បច្ចេកវិទ្យា និងវិស្វកម្ម
ក្រសួងនឹងបើកយុទ្ធនាការបណ្តុះបណ្តាលមន្រ្តីពីការប្រើប្រាស់ប្រព័ន្ធ Port EDI ថ្មី នៅខែវិច្ឆិកា
ក្រសួងសាធារណការ និងដឹកជញ្ជូន នឹងចាប់ផ្តើមយុទ្ធនាការបណ្តុះបណ្តាលមន្ត្រីអំពីរបៀបប្រើប្រាស់ប្រព័ន្ធផ្លាស់ប្ដូរទិន្នន័យអេឡិចត្រូនិកនៅកំពង់ផែថ្មី ឬPort EDI នៅពាក់កណ្តាលខែវិច្ឆិកា ឆ្នាំ២០២១ ខាងមុខនេះ។ ឯកឧត្ដម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានឱ្យដឹងថាក្នុងកិច្ចប្រជុំកាលពីថ្ងៃទី២៨ ខែកញ្ញា កន្លងទៅថា ការបណ្តុះបណ្តាល Port EDI វគ្គដំបូងនេះ នឹងធ្វើឡើងសម្រាប់មន្ត្រីគយ និងរដ្ឋាករ មន្ត្រីកំពង់ផែ និងមន្ត្រីសមត្ថកិច្ចពាក់ព័ន្ធផ្សេងៗទៀត។ «ក្រោយត្រូវបានអភិវឌ្ឍ និងដំឡើងរួចរាល់ ប្រព័ន្ធ Port EDI នេះ នឹងត្រូវដាក់ឱ្យដំណើរការដោយអនុក្រឹត្យមួយ ពោលគឺមិនមែនដំឡើងរួច ហើយដំណើរការតែម្ដងនោះទេ ព្រោះមានលក្ខខណ្ឌពាក់ព័ន្ធជាច្រើន» ឯកឧត្ដមបានបន្ត។ គួរបញ្ជាក់ថា ប្រព័ន្ធ Port EDI គឺជាការធ្វើទំនើបកម្មទ្រង់ទ្រាយធំលើការត្រួតពិនិត្យនាវាចរណ៍ចេញ-ចូលនៅកម្ពុជា ដោយប្តូរការធ្វើការដោយដៃ មកធ្វើការលើប្រព័ន្ធអនឡាញវិញ។ បច្ចុប្បន្នរាល់ការធ្វើបែបបទនាវាចរណ៍ ចេញ-ចូល គឺត្រូវចំណាយពេលរង់ចាំយូរ មានការលំបាក និងនីតិវិធីស្មុគស្មាញ។ ប៉ុន្តែនៅពេលប្រព័ន្ធ Port EDI នេះដំណើរការ វានឹងជួយសម្រួលដល់ការធ្វើបែបបទឱ្យងាយស្រួលជាងមុន ចំណេញពេលវេលា មានប្រសិទ្ធភាព និងតម្លាភាពផងដែរ។
អានបន្ថែម
ក្រសួងសាធារណការចាប់ផ្តើមបង្កើត App ត្រួតពិនិត្យ និងតាមដានគុណភាពសាងសង់ផ្លូវ
ក្រសួងសាធារណការ និងដឹកជញ្ជូន បានចាប់ផ្តើមការងារត្រៀមបង្កើតកម្មវិធី ឬAPP សម្រាប់តាមដាន និងត្រួតពិនិត្យគុណភាពការដ្ឋានផ្លូវថ្នល់នានានៅកម្ពុជាហើយ កាលពីខែកក្កដា ក្រោយរដ្ឋមន្រ្តីបានដាក់កំហិតឱ្យមន្រ្តីក្រោមឱវាទពង្រឹង និងរឹតបន្តឹងគុណភាពការងារសាងសង់ស្ពានថ្នល់នានា ដោយហាមដាច់ខាតមិនឱ្យធ្វើការងារឱ្យរួចពីដៃទេ។ កិច្ចប្រជុំពិភាក្សាលើការងារនេះ ធ្វើឡើងកាលពីថ្ងៃទី១៦ ខែកញ្ញា ឆ្នាំ២០២១ ដែលដឹកនាំដោយ ឯកឧត្តម ហ៊ាង វុត្ថា អគ្គនាយកនៃអគ្គនាយកដ្ឋានបច្ចេកទេស។ ឯកឧត្តម ហ៊ាង វុត្ថា បានឱ្យដឹងថា ការងារទាំងមូលគឺមិនមែនត្រឹមតែបង្កើតApp ទេ តែគឺនឹងបង្កើតប្រព័ន្ធមុខងារប្រើប្រាស់ពេញលេញសម្រាប់ត្រួតពិនិត្យគុណភាពផ្លូវ ឬ Road Care Supervision System ទៀតផង។ ឯកឧត្តម មានប្រសាសន៍ថា៖ «បច្ចុប្បន្ន ក្រុមការងារពាក់ព័ន្ធ កំពុងផ្លាស់ប្តូរមតិយោបល់ ប្រមូលធាតុចូលផ្សេងៗ និងបំពេញចំណុចខ្វះខាត មុនចាប់ផ្ដើមបង្កើតប្រព័ន្ធនេះ»។ «ប្រព័ន្ធនេះ នឹងជួយផ្ដល់ភាពងាយស្រួលដល់ថ្នាក់ដឹកនាំក្រសួង ក្នុងការតាមដានការងារគុណភាពផ្លូវ តាមរយៈរបាយការណ៍សាងសង់ របាយការណ៍ត្រួតពិនិត្យគុណភាព និងរបាយការណ៍វាយតម្លៃការងារសាងសង់ផងដែរ» ឯកឧត្តមបានបន្ដ។ គួរបញ្ជាក់ថា កាលពីពេលថ្មីនេះ រដ្ឋមន្ត្រីក្រសួងសាធារណការ និងដឹកជញ្ជូន ឯកឧត្តម ស៊ុន ចាន់ថុល បានបញ្ជាហាមដាច់ខាតមិនឱ្យធ្វើការងារឱ្យរួចពីដៃ […]
អានបន្ថែម
តើកម្មវិធី OpenBuildings Designer គឺជាអ្វី? មានសារៈប្រយោជន៍ដូចម្ដេចក្នុងវិស័យសំណង់?
កម្មវិធី OpenBuildings Designer គឺជាកម្មវិធីគ្រប់គ្រងសំណង់ និងគូរប្លង់គំរូសំណង់បែបឌីជីថលដ៏ ពេញនិយមមួយ ដែលបង្កើតឡើងដោយក្រុមហ៊ុនល្បីផ្នែកវិសកម្មសំណង់ឌីជីថលរបស់អាមេរិក Bentley System។ កម្មវិធីនេះរួមបញ្ចូលមុខងារគ្រប់ជ្រុងជ្រោយដែលម្ចាស់គម្រោងសំណង់ត្រូវការ រួមមានការគូរប្លង់ស្ថាបត្យកម្ម ការគ្រប់គ្រងបរិក្ខារសំណង់ ប្រព័ន្ធទឹកភ្លើង ការបង្កើតគំរូអគារឌីជីថលបែបរស់រវើក និងការបង្កើតប្រព័ន្ធគ្រប់គ្រងក្នុងអគារនោះជាដើម។ ដោយប្រើកម្មវិធីនេះ ស្ថាបត្យករ វិស្វករ និងអ្នកម៉ៅការសំណង់ នឹងធ្វើការដោយងាយស្រួល និងរលូនជាងមុន ព្រោះគ្រប់យ៉ាងនឹងត្រូវបានគ្រប់គ្រង់លើប្រព័ន្ធតែមួយ តាំងពីដំណាក់ការរចនាប្លង់ ដំណាក់កាលសិក្សាលទ្ធកម្ម ការចុះកិច្ចសន្យា ការសាងសង់ ការគ្រប់គ្រងជាងសំណង់ ការពិនិត្យសំណង់ និងការបិទបញ្ចប់សំណង់ជាដើម។ ការប្រើប្រាស់កម្មវិធីនេះទៀតសោត