពលតម្លៃជាង ៣៥០ លានដុល្លារ
ក្រុមប្រឹក្សាអភិវឌ្ឍន៍កម្ពុជា (CDC) បានសម្រេចចេញវិញ្ញាបនបត្រឱ្យក្រុមហ៊ុន Oddormeanchey Power Industrial Co Ltd វិនិយោគទឹកប្រាក់ជាង ៣៥០ដុល្លារសាងសង់គម្រោងធំៗ ២ គឺរោងចក្រអគ្គិសនីដុតធ្យូងថ្មអានុភាព ២៦៥ មេហ្គាវ៉ាត នៅខេត្តឧត្តរមានជ័យ និង ខ្សែបញ្ជូនអគ្គិសនី តង់ស្យុង ២៣០ គីឡូវ៉ុល។ គម្រោងបង្កើតរោងចក្រអគ្គិសនីដុតធ្យូងថ្ម អនុភាព ២៦៥ មេហ្គាវ៉ាត មានទីតាំងនៅស្រុកត្រពាំងប្រាសាទ ខេត្តឧត្តរមានជ័យ ដែលនឹងសាងសងដោយប្រើទុនវិនិយោគ ៤៩៤ លានដុល្លារ។ ដោយឡែក ខ្សែបញ្ជូនអគ្គិសនី តង់ស្យុង ២៣០ គីឡូវ៉ុល តភ្ជាប់ពីរោងចក្រអគ្គិសនីដុតធ្យូងថ្ម ខេត្តឧត្តរមានជ័យ មកស្ថានីយខេត្តសៀមរាបខាងកើត នឹងប្រើទុនវិនិយោគ ៦១ លានដុល្លារ។ គម្រោងទាំង២ អាចនឹងជួយបង្កើតការងារដល់ប្រជាជនក្នុងតំបន់ជិត ៣០០ កន្លែង។ គួរបញ្ជាក់ផងថា គម្រោងអគ្គិសនីទាំងពីរនេះ ត្រូវបានគណៈរដ្ឋមន្រ្តីអនុម័ត កាលពីខែកុម្ភៈ ឆ្នាំ២០២០នេះ ហើយ ហើយតាមការគ្រោងទុក គម្រោងរោងចក្រអគ្គិសនីដុតធ្យូងថ្មនេះ គ្រោងបញ្ចប់ការសាងសង់ និងបញ្ចេញថាមពល នៅឆ្នាំ២០២២ […]
អានបន្ថែម
រដ្ឋាភិបាលគ្រោងនឹងសាងសង់វារីអគ្គិសនីអានុភាព ១៥០មេហ្គាវ៉ាត ថ្មីមួយនៅខេត្តកោះកុង
រដ្ឋាភិបាលកម្ពុជានឹងពិនិត្យ ក៏ដូចជាធ្វើការសម្រេចលើគម្រោងសាងសង់វារីអគ្គិសនីស្ទឹងតាតៃលើ អានុភាព ១៥០មេហ្គាវ៉ាត នៅស្រុកថ្មបាំង ខេត្តកោះកុង នៅក្នុងកិច្ចប្រជុំគណៈរដ្ឋមន្រ្តី នាថ្ងៃសុក្រស្អែកនេះ។ យោងតាមសេចក្តីជូនដំណឹងរបស់អង្គភាពអ្នកនាំពាក្យរាជរដ្ឋាភិបាល ក្រុមហ៊ុនចិនចំនួន២ Chint Group និង Sinomath-HE បានស្នើទៅក្រសួងរ៉ែ និងថាមពល សិក្សាពីលទ្ធភាព តាំងពីដើមខែកញ្ញា ឆ្នាំ២០១៩ មកម្ល៉េះ។ ឯកឧត្តម វ៉ិចទ័រ ហ្សូណា អ្នកនាំពាក្យក្រសួងរ៉ែ និងថាមពល បានឱ្យដឹងថា កាលពីថ្មីនេះថា គម្រោងវារីអគ្គិសនីអានុភាព១៥០មេហ្គាវ៉ាត នេះ មានទីតាំងស្ថិតនៅផ្នែកខាងលើ ស្ទឹងតាតៃ ឬប្រមាណ ២០គីឡូម៉ែត្រ ពីទីតាំងវារីអគ្គិសនីតាតៃដែលដាក់ដំណើរការផលិតថាមពល កាលពីឆ្នាំ២០១៥។ ក្រៅពីពិនិត្យលើការសិក្សាគម្រោងវារីអគ្គិសនី អង្គប្រជុំគណៈរដ្ឋមន្រ្តីក៏នឹងពិភាក្សាទៅលើគម្រោងវិនិយោគសាងសង់ខ្សែបញ្ជូនអគ្គិសនី ៥០០ គីឡូវ៉ុល ពីរាជធានីភ្នំពេញ ទៅព្រំដែនកម្ពុជា-ឡាវ និងពីបាត់ដំបងទៅព្រំដែនកម្ពុជា-ថៃ ផងដែរ។ គួរបញ្ជាក់ផងដែរថា ខ្សែបញ្ជូនតង់ស្យុងខ្ពស់ ៥០០ មេហ្គាវ៉ាត ពីភ្នំពេញទៅព្រំដែនកម្ពុជា-ឡាវនេះ គឺជាការវិនិយោគដើម្បីបញ្ជូនថាមពល ដែកកម្ពុជាយល់ព្រមទិញពីប្រទេសឡាវប្រមាណ ២ ៤០០ មេហ្គាវ៉ាត។ រូបតំណាង
អានបន្ថែម