តម្រូវការរបស់អាស៊ានក្នុងការប្រើប្រាស់ដែកមានការកើនឡើង

• Proeksa Meas
• 10 ខែ​កក្កដា 2016
• ព័ត៌មានសំណង់
• 181 មើល

ទីផ្សារប្រើប្រាស់ដែកថែបរបស់បណ្តាប្រទេសអាស៊ាន ត្រូវបានរំពឹងថានឹងលើស ៩០ លានតោននៅត្រឹមឆ្នាំ ២០១៩ មានន័យថា កើនឡើង ៦% នេះបើយោងតាមការស្រាវជ្រាវថ្មីមួយ ដែលមានចំណងជើងថា ទស្សនៈទីផ្សារដែកថែបបណ្តាប្រទេសអាស៊ាន ២០១៥-២០១៩។

ការប្រើប្រាស់ដែកថែបសម្រាប់ហេដ្ឋារចនាសម្ព័ន្ធ និងសំណង់ទំនងជានឹងលើសពី ៤៧ លានតោននៅត្រឹមឆ្នាំ ២០១៩ ដោយរដ្ឋាភិបាលផ្តល់មូលនិធិដល់ការសាងសង់ផ្លូវថ្នល់ ផ្លូវដែក និងហេដ្ឋារចនាសម្ព័ន្ធអាកាសយានដ្ឋាន ដែលសុទ្ធតែជំរុញឲ្យមានការកើនឡើងនៃការប្រើប្រាស់ដែក។ ទីផ្សារគ្រឿងម៉ាស៊ីនមេកានិច ទំនងជាកើនឡើង ៥% ផងដែរ គឺលើសពី ១២ លានតោននៅត្រឹមឆ្នាំ ២០១៩។

Chandrakumar Badala Jaganathan អ្នកវិភាគការស្រាវជ្រាវនាំមុខនៅក្នុងរបាយការណ៍ ផ្សព្វផ្សាយ Technavio និយាយថា “លើសពីនេះទៀត កំណើននៃចំនួនប្រជាជនវណ្ណៈកណ្តាលនៅក្នុងសេដ្ឋកិច្ចកំពុងអភិវឌ្ឍន៍ខ្លាំង នឹងនាំឲ្យមានការកើនឡើងនៃតម្រូវការអចលនទ្រព្យលំនៅដ្ឋាន។ កត្តាទាំងនេះនឹងជំរុញឲ្យមានតម្រូវការដែកថែបក្នុងអំឡុងពេល ដែលបានព្យាករណ៍នេះ”។