រដ្ឋហាវ៉ៃប្រើទិន្នន័យពីអ្នកបើកបរ និង AI ដើម្បីដើម្បីថែទាំផ្លូវថ្នល់

• 14 ខែ​មករា 2026
• ព័ត៌មានសំណង់
• 8 មើល

ក្រសួងដឹកជញ្ជូនរដ្ឋហាវ៉ៃ (HDOT) បានដាក់ឱ្យដំណើរការកម្មវិធីដំបូងគេបង្អស់ដែលមានឈ្មោះថា “Eyes on the Road” ពោលគឺជាកម្មវិធីដែលប្រមូលយកទិន្នន័យពីអ្នកបើកបរ ហើយវិភាគដោយ AI ដើម្បីថែទាំការខូចខាតនៃផ្លូវថ្នល់បានដោយមានប្រសិទ្ធភាព។

គម្រោងនេះគឺកិច្ចសហការជាមួយសាកលវិទ្យាល័យហាវ៉ៃ និងក្រុមហ៊ុន Blyncsy (បុត្រសម្ព័ន្ធរបស់ Bentley Systems។

តាមរយៈកម្មវិធីនេះ អ្នកបើកបរគឺជាប្រមូលទិន្នន័យនៃកំហូចផ្លូវនានាដូចជាការសឹក រិចរិល និងការខូចខាតនានាដែលបង្កឡើងដោយភ្នំភ្លើងជាដើម។ HDOT បានចែកជូនកាមេរ៉ាជាប់រថយន្ត (Dashcams) កម្រិតច្បាស់ខ្ពស់ចំនួន ១,០០០ គ្រឿងដល់ប្រជាពលរដ្ឋក្នុងតំបន់។

នៅពេលដែលអ្នកស្ម័គ្រចិត្តទាំងនេះបើកបរតាមផ្លូវធម្មតារបស់ពួកគេ កាមេរ៉ានឹងថតយករូបភាពដងផ្លូវដោយមិនបញ្ចេញអត្តសញ្ញាណអ្នកបើកបរឡើយ។

ប​ន្ទាប់មក AI នឹងប្រើ Machine Learning ហើយពិនិត្យមើលរូបភាពដើម្បីស្វែងរកការខូចខាតនានា។ កម្មវិធីនេះនឹងរាយការណ៍ដោយរហ័សពីបញ្ហាដែលរកឃើញទៅកាន់ប្រព័ន្ធ Cloud។ កត្តានេះនឹងជួយឱ្យក្រុមការងារថែទាំផ្លូវអាចមើលឃើញស្ថានភាពជាក់ស្តែងបានភ្លាមៗ។

លើសពីនេះ កម្មវិធីនេះគឺរក្សាការសម្ងាត់របស់អ្នកបើកបរ ដោយទិន្នន័យទាំងអស់ត្រូវបានធ្វើជាអនាមិក ដើម្បីការពារឯកជនភាពរបស់ប្រជាពលរដ្ឋដែលបានចូលរួម។

ការត្រួតពិនិត្យផ្លូវថ្នល់ធម្មតា ច្រើនតែមានភាពយឺតយ៉ាវ និងចំណាយប្រាក់ច្រើន ដែលជួនកាលត្រូវចំណាយរហូតដល់ ៣០០ ដុល្លារក្នុងមួយម៉ាយ ហើយចំណាយពេលរាប់ខែដើម្បីដំណើរការទិន្នន័យ។

ប៉ុន្តែ បច្ចេកវិទ្យាថ្មីនេះផ្តល់ព័ត៌មាននេះដោយកាត់បន្ថយចំណាយអស់ ៥០% បើធៀបនឹងវិធីសាស្ត្រធម្មតា និងប្រើពេលតិចជាងមុនដល់ទៅ ៩៨% ក្នុងការដំណើរការទិន្នន័យ។

គំនិតផ្តួចផ្តើមនេះធ្វើឡើងបន្ទាប់ពីការទិញយកក្រុមហ៊ុន Talon Aerolytics និង Pointivo នាពេលថ្មីៗនេះដោយក្រុមហ៊ុន Bentley Systems ដែលកាន់តែពង្រឹងជំហររបស់ក្រុមហ៊ុនក្នុងនាមជាអ្នកដឹកនាំក្នុង “ការវិភាគទ្រព្យសម្បត្តិ” (Asset Analytics)។  (អានបន្ថែម)