នឹងជួយឱ្យស្ថាបត្យករ វិស្វករ និងអ្នកម៉ៅការសំណង់ គូរប្លង់គំរូរស់រវើក ឬស្គាល់ជាទូទៅថា Building information modeling (BIM) បានដោយងាយស្រួលនឹងលឿនជាមុនផងដែរ។ លើសពីនេះ ស្ថាបត្យករក៏អាចប្រើកម្មវិធីនេះ ដើម្បីផ្លាស់ប្ដូរគំរូរប្លង់ចាស់ៗដែលធ្វើឡើងជាទម្រង់2D ទៅ ជា3D ផងដែរ។ ម្ចាស់គម្រោងថែមទាំងអាចកែប្រែការងារគំរូប្លង់បានដោយងាយស្រួល ដោយគ្មានភាពស្មុគស្មាញ ព្រោះគ្រប់យ៉ាងនឹងត្រូវUpdate ទៅគ្រប់ផ្នែកដោយស្វ័យប្រវត្តិ ដោយមិនចាំបាច់ព្រួយបារម្ភថាមានការយល់ច្រឡំគ្នានោះទេ។ លើសពីនេះ ចំណុចពិសេសបំផុតរបស់កម្មវិធី OpenBuildings Designer […]
អានបន្ថែម
ក្រសួងសាធារណការចាប់ដៃជាមួយឯកជន ពង្រឹងជំនាញបច្ចេកទេសដល់និស្សិត
វិទ្យាស្ថាន តេជោសែន សាធារណការ បានចុះហត្ថលេខាលើអនុស្សរណៈរួមគ្នា ជាមួយក្រុមហ៊ុន RMA Cambodia Plc ដែលជាក្រុមហ៊ុនឯកទេសផ្នែកវិស្វកម្មយានយន្ត បច្ចេកទេស និងឧបករណ៍ធុនធ្ងន់ ក្នុងគោលបំណងពង្រឹងសមត្ថភាពនិស្សិតក្នុងវិទ្យសា្ថនឱ្យមានជំនាញច្បាស់ជាងមុន។ តាមរយៈអនុស្សរណៈនេះ ភាគីទាំង ២ នឹងរួមគ្នាបង្កើតឱ្យមានកម្មវិធីបណ្តុះបណ្តាលនានា ដូចជាការផ្លាស់ប្តូរប្រើប្រាស់ឧបករណ៍ គ្រឿងបរិក្ខារ សម្ភារសំណង់ និងធនធានរួមគ្នា និងការលើកកម្ពស់កិច្ចសហប្រតិបត្តិការផ្សេងៗទៀតជាដើម។ លោកជំទាវរដ្ឋលេខាធិការ ឥម នីថារ៉ា បានឱ្យដឹងក្នុងពិធីចុះហត្ថលេខា កាលថ្ងៃទី៩ ខែកញ្ញា នេះថា ក្រសួងមានចក្ខុវិស័យវែងឆ្ងាយ ចង់បណ្តុះបណ្តាលកូនខ្មែរឱ្យចេះសាងសង់ផ្លូវ ស្ពាន ដោយខ្លួនឯង និងមានគុណភាព។ លោកជំទាវ បន្តថា៖ «ដោយសារក្រុមហ៊ុន RMA Cambodia គឺជាក្រុមហ៊ុនល្បីល្បាញលើឆាកអន្តរជាតិ ខាងផ្នែកវិស្វកម្មយានយន្ត បច្ចេកទេស និង ឧបករណ៍ធុនធ្ងន់ ដូច្នេះ ការសហការនឹងជួយធ្វើឱ្យនិស្សិតយល់ការតែច្បាស់ពីការងារជាក់ស្ដែងក្នុងទីផ្សារ» ។ ក្រៅពីចុះអនុស្សរណៈនេះ កន្លងមកវិទ្យាស្ថានសាធារណការ ក៏ធ្លាប់បានចុះអនុស្សរណៈជាមួយបណ្តាដៃគូនានាក្នុងវិស័យពាក់ព័ន្ធក្នុងនោះរួមមាន វិទ្យាស្ថានបច្ចេកវិទ្យាកម្ពុជា និង Zejiang Institute of Communication […]
