អគារពាណិជ្ជកម្មទំនើប បើកលក់ដំណាក់កាលទី២ លើមហាវិថី សម្តេចតេជោ ហ៊ុន សែន

Proeksa Meas
19 ខែកក្កដា 2026
ព័ត៌មានអចលនទ្រព្យ
336 មើល

បន្ទាប់ពីបើកលក់ ដំណាក់កាលទី១ ទទួលបានជោគជ័យ និងទទួលចាប់អារម្មណ៍ខ្ពស់ពីវិនិយោគិន ម្ចាស់អាជីវកម្មធំៗ គម្រោង ធី អាយ អេ ស៊ីធី–TIA CITY បានប្រកាសបើកលក់ជាផ្លូវការនូវអគារពាណិជ្ជកម្ម (Commercial Building) ដំណាក់កាលទី២ របស់ខ្លួន។

អគារពាណិជ្ជកម្ម មានកម្ពស់ ៥ជាន់ មានទំហំធំ ទទឹងប្រវែង ៦ម៉ែត្រ x បណ្តោយប្រវែង ២០ម៉ែត្រ ដែលមានទីតាំងលេចធ្លោលើមហាវិថីសម្តេចតេជោ ហ៊ុន សែន (ផ្លូវ 60 ម៉ែត្រ)ខាងមុខគម្រោងអភិវឌ្ឍន៍ថ្មីទំហំ ១០០ ហិកតា ក្បែរព្រលានយន្តហោះអន្តរជាតិតេជោ ស្ថិតនៅចំកណ្តាលនៃមជ្ឍមណ្ឌលសេដ្ឋកិច្ចថ្មី ដែលហ៊ុំព័ទ្ធដោយគម្រោងហេដ្ឋារចនាសម្ព័ន្ធ និងអភិវឌ្ឍន៍ចម្រុះ ធានានូវចរាចរណ៍មនុស្សច្រើនកុះករជារៀងរាល់ថ្ងៃ និងជាច្រកចូលសំខាន់របស់គម្រោងថ្មី ទីតាំងនេះផ្តល់នូវភាពងាយស្រួលក្នុងការធ្វើដំណើរ និងឱកាសក្នុងការទាក់ទាញចំណាប់អារម្មណ៍អតិថិជន។

ក្រោយពី ដំណាក់កាលទី១ មានត្រឹមតែ ១២ អគារ ប៉ុណ្ណោះ ត្រូវបានម្ចាស់អាជីវកកម្មធំៗមើលឃើញពីទីតាំងសក្កានុពល នឹងទិញត្រៀមបើកពង្រីកអាជីវកម្មរបស់ខ្លួននោះ គម្រោងនឹងត្រៀមប្រគល់ជូនម្ចាស់អគារចុងឆ្នាំ២០២៦ នេះផងដែរ។ ចំពោះអគារពាណិជ្ជកម្ម ដំណាក់កាលទី២ នេះ គឺបានសម្រុកសាងសងយ៉ាងមមារញឹក ដើម្បីបំពេញតម្រូវការម្ចាស់អគារបើកអាជីវកម្មឆាប់ៗនេះ ដូចជា៖ គ្រឹះស្ថានហិរញ្ញវត្ថុ និងធនាគារ គ្លីនិក និងសេវាសុខភាព ការិយាល័យ អាផាតមិន សណ្ឋានគារ អាជីវកម្មពាណិជ្ជកម្មផ្សេងៗ។

ធី អាយ អេ ស៊ីធី-TIA CITY ស្ថិតនៅក្នុងតំបន់ដែលកំពុងក្លាយជាមជ្ឈមណ្ឌលសេដ្ឋកិច្ចថ្មីភាគខាងត្បូងនៃរាជធានីភ្នំពេញ ដោយហ៊ុំព័ទ្ធទៅដោយគម្រោងអភិវឌ្ឍន៍ធំៗជាច្រើន រួមមាន អាកាសយានដ្ឋានអន្តរជាតិតេជោ គម្រោងអភិវឌ្ឍន៍ចម្រុះវិស័យ បណ្តាញផ្លូវសំខាន់ៗ និងហេដ្ឋារចនាសម្ព័ន្ធថ្មីៗ ដែលនឹងជំរុញកំណើនសេដ្ឋកិច្ច និងបង្កើនចរាចរណ៍មនុស្សយ៉ាងសកម្មក្នុងតំបន់នេះ។

ការបើកលក់នេះ គឺជាឱកាសដ៏ល្អសម្រាប់អ្នកវិនិយោគ និងម្ចាស់អាជីវកម្មក្នុងការកាន់កាប់ទីតាំងអាជីវកម្មដ៏មានសក្តានុពល នៅក្នុងតំបន់ដែលកំពុងមានការអភិវឌ្ឍយ៉ាងឆាប់រហ័ស និងត្រូវបានរំពឹងថានឹងក្លាយជាចំណុចកណ្តាលនៃសកម្មភាពសេដ្ឋកិច្ច និងពាណិជ្ជកម្មនាពេលអនាគត។