ផ្លូវ និងហេដ្ឋារចនាសម្ព័ន្ធ
កម្ពុជាត្រូវការថវិកាជិត៥០ពាន់លានដុល្លារ ដើម្បីអនុវត្តគម្រោងដឹកជញ្ជូន៣៣០ នៅ១០ឆ្នាំខាងមុខ
កម្ពុជានឹងត្រូវការថវិកាប្រមាណ ៤៨ប៊ីលានដុល្លារអាមេរិក ដើម្បីអនុវត្តគម្រោងប្រព័ន្ធដឹកជញ្ជូនចំនួន៣៣០គម្រោង ក្នុងរយៈពេល១០ឆ្នាំខាងមុខ។ ឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានឱ្យដឹងដូច្នេះ ក្នុងកិច្ចប្រជុំរដ្ឋមន្ត្រីដឹកជញ្ជូនអាស៊ានលើកទី២៧ (ATM) ជាមួយក្រុមប្រឹក្សាធុរកិច្ចអាស៊ាន-សហរដ្ឋអាមេរិក (US-ABC) កាលពីថ្ងៃទី១១ ខែវិច្ឆិកា កន្លងទៅ។ ឯកឧត្តម បានបន្ដថា មិនមែនតែប្រទេសកម្ពុជាទេ បើតាមការប៉ាន់ប្រមាណ អាស៊ានទាំងមូលក៏នឹងត្រូវការថវិកាប្រមាណ ២១០ពាន់លានដុល្លារ ក្នុងមួយឆ្នាំៗ រហូតដល់ឆ្នាំ២០៣០ សម្រាប់ការវិនិយោគលើហេដ្ឋារចនាសម្ព័ន្ធ និងបង្កើនប្រសិទ្ធភាពនៃការដឹកជញ្ជូន ភស្តុភារកម្ម និងខ្សែសង្វាក់ផ្គត់ផ្គង់ផងដែរ។ ក្រៅពីបញ្ជាក់ពីតម្រូវការទុន ឯកឧត្តមក៏បានបង្ហាញអំពីលទ្ធផលសំខាន់ៗ និងបញ្ហាអាទិភាពសំខាន់ៗផ្សេងៗរួមមាន៖ -ការបញ្ចប់ពិធីសារដើម្បីអនុវត្តកញ្ចប់សន្យាទី១២ ស្តីពីសេវាកម្មដឹកជញ្ជូនតាមផ្លូវអាកាសក្រោមកិច្ចព្រមព្រៀងក្របខណ្ឌអាស៊ានស្តីពីសេវាកម្ម -ការបញ្ចប់ការចរចាកិច្ចព្រមព្រៀងដឹកជញ្ជូនផ្លូវអាកាសគ្រប់ជ្រុងជ្រោយអាស៊ាន-សហភាព អឺរ៉ុប – ការអនុវត្តពិធីសារទី៧ ស្តីពីប្រព័ន្ធដឹកជញ្ជូនឆ្លងកាត់គយអាស៊ាននៃកិច្ចព្រមព្រៀងក្របខណ្ឌអាស៊ានស្តីពីកិច្ចសម្រួលដឹកជញ្ជូនទំនិញឆ្លងកាត់ -ការអនុម័តសេចក្តីប្រកាសភ្នំពេញ ស្តីពីការដឹកជញ្ជូនក្នុងទីក្រុងប្រកបដោយនិរន្តរភាព និងការធ្វើផែនការប្រើប្រាស់ដីក្នុងតំបន់អាស៊ានជាដើម៕
អានបន្ថែម
ផ្លូវជាតិលេខ៣ នឹងត្រូវបើកសម្ពោធឱ្យប្រើប្រាស់ជាផ្លូវការក្នុងខែមីនាឆ្នាំក្រោយ
ក្រសួងសាធារណការ និងដឹកជញ្ជូន បញ្ជាក់ថាផ្លូវជាតិលេខ៣ ដែលទើបតែបញ្ចប់ការសាងសង់ នឹងត្រូវដាក់សម្ពោធជាផ្លូវការនៅខែមីនា ឆ្នាំក្រោយ ដោយនាយករដ្ឋមន្រ្តីនៃកម្ពុជា។ បច្ចុប្បន្នក្រសួង កំពុងបំពាក់កាមេរ៉ាចាប់ល្បឿនឆ្លាតវៃ ១០ទីតាំង និងភ្លើងសញ្ញាចរាចរណ៍បច្ចេកវិទ្យាទំនើប