ចំណេះដឹង និង បទពិសោធន៍
អ្នកជំនាញ៖ អាជីវកម្មសង់ផ្ទះលំហែលក់ អាចរងហានិភ័យជាប់គាំងលុយ ព្រោះតម្រូវការនៅទាប
រយៈពេលប៉ុន្មានឆ្នាំចុងក្រោយនេះ ឃើញថានិន្នាការសង់ផ្ទះលំហែលក់ កំពុងតែពេញនិយមខ្លាំង ពិសេសនៅតាមតំបន់ក្រៅក្រុងដូចជា ភ្នំបូកគោ កំពត និងគិរីរម្យជាដើម។ ប៉ុន្តែតើជាក់ស្ដែងអាជីវកម្មនេះមានសក្ដានុពល ឬទទួលផលចំណេញដូចការគិតដែរឬទេ? អ្នកជំនាញថាអាចមានហានិភ័យជាប់គាំងលុយ បើមិនពិចារណាច្បាស់លាស់។ អ្នកជំនាញផ្នែកអចលនទ្រព្យនៅកម្ពុជា និងជាប្រធានក្រុមហ៊ុន KW Cambodia លោកឧកញ៉ាបណ្ឌិត គីម ហ៊ាង បានលើកឡើងថា សម្រាប់សេដ្ឋកិច្ចកម្ពុជា ពិសេសជីវភាពប្រជាពលរដ្ឋបច្ចុប្បន្ន បើគិតទៅដល់ការវិយោគលើផ្ទះលំហែកម្សាន្ត គឺមិនទាន់មានទីផ្សារខ្លាំងនោះទេ។ លោកបញ្ជាក់ថា «ប្រជាជនកម្ពុជាភាគច្រើន មិនទាន់មានលទ្ធភាពទិញផ្ទះលំហែកម្សាន្តទេ ព្រោះគាត់មិនទាន់មានលទ្ធភាពទិញផ្ទះនៅផង ឱ្យគាត់ទៅទិញផ្ទះលំហែយ៉ាងម៉េច? ព្រោះផ្ទះប្រភេទនេះមានតម្លៃថ្លៃ ហើយក្មេងវិញក៏អត់ទិញដែរ ព្រោះត្រូវការទុកលុយទិញផ្ទះនៅ និងទិញឡានជិះ អ៊ីចឹងឱ្យគាត់ទៅយកលុយរាប់ម៉ឺនដុល្លារទៅទិញផ្ទះប្រភេទនេះ គឺជារឿងដ៏លំបាក»។ លោកបន្តថា ទីផ្សារផ្ទះលំហែកម្សាន្ត គឺនៅតូចណាស់ ដោយភាគច្រើនគឺសម្រាប់តែក្រុមមនុស្សដែលមានអាយុជាង៥០ឆ្នាំ ហើយមានលុយច្រើនតែប៉ុណ្ណោះ ហេតុនេះយ៉ាងហោចណាស់ក៏ត្រូវការពេលយ៉ាងតិច៥ឆ្នាំទៀត ទើបទីផ្សារផ្ទះប្រភេទនេះមានដំណើរការល្អ។ យ៉ាងណាមិញ លោកថា បើនៅតែចង់ធ្វើនៅពេលនេះ គឺអាចធ្វើបាន ប៉ុន្តែអ្នកអភិវឌ្ឍន៍ត្រូវគិតទៅដល់រឿងធំៗចំនួន៤ គឺ ទីតាំង បរិយាកាសធម្មជាតិ រយៈពេលនៃការធ្វើដំណើរ និងក្រុមមនុស្សដែលត្រូវទិញ ព្រោះនេះគឺជាចំណុចស្លាប់រស់នៃផ្ទះលំហែកម្សាន្ត។ «ផ្ទះលំហែ សំខាន់បំផុតត្រូវមានទីតាំង ទេសភាព […]
អានបន្ថែម
ឧកញ៉ាគីម ហ៊ាង ៖ ២ ឆ្នាំខាងមុខ វិស័យដីឡូតិ៍អាចនឹងជាប់គាំង បើសិនមិនផ្លាស់ប្ដូររបៀបអភិវឌ្ឍ
