ក្រុមហ៊ុនចិនកំពុងជួយពង្រឹងសុវត្ថិភាពលើគម្រោងស្ថាបនាផ្លូវជាតិលេខ ៥ ដែលគ្រោងបញ្ចប់ឆាប់ៗនេះ

• 25 ខែ​មករា 2021
• ព័ត៌មានក្នុងស្រុក
• 6 មើល

ក្រុមហ៊ុនចិន Jiangsu Guoqiang Galvanization Industrial (JSGQ) កាលពីថ្មីៗនេះ បានផ្គត់ផ្គង់ផលិតផលការពារសុវត្ថិភាពចរាចរណ៍ ដល់កំណាត់ផ្លូវប្រមាណ ៨០ គីឡូម៉ែត្រ នៃការដ្ឋាផ្លូវជាតិលេខ ៥ ដែលគ្រោងនឹងបញ្ចប់ខែ កក្កដា ឆ្នាំ២០២១ នេះ។ នេះបើតាមការឱ្យដឹងពីសារព័ត៌មាន PRNewswire។

ការផ្គត់ផ្គង់សម្ភារៈការពារសុវត្ថិភាពនេះ ត្រូវបានចាប់ផ្ដើមតាំងតែពីពាក់កណ្ដាលខែ មករា មកម្ល៉េះ។ ដោយឡែក គម្រោងផ្លូវជាតិលេខ ៥ នេះ គឺជាផ្នែកមួយ នៃគំនិតផ្តួចផ្តើមខ្សែក្រវ៉ាត់និងផ្លូវ រវាងប្រទេសចិន និងកម្ពុជា ដែលត្រូវបានស្ថាបនាឡើង ដោយមានផ្លូវដែកធ្នឹមចំកណ្ដាល ដែលជាខ្សែការពារផ្លូវ ស្របតាមស្តង់ដារអន្តរជាតិ នៃសមាគមផ្លូវហាយវ៉េ និងសមាគមដឹកជញ្ជូនរបស់អាមេរិចគឺ AASHTO M180 STANDARD។

លោក Yuan Guoqiang ស្ថាបនិក និងជាប្រធានក្រុមហ៊ុន JSGQ បានមានប្រសាសន៍ថា៖ « JSGQ គឺជាសហគ្រាសមួយក្នុងចំណោមសហគ្រាសឯកជនកំពូលៗទាំង ៥០០ និងក្រុមហ៊ុនដឹកជញ្ជូនកំពូល ទាំង ១០០ របស់ប្រទេសចិន។ យើងបាន និងកំពុងផ្គត់ផ្គង់ផលិតផលការពារសុវត្ថិភាពចរាចរណ៍ នឹងធ្វើយ៉ាងណាធានាបាននូវគុណភាព និងសុវត្ថិភាពបំផុតដល់គម្រោងទាំងនោះ»។

គួរបញ្ជាក់ផងដែរថា គិតត្រឹមខែកញ្ញា គម្រោងផ្លូវជាតិលេខ ៥ នេះ សម្រេចបានប្រមាណជាង ៥០% ហើយ រួមមាន៖
១/ ផ្នែកខាងជើង (បាត់ដំបង-សិរីសោភ័ណ) មានប្រវែងសរុបប្រមាណ ៨៤ គម សម្រេចបាន ៧៩, ០៥% គ្រោងបញ្ចប់ ខែកក្កដា ២០២១
២/ ផ្នែកកណ្តាល (ធ្លាម្អម-បាត់ដំបង) មានប្រវែងសរុបប្រមាណ ១៤៦ គម សម្រេចបាន ៣០,៤៨% គ្រោងបញ្ចប់ ខែមេសា ឆ្នាំ២០២២
៣/ ផ្នែកភាគខាងត្បូង(ព្រែកក្តាម -ធ្លាម្អម) មានប្រវែងសរុបប្រមាណ ១៣៥ គម សម្រចបាន ១៩,៤៤% គ្រោងបញ្ចប់ ខែសីហា ឆ្នាំ២០២២។ (អានបន្ថែម)

• Road and Infrastructure