លើផ្លូវជាតិថ្មីមួយខ្សែនេះ ទិសដៅដើម្បីចូលរួមកាត់បន្ថយគ្រោះថ្នាក់ចរាចរណ៍។ ឯកឧត្តម ខាន់ ម៉ាណេរ រដ្ឋលេខាធិការក្រសួងសាធារណការ និងដឹកជញ្ជូន កាលពីថ្ងៃទី៩ វិច្ឆិកា បានដឹកនាំគណៈប្រតិភូ ចុះពិនិត្យវឌ្ឍនភាពការងារកាមេរ៉ាចាប់ល្បឿនឆ្លាតវៃ និងភ្លើងសញ្ញាចរាចរណ៍បច្ចេកវិទ្យាទំនើបនេះ។ ឯកឧត្តម បន្ដឱ្យដឹង ការដាក់កាមេរ៉ាចាប់ល្បឿនឆ្លាតវៃ និងភ្លើងសញ្ញាចរាចរណ៍បច្ចេកវិទ្យាទំនើបទាំងនេះ គឺក្នុងគោលបំណង តាមដាន ការពារសុវត្ថិភាព និងសម្រួលការធ្វើដំណើររបស់បងប្អូនប្រជាពលរដ្ឋលើផ្លូវជាតិលេខ៣។ គួរបញ្ជាក់ថា ផ្លូវជាតិលេខ៣ ចាប់ពី ចោមចៅ-កំពត ដែលមានប្រវែងសរុប១៣៥គីឡូម៉ែត្រ បែកចែកជា ២ផ្នែក ក្នុងនោះពីកំណាត់ផ្លូវពីចោមចៅដល់បែកគូសជាផ្លូវ ៤គន្លង និងកំណាត់ផ្លូវពីបែកគូសទៅទីរួមខេត្តកំពត ជាផ្លូវ២គន្លង។ គម្រោងនេះចំណាយថវិកា សរុបប្រមាណ ២១៩,៩ លានដុល្លារអាមេរិក ជាហិរញ្ញប្បទានសម្បទានពីសាធារណរដ្ឋប្រជាមានិតចិន រួមជាមួយនឹងថវិកាបដិភាគរបស់រាជរដ្ឋាភិបាលកម្ពុជា សាងសង់ដោយក្រុមហ៊ុន សាជីវកម្មស្ពានថ្នល់ចិន។ បច្ចុប្បន្ន ផ្លូវនេះ ត្រូវបានដាក់ឱ្យប្រើប្រាស់ជាបណ្តោះអាសន្ន។
អានបន្ថែម
ក្រសួងរៀបចំដែនដី នគររូបនីយកម្ម និងសំណង់ថ្មី សម្ពោធដាក់ឱ្យប្រើប្រាស់ជាផ្លូវការហើយ
ទីបំផុត អគារក្រសួងរៀបចំដែនដី នគររូបនីយកម្ម និងសំណង់ថ្មី បានប្រកាសសម្ពោធដាក់ឱ្យប្រើប្រាស់ជាផ្លូវការហើយកាលថ្ងៃទី៨ ខែវិច្ឆិកា ឆ្នាំ២០២១ នេះ ក្រោមអធិបតីភាពរបស់សម្តេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជា។ នាឱកាសនោះ សម្តេច ហ៊ុន សែន បានសម្តែងមោទនភាពចំពោះវត្តមានអគារទីស្តីការក្រសួងដែនដី ដែលមានលក្ខណៈធំទូលាយជាមុន ពិសេសនឹងកាន់តែធ្វើឱ្យតំបន់នេះកាន់តែអ៊ូអរ នឹងកាន់តែរីកចម្រើនទ្វេដង។ យ៉ាងណា សម្តេច ក៏បានថ្លែងបញ្ជាក់បន្ថែមថា៖ «មានអគារធ្វើការល្អ គឺវាជារឿងល្អហើយ តែអ្វីដែលជាស្នូលគឺការធ្វើការឱ្យល្អ និងមានប្រសិទ្ធិភាព។ ផ្ទុយទៅវិញបើមានកន្លែងធ្វើការល្អ តែការអនុវត្តន៍មិនមានប្រសិទ្ធិភាព គឺស្មើនឹងសូន្យ»។ ហេតុនេះ សម្តេចបានស្នើឱ្យថ្នាក់ដឹកនាំ និងមន្រ្តីទាំងអស់ នៃក្រសួងនេះ សូមបំពេញការងារឱ្យកាន់តែមានប្រសិទ្ធិភាពដើម្បីបម្រើផលប្រយោជន៍របស់ប្រជាពលរដ្ឋ ពិសេសស្របតាមយុទ្ធសាស្រ្តរបស់រាជរដ្ឋាភិបាល។ គួរបញ្ជាក់ថា អគារទីស្តីការក្រសួងរៀបចំដែនដី នគរូបនីយកម្មនិងសំណង់ ត្រូវបានបើកការដ្ឋានសាងសង់កាលថ្ងៃទី២៨ ខែមករា ឆ្នាំ ២០២០។ អគារនេះ មានទីតាំងស្ថិតនៅ ភូមិអន្លង់ក្ងាន សង្កាត់ឃ្មួញ ខណ្ឌសែនសុខ រាជធានីភ្នំពេញ នាប៉ែកខាងជើងឆៀងខាងលិចរាជធានីភ្នំពេញ។ អគារនេះ សាងសង់នៅលើផ្ទៃដីទំហំ ៤,៥ហិកតា មានទំហំតួអគារបណ្ដោយប្រវែង ១៣២,៧ […]
អានបន្ថែម
គម្រោងផ្លូវល្បឿនលឿនលើអាកាសទៅព្រលានភ្នំពេញថ្មីផ្អាកសិន តែនឹងសង់ផ្លូវធម្មតាលើដីជំនួសវិញ
ក្រុមហ៊ុន OCIC កំពុងសិក្សាលទ្ធភាពសាងសង់កំណាត់ផ្លូវថ្មីមួយខ្សែ តភ្ជាប់ពីផ្លូវជាតិលេខ២ ទៅកាន់ព្រលានភ្នំពេញថ្មី ខណៈគម្រោងផ្លូវល្បឿនលឿនលើអាកាសអាចនឹងត្រូវពន្យារសិន ឬសាងសង់តាមក្រោយ នៅពេលផ្លូវធម្មតាលើដីមានកំណើនចរាចរណ៍ច្រើន។ នេះបើយោងតាមឯកឧត្តម ស៊ិន ចាន់សេរីវុត្ថា អ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិល កាលពីថ្ងៃទី៤ ខែវិច្ឆិកាកន្លងទៅ ដោយបញ្ជាក់ថា គម្រោងនេះ ជាគម្រោងដាច់ដោយឡែកពីគម្រោងសាងសង់ព្រលានរបស់ក្រុមហ៊ុន OCIC។ ឯកឧត្តម ស៊ិន ចាន់សេរីវុត្ថា ថ្លែងថា៖ «ក្រុមហ៊ុនបានប្រាប់ថា កំពុងសិក្សា…គាត់អត់ទាន់ធ្វើដល់ផ្លូវរត់លើអាកាសទេ គាត់ធ្វើផ្លូវរត់លើដីសិន ដែលភ្ជាប់ពីផ្លូវជាតិលេខ២ ទៅAirportមុន ដូច្នេះយើងអាចប្រើប្រាស់ផ្លូវ៦០ម៉ែត្រ រួចឆ្លងផ្លូវជាតិលេខ២ ចូលទៅផ្លូវកាត់តែម្តង»។ ឯកឧត្តម បន្ដថា ដំណាក់កាលទី២ គឺជាគម្រោងសាងសង់ផ្លូវលើអាកាស តែនឹងធ្វើនៅពេលដែលមានកំណើនចរាចរណ៍ច្រើនរវាងព្រលានថ្មី និងរាជធានីភ្នំពេញ តែត្រង់ចំណុចខ្លះក៏មានផ្លូវរត់លើដីផងដែរ។ សូមបញ្ជាក់ថា គម្រោងកសាងអាកាសយានដ្ឋានភ្នំពេញថ្មី មកទល់បច្ចុប្បន្នសម្រេចបានការសាងសង់បានប្រមាណ ២៦% ហើយ។ នេះបើយោងតាមការបញ្ជាក់របស់ OCIC ផ្ទាល់កាលពីដើមសប្ដាហ៍នេះ ខណៈទឹកប្រាក់ប្រមាណជាង ៣៤០លានដុល្លារ ក៏ត្រូវបានចាក់បញ្ចូលក្នុងគម្រោងរួចមកហើយ ដោយមិនរាប់បញ្ជូលតម្លៃដី៕