អ្នកជំនាញផ្នែកអចលនទ្រព្យនៅកម្ពុជា បានលើកឡើងថា ក្នុងឆ្នាំ២០២២ រហូតដល់ឆ្នាំ២០៣០ វិស័យដីឡូតិ៍កម្ពុជា នៅតែអាចដំណើរការទៅមុខបានជាធម្មតា ប៉ុន្តែគាត់បានក្រើនរំលឹកថា ប្រភេទដីឡូតិ៍មួយចំនួន អាចនឹងជាប់គាំង ឬដួលរលំ ក្នុងរយៈពេល ២-៣ ឆ្នាំខាងមុខ ប្រសិនបើគម្រោងដីឡូតិ៍ទាំងនោះមិនធ្វើបច្ចុប្បន្នភាព ឬផ្លាស់ប្ដូររបៀបអភិវឌ្ឍន៍។ លោកឧកញ៉ាបណ្ឌិត គីម ហ៊ាង ប្រធានក្រុមហ៊ុន KW Cambodia បានលើកឡើងថា ចរន្តទិញលក់ដីឡូតិ៍នៅតែអាចដំណើរការបាន សម្រាប់ប្រជាជនវ័យក្មេង ពិសេសអ្នកដែលមានចំណូលទាប ព្រោះពួកគេមិនមានលទ្ធភាពទិញផ្ទះ ឬដីធំៗនោះទេ ប៉ុន្តែពួកគេអាចសន្សំប្រាក់ជាមួយការវិនិយោគដីឡូតិ៍តូចៗបាន។ យ៉ាងណាក្ដី លោកឧកញ៉ា ក្រើនរំលឹកថា៖ «របៀបនៃការធ្វើគម្រោងដីឡូតិ៍ ត្រូវចេះធ្វើបច្ចុប្បន្នភាព ព្រោះបើធ្វើដូចបច្ចុប្បន្ននេះ តែ២ឆ្នាំទៀត គេនឹងឈប់ទិញដីឡូតិ៍អស់ហើយ ព្រោះដីឡូតិ៍ខ្លះ គាត់ពុះមិនដឹងជាផ្លូវបែរទៅណាទៅណីទេ? អត់មានប្រព័ន្ធលូត្រឹមត្រូវ អត់មានទឹក អត់មានភ្លើង នៅឆ្ងាយពេកវាអត់ដើរទេ»។ «ប៉ុន្តែបើយើងចេះធ្វើបច្ចុប្បន្នភាពដីឡូតិ៍ ដោយធ្វើជាប្លង់ច្បាស់លាស់ មានទំហំធំអាចចាប់ពី ១៥ហិកតា ឡើងទៅ ពុះលក់ក្នុងទំហំធំសមល្មមដែលអាចសង់ផ្ទះបាន មានផ្លូវធំ រៀបចំហេដ្ឋារចនាសម្ព័ន្ធឱ្យល្អជាដើម វានឹងដើរ» លោកបានបន្ដ។ ហេតុនេះ លោកឧកញ៉ាបណ្ឌិត គីម […]
អានបន្ថែម
តើតំបន់ណាខ្លះល្អជាងគេសម្រាប់ការអភិវឌ្ឍន៍បុរី និងខុនដូក្នុងក្រុងភ្នំពេញ?
ដោយសារវិស័យអចលនទ្រព្យមានការរីកចម្រើនយ៉ាងឆាប់រហ័សនៅរាជធានីភ្នំពេញ គ្រប់តំបន់ទាំងអស់ដែលស្ថិតនៅក្នុងទីក្រុងបានទាក់ទាញការវិនិយោគយ៉ាងច្រើនពីវិនិយោគិនក្នុងស្រុក និងក្រៅស្រុកដែលមានបំណងចង់អភិវឌ្ឍគម្រោងផ្សេងៗដូចជា រោងចក្រ ផ្សារ សាលារៀន និងជាពិសេសបុរី និងខុនដូដើម្បីឆ្លើយតបទៅនឹងតម្រូវការទីផ្សារបច្ចុប្បន្ន។ ប្រការនេះបានជំរុញឱ្យតម្លៃដីធ្លីទាំងក្នុង និងជាយក្រុងភ្នំពេញកើនឡើងគួរឱ្យកត់សម្គាល់ ជាពិសេសទីតាំងដែលនៅជាប់គម្រោងអភិវឌ្ឍន៍របស់រដ្ឋ និងឯកជន។ ប៉ុន្តែតើក្នុងពេលបច្ចុប្បន្ននេះ ទីតាំងមួយណាដែលពេញនិយមបំផុតសម្រាប់ការអភិវឌ្ឍន៍គម្រោងបុរី និងខុនដូរនៅក្នុងរាជធានីភ្នំពេញ? លោក សុខ គឹមអេង អ្នកគ្រប់គ្រងទូទៅនៃក្រុមហ៊ុនអចលនទ្រព្យសុវណ្ណាភូមិ Sovannaphum បានលើកឡើងថា ប្រសិនបើអ្នកចង់សាងសង់គម្រោងបុរីក្នុងរាជធានីភ្នំពេញ ទីតាំងនៅជុំវិញ និងតាមបណ្ដោយមហាវិថី ហ៊ុន សែន (ផ្លូវ៦០ម៉ែត្រ) ក្នុងខណ្ឌមានជ័យគឺជាទីតាំងល្អបំផុត