អាមេរិកកំពុងជួបបញ្ហាធំ បណ្តាញអគ្គិសនីចាស់ និងមិនធន់! តើគេដោះស្រាយដូចម៉េច?

• Proeksa Meas
• 26 ខែ​កញ្ញា 2026
• ព័ត៌មានសំណង់
• 44 មើល

បណ្តាញអគ្គិសនីនៅអាមេរិកកំពុងប្រឈមនឹងបញ្ហាកាន់តែខ្លាំងឡើងទាក់ទងនឹង គ្រោះធម្មជាតិ ហេដ្ឋារចនាសម្ព័ន្ធដែលចាស់ហើយខ្វះភាពធន់ និងនឹងបញ្ហាដែលបង្កឡើងដោយកំហុសរបស់មនុស្ស។ នេះបើយោងតាមរបាយការណ៍ 2025 State of Reliability Report របស់ North American Electric Reliability Corporation (NERC)។

របាយការណ៍នេះបានបង្ហាញពីថា ដើម្បីដោះស្រាយបញ្ហានេះ ក្រុមហ៊ុនផ្គត់ផ្គង់អគ្គិសនីត្រូវតែកែលម្អការធ្វើផែនការ ការគ្រប់គ្រងទិន្នន័យ និងកិច្ចសហការរវាងក្រុមការងារ។ បច្ចេកវិទ្យាឌីជីថល ដូចជា BIM ម៉ូដែលគម្រោងបែបឌីជីថល និង Digital Twin កឺជាជម្រើសដ៏ល្អមួយសម្រាប់បង្កើតប្រភពទិន្នន័យតែមួយដែលមានភាពត្រឹមត្រូវ ជួយកាត់បន្ថយកំហុស និងជួយឱ្យការសម្រេចចិត្តធ្វើបានលឿនជាងមុននៅពេលមានអាសន្ន។

គួរបញ្ជាក់ថា លំហូរការងារឌីជីថលបានជួយឱ្យវិស្វករស្តារខ្សែបញ្ជូនអគ្គិសនីដែលរងការខូចខាតដោយព្យុះ ហើយអាចស្តារការផ្គត់ផ្គង់អគ្គិសនីឡើងវិញបាន រហូតដល់បីសប្តាហ៍មុនកាលកំណត់។

នៅរដ្ឋ Missouri ជាឧទាហរណ៍ Digital Twin ក៏បានជួយវិស្វករឆ្លើយតបនឹងការខូចខាតដោយទឹកជំនន់លើប៉មបញ្ជូនអគ្គិសនីដែលផ្គត់ផ្គង់ថាមពលដល់មន្ទីរពេទ្យ ដោយសន្សំពេលវេលាជួសជុលបានប្រមាណ ប្រាំមួយសប្តាហ៍។

លើសពីនេះ ក្រុមហ៊ុន Bentley Systems បានលើកឡើងថា ដំណោះស្រាយវិស្វកម្មឌីជីថលរបស់ខ្លួន រួមទាំង Power Line Systems (PLS) អាចជួយក្រុមហ៊ុនផ្គត់ផ្គង់អគ្គិសនីរចនា និងគ្រប់គ្រងបណ្តាញអគ្គិសនីដែលមានភាពជឿជាក់ និងធន់នឹងបញ្ហាបានកាន់តែប្រសើរ។

គ្រោះធម្មជាតិនាពេលបច្ចុប្បន្នគឺធ្ងន់ធ្ងរ និងពិបាកក្នុងការព្យាករ ហើយហេដ្ឋារចនាសម្ព័ន្ធចាស់នៅតែជាបញ្ហាប្រឈម។ដូច្នេះ ការងាយមកប្រើបច្ចេកវិទ្យាឌីជីថលអាចជួយកាត់បន្ថយកំហុសរបស់មនុស្ស បង្កើនកិច្ចសហការ និងរៀបចំហេដ្ឋារចនាសម្ព័ន្ធសម្រាប់បញ្ហាប្រឈមនាពេលអនាគត។

• Bentley Systems
• Power Line System
• Bentley