អានបន្ថែម
ព្រលានយន្តហោះធំៗ ២ នៅកម្ពុជា នាំចូលបច្ចេកវិទ្យាថ្មីគ្រប់គ្រងផ្លូវរត់យន្តហោះបែបវៃឆ្លាត
អាកាសយានដ្ឋានអន្តរជាតិភ្នំពេញ និងខេត្តព្រះសីហនុ បាននឹងកំពុងប្រើប្រាស់ប្រព័ន្ធគ្រប់គ្រងកម្រាលផ្លូវ(APMS) ដែលជាបច្ចេកវិទ្យាថ្មីជួយដោះស្រាយបញ្ហា និងធ្វើឱ្យប្រសើរឡើងនូវកម្រាលផ្លូវរត់របស់យន្តហោះ។ នេះបើតាមទំព័រហ្វេកប៊ុកផ្លូវការរបស់ក្រុមហ៊ុន Cambodia Airports ។ ប្រព័ន្ធ APMS គឺជា software ថ្មី ដែលមានអត្ថប្រយោជន៍អាចវិភាគ និងផ្តល់នូវព័ត៌មានអំពីស្ថានភាពផ្លូវរត់ ផ្លូវចូលចំណត និងចំណតយន្តហោះ បានដោយងាយស្រួល និងឆ្លាតវៃ។ លើសពីនេះ ប្រព័ន្ធនេះ អាចជួយផ្ដល់ព័ត៌មានជាក់លាក់ដល់អាកាសយានដ្ឋាន ដើម្បីយកមកពិចារណាធ្វើផែនការថែទាំ ស្តារ និងកសាងឡើងវិញនូវចំណុចខូចខាតនានាៗនៅក្នុងអាកាសយានដ្ឋានផងដែរ។ មកទល់សព្វថ្ងៃនេះ ប្រព័ន្ធគ្រប់គ្រងនេះត្រូវបានដាក់ប្រើប្រាស់នៅតាមអាកាសយានដ្ឋានចំនួន ៦ ផ្សេងទៀតដែលមានទីតាំងនៅប្រទេសប្រេស៊ីល ជប៉ុន ស៊ែប៊ី និងព័រទុយហ្កាល់ ដែលជាសមាជិកនៃបណ្តាញក្រុមហ៊ុនអាកាសយានដ្ឋានវីនស៊ី (VINCI Airports)។
អានបន្ថែម
Bentley និង Microsoft នឹងរៀបចំសិក្ខាសាលាអនឡាញស្ដីពីនិន្នាការឌីជីថលនៅក្នុងវិស័យសំណង់
អ្នកជំនាញជាច្រើនរូបមកពីក្រុមហ៊ុនលំដាប់កំពូលទាំងពីរ នឹងមកចែករំលែកចំណេះដឹង និន្នការថ្មី តួនាទី ក៏ដូចជាសារៈសំខាន់នៃប្រព័ន្ធឌីជីថល នៅក្នុងវិស័យវិស្វកម្ម សំណង់ ការដឹកជញ្ជូន ការផ្គត់ផ្គត់ទឹក ថាមពល និងអចលនទ្រព្យ។ តើកម្មវិធីនេះគឺជាអ្វី? កម្មវិធីនេះមានឈ្មោះថា Bentley Infraweek Asia-Pacific ដែលនឹងរៀបចំតាមប្រព័ន្ធអនឡាញ ក្រោមការសហការរវាងក្រុមហ៊ុនឈានមុខគេផ្នែកសំណង់ឌីជីថល Bentley Systems និងក្រុមហ៊ុន Microsoft។ កម្មវិធីនឹងមានការចូលរួមពីថ្នាក់ដឹកនាំ និងអ្នកជំនាញជាច្រើន ដោយនឹងពិភាក្សាអំពីសារៈសំខាន់ ការផ្លាស់ប្ដូរ និន្នាការថ្មី ក៏ដូចជារបៀបប្រើប្រព័ន្ធឌីជីថលក្នុងវិស័យផ្សេងៗដូចជា