ព្រោះវាជាតំបន់កំពុងរីកចម្រើនខ្លាំងដែលមានប្រជាជនរស់នៅច្រើន រួមជាមួយនឹងការកើនឡើងនៃសកម្មភាពអភិវឌ្ឍលំនៅឋាន និងគម្រោងអគារពាណិជ្ជកម្ម។ តំបន់ផ្លូវ៦០ម៉ែត្រនេះមានលក្ខណៈអំណោយផលដល់ការរស់នៅ ដោយសារតែវត្តមាននៃផ្សារទំនើបអ៊ីអន៣ AEON Mall 3 របស់ក្រុមហ៊ុនជប៉ុន និងព្រលានយន្តហោះអន្តរជាតិភ្នំពេញថ្មីដែលស្ថិតនៅមិនឆ្ងាយប៉ុន្មានពីទីនោះ។ លោក គឹមអេង បានបន្តថា៖ «ក្រៅពីនេះ ខណ្ឌសែនសុខក៏ជាតំបន់សក្តានុពលកំពុងពេញនិយមផងដែរសម្រាប់ការអភិវឌ្ឍន៍បុរី ដោយសារហេដ្ឋារចនាសម្ព័ន្ធនៅទីនោះមានភាពល្អប្រសើរច្រើន ហើយតម្លៃដីនៅទាបនៅឡើយ បើធៀបនឹងខណ្ឌទួលគោកដែលនៅជាប់គ្នា ហើយបច្ចុប្បន្នទួលគោកត្រូវបានគេចាត់ទុកថាជាតំបន់ពាណិជ្ជកម្ម (CBD) នៃរាជធានីភ្នំពេញ។» យោងតាមរបាយការណ៍ប្រចាំឆមាសទី២ ឆ្នាំ២០២០ របស់ក្រុមហ៊ុន Knight Frank Cambodia […]
អានបន្ថែម
តើប្រទេសណាលើលោកដែលកម្មករសំណង់ប្រាក់ខែខ្ពស់បំផុត ហើយប្រទេសណាទាបបំផុត?
គេហទំព័រអន្តរជាតិ Workwear Guru ថ្មីៗនេះបានចេញរបាយការណ៍មួយ រៀងចំណាត់ថ្នាក់ប្រទេសជុំវិញពិភពលោក ពីប្រទេសដែលល្អ និងអំណោយផលបំផុតសម្រាប់កម្មករសំណង់ រហូតដល់ប្រទេសដែលអាក្រក់បំផុត ដោយផ្អែកលើកត្តាប្រាក់បៀវត្ស៍ សុវត្ថិភាព និងចំណាយនៃការរស់នៅជាទូទៅ។ ក្នុងចំណោមប្រទេសកំពូលទាំង១០ ដែលត្រូវបានចាត់ទុកជាឋានសួគ៌ល្អបំផុតសម្រាប់កម្មករសំណង់ មាន ៦ ប្រទេស ស្ថិតនៅអឺរ៉ុប ប្រទេស ២ ផ្សេងទៀត ស្ថិតក្នុងតំបន់អាស៊ី (ចិន និងសិង្ហបុរី) និង ២ ទៀតស្ថិតក្នុងទ្វីបអាមេរិកខាងជើង។ ប្រទេសដែលផ្ដល់ប្រាក់បៀវត្សរ៍ជាមធ្យមខ្ពស់បំផុតសម្រាប់កម្មករសំណង់គឺប្រទេសស្វីស ដែលប្រាក់ខែគឺដល់ទី ៧៩ ១៥៩ ដុល្លារ ក្នុងឆ្នាំ ឬជាង ៦ ៥០០ ដុល្លារក្នុង១ ខែ។ ដោយឡែក ប្រទេសដែលមានប្រាក់បៀវត្សរ៍ទាបបំផុតគឺអ៊ុយប៉េគីស្ថាន ដែលមានត្រឹម ៨៧៥ ដុល្លារ១ ឆ្នាំ ឬត្រឹម ៧២ ដុល្លារក្នុង១ ខែ ប៉ុណ្ណោះ។ ប្រទេសនៅក្នុងទ្វីបអាហ្រ្វិកភាគច្រើនស្ថិតនៅលំដាប់ក្រោមៗ។ ក្នុងនោះ ប្រទេសដែលទាប់បំផុតគឺប្រទេសយេម៉ែន និងអ៊ុយប៉េគីស្ថាន ដោយសារប្រាក់បៀវត្សរ៍ទាបខ្លាំង ខណៈ មីយ៉ាន់ម៉ា […]
អានបន្ថែម
ឆ្នាំ២០២២ វិនិយោគអចលនទ្រព្យប្រភេទអ្វី និងនៅកន្លែងណាទើបចំណេញ?
