មីយ៉ាន់ម៉ាឋិតក្រោមសម្ពាធអត្រាការប្រាក់

• 15 ខែ​មករា 2018
• ព័ត៌មានអចលនទ្រព្យ
• 3 មើល

រដ្ឋាភិបាលប្រទេសមីយ៉ាន់ម៉ា កំពុងទទួលរងសម្ពាធពីវិស័យអចលនទ្រព្យក្នុងការកាត់បន្ថយអត្រាពន្ធលើប្រាក់ចំណេញ និងអត្រាការប្រាក់លើកម្ចីដើម្បីជួយជម្រុញការវិនិយោគនៅក្នុងវិស័យសំណង់ និងអចលនទ្រព្យ។

សមាគមសហគ្រិនសំណង់មីយ៉ាន់ម៉ា(MCEA)កំពុងដឹកនាំការកោះប្រជុំដើម្បីសុំការទម្លាក់អត្រាពន្ធលើប្រាក់ចំណេញពី ៣០% មកត្រឹម ៥%។ ដោយឡែក ក្រុមអ្នកអភិវឌ្ឍន៍អចលនទ្រព្យ ក៏កំពុងដឹកនាំកោះប្រជុំសម្រាបអត្រាការប្រាក់កម្ចី ដែលបច្ចុប្បន្នមានក្នុងរង្វង់ ១៣% ឲ្យចុះមកនៅត្រឹម ៩% និងពន្យាលក្ខខណ្ឌទ្រព្យបញ្ចាំពី ១៥ឆ្នាំ ទៅ ២០ឆ្នាំ។

“អត្រាការប្រាក់ខ្ពស់បានធ្វើឲ្យសហគ្រិនសំណង់ប្រឈមនូវបញ្ហាជាច្រើន” នេះបើយោងតាមលោក យូ ស៊ីអីនវីន អនុប្រធាននៃសមាគមសហគ្រិនសំណង់មីយ៉ាន់ម៉ាន ប្រាប់ទៅកាសែតមីយ៉ាន់ម៉ាថែម៍។ “ការលក់ និងការទិញអចលនទ្រព្យនៅមានសន្ទុះយឺតនៅឡើយ។ ចរន្តប្រតិបត្តិការសាច់ប្រាក់បានជួបនូវផលអវិជ្ជមាន។ ប្រសិនបើស្ថានភាពដូចបច្ចុប្បន្ននេះនៅតែបន្ត វិស័យសំណង់អាចនឹងដួលរលំ និងឈានទៅរកភាពជាប់គាំង”។

លោកក៏បានបន្ថែមថា “ខ្ញុំធានាការទិញ និងការលក់ទំនងជានឹងកើនឡើង ប្រសិនបើរដ្ឋាភិបាលសម្រេចចិត្តដោះស្រាយបញ្ហានេះបានល្អ ជាមួយចំណូលពន្ធពីវិស័យទាំងពីរ”។