វិស្វកម្ម សំណង់ ការដឹកជញ្ជូន ការផ្គត់ផ្គត់ទឹក ថាមពល និងអចលនទ្រព្យ ជាដើម។ តើកម្មវិធីនេះរៀបចំពេលណា? កម្មវិធីនេះនឹងរៀបចំតាមប្រព័ន្ធអនឡាញនៅ ថ្ងៃទី ២ និង៣ ខែកញ្ញា។ ចាប់ថ្ងៃទី ១ ម៉ោង ១១:៣០ ដល់ ១៤:០០ វាគ្មិននឹងបើកកម្មវិធីដោយចែករំលែកអំពីការផ្លាស់ប្តូរ និងនិន្នាការថ្មីរបស់ប្រព័ន្ធឌីជីថលនៅក្នុងពិភពលោក ក្រោយវិបត្តិកូវីដ ថ្ងៃទី ២ ចាប់ពីម៉ោង ១១:៣០ ដល់ […]
អានបន្ថែម
អ្នកជំនាញអន្តរជាតិធំៗ៣ រួមគ្នាជួយបង្វឹករោងចក្រនៅកម្ពុជានូវបច្ចេកវិទ្យាគ្រប់គ្រងថាមពលថ្មី
រោងចក្រនានានៅកម្ពុជា កំពុងត្រៀមខ្លួនងាកមកប្រើប្រាស់បច្ចេកវិទ្យា និងគោលនយោបាយគ្រប់គ្រងថាមពលបែបថ្មី ដែលនឹងជួយសន្សំសំចៃថាមពល បង្កើនប្រសិទ្ធភាពផលិតកម្ម និងពិសេសឆ្លើយតបទៅនឹងនិន្នាការពិភពលោកដែលចង់កាត់បន្ថយផលប៉ះពាល់បរិស្ថាន ក្នុងសង្វាក់ផលិតកម្មសំលៀកបំពាក់។ ការងារនេះ ត្រូវបានដឹកនាំដោយភ្នាក់ងារជំនាញធំៗ៣ គឺភ្នាក់ងារ Switch Garment វិទ្យាស្ថានថាមពលនិងធនធាន (TERI) និងវិទ្យាស្ថានបច្ចេកវិទ្យាកម្ពុជា ដោយក្រុមហ៊ុនការងាររួមនេះ បានចាប់ផ្តើមធ្វើសវនកម្មថាមពលរយៈពេលវែង តាមបណ្តារោងចក្រកាត់ដេរនានា តាំងពីដើមខែសីហា មកម្ល៉េះ។ បើយោងតាមសេចក្តីប្រកាសព័ត៌មានចេញផ្សាយកាលពីថ្ងៃទី២៤ ខែសីហា ការធ្វើសវនកម្មថាមពលនេះ នឹងវិភាគពីការប្រើប្រាស់ថាមពលដែលមានស្រាប់របស់រោងចក្រ ហើយបន្ទាប់មកនឹងជួយវិធីឱ្យរោងចក្រទាំងនោះសន្សំសំចៃថាមពលជាងមុន ព្រមនឹងការបង្កើនផលិតកម្ម។ គម្រោងនេះក៏នឹងជួយណែនាំបំភ្លឺផ្លូវ ផ្ដល់វគ្គបណ្តុះបណ្តាល និងជួយពង្រឹងសមត្ថភាពដល់រោងចក្រថា គួរតែវិនិយោគបន្ថែម ឬកាត់បន្ថយផ្នែកណា ដើម្បីសម្រេចបាននូវប្រព័ន្ធគ្រប់គ្រងថាមពលស្អាត និងមានចីរភាព។ មកទល់បច្ចុប្បន្ន រោងចក្រកាត់ដេរជាង ៣០ បានចូលរួមជាដៃគូជាមួយនឹងគម្រោង Switch Garment ហើយ ដោយគម្រោងនេះនឹងជ្រើសរើស ២០ រោងចក្រទៀត ត្រឹមចុងឆ្នាំនេះ។ យោងតាមធនាគារពិភពលោក ឧស្សាហកម្មកាត់ដេរសកល បង្កើតឧស្ម័នពុលដល់ទៅ ១០% នៃទំហំឧស្ម័នកាបូនសរុបជុំវិញពិភពលោកប្រចាំឆ្នាំ។ ដោយឡែក សម្រាប់កម្ពុជា Global Green Growth Institute […]
