ឥណ្ឌូនេស៊ីពន្យាររយៈពេលកម្មសិទ្ធិលើអចលនទ្រព្យរបស់ជនបរទេស

• 11 ខែ​កក្កដា 2016
• ព័ត៌មានអចលនទ្រព្យ
• 2 មើល

ប្រធានាធិបតីឥណ្ឌូនេស៊ី លោក វីដូដូ បានចុះហត្ថលេខាលើ បទប្បញ្ញត្តិថ្មីមួយ ដែលអនុញ្ញាតឱ្យពន្យាររយៈពេលកម្មសិទ្ធិរបស់ជនបរទេសលើគេហដ្ឋានទៅរយៈពេល ៨០ ឆ្នាំ ដើម្បីជំរុញការវិនិយោគក្នុងវិស័យអចលនទ្រព្យដែលកំពុងជួបការលំបាក។

ឥឡូវនេះវិនិយោគិនបរទេសអាចមានប័ណ្ណកម្មសិទ្ធិលើអចលនទ្រព្យ និងសិទ្ធិប្រើប្រាស់សម្រាប់ ៣០ឆ្នាំ ហើយអាចពន្យារពេលពីរដំណាក់កាល ដែលមានរយៈពេលរហូតដល់ទៅ ៥០ឆ្នាំ បន្ថែមទៀត។ នេះគឺជាការធ្វើវិសោធនកម្មច្បាប់ឆ្នាំ ១៩៩៦ ដែលច្បាប់នោះអនុញ្ញាតឱ្យជនបរទេសមានកម្មសិទ្ធិលើអចលនទ្រព្យរយៈពេល ២៥ឆ្នាំ និងអាចធ្វើការពន្យារពេលបន្ថែមត្រឹមតែ២៥ឆ្នាំប៉ុណ្ណោះ។

អ្នកទិញដែលជាជនបរទេស ត្រូវតែរស់នៅ ធ្វើការងារ ឬក៏វិនិយោគនៅក្នុងប្រទេសឥណ្ឌូនេស៊ី និងផ្តល់អត្ថប្រយោជន៍ដល់ប្រទេស ឥណ្ឌូនេស៊ី ហើយអាចផ្ទេរកម្មសិទ្ធិទៅឲ្យអ្នកសន្តតិជនបរទេសចំពោះការស្នាក់នៅបាន។ ជាមួយគ្នានេះដែរ វិធានកម្មសិទ្ធិសម្រាប់អាផាតមិន ក៏មានភាពធូរស្រាលដោយមានការតម្រូវនូវតម្លៃវិនិយោគអប្បបរមាចំនួន​ ៧២០ពាន់ដុល្លារ។