ក្រោយតួលេខការឆ្លងនៃជំងឺកូវីដនៅកម្ពុជាបានធ្លាក់ចុះ និងមានការប្រកាសបើកប្រទេសឡើងវិញកាលពីដើមខែវិច្ឆិកា កន្លងទៅ អ្នកវិភាគអចលនទ្រព្យជាច្រើនមានសុទិដ្ឋិនិយមថា ទីផ្សារអចលនទ្រព្យនៅកម្ពុជានឹងងើបឡើងវិញខ្លាំងនៅឆ្នាំ ២០២២ ខាងមុននេះ។ ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) លោក ច្រឹក សុខនីម បានព្យាករថា វិស័យអចលនទ្រព្យនៅកម្ពុជានឹងមានសន្ទុះខ្លាំងឡើងវិញនៅឆ្នាំ ២០២២ ពិសេសក្រោយពិធីចូលឆ្នាំប្រពៃណីចិន ដោយរំហូរវិនិយោគិនបរទេសអាចនឹងមានដល់ ៣០ ទៅ ៤០%។ (អានបន្ថែម) ប៉ុន្តែសម្រាប់អ្នកវិនិយោគទូទៅ គួរពិចារណាវិនិយោគនៅកន្លែងណា និងវិនិយោគលើអ្វី? លោក ច្រឹក សុខនីម បញ្ជាក់ថា ចំណុចសំខាន់បំផុតដើម្បីជួយឱ្យអ្នកវិនិយោគចំណេញ គឺការស្គាល់ពីខ្លួនឯង ពោលគឺការដឹងពីស្ថានភាពហិរញ្ញវត្ថុរបស់ខ្លួនឱ្យបានច្បាស់។ លោកមានប្រសាសន៍ថា៖ «សម្រាប់អ្នកមានសាច់ប្រាក់ក្នុងដៃសមល្មម អាចពិចារណាវិនិយោគទិញដីជាយក្រុងភ្នំពេញ តាមតំបន់នានាស្របតាមផ្លូវក្រវាត់ក្រុងទី ៣ និងទី ៤។ វិនិយោគនៅទីនោះ ត្រឹមតែមួយរយៈ អ្នកនឹងទទួលបានប្រាក់ចំណេញគួរឱ្យកត់សម្គាល់»។ «ដោយឡែក សម្រាប់អ្នកដែលមានសាច់ប្រាក់ក្នុងដៃខ្ពស់ អាចវិនិយោគខិតចូលមកជិតក្រុងបន្ដិច ដូចជាតំបន់ភ្នំពេញថ្មី ឬសែនសុខ ក៏នឹងទទួលបានប្រាក់ចំណេញខ្ពស់ដែរ។ ប៉ុន្តែបច្ចុប្បន្នតម្លៃដីក្នុងតំបន់នោះគឺរាងថ្លៃបន្ដិច» លោកបានបន្ដ។ លោកប្រធានសមាគម បានណែនាំទៀតថា សម្រាប់អ្នកមានសាច់ប្រាក់តិចវិញ អាចពិចារណាវិនិយោគទៅតាមខេត្តសក្ដានុពលនានា ដូចជាខេត្តកំពង់ស្ពឺ […]
អានបន្ថែម
CVEA និង AVA ចង់ជំរុញឱ្យភ្នាក់ងារអចលនទ្រព្យទូទាំងអាស៊ានស្ថិតក្រោមគោលការណ៍តែមួយ
សមាគមអ្នកវាយតម្លៃអចលនវត្ថុអាស៊ាន (AVA) និងសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) បានបង្ហាញពីទិសដៅ ចង់លើកកម្ពស់សមត្ថភាពភ្នាក់ងារអចលនទ្រព្យរបស់ខ្លួន ដោយគ្រោងចង់បង្កើតគោលការណ៍តែមួយ ដើម្បីគ្រប់គ្រងស្ដង់ដារភ្នាក់ងារអចលនទ្រព្យទាំង១០ ប្រទេសសមាជិក។ អគ្គលេខាធិការសមាគម CVEA អ្នកស្រី