អានបន្ថែម
ក្រសួងនឹងប្រើអគ្គិសនីលើប្រព័ន្ធដឹកជញ្ជូនសាធារណៈនៅភ្នំពេញដើម្បីបន្ថយការបំពុលបរិស្ថាន
ក្រសួងសាធារណការ និងដឹកជញ្ជូន នឹងប្រើអគ្គិសនីដើម្បីដំណើរការលើបណ្តាញដឹកជញ្ជូនសាធារណៈនៅរាជធានីភ្នំពេញ ដែលនេះជាផ្នែកមួយនៃការចូលរួមកាត់បន្ថយនៃការបញ្ចេញឧស្ម័នពុលពីវិស័យដឹកជញ្ជូន។ ឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូនបានលើកឡើងដូច្នេះនៅក្នុងកិច្ចពិភាក្សា (Panel Discussion) លើប្រធានបទ «អគ្គិសនីភាវូបនីយកម្មនៃយានយន្តដើម្បីអនាគតបៃតងសម្រាប់កម្ពុជា» នៅថ្ងៃទី៤ ខែវិច្ឆិកានេះ។ ឯកឧត្តម មានប្រសាសន៍ថា ក្រសួងផ្តោតលើការសិក្សាប្រព័ន្ធដឹកជញ្ជូននៅរាជធានីភ្នំពេញ ចំនួន៣ គឺរថភ្លើង AGT រថភ្លើង Monorail និងរថភ្លើងក្រោមដី (Subway)។ ឯកឧត្តម ស៊ុន ចាន់ថុល ថ្លែងថា៖ «ក្នុងដំណើរការបញ្ចប់ការដឹកជញ្ជូនសាធារណៈក្នុងរាជធានីភ្នំពេញ ទាក់ទងថាតើយើងប្រើ រថភ្លើងAGT ឬរថភ្លើង Monorail ឬរថភ្លើង Subwayក៏ដោយ… ច្បាស់ណាស់យើង នឹងប្រើអគ្គិសនីលើការដឹកជញ្ជូនសាធារណៈនេះ»។ គម្រោងចំនួន២ គឺរថភ្លើង AGT និងគម្រោងរថភ្លើង Monorail បានបញ្ចប់ការសិក្សារួចហើយ ដែលក្រសួងនៅរង់ចាំការសិក្សាគម្រោងរថភ្លើងក្រោមដី (Subway) បញ្ចប់ ដើម្បីពិចារណាជ្រើសរើសគម្រោងណាដែលសមស្រប និងមានតម្លៃវិនិយោគទាប។
អានបន្ថែម
រដ្ឋរៀបចំផែនទីបណ្ដាញផ្លូវជាតិឡើងវិញ ដើម្បីគ្រប់គ្រងនិងជួសជុលដោយមានប្រសិទ្ធភាព
ក្រសួងសាធារណការ និងដឹកជញ្ជូន កំពុងធ្វើបច្ចុប្បន្នភាពបញ្ជីសារពើភណ្ឌបណ្ដាញផ្លូវជាតិ ផ្លូវខេត្ត និងផ្លូវថ្នល់នានាទូទាំងប្រទេស និងរៀបចំចេញជាផែនទីបណ្ដាញផ្លូវបែបគ្រប់ជ្រុងជ្រោយថ្មី ដើម្បីធានាបាននូវការគ្រប់គ្រងប្រកបដោយប្រសិទ្ធភាព។ ការធ្វើបច្ចុប្បន្នភាពផ្លូវថ្នល់នេះ ធ្វើឡើងនៅក្នុងកិច្ចប្រជុំ នៅថ្ងៃទី៣ ខែវិច្ឆិកានេះ ដឹកនាំដោយ ឯកឧត្តម លឹម ស៊ីដេនីន រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានក្រុមការងារធ្វើផែនទីបណ្ដាញ ផ្លូវថ្នល់ ឆ្នាំ២០២០។ បើយោងតាម ឯកឧត្តម លឹម ស៊ីដេនីន ការរៀបចំផែនទីបណ្ដាញថ្មីនេះ នឹងជួយសម្រួលដល់ការងារគ្រប់គ្រង ជួសជុល និងថែទាំផ្លូវថ្នល់ឱ្យងាយស្រួល និងលឿនជាងមុន ព្រោះក្រសួងមានទិន្នន័យគ្រប់គ្រាន់នៅក្នុងដៃ។ សូមជម្រាបជូនថា ឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ បានជំរុញឱ្យមន្រ្តីមន្ទីរខេត្តចុះត្រួតពិនិត្យជាប្រចាំ ផ្លូវខូច និងគំនូសចរាចរណ៍ តាមដងផ្លូវ ដើម្បីសម្រួលការធ្វើដំណើររបស់ប្រជាពលរដ្ឋ និងកាត់បន្ថយគ្រោះថ្នាក់ចរាចរណ៍។
អានបន្ថែម
បារាំង ផ្ដល់ជំនួយប្រមាណ៥០ម៉ឺនដុល្លារ ជួយលើកកម្ពស់វិស័យអាកាសចរស៊ីវិលកម្ពុជា
រដ្ឋាភិបាលបារាំង នឹងផ្តល់ហិរញ្ញប្បទានឥតសំណងចំនួន ៤៥០ពាន់អឺរ៉ូ (ប្រមាណ៥០ម៉ឺនដុល្លារ) ដើម្បីអនុវត្តគម្រោងកសាងសមត្ថភាពក្នុងវិស័យអាកាសចរស៊ីវិលកម្ពុជា។ ការប្រកាសផ្តល់ជំនួយនេះ ត្រូវបានធ្វើឡើងក្នុងពិធីចុះហត្ថលេខាលើកិច្ចព្រមព្រៀងរវាងរដ្ឋលេខាធិការដ្ឋានអាកាសចរស៊ីវិល ឯកឧត្តម ម៉ៅ ហាវណ្ណាល់ រួមជាមួយលោក Damien CAZE អគ្គនាយកនៃអាជ្ញាធរអាកាសរចរណ៍ស៊ីវិលបារាំង (DGAC) និងលោកស្រី Ophélie BOURHIS នាយកទីភ្នាក់ងារបារាំងសម្រាប់ការអភិវឌ្ឍ (AFD) កាលថ្ងៃទី២ ខែវិច្ឆិកា ឆ្នាំ២០២១ កន្លងទៅ។ ជំនួយឥតសំណងនេះ នឹងប្រើប្រាស់ដើម្បីលើកកម្ពស់ប្រព័ន្ធសុវត្ថិភាព និងបរិស្ថានអាកាសយានដ្ឋាននៅកម្ពុជា ទិសដៅបង្កើនភាពទាក់ទាញ អ្នកទេសចរតាមផ្លូវអាកាស។ គម្រោងនេះផ្តោតលើការងារអាទិភាពចំនួន៤ រួមមាន ការពង្រឹងប្រព័ន្ធគ្រប់គ្រងបរិស្ថានអាកាសយានដ្ឋាន ការបណ្តុះបណ្តាលសមត្ថភាពលើការថែទាំបច្ចេកទេសអាកាសយានដ្ឋាន ការបណ្តុះបណ្តាលសមត្ថភាពពេទ្យអាកាសចរ និងការពង្រឹងសុវត្ថិភាពអាកាសយានដ្ឋាន។ ថ្លែងក្នុងឱកាសនេះ ឯកឧត្តម ម៉ៅ ហាវណ្ណាល់ បានវាយតម្លៃថា ជំនួយឥតសំណងនេះ ពិតជាឆ្លើយតបសេចក្តីត្រូវការ និងការងារជាអាទិភាពនៃរដ្ឋលេខាធិការដ្ឋានអាកាសចរស៊ីវិល។ គួរបញ្ជាក់ថា គិតចាប់តាំងពីឆ្នាំ១៩៩៩ រដ្ឋលេខាធិការដ្ឋានអាកាសចរស៊ីវិលកម្ពុជា និងអាជ្ញាធរអាកាសចរស៊ីវិលបារាំង បានជួយអនុវត្តគម្រោងផ្សេងៗជាច្រើនដូចជា គម្រោងកសាងសមត្ថភាពដល់មន្រ្តីបច្ចេកទេស ជួយរៀបចំបទប្បញ្ញត្តិបច្ចេកទេស និងឯកសារណែនាំអាកាសចរស៊ីវិល ក៏ដូចជាការជួយសិក្សា និងវិភាគលើផលប៉ះពាល់សេដ្ឋកិច្ចលើវិស័យដឹកជញ្ជូនតាមផ្លូវអាកាសកម្ពុជាផងដែរ៕
