វិស័យអចលនវត្ថុរបស់វៀតណាមកំពុងរីកចម្រើនខ្លាំង

• 9 ខែ​ធ្នូ 2016
• ព័ត៌មានអចលនទ្រព្យ
• 11 មើល

វិស័យអចលនទ្រព្យរបស់វៀតណាមនៅតែបន្តខ្លាំងឡើងៗ ជាមួយនិងទឹកប្រាក់វិនិយោគដោយផ្ទាល់ពីបរទេស(FDI) ចំនួន ១ ប៊ីលានដុល្លារ ក្នុងវិស័យអចលនទ្រព្យនៅត្រីមាសទី ៣ ឆ្នាំ ២០១៦016 នេះបើយោងតាមក្រសួងផែនការ និងទីភ្នាក់ងារវិនិយោគទុនក្រៅប្រទេស។

ចំនួនសរុបនៃគម្រោងអចលនទ្រព្យថ្មីត្រូវបានគេដឹងថាមានចំនួន ៣៤ នៅក្នុងរយៈពេលនេះ ដោយក្នុងនោះវិស័យអចលនទ្រព្យតំណាងឲ្យ ៦,១ ភាគរយ នៃការវិនិយោគផ្ទាល់ពីបរទេសសរុបនៅចុងត្រីមាសទី ៣។

យោងតាម Savills Vietnam តំបន់ឧស្សាហកម្មក៏មានភាពខ្លាំងក្លាផងដែរ ដោយមានកំណើន ៥ ភាគរយ នៃតំបន់ដែលអាចជួលបាន បើធៀបទៅនឹងឆ្នាំ ២០១៥ ដែលមាន ២៨.៥០០ ហិកតា។ នៅក្នុងរយៈពេលរហូតដល់ចុងត្រីមាសទី ៣ ឆ្នាំ ២០១៦ តំបន់ឧស្សាហកម្មថ្មីចំនួន ៦ ដែលគ្របដណ្តប់លើផ្ទៃដី ៧០០ ហិកតាត្រូវបានបើកនៅទូទាំងប្រទេសវៀតណាម។