Susan Widjojo បានឱ្យដឹងដូច្នេះក្នុងកម្មវិធីសន្និសីទសារព័ត៌មានស្តីពីការរៀបចំសមាជិកលើកទី២៣ នៃសមាគម AVA កាលពីថ្ងៃទី ៣ ខែវិច្ឆិកា កន្លងទៅ។ អ្នកស្រី Susan Widjojo បានឱ្យដឹងថា ការបង្កើតគោលការណ៍រួមដើម្បីឱ្យសមាជិកគោរពតាម ម្យ៉ាងគោលការណ៍នេះនឹងជួយឱ្យភ្នាក់ងារអចលនទ្រព្យ គ្រប់ប្រទេសមានសមត្ថភាព និងសក្ដានុពលស្មើៗគ្នា។ គោលការណ៍នេះដែរ ក៏ជួយឱ្យAVA និងសមាគមនៃប្រទេសនីមួយៗ គ្រប់គ្រងភ្នាក់ងារអចលនវត្ថុបានដោយមានប្រសិទ្ធភាព។ «ប៉ុន្តែ ការដែលភ្នាក់ងារគោរពតាម ឬទទួលស្គាល់ដោយស្ដង់ដារ និងគោលការណ៍នេះ មិនមែនបានន័យថាភ្នាក់ងារអចលនទ្រព្យអាចទៅបម្រើការងារនៅប្រទេសណាក៏បានតាមតែចិត្តចង់នោះទេ ព្រោះប្រទេសនីមួយៗក៏នៅមានច្បាប់ទំលាប់ខុសៗគ្នាដែរ។ ដូច្នេះ ភ្នាក់ងារអចលនទ្រព្យត្រូវរៀនសូត្របន្ថែម បើចង់បម្រើការងារនៅប្រទេសផ្សេងៗទៀត» អ្នកស្រីបានបន្ដ។ គួរបញ្ជាក់ថា សម្រាប់ឆ្នាំនេះ កម្ពុជានឹងធ្វើម្ចាស់ផ្ទះនៃកិច្ចប្រជុំកំពូលរបស់ AVAលើកទី២៣ ក្រោមប្រធានបទ «ការវាយតម្លៃអចលនវត្ថុ ក្នុងអំឡុងពេលនៃការរីករាលដាលជំងឺកូវីដ-១៩» ដែលនឹងប្រព្រឹត្តិទៅនៅថ្ងៃទី២៤-២៥ វិច្ឆិកា ខាងមុននេះផងដែរ។ លោក […]
អានបន្ថែម
កម្ពុជាបង្កើតមជ្ឈមមណ្ឌលសិក្សាសា្រវជ្រាវកម្មន្តសាលកម្រិតខ្ពស់បច្ចេកវិទ្យាជប៉ុន និងអាឡឺម៉ង់
រដ្ឋាភិបាលជប៉ុន តាមរយៈស្ថានទូតជប៉ុនប្រចាំនៅកម្ពុជា បានផ្តល់ជំនួយប្រមាណ ៤,៥លានដុល្លារ គាំទ្រដល់ដំណើរការមជ្ឈមណ្ឌលស្រាវជ្រាវ និងបណ្តុះបណ្តាលខាងកម្មន្តសាលកម្រិតខ្ពស់ ដែលមានទីតាំងនៅក្នុងសកលវិទ្យាល័យភូមិន្ទភ្នំពេញ។ មជ្ឈមមណ្ឌលនេះ ត្រូវបានប្រកាសដំណើរការ នៅក្នុងសន្និសីទសារព័ត៌មាន នៅថ្ងៃទី១៤ ខែតុលានេះ នៅក្រោមអធីបតីភាព ឯកឧត្តម បណ្ឌិត ម៉ី កល្យាណ ប្រធានក្រុមប្រឹក្សាភិបាលនៃសកលវិទ្យាល័យភូមិន្ទភ្នំពេញ ឯកឧត្តម MIKAMI Masahiro អគ្គរាជទូតជប៉ុនប្រចាំនៅកម្ពុជា និងឯកឧត្តម ជាតិ ជាលី សកលវិទ្យាធិការ នៃសកលវិទ្យាល័យភូមិន្ទភ្នំពេញ។ អគារមជ្ឈមណ្ឌលត្រូវបានសាងសង់នៅក្នុងបរិវេណនៃសកលវិទ្យាល័យភ្នំពេញដែលជាថវិការបស់រដ្ឋាភិបាល