អានបន្ថែម
ផ្លូវសំខាន់២ខ្សែ ក្នុងក្រុងពោធិ៍សាត់នឹងសាងសង់នាថ្ងៃទី ១០ខែវិច្ឆិកា ខាងមុខនេះ
នៅថ្ងៃទី១០ខែវិច្ឆិកា ឆ្នាំ២០២១ខាងមុខនេះ ផ្លូវអាទិភាពក្នុងក្រុងពោធិ៍សាត់ ចំនួន២ខ្សែ នឹងត្រូវបើកការដ្ឋានស្ថាបនាសាងសង់ជាផ្លូវការហើយ។ នេះបើតាមកិច្ចប្រជុំពិភាក្សាការងាររបស់រដ្ឋបាលខេត្តពោធិ៍សាត់ដែលបានធ្វើឡើង កាលថ្ងៃទី២ ខែវិច្ឆិកា កន្លងទៅ។ ឯកឧត្តម ជាវ តាយ អភិបាលខេត្តពោធិ៍សាត់ បានឱ្យដឹងថា ផ្លូវទាំង ២ ខ្សែនេះ រួមមាន ផ្លូវក្រាលកៅស៊ូ DBST លេខ២០៩+១០៩ និងផ្លូវបេតុងជុំវិញផ្សារថ្មីពោធិ៍សាត់ លេខ២០៥+២០៦+១០៣។ ឯកឧត្តមថា ការបើកការស្ថាបនាផ្លូវចំនួន២ខ្សែនេះ គឺដើម្បីឆ្លើយតបទៅនឹងតម្រូវការចាំបាច់ របស់ប្រជាពលរដ្ឋក្នុងមូលដ្ឋាន ខណៈការងារសាងសង់នឹងដំណើរការនាថ្ងៃទី១០ ខែវិច្ឆិកាខាងមុខ។ គួរជម្រាបដែរថា ផ្លូវចំនួន២ខ្សែនេះ គឺស្ថិតនៅក្នុងគម្រោងគ្រប់គ្រងបរិស្ថានជុំវិញបឹងទន្លេសាប ក្រោមកម្ចីហិរញ្ញប្បទានពីធនាគារអភិវឌ្ឍន៍អាស៊ី (ADB) ចំនួន ៩,៩៣លានដុល្លារ និងអនុវត្តដោយក្រសួងសាធារណការ និងដឹកជញ្ជូន។ គម្រោងទាំងមូល រួមមាន អាងប្រព្រឹត្តកម្មទឹកកខ្វក់ ប្រព័ន្ធលូរំដោះទឹកភ្លៀង ទំនប់ការពារទឹកជំនន់ ទីលានចាក់សំរាម និងការធ្វើឱ្យប្រសើរឡើងផ្លូវកៅស៊ូថ្មីក្នុងក្រុងពោធិ៍សាត់នេះ។ បច្ចុប្បន្ននេះទីលានទុកដាក់សំរាម សម្រេចបាននូវសមិទ្ធផលរួមបាន ៨៥%ហើយ ដែលគ្រោងដាក់ឱ្យប្រើប្រាស់ នៅចុងខែកុម្ភៈ ឆ្នាំ២០២២។ ដោយឡែក ចំពោះអាងប្រព្រឹត្តកម្មទឹកកខ្វក់ ប្រព័ន្ធលូរំដោះទឹកភ្លៀង និងផ្លូវក្រាលស៊ូDBST […]
អានបន្ថែម
សេវារថយន្តក្រុង និងកាណូតសាធារណៈនៅភ្នំពេញ ដំណើរការឡើងវិញចាប់ពីថ្ងៃនេះតទៅ
សេវាដឹកជញ្ជូនជញ្ជូនសាធារណៈតាមរថយន្តក្រុង និងកាណូតនៅរាជធានីភ្នំពេញ នឹងចាប់ផ្តើមដំណើរការជាថ្មីឡើងវិញហើយ ចាប់ថ្ងៃទី២ ខែវិច្ឆិកានេះតទៅ។ នេះបើតាមសេចក្តីជូនដំណឹងពីរដ្ឋាករស្វយ័តដឹកជញ្ជូនសាធារណៈរថយន្តក្រុង (City Bus) រាជធានីភ្នំពេញ កាលពីថ្ងៃទី១ ខែវិច្ឆិកា ឆ្នាំ២០២១។ សេចក្តីជូនដំណឹងដដែលបានបញ្ជាក់ថា ខ្សែដែលបើកដំណើរមានដូចខាងក្រោម៖ ១៖ រថយន្តក្រុង៖ – ខ្សែទី១: ចេញពីស្ថានីយចំណតរថយន្តក្រុងព្រែកព្នៅ ដល់ស្ថានីយចំណតរថយន្តក្រុងវាលស្បូវ – ខ្សែទី២: ចេញពីស្ថានីយចំណតរថយន្តក្រុងរង្វង់មូលគួចកាណុង ដល់ស្ថានីយចំណតរថយន្តក្រុងស្ពានព្រែកសំរោង ក្រុងតាខ្មៅ។ – ខ្សែទី៣: ចេញពីស្ថានីយចំណតរថយន្តក្រុងសួនឫស្សីកែវ ដល់ស្ថានីយចំណតរថយន្តក្រុងបុរីសន្តិភាព២ តាមមហាវិថីសហព័ន្ធរុស្ស៊ី។ – ខ្សែទី៤A: ចេញពីស្ថានីយចំណតរថយន្តក្រុងសួនឫស្សីកែវ ដល់ស្ថានីយចំណតរថយន្តក្រុងបុរីសន្តិភាព២ តាមមហាវិថីសហព័ន្ធរុស្ស៊ី។ -ខ្សែទី៤B: ចេញពីស្ថានីយ៍ចំណតរថយន្តក្រុងសួនឫស្សីកែវ ដល់ស្ថានីយចំណតរថយន្តក្រុងបុរីសន្តិភាព២ តាមមហាវិថីចោមចៅ។ ២.កាណូត៖ ចេញពីស្ថានីយចំណតសួនឫស្សីកែវ ដល់ស្ថានីយចំណតក្រុងតាខ្មៅ។ លើសពីនេះ ក្នុងរយៈពេល៦ថ្ងៃ ដំបូង ចាប់ពីថ្ងៃទី២ ដល់ ថ្ងៃទី៧ ខែវិច្ឆិកា នឹងមិនមានការគិតសេវាទេ ដោយនឹងគិតសេវាធម្មតាវិញ ចាប់ពីថ្ងៃទី៨ ខែវិច្ឆិកា តទៅ។ យ៉ាងណា […]
អានបន្ថែម
រថភ្លើងល្បឿនលឿនបើកបរស្វ័យប្រវត្តិដំបូងគេក្នុងពិភពលោក សាងសង់ជិតរួចរាល់ហើយ
ការសាងសង់ផ្លូវរថភ្លើងល្បឿនលឿនដែលបើកបរដោយស្វ័យប្រវត្តិដំបូងគេក្នុងពិភពលោក កំពុងឈានដល់ការបញ្ចប់ឆាប់ៗនេះហើយ ពោលគឺមុនព្រឹត្តិការណ៍កីឡាអូឡាំពិករដូវរងាក្នុងទីក្រុងប៉េកាំង នៃប្រទេសចិន នៅឆ្នាំ ២០២២ ខាងមុខនេះ។ នេះបើយោងតាម South China Morning Post កាលពីសប្តាហ៍មុន។ ខ្សែរថភ្លើងនេះមានឈ្មោះថា Beijing-Zhangjiakou ដែលតភ្ជាប់ទីក្រុងប៉េកាំង និងតំបន់ Zhangjiakou ដែលជាទីក្រុងម្ចាស់ផ្ទះរណបនៃកីឡាអូឡាំពិកផងដែរ។ រថភ្លើងល្បឿនលឿននឹងមានល្បឿនអតិបរមា ៣៥០គ.ម ក្នុង១ ម៉ោង ដោយនឹងកាត់បន្ថយរយៈពេលធ្វើដំណើររវាងទីក្រុងទាំង២ ពីជាង ៣ម៉ោង មកត្រឹមតែ ៤៧នាទីប៉ុណ្ណោះ។ គួរបញ្ជាក់ថា ផ្នែកខ្លះនៃខ្សែរថភ្លើងនេះត្រូវបានបើកដំណើរការរួចហើយ តាំងពីខែធ្នូ ឆ្នាំ២០១៩ ដែលជាផ្លូវរថភ្លើងល្បឿនលឿនបើកបរដោយខ្លួនឯងដំបូងគេបង្អស់របស់ពិភពលោក។
អានបន្ថែម