ការផ្លាស់ប្តូរផលិតកម្មចិនជំរុញឱ្យមានការកើនឡើងតម្លៃជួលក្នុងឧស្សាហកម្មនៅវៀតណាម

• 25 ខែ​កញ្ញា 2019
• ព័ត៌មានអចលនទ្រព្យ
• 3 មើល

ជម្លោះពាណិជ្ជកម្មរវាងសហរដ្ឋអាមេរិក និងចិនកំពុងជំរុញឱ្យមានការចាកចេញរោងចក្រផលិតកម្មចិនទៅកាន់ប្រទេសអាស៊ីអាគ្នេយ៍ ដោយប្រទេសវៀតណាមគឺទទួលបានផលប្រយោជន៍ដោយផ្ទាល់។

យោងតាមរបាយការណ៍ថ្មីពីអ្នកវិភាគអចលនទ្រព្យ JLL Vietnam តម្រូវការខ្ពស់សម្រាប់ឧស្សាហកម្មបានធ្វើឲ្យកើនឡើងតម្លៃជួលក្នុងត្រីមាសទី ២ ឆ្នាំ ២០១៩ ដែលបានកើនឡើងដល់ ១៥,៨ ភាគរយពីមួយឆ្នាំទៅមួយឆ្នាំ ជាមួយនឹងអត្រាផ្ទៃក្រឡាជួលពេញនៅតំបន់សេដ្ឋកិច្ចភាគខាងត្បូងនៃប្រទេសវៀតណាមមានរហូតដល់ ៨១ ភាគរយ ។

ថ្លៃជួលដីនៅក្នុងតំបន់ឧស្សាហកម្ម HCMCក៏ដូចជានៅតាមបណ្តាខេត្តប៊ិញដុង ដុងណៃ ឡុងអាន និងបារ៉ៃ- វង្សតា បានឈានដល់កំរិតមធ្យម ៩៥ ដុល្លារអាមេរិកក្នុងមួយម៉ែតការ៉េជាមធ្យមក្នុងត្រីមាសទី ២ ។

វិស័យអចលនទ្រព្យឧស្សាហកម្មរបស់វៀតណាមក៏នឹងទទួលបានអត្ថប្រយោជន៍ពីការពង្រីកបណ្តាញពាណិជ្ជកម្មជាបន្តបន្ទាប់ដែលដឹកនាំដោយការចុះហត្ថលេខាលើកិច្ចព្រមព្រៀងពាណិជ្ជកម្មសេរីសហភាពអឺរ៉ុប – វៀតណាម (EVFTA) កាលពីខែមុន។