ចំណែកកម្មវិធីសិក្សា និងសំភារៈបច្ចេកទេស គឺជាជំនួយរបស់រដ្ឋាភិបាលជប៉ុន។ តាមរយៈមជ្ឈមណ្ឌលនេះ សាកលវិទ្យាល័យភូមិន្ទភ្នំពេញ បានសហការជាមួយក្រុមហ៊ុនវិនិយោគរួមជប៉ុន-អាឡឺម៉ង់ ឈ្មោះ DMG-MORI ដែលជាក្រុមហ៊ុនលំដាប់លេខ ១ នៅលើពិភពលោកខាងផលិតគ្រឿងម៉ាស៊ីន CNC ស្វ័យប្រវត្តិដ៏ទំនើប។ នៅពេលអនាគត មជ្ឈមមណ្ឌលនេះនឹងដើរតួយ៉ាងសំខាន់ក្នុងការគាំទ្រដល់ឧស្សាហកម្មដទៃទៀតនៅក្នុងប្រទេស ដើម្បីឆ្ពោះទៅរកការផលិតឌីជីថលឆ្លាតវៃ ដែលមានបដិវត្តថ្មី។
អានបន្ថែម
ចំណេះដឹង៖ ឯកសារផ្លូវច្បាប់សំខាន់ៗដែលអ្នកត្រូវស្វែងយល់បន្ថែមមុននឹងទិញផ្ទះក្នុងបុរី
បុរី គឺជាអចលនទ្រព្យដែលពេញនិយមមួយសម្រាប់ប្រជាជនខ្មែរ មូលហេតុដោយសារតែផ្ទះនៅជាប់ដី មានទំហំធំទូលាយ និងពិសេសមានតម្លៃទាបបើប្រៀបធៀបទៅនឹងខុនដូក្នុងក្រុង ទោះបីជាបច្ចុប្បន្នបុរីភាគច្រើនត្រូវបានអភិវឌ្ឍនៅឆ្ងាយពីទីក្រុងប្រមាណ ១០ ទៅ ១៥ គីឡូម៉ែត្រ ក្ដី។ យ៉ាងណាមិញ ក្នុងនាមយើងជាអ្នកទិញ តើមានចំណុចសំខាន់អ្វីខ្លះដែលត្រូវតែដឹងមុននឹងសម្រេចចិត្តទិញលំនៅឋានក្នុងបុរី? សម្រាប់មនុស្សភាគច្រើនគឺផ្ដោតលើទីតាំង តម្លៃ និងម៉ូតផ្ទះ ប៉ុន្តែពេលខ្លះពួកគេមិនបានស្វែងយល់អំពីឯកសារច្បាប់សំខាន់ៗមួយចំនួនពីសំណាក់អ្នកអភិវឌ្ឍន៍គម្រោងនោះទេ។ ក្រៅពីទីតាំង តម្លៃ និងម៉ូតគេហឋាន អ្នកទិញក៏គួរសួរនាំអ្នកអភិវឌ្ឍន៍បុរីអំពីឯកសារផ្លូវច្បាប់សំខាន់ ៥ ដើម្បីប្រាកដថា គម្រោងនេះអាចទុកចិត្តបាន។ ឯកសារទាំងនោះរួមមាន៖ ប័ណ្ណចុះបញ្ជីក្រុមហ៊ុន៖ មុនពេលចាប់ផ្តើមសាងសង់បុរី ក្រុមហ៊ុនអភិវឌ្ឍន៍មានកាតព្វកិច្ចត្រូវតែចុះបញ្ជីឱ្យរួចរាល់ ជាមួយក្រសួងពាក់ព័ន្ធជាមុនសិន ទើបអាចមានសិទ្ធិចាប់ផ្តើមសាងសង់គម្រោងបាន។ ការស្នើសុំពិនិត្យមើលប័ណ្ណចុះបញ្ជីក្រុមហ៊ុនស្របច្បាប់ គឺដើម្បីធានាបានថាគម្រោងនោះអាចដំណើរការដោយស្របច្បាប់។ លិខិតអនុញ្ញាតសាងសង់៖ មុននឹងផ្តល់លិខិតអនុញ្ញាតសាងសង់ដល់ ក្រសួងរៀបចំដែនដី នគរូបនីយកម្ម និងសំណង់ បានត្រួតពិនិត្យលើគម្រោងនោះយ៉ាងហ្មត់ចត់ ទាំងការរចនា និងគុណភាព