ពន្ធដារនឹងផ្ញើវិក្កយបត្រពន្ធអចលនទ្រព្យដល់ផ្ទះរាល់ឆ្នាំ ដើម្បីពង្រឹងការប្រមូលពន្ធ

• Kongleaphy Keam
• 27 ខែ​មេសា 2022
• ព័ត៌មានអចលនទ្រព្យ
• 191 មើល

អគ្គនាយកដ្នានពន្ធដារ កំពុងរៀបចំនិតីវិធីបោះពុម្ភវិក្កយបត្ពន្ធអលចនទ្រព្យប្រចាំឆ្នាំ ដូចវិក័យប័ត្រទឹកភ្លើងដូច្នោះដែរ ហើយបញ្ជូនទៅដល់ផ្ទះរៀងរាល់ឆ្នាំ ដើម្បីក្រើនរំលឹកដល់អ្នកជាប់ពន្ធ។ នេះជាផ្នែកមួយនៃការបង្កើនប្រសិទ្ធប្រមូលពន្ធអលចនទ្រព្យនៅកម្ពុជា។

នេះជាការលើកឡើង របស់ឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គនាយក នៃអគ្គនាយកដ្ឋានពន្ធដារ នៅថ្ងៃទី២៦ ខែមេសា ឆ្នាំ២០២២នេះ។

ឯកឧត្តម ថ្លែងថា៖ «យើងខ្ញុំកំពុងតែណែនាំឱ្យអង្គភាពក្រោមឱវាទពន្ធដារ ធ្វើការបោះពុម្ពវិក្កយបត្រ អចលនទ្រព្យ ហើយផ្ញើជូនទៅលំនៅដ្ឋានរៀងៗខ្លួន ដូចវិក័្កយប័ត្រទឹក និងភ្លើង ដើម្បីកុំឱ្យភ្លេចបង់ពន្ធជូនរដ្ឋ»។

ជាមួយគ្នានេះ អគ្គនាយកពន្ធដារ ក៏បានឱ្យដឹងថា ក្នុងករណីមន្ត្រីពន្ធដារកមិនឃើញផ្ទះអ្នកជាប់ពន្ធ ក៏ស្នើឱ្យសាលាសង្កាត់ និងខណ្ឌ សហការជួយរកលំនៅដ្ឋានរបស់អ្នកជាប់ពន្ធនោះផងដែរ។

គួរបញ្ជាក់ថា ក្នុងរយៈពេលត្រីមាសទី១នេះ ចំណូលពន្ធសរុបមានដល់ទៅ ៥ ១១៥ ប៊ីលានរៀល ឬ ១ ២៦៣ លានដុល្លារអាមេរិក ដែលក៏កើនឡើងជាង ២២% បើធៀបរយៈពេលដូចគ្នាឆ្នាំ ២០២១។

ក្នុងនោះ ចំណូលពន្ធប្រថាប់ត្រា លើការផ្ទេរកម្មសិទ្ធិអចលនទ្រព្យ ក្នុងត្រីមាសទី១ ឆ្នាំ ២០២២ នេះ មានសរុប២២៦ប៊ីលានរៀល ឬ ៥៥,៧លានដុល្លារ ដែលកើន៣៥%។ (អានបន្ថែម)