អានបន្ថែម
ស្ថានីយសូឡាអណ្តែតទឹកខ្នាតយក្សដំបូងបង្អស់នៅសិង្ហបូរីបើកដំណើរការជាផ្លូវការហើយ
បន្ទាប់ពីការសាងសង់អស់រយៈពេលជាង១ឆ្នាំ សិង្ហបុរីបានបើកដំណើរការស្ថានីយផលិតថាមពលពីពន្លឺព្រះអាទិត្យ (សូឡា) អណ្តែតទឹកខ្នាតធំដំបូងបង្អស់ ទំហំ ៤៥ហិកតា នៅឯអាងស្តុកទឹក Tengeh។ នេះបើយោងតាមសារព័ត៌មាន GCR កាលពីចុងខែកក្កដា។ រោងចក្រសូឡាអណ្តែតទឹកនេះ មានទំហំធំស្មើនឹងទីលានបាល់ទាត់ដល់ទៅ ៤៥ ដងឯណោះ ដែលមានបន្ទះសូឡាសរុបចំនួន ១២២ ០០០ បន្ទះ និងអានុភាពថាមពល ៦០មេហ្កាវ៉ាត់។ គម្រោងនេះចាត់ទុកថា ជាគម្រោងមួយក្នុងចំណោមរោងចក្រសូឡាអណ្តែតទឹកសាបធំជាងគេបំផុតនៅលើពិភពលោក ខណៈថាមពលពីរោងចក្រនឹងត្រូវប្រើដើម្បីផ្គត់ផ្គង់ថាមពលរោងចក្រប្រព្រឹត្តកម្មទឹកចំនួន ៥កន្លែង។ លើសពីនេះ គម្រោងនេះក៏អាចផ្គត់ផ្គង់អគ្គិសនីបៃតងដល់ផ្ទះចំនួន ១៦,០០០ខ្នង ដែលអាចបន្ថយការបញ្ចេញកាបូនប្រមាណ ៣២០០ តោនក្នុងមួយឆ្នាំ ឬស្មើនឹងការដកយករថយន្តចំនួន ៧,០០០គ្រឿងចេញពីផ្លូវ។ រោងចក្រនេះទៀតសោត នឹងចូលរួមចំណែក ៧% នៃតម្រូវការថាមពលសរុបប្រចាំឆ្នាំរបស់សិង្ហបុរី។ គួរបញ្ជាក់ផងដែរ គម្លាតរវាងបន្ទះសូឡានៅលើទឹក គឺធំគ្រប់គ្រាន់ ដើម្បីឱ្យមានលំហូរខ្យល់ និងពន្លឺព្រះអាទិត្យ ដើម្បីទ្រទ្រង់ជីវិតសត្វ និងរុក្ខជាតិក្នុងទឹក ។
អានបន្ថែម
រដ្ឋគ្រោងសង់អាងប្រព្រឹត្តកម្មទឹកកខ្វក់ខ្នាតធំ លើដីជាង ៥០ហិកតា នៅកំពង់ឆ្នាំង
អាជ្ញាធរក្រុងកំពង់ឆ្នាំង កំពុងរៀបចំបោះបង្គោលព្រំដី ៥០ហិកតា ក្នុងតំបន់បឹងធំ ដើម្បីត្រៀមសាងសង់អាងប្រព្រឹត្តកម្មទឹកកខ្វក់កម្រិតស្ដង់ដារមួយ ក្នុងក្រុងកំពង់ឆ្នាំង នាពេលឆាប់ៗខាងមុខនេះ។ នេះបើយោងតាមកិច្ចប្រជុំភាគីពាក់ព័ន្ធ កាលពីថ្ងៃទី២២ ខែ សីហា ឆ្នាំ២០២១។ លោកជំទាវ ប៊ន សុភី អភិបាលរងខេត្តកំពង់ឆ្នាំង មិនទាន់បញ្ជាក់ពីពេលវេលាសាងសង់ និងថវិកាសម្រាប់គម្រោងនេះនៅឡើយ ប៉ុន្តែលោកជំទាវ បានបញ្ជាក់បន្ថែមថាអាងប្រព្រឹត្តកម្មទឹកកខ្វក់នេះ នឹងធ្វើឡើងក្នុងទ្រង់ទ្រាយធំ អនុលោមតាមស្តង់ដារបច្ចេកទេសដើម្បីឆ្លើយតបទៅនឹងតម្រូវការ។ បើយោងតាមរដ្ឋបាលខេត្ត ក្រៅពីគ្រោងសាងសង់អាងប្រព្រឹត្តកម្មទឹកកខ្វក់ នៅដំណាច់ឆ្នាំ២០២១ ខាងមុខនេះ ក្រុងកំពង់ឆ្នាំងក៏នឹងមានទីលានចាក់សំរាមទំហំជាង ១០ហិកតា ផងដែរ ដែលសាងសង់ឡើងក្រោមកម្ចីរបស់ធនាគារអភិវឌ្ឍន៍អាស៊ី (ADB)។ (អានបន្ថែម)
អានបន្ថែម
២០២៣ កម្ពុជានឹងប្រើប្រព័ន្ធដឹកជញ្ជូនឆ្លាតវៃនៅព្រលានថ្មី ទីក្រុងរណប និងតាមផ្លូវជាតិ
កម្ពុជា កំពុងសហការជាមួយប្រទេសកូរ៉េខាងត្បូង រៀបចំផែនការមេប្រព័ន្ធដឹកជញ្ជូនឆ្លាតវៃ ឬ (ITS – Intelligent Transport System) ដើម្បីត្រៀមដាក់ឱ្យប្រើប្រាស់សាកល្បងជាលើកដំបូងនៅក្នុងព្រលានយន្តហោះភ្នំពេញថ្មី ទីក្រុងរណបនានាជុំវិញភ្នំពេញ និងតាមផ្លូវជាតិសំខាន់ៗមួយចំនួន ឱ្យបាននៅ ២០២៣។ នេះបើតាមកិច្ចប្រជុំរវាងក្រសួងសាធារណការ និងដឹកជញ្ជូន និងក្រសួងដែនដី ហេដ្ឋារចនាសម្ព័ន្ធ និងដឹកជញ្ជូននៃប្រទេសកូរ៉េ កាលពីថ្ងៃទី១៨ ខែសីហា ឆ្នាំ២០២១។ ឯកឧត្តម ឈួន វ៉ន់ អគ្គនាយកនៃអគ្គនាយកដ្ឋានដឹកជញ្ជូនផ្លូវគោក នៃក្រសួងសាធារណការ និងដឹកជញ្ជូន បានឱ្យដឹងថា កូរ៉េបានអនុម័តរួចហើយ ថានឹងជួយកម្ពុជាលើគម្រោងប្រព័ន្ធដឹកជញ្ជូនឆ្លាតវៃក្រោមរូបភាពជាជំនួយអភិវឌ្ឍន៍ផ្លូវការ (Official Development Assistance)។ គម្រោងនេះ គ្រោងនឹងបញ្ចប់នៅក្នុងខែសីហា ឆ្នាំ២០២២ ហើយគ្រោងដាក់ឱ្យដំណើរការសាកល្បងក្នុងឆ្នាំ២០២៣ នៅព្រលានយន្តហោះថ្មីរបស់កម្ពុជា ទីក្រុងរណបជុំវិញរាជធានីភ្នំពេញ និងនៅតាមបណ្តាញផ្លូវជាតិសំខាន់ដូចជា ផ្លូវជាតិលេខ១ ផ្លូវជាតិលេខ៤ និងផ្លូវជាតិលេខ៥ ជាដើម។ ឯកឧត្តម ឈួន វ៉ន់ មានប្រសាន៍ថា៖ «ប្រព័ន្ធដឹកជញ្ជូនឆ្លាតវៃនេះ គឺជាបច្ចេកវិទ្យាទំនើប ដែលអាចប្រើប្រាស់សម្រាប់គ្រប់គ្រងបណ្តាញផ្លូវថ្នល់ ជួយសម្រួលដល់ការងារគ្រប់គ្រង និងត្រួតពិនិត្យមធ្យោបាយដឹកជញ្ជូនក្នុងពេលវេលាមួយច្បាស់លាស់»។ «លើសពីនេះ […]
អានបន្ថែម