រួមទាំងហេដ្ឋារចនាសម្ព័ន្ធផ្សេងៗទៀតដូចជា ប្រព័ន្ធទឹក ភ្លើង និងលូជាដើម។ ដូច្នេះ ការដែលក្រុមហ៊ុនមានលិខិតអនុញ្ញាតសាងសង់ គឺជាចំណុចកក់ក្ដៅមួយទៀតសម្រាប់អ្នកទិញ។ អាជ្ញាប័ណ្ណបុរី៖ ក្រោយពីក្រុមហ៊ុនអភិវឌ្ឍន៍បុរីបានបំពេញគ្រប់នូវតម្រូវការទាំងអស់ទាក់ទងនឹងគុណភាពសំណង់ ការរចនាប្លង់ ផែនការលក់ និងឯកសារចាំបាច់ផ្សេងៗ ក្រសួងសេដ្ឋកិច្ច និងហិរញ្ញវត្ថុ […]
អានបន្ថែម
ក្រសួងសាធារណការចាប់ដៃជាមួយឯកជន ពង្រឹងជំនាញបច្ចេកទេសដល់និស្សិត
វិទ្យាស្ថាន តេជោសែន សាធារណការ បានចុះហត្ថលេខាលើអនុស្សរណៈរួមគ្នា ជាមួយក្រុមហ៊ុន RMA Cambodia Plc ដែលជាក្រុមហ៊ុនឯកទេសផ្នែកវិស្វកម្មយានយន្ត បច្ចេកទេស និងឧបករណ៍ធុនធ្ងន់ ក្នុងគោលបំណងពង្រឹងសមត្ថភាពនិស្សិតក្នុងវិទ្យសា្ថនឱ្យមានជំនាញច្បាស់ជាងមុន។ តាមរយៈអនុស្សរណៈនេះ ភាគីទាំង ២ នឹងរួមគ្នាបង្កើតឱ្យមានកម្មវិធីបណ្តុះបណ្តាលនានា ដូចជាការផ្លាស់ប្តូរប្រើប្រាស់ឧបករណ៍ គ្រឿងបរិក្ខារ សម្ភារសំណង់ និងធនធានរួមគ្នា និងការលើកកម្ពស់កិច្ចសហប្រតិបត្តិការផ្សេងៗទៀតជាដើម។ លោកជំទាវរដ្ឋលេខាធិការ ឥម នីថារ៉ា បានឱ្យដឹងក្នុងពិធីចុះហត្ថលេខា កាលថ្ងៃទី៩ ខែកញ្ញា នេះថា ក្រសួងមានចក្ខុវិស័យវែងឆ្ងាយ ចង់បណ្តុះបណ្តាលកូនខ្មែរឱ្យចេះសាងសង់ផ្លូវ ស្ពាន ដោយខ្លួនឯង និងមានគុណភាព។ លោកជំទាវ បន្តថា៖ «ដោយសារក្រុមហ៊ុន RMA Cambodia គឺជាក្រុមហ៊ុនល្បីល្បាញលើឆាកអន្តរជាតិ ខាងផ្នែកវិស្វកម្មយានយន្ត បច្ចេកទេស និង ឧបករណ៍ធុនធ្ងន់ ដូច្នេះ ការសហការនឹងជួយធ្វើឱ្យនិស្សិតយល់ការតែច្បាស់ពីការងារជាក់ស្ដែងក្នុងទីផ្សារ» ។ ក្រៅពីចុះអនុស្សរណៈនេះ កន្លងមកវិទ្យាស្ថានសាធារណការ ក៏ធ្លាប់បានចុះអនុស្សរណៈជាមួយបណ្តាដៃគូនានាក្នុងវិស័យពាក់ព័ន្ធក្នុងនោះរួមមាន វិទ្យាស្ថានបច្ចេកវិទ្យាកម្ពុជា និង Zejiang Institute of Communication […]
អានបន្ថែម
មេរៀនដ៏លំបាកដែលអ្នកអភិវឌ្ឍនិងអ្នកទិញអចលនទ្រព្យនៅកម្ពុជាជួបប្រទះក្នុងអំឡុងវិបត្តិកូវីដ
មុនកូវីដ អ្នករកស៊ីភាគច្រើនគិតថាការទិញលក់ដីធ្លីជាវិធីរកចំណូលដោយងាយស្រួលបំផុត អ្នកខ្លះទៀតហ៊ានខ្ចីប្រាក់ពីធនាគារដើម្បីយកមកបង្វិលទិញលក់អចលនទ្រព្យដើម្បីចំណេញ ប៉ុន្តែវិបត្តិកូវីដបានផ្លាស់ប្ដូរគ្រប់យ៉ាង។ តើការទិញលក់នៅតែចំណេញទៀតទេក្នុងលក្ខខណ្ឌទីផ្សារបច្ចុប្បន្ន? ដោយសារវិបត្តិ ទីផ្សារអចលនទ្រព្យក្នុងស្រុកបានជាប់គាំង ប៉ុន្តែតម្លៃរំពឹងថានឹងមិនធ្លាក់ចុះជាងនេះទៀតឡើយ ដែលធ្វើឱ្យអ្នកអភិវឌ្ឍន៍ខ្លះផ្អាកការដ្ឋាន ឬពន្យារពេលបញ្ចប់ការសាងសង់។ លើសពីនេះ ដោយសារព្រឹត្តិការណ៍ ២០ កុម្ភៈ ទំនុកចិត្តរបស់វិនិយោគិនក៏បានថមថយជាងមុនមួយកម្រិតធំ ដែលបណ្ដាលមកពីការបាត់បង់ប្រាក់ចំណូលរបស់អ្នកទិញ និងការធ្លាក់ចុះនៃតម្រូវការលំនៅឋាន។ ជាក់ស្ដែង វិស័យលំនៅឋានមាននិន្នាការធ្លាក់ចុះរួចទៅហើយ មុនវិបត្តិកូវីដទៅទៀត ដោយសារតែការផ្គត់ផ្គង់លើសតម្រូវការ ការកើនឡើងនៃកម្ចីគ្រួសារ និងតម្លៃអលចនទ្រព្យដែលប៉ោងឡើងហួសការពិតក្នុងតំបន់មួយចំនួន។ ដើម្បីដោះស្រាយបញ្ហាទាំងនេះ អ្នកអភិវឌ្ឍន៍សម្រេចលក់យូនីតក្នុងតម្លៃទាបឱ្យស្របតាមតម្រូវការរបស់អតិថិជន។ លើសពីនេះ ការបាត់បង់វិនិយោគិនចិនពីវិធានការបិទខ្ទប់ ក៏ជាមូលហេតុធ្វើឱ្យអ្នកអភិវឌ្ឍន៍ត្រូវតែកាត់បន្ថយតម្លៃបន្ថែមទៀត ដើម្បីបង្កើនការលក់ក្នុងស្រុក។ យុទ្ធសាស្រ្តបញ្ចុះតម្លៃដើម្បីបញ្ចេញយូនីតជាប់គាំងនេះ នឹងធ្វើឱ្យប្រាក់ចំណេញរបស់អ្នកអភិវឌ្ឍន៍ថមថយជាងមុន ដោយយូនីតដែលជាប់គាំងភាគច្រើនគឺជាខុនដូលំដាប់ខ្ពស់។ លើសពីនេះ សម្រាប់អ្នកទិញដែលមានការងារ និងស្ថិរភាពហិរញ្ញវត្ថុវិញ ក៏គិតគូរជាងមុនដែរ មុននឹងសម្រេចចិត្តទិញអចលនទ្រព្យ។ ដូចគ្នានេះ ធនាគារក៏មានគោលនយោបាយតឹងរ៉ឹងជាងមុនលើការផ្ដល់កម្ចី ដោយឃើញថាមានការបដិសេធកម្ចីអចលនទ្រព្យជាច្រើនករណី។ ស្ថានភាពមិនល្អនេះ ព្យាករថានឹងបន្តពេញមួយឆ្នាំ ២០២១ ដែលនឹងដាក់សម្ពាធដល់ ទាំងអ្នកទិញ និងអ្នកអភិវឌ្ឍន៍។ សម្រាប់អ្នកអភិវឌ្ឍន៍ត្រូវតែទ្រាំយកប្រាក់ចំណេញទាបជាងមុន។ ខណៈអ្នករកស៊ីដីធ្លី ក៏អាចនឹងប្រឈមនឹងហានិភ័យលក់អចលនទ្រព្យក្នុងតម្លៃស្មើដើម ឬអាចទាបជាងមុន។ – លោក Eric Wong Chon